396
Çox keçmədən Məhəmməd ibn Harun İsmayıla qarşı mübarizəyə başladı.
Bundan xəbər tutan İsmail onun üzərinə hərəkət etdi. İki tərəf arasında Rey
yaxınlığında baş verən döyüşdə məğlub olan Məhəmməd ibn Harun qaçaraq
Dey
ləm torpaqlarına sığındı. Miladi 908-ci ildə (hicri 295) Reyə daxil olan
İsmail qısa müddət sonra vəfat etdi.
591
İsmayıl ibn Əhmədin ölümündən sonra 908-ci ildə yerinə oğlu Əhməd ibn
İsmail keçdi. Miladi 914-cü ildə (hicri 301) Əhməd öz adamları tərəfindən öl-
dü
rülüncə onun da yerinə oğlu Nəsr keçdi. Lakin Nəsr azyaşlı olduğu üçün
ailəsi onun hakimiyyət mövqeyini idarə edə biləcək yaşda olmadığını görərək
ata
sının əmisi İshad ibn Əhmədi Xorasan valiliyinə gətirdilər. Ancaq Abbasi
xəlifəsi əl-Müqtədir (908-932) vaxtilə babasının rəhbərliyi altında olan bu böl-
gəyə Nəsrin vali olmasını təsdiqlədi. Dövlət idarəsinə isə onun adına Məhəm-
məd ibn Abdullah əl-Ceyhani baxırdı.
Bununla razılaşmayan İshaq ibn Əhməd ilə oğlu İlyas ibn İshaq Nəsr ibn
Əhmədə qarşı qiyam qaldıraraq Buxaraya doğru hərəkət etdilər. Lakin Səmər-
qəndə hakimi olan Nəsr ibn Əhmədin orduları tərəfindən məğlub edildilər.
Miladi 943-
cü ildə (hicri 331) Nəsr ibn Əhmədin ölümündən sonra yerinə
oğlu Nuh (943-954) keçdi. Bu vaxt Büveyhi oğullarından Ruknuddövlə ilə Nuh
ibn Nəsrin arası pozuldu. İki tərəf arasında baş verən döyüşdə Nuh ibn Əhməd
məğlub oldu. Amma miladi 945-ci ildə (hicri 333) Nuh ibn Nəsr yenidən itiril-
miş torpaqları geri qaytardı. Çox keçmədən Nuh ibn Nəsrin Əbu Əli ibn Muh-
tac adlı sərkərdəsi ona qarşı qiyam etdi. Bu qiyam öz növbəsində ölkədə qarı-
şıqlığa səbəb oldu. Bundan istifadə edən İbrahim ibn Əhməd ibn İsmail üsyançı
Əbu Əlinin köməyi ilə miladi 947-ci ildə (hicri 335) Nişapur, Mərv və Buxara
şəhərlərini ələ keçirdi. Bu səbəblə Nuh ibn Nəsr böyük bir ordu ilə onların
üzərinə getdi. Bundan xəbər tutan İbrahim ibn Əhməd üsyançı Əbu Əlidən
ayrılaraq qardaşı oğlu Nuh ibn Nəsrlə müqavilə bağladı.
Bu qa
lmaqallar nəticəsində Samanilər dövləti zəiflədi və bundan istifadə edən
Büveyhilər (932-1062) Rey şəhərinə və əl-Cəbəl məmləkətinə sahib oldular.
Bu arada üsyançı Əbu Əli ilə müqavilə bağlayan Nuh ibn Nəsr onunla bir-
likdə Rey və əl-Cəbəl ətrafında itirilmiş torpaqları Büveyhilərdən geri aldı və
Büveyhi hökmdarı Ruknuddövlə Nuh ibn Nəsrə cizyə ödəməyə məcbur oldu.
Miladi tarixilə 954-cü ildə (hicri 343) Nuh ibn Nəsrin ölümündən sonra
yerinə oğlu Əbdülməlik ibn Nuh (954-961) keçdi. 961-ci ildə Əbdülməlikin
ölümündən sonra yerinə qardaşı Əbu Saleh Mənsur ibn Nuh (961-977) keçdi.
Əbu Salehin hakimliyi ilə razılaşmayan Sicistan xalqı ona qarşı qiyam qaldırdı
və bu qiyam yeddi il davam etdi.
Miladi tarixilə 967-ci ildə (hicri 356) Büveyhi hakimi Ruknuddövlə ilə
Əbu Saleh Mənsur ibn Nuh arasında baş verən döyüş 972-ci ilə (hicri 361)
qədər davam etdi. Sonda Büveyhi hakimi Ruknuddövlənin Əbu Saleh Mənsura
591
İbn Kəsir, əl-Bidayətu vən-Nihayə, XI cild, səh-130, 149.
397
yüz min dinar, oğlu Adududdövlənin də əlli min dinar pul ödəmələri şərtilə iki
tərəf arasında sülh bağlandı. Eyni zamanda Əbu Saleh Mənsur ibn Nuh
Adududdövlənin qızı ilə evləndi. Miladi tarixi ilə 977-ci ildə (hicri 366) Əbu
Saleh Mənsur ibn Nuhun ölümündən sonra yerinə II Mənsur adı ilə oğlu Əbul-
Qasim Nuh ibn Mənsur (977-997) Samani hakimi təyin edildi.
Əbul-Qasimin yaşının az olmasından istifadə edən Samani ordusunun
Xora
sandakı baş sərkərdəsi öz müstəqilliyini elan etdi. Eyni vaxtda Curcanı
ələ keçirən Büveyhi hakimi Adududdövlə ilə də Əbul-Qasim arasında qarşı-
durma ya
randı. Samanilərin məğlub olması bu ailədən olan bəzi şəxslərin baş
qal
dırmasına səbəb oldu. Əbul-Qasimin dövrü hərb və üsyanlarla keçdi. Bu
səbəbdən də Büveyhioğulları və Türklər Samanilərin torpaqlarına göz dikmiş
oldular.
592
Miladi tarixi ilə 993-cü ildə (hicri 383) Samani dövlətinin sərkərdələrindən
bəziləri əmirləri Əbul-Qasimə qarşı qiyam edərək türk şahzadəsi Harun ibn Sü-
ley
man Qanunu Mavəraun-nəhr torpaqlarını zəbt etməyə təhrik etdilər. Haru-
nun şahzadəliyi Samani dövlətinin şərqinə düşür və Çin sərhədlərinə qədər uza-
nırdı. Harun ibn Süleyman Mavəraun-nəhr bölgəsi üzərinə gedərək Samaniləri
məğlub edib Buxaraya daxil oldu. Lakin Harun ibn Süleymanın ölümü Əbul-
Qasimin Buxaranı yenidən ələ keçirməsinə səbəb oldu.
Miladi 994-
cü ildə (hicri 384) Əbul-Qasim qiyam qaldıran sərkərdələri
məğlub etmək üçün Qəznə hökmdarı Səbuktəkindən (977-997) kömək istədi.
Baş verən döyüşlərdə məğlub olan üsyançılar Curcana qaçdı.
Miladi tarixi ilə 997-ci ildə Əbul-Qasim II Mənsurun ölümündən sonra ye-
ri
nə oğlu Mənsur ibn Nuh (997-999) keçdi. Bundan istifadə edən türklər əv-
vəlcə Səmərqəndi, ardından da Faiq əl-Xassanın köməyi ilə Buxarını ələ keçir-
di
lər. Bu arada Qəznəli Mahmudla (998-1030) Mənsur ibn Nuhun arası Xora-
sana görə pozuldu. Çünki Qəznəli Mahmud Xorasanı istəmiş, Mənsur ibn Nuh
isə onun bu istəyini rədd etmişdir. Bundan sonra Faiq əl-Xassə ilə Bəktuzun
hökm
dar Mənsur ibn Nuhu həbs edərək gözlərinə mil çəkib, onu kor etdikdən
sonra yerinə kiçik qardaşı Əbdülməlik ibn Nuhu keçirdilər.
Bundan istifadə edən Qəznəli Mahmud Samani torpaqlarına hücum edərək
Bu
xara ilə Nişapuru ələ keçirib Samani idarəsinə son qoydu. Bu hadisədən qısa
müd
dət sonra miladi tarixi ilə 1005-ci ildə (hicri 395) Samanilər dövlətinin var-
lığına son qoyuldu.
593
Samani hökmdarları və hakimiyyət müddətləri:
1. N
əsr ibn Əhməd (874-892)
2.
Əbu İbrahim İsmail (892-907)
3.
Əbu Nəsr Əhməd (907-914)
4.
əl-Məlik Səid Nəsr (914-943)
592
İbn Kəsir, əl-Bidayətu vən-Nihayə, XI cild, səh-484, 547.
593
Mahmud Şakir, Hz. Adəmdən bu günə İslam tarixi, V cild, səh-184.