Tədbirdə çıxış edən “Birlik” jurnalının baş redaktoru İlqar İlkin Türk dünyasının ən böyük
problemlərdən olan Dağlıq Qarabağ problemi ilə bağlı geniş məruzə edərək, Türk dünyası olaraq
əsasən uydurma “erməni soyqırı”mı yalanlarına qarşı birliyin sağlanması, Xocalı soyqırımının
dünyada tanıdılması, ermənilərin Azərbaycanın işğal altında saxladığı torpaqlardan geri
çəkilməyənə qədər Türk Cümhuriyyətlərinin Ermənistanla siyasi-iqtisadi əlaqələrinə yenidən
baxılmasını vacib saymışdır. Daha sonra İ.İlkin konfransın yekun qətnaməsində Dağlıq Qarabağ
probleminin gündəmdə saxlanması üçün Orta Asiya ölkələrində müxtəlif tədbirlərin və
konfransların keçirilməsi təklifi ilə çıxış etmişdir. Təklif Konfransın yekun qətnaməsində 8-ci
bənd olaraq diqqətə alınmış və Türkiyə Cumhuriyəti Ulusal Öğrenci Konseyi tərəfindən 2012-ci
ildə Dağlıq Qarabağ probleminə həsr olunmuş geniş bir proqramın hazırlanması qərara
alınmışdır.
ATXƏM-in “Birlik” jurnalı bütün Türk Dünyasına yayımlanır
2008-ci ildən fəaliyyətə başlayan ATXƏM-in “Birlik”
jurnalı 2011-ci il ərzində də nəşr olunmuşdur. Jurnalda
Türk Dünyasının ortaq problemləri, əməkdaşlıq
məsələləri (Azərbaycan, rus, ingilis, türk dillərində)
geniş şəkildə işıqlandırılmışdır. Bundan başqa
ATXƏM-in fəaliyyətdə olan
www.atxem.az
saytı da il
ərzində fəaliyyət göstərmişdir.
ATXƏM-in 2012-ci ildə həyata keçirdiyi layihələr
100-dən çox QHT Fransaya etiraz bəyanatı ünvanladı
23 yanvar 2012-ci ildə Fransa
Senatında “erməni soyqırımı”nı
inkar edənlərin cinayət
məsuliyyətinə cəlb olunması ilə
bağlı qəbul olunmuş qanun
layihəsi Azərbaycanda geniş
ictimayyət nümayyədələri
tərəfindən etirazla qarşılanıb.
Sözügedən qanun layihəsi
Azərbaycanda fəaliyyət göstərən QHT-lərin də böyük narazılığına səbəb olub.
Bu məqsədlə yanvarın 25-də Azərbaycanlıların və digər Türkdilli Xalqların Əməkdaşlıq Mərkəzi
(ATXƏM) və Milli Qeyri Hökumət Təşkilatları Forumunun birgə təşkilatçılığı ilə “Fransa
Senatında “erməni soyqırımı”nı inkar edənlərin cinayət məsuliyyətinə cəlb olunması ilə bağlı
qəbul olunmuş qanun layihəsinə QHT-lərin etirazı” mövzusunda dəyirmi masa keçirilib.
Dəyirmi masanı giriş sözü ilə açan ATXƏM sədri İlham İsmayılov deyib ki, tədbirin
keçirilməsində əsas məqsəd ölkədə fəaliyyət göstərən qeyri-hökumət təşkilatlarının Fransa
Senatının bu qərarına etirazını ifadə etmək və bu etirazı adı çəkilən ölkələrin müvafiq
instansiyalarına çatdırmaqdır. Çıxışında İlham İsmayılov onu da diqqətə çatdırıb ki, erməni
diasporu 2015-ci ilə qədər əksəriyyət Avropa ölkələrində belə bir qanunun qəbuluna çalışacaqlar.
Ona görə də artıq sözdən əməli işə keçmək lazımdır. Milli QHT Forumunun prezidenti Rauf
Zeyni isə deyib ki, Azərbaycan cəmiyyəti olaraq bu mübarizədə öz strategiyamızı müəyyən
etməliyik: “QHT rəhbərləri, jurnalistlərdən ibarət qruplar yaradılmalı, Fransaya səfərlər təşkil
edilməli və Azərbaycan cəmiyyətinin etirazı bu ölkənin müvafiq qrumlarına çatdırılmalıdır”.
Dəyirmi masada çıxış edən Elmi Araşdırmalar Mərkəzinin sədri Aygün Həsənoğlu, “Yeddi
dövlət, bir millət” Konseyinin başqanı Azər Həsrət, “Zirvə” İB sədri Şahin Qədirli, Beynəlxalq
diaspora Mərkəzinin sədri İsmayıl Ağayev, Jurnalist Qadınlar Birliyinin sədri Sevil Yusifova,
Türkiyə Universitetləri Məzunları İB-nin sədri Çingiz Bayramov, Yeni Yazarlar və Sənətçilər
Qurumunun sədri Aydın Əbilov, Dünya Gənc Türk Yazarlar Birliyinin sədri Əkbər Qoşalı,
Azadlıq Hərakatçıları birliyinin sədri Təhmasib Novruzov, Müstəqil Araşdırmaçı Jurnalistlər
Birliyinin sədri Qafar Çaxmaqlı, Kür-Xəzər Xeyriyyə Cəmiyyətinin sədri Akif Kərimov, Sosial
Rifah və Tərəqqi Cəmiyyətinin sədri Əkrəm Bəydəmirli, Dünya Azərbaycanlılarının
Vətənpərvər Gəncləri İB-nin sədri Nəsimi Qarabağlı, Azərbaycan Vətən Müharibəsi Veteranlar
Birliyinin sədri Füzuli Rzaquliyev, Vətəndaşların Sosial Rifahı İB-nin sədri İradə Rzazadə,
“Dinc Dünya” Araşdırmalar Mərkəzinin sədri Əlisafa Mehdiyev, Dağlıq Qarabağ İcmasının
İdarə Heyətinin üzvü Cavid Əliyev, Müharibə Veteranları Qadınlarına Sosial Yardım İB-nin
sədri Radə Abbas və digər QHT rəhbərləri də Fransaya qarşı atılması vacib olan addımlarla bağlı
öz təkliflərini veriblər. Dəyirmi masanın sonunda Azərbaycanda fəaliyyət göstərən 100-dən çox
QHT adından Fransaya etiraz bəyanatı qəbul edilib.
Strasburqda Xocalı soyqırımı ilə bağlı silsilə tədbirlər
Azərbaycanlıların və digər Türkdilli Xalqların Əməkdaşlıq Mərkəzi Strasburq "Azərbaycan Evi"
ilə birgə Xocalı faciəsinin 20-ci
ildönümü ilə bağlı fevral ayının
23-26-da Strasburq şəhərində
silsilə tədbirlər və "Xocalıya
ədalət" kampaniyası
çərçivəsində mitinq keçirmişdir.
Bu məqsədlə Azərbaycan
nümayəndə heyətinin tərkibində
ATXƏM-in sədri
İlham
İsmayılov, Prezident Administrasiyasının İctimai-siyasi məsələlər şöbəsinin diasporla iş üzrə
sektor mudiri Qafar Əliyev, Milli QHT Forumunun prezidenti Rauf Zeyni, Dağlıq Qarabağ
Azərbaycanlıları İcması idarə heyətinin üzvü, Xocalı faciəsinin şahidi Cavid Əliyev və “Birlik”
jurnalının baş redaktoru İlqar İlkin Strasburqa rəsmi səfər etmişlər. Səfərin əsas məqsədi
ATXƏM və Strasburq «Azərbaycan Evi»nin 25 fevral 2011-ci ildə Strasburq şəhərində
keçirəcəyi mitinqi təşkil etmək və buna hazırlıq görməkdən ibarət olmuşdur. Səfər çərçivəsində
Azərbaycan nümayəndə heyətinin üzvləri Strasburqda Türkiyə Cümhuriyyətinin baş konsolu
Z.Sibel Alganla görüşərək, Fransa senatında qəbul olunmuş “erməni qanunu” və Türkiyə-
Azərbaycan diaspora təşkilatlarının Avropa dövlətlərində birgə fəaliyyət göstərmələri üçün
görüləcək işləri, eyni zamanda Strasburqda Xocalı soyqırımı mitinqinə dəstək verilməsi ilə bağlı
geniş fikir mübadiləsi aparılmışdır. Türkiyə baş konsulu Sibel Algan Xocalı soyqırımının
tanıdılması üçün gərəkən bütün addımların atılmasında Azərbaycanın yanında olacaqlarını bir
daha qeyd etmişdir.
Azərbaycan nümayəndə heyətinin üzvləri Azərbaycanın Avropa Şurası yanında daimi
nümayəndəliyində səfir Arif Məmmədovla da görüşərək, diplomatik nümayəndəliklərlə
Azərbaycan diaspora təşkilatlarının birgə fəaliyyəti ilə bağlı fikir mübadiləsi aparmışlar. Daha
sonra Azərbaycan nümayəndə heyətinin üzvləri Strasburq Türk Ailələri Federasyonunun başkanı
Çelebi Koçak və Fransa-Türk Konfederasiyasının Fransa üzrə rəhbəri Namiq Şahin və yönetim
kurulu üyeleri ilə də görüşmüşlər. Görüşdə əsas müzakirə mövzusu Strasburqda yaşayan
Azərbaycan və Türk diaspora üvlərinin Xocalı mitinqində həmrəyliyinə nail olmaq və
mütəşəkkiliyi təmin etmək olub
Strasburqda möhtəşəm Xocalı yürüş-mitinqi
Fevralın 25-də ATXƏM Strasburq "Azərbaycan Evi" ilə birgə Xocalı faciəsinin 20-ci ildönümü
ilə bağlı Strasburq
şəhərinin Kleber
meydanında mitinq
keçirib. Mitinqdə
Azərbaycan nümayəndə
heyəti ilə yanaşı,
Strasburqda fəaliyyət
göstərən Türk diaspor
təşkilatları (Strasburq
Türk Ailələri
Fedarasyonu, Türk Ocaqları) və ətraf şəhərlərdə çalışan Azərbaycan, türk, fransız və digər
təşkilatların nümayəndələri də iştirak ediblər.
Mitinqdə çıxış edən natiqlər Xocalı soyqırımında əli olanların indiyə qədər cəzasız qaldıqlarına
toxunmuş və faciəni törədənlərin beynəlxalq məhkəmələr tərəfindən məsuliyyətə cəlb edilməsi
istiqamətində konkret addımların atılması vaxtının çatdığını bildirmişlər.Mitinqin sonunda
Xocalı faciəsini əks etdirən foto materiallar, erməni millətçilərinin qanlı hərəkətlərini pisləyən,
“Xocalıya Ədalət” şüarlarından istifadə olunmuş, beynəlxalq təşkilatlara təqdim etmək üçün
bəyanat qəbul edilmişdir. Bəyanatda Xocalı soyqırımının dünyada tanınması və bu soyqırıma
dünya ictimaiyyəti tərəfindən siyasi qiymət verilməsi tələb edilmişdir. Mitinqin sonunda yürüş
keçirilmiş və Xocalı soyqırımı qurbanlarının xatirəsinə Azərbaycan bayraqlarının rəngində 613
ədəd şarlar Strasburq səmalarına buraxılmışdır.
“Türk Ocaqları” və tanınmış media nümayəndələri ATXƏM-də
Martın 19-da Azərbaycanda
səfərdə olan “Türk Ocaqları”
İstanbul təşkilat başkanı dr.Cezmi
Bayram, İstanbul Universitetinin
prorektoru prof.dr. Əhməd Cavad
Acar, Ocağın İdarə Heyəti üzvləri
Şərafəddin Yılmaz,
Əhməd
İyioldu, Bəkir Çelik, KOCAV
(Kültür Ocağı Vəqfi) başqanı dr.
Ali Ürey, Bağcılar Bələdiyyəsinin başqan müavini Yavuz Subaşı, dos.dr.Üfiq Özcan,
dos.dr.Nəsrin Sarıəhmədoğlu, dr.İsmail Türkoğlu, eləcə də tanınmış KİV təmsilçiləri – Seyfullah
Türksoy, Həsən Yavaş, Əkrəm Kaftan, Özcan Ünlü, İbrahim Zahit Altay və Xeyrəddin Turan
ATXƏM-i ziyarət etdilər.
ATXƏM-in sədri İlham ismayılov “Türk Ocaqları”nın yaranmasının 100 illiyi ilə bağlı qonaqları
təbrik edərək, Türkiyədə ən uzun ömürlü qeyri-hökumət təşkilatı olan bu təşkilatın Türk dünyası
ilə bağlı gördüyü işlərdən danışdı. Görüşdə İlham İsmayılov “Türk Ocaqları” İstanbul təşkilat
başkanı dr. Cezmi Bayrama türk dünyasına göstərdiyi xidmətlərindən dolayı plaket də təqdim
etmişdir.Görüşdə “Türk Ocaqları” İstanbul təşkilat başkanı dr. Cezmi Bayram ATXƏM-lə
tanışlıqdan məmnun olduğunu bildirirərək, gələcəkdə birgə layihələrin həyata keçirilməsində
maraqlı olduqlarını qeyd etdi. Daha sonra Azərbaycan ziyalılarının da iştirakı ilə qonaqların
şərəfinə “Art Garden”də ziyafət verildi.
Bakıda möhtəşəm Türkçülük Günü qeyd edildi
Artıq neçə ildir ki, “Türkçülük günü”nü təntənə ilə qeyd
edən Azərbaycanlıların və digər Türk Xalqlarının
Əməkdaşlıq Mərkəzi (ATXƏM) bu gün də öz ənənəsinə
sadiq qalaraq bu bayramı özünəlayiq şəkildə qeyd etdi.
Qeyd edək ki, “Türkçülük günü” bütün Türk dünyasında
hər il may ayının 3-də təntənə ilə qeyd olunur. Bu tarixi
gün Türk şairi və fikir adamı Hüseyn Nihal Adsızın
Turançılıq iddiası ilə məhkəmə çəkilməsindən başlayan (3
may 1944-cü il) böyük anım və özünə dönüş gününü kimi
tarixə çevrilmişdir. Bu il də “Şəhrizad” restoranında ədəbi-
bədii, musiqili tədbirlə qeyd olunan “Türkçülük günü”nə dövlət və hökumət rəsmiləri, ziyalılar,
elm xadimləri, QHT və mətbuat nümayəndələri qatılmışdılar.
Türk dünyasının inteqrasiyası istiqamətində atılan addımlar, Azərbaycanın bu proseslərdəki
rolundan danışan natiqlər bildiriblər ki, son illər ərzində Türk dünyasının birlik və bərabərliyi
yolunda mühüm tədbirlər keçirilib və bu tədbirlər günü-gündən daha da artmaqdadır. Türk
dünyasında “3 may Türkçülük günü”ünün bayram kimi qeyd olunması türk düşüncə tərzinin
kommunizmə dirəniş göstərdiyi bir tarixdir və türk xalqlarının milli kimliyini qəsdə yönəlmiş
kommunizmə qarşı qələbəmizi qeyd etmək həm də türk varlığının qorunması kimi
dəyərləndirmək olar.
İranın Bakıdakı səfirliyi önündə piket keçirildi
17 may 2012-ci ildə İranın
Bakıdakı səfirliyi qarşısında
Azərbaycanlıların və digər
Türkdilli Xalqların Əməkdaşlıq
Mərkəzinin (ATXƏM), Güney
Azərbaycan
İstiqlal
Partiyasının (GAİP), eləcədə
bir çox nüfuzlu ictimai və
diaspora təşkilatlarının birgə piket-mitinqi keçirildi.300-ə yaxın iştirakçının qatıldığı mitinqdə
çıxış edən DAK-ın həmsədri Cavad Direxti, GAİP-in İsveç üzrə təmsilçisi Səməd Fərtaş, DAK-
ın İdarə Heyətinin üzvü Səftər Rəhimli bu gün İranın Azərbaycana qarşı apardığı siyasəti
pislədilər. Natiqlər qeyd etdi ki, bu gün İranda Güney Azərbaycan türklərinə qarşı aparılan
siyasət bütün beynəlxalq demokratik və hüquqi prinsiplərə ziddir. Piketdə “İran Azərbaycandan
əlini çək!”, “İran işğalçı Ermənistanla əlaqələri durdur!”, “Haray, haray mən Türkəm!”, “Urmiya
gölü can verir, susuzam haray, haray!” şüarlarından istifadə olunmuşdur. Sonda piketin
qətnaməsi oxunaraq İran səfirliyinə təqdim olundu. Rəmzi olaraq İran səfirliyi önünə qara çələng
buraxıldı.
ATXƏM-də Evrovizyon gecəsi
May ayının 24-də “Evrovizyon - 2012”
musiqi yarışmasında iştirak edən Latviyanın musiqi qrupu və Latviyanın Azərbaycandakı
fövqəladə və səlahiyyətli səfiri Hardijs Baumanis Azərbaycanların və digər Türkdilli Xalqların
Əməkdaşlıq Mərkəzinin (ATXƏM) dəvətiylə təşkilatı ziyarət etdilər.
ATXƏM-in sədri İlham İsmayılov Latviya musiqi qrupunun finala vəsiqə qazanmasa da, bu
qurupun Azərbaycan xalqının qəlbində ayrıca yeri olduğunu bildirdi: “Sizin musiqi qrupunuzun
Azərbaycan xalq mahnısı olan və erməni işğalına məruz qalmış “Sarı gəlin”ə müraciət etməniz
çox təqdirəlayiq haldır. Bu münasibətiniz sizin gəlmiş olduğunuz ölkəyə, onun tarixinə və
mədəniyyətinə nə qədər önəm verdiyinizi bir daha sübut edir. Azərbaycan xalqına, onun
mədəniyyətinə göstərmiş olduğunuz bu münasibət sizi bizim üçün çox əziz və qiymətli
etməkdədir”.
Daha sonra ATXƏM-də Latviyalı qonaqların şərəfinə ziyafət verilmişdir. Ziyafətdə iştirak edən
Latviyanın Azərbaycandakı fövqəladə və səlahiyyətli səfiri Hardijs Baumanis ölkələrimiz
arasındakı dostluq, qardaşlıq münasibətlərinin daima inkişaf etdiyini bildirərək, Azərbaycanın
regionda artan nüfuzundan bəhs etmişdir. Səfir eyni zamanda Azərbaycanın belə bir mötəbər
musiqi yarışmasını çox yüksək səviyyədə təşkil etdiyini də qeyd etmişdir.
ATXƏM Bakının işğaldan azad edilməsinin ildönümünü qeyd etdi
Sentyabrın 15-də
Azərbaycanlıların və digər
Türkdilli Xalqların Əməkdaşlıq
Mərkəzi (ATXƏM) Nuru
Paşanın rəhbərlik etdiyi Qafqaz
İslam Ordusunun Bakını
erməni-bolşevik
birləşmələrindən azad
etməsinin 94-cü ildönümü ilə əlaqədar Bakıdakı Türk Şəhidliyini ziyarət edərək, Türkiyənin
Bakıdakı səfirliyi ilə birgə abidə önünə əklil qoydu. Daha sonra ATXƏM-in təşkilatçılığı ilə
Səbail İstirahət Mərkəzində ənəvi olaraq anım tədbiri keçirdi. Tədbirdə dövlət rəsmiləri, millət
vəkilləri, tanınmış elm adamları, tarixçilər, Avropada fəaliyyət göstərən diaspora üzvləri, QHT
rəhbərləri, Türkiyə səfirliyi və Şimali Kipr Türk Respublikasının Azərbaycandakı
nümayəndəliyinin rəsmiləri və sənətçilər iştirak edirdi.
Türkiyə Cümhuriyyətinin Azərbaycandakı fövqəladə və səlahiyyətli səfrrliyinin hərbi atteşesi
Yücel Karauz, Şimali Kipr Türk Respublikasının Azərbaycandakı nümayəndəliyinin yeni
rəhbəri Səadəddin Topukçu Azərbaycanda bu cür tədbirlərin keçirilməsindən məmnun
qaldıqlarını qeyd ediblər. Azərbaycanla Türkiyənin daim bir yerdə olduğunu vurğulayan
diplomatlar bu münasibətlərin getdikcə daha da inkişaf etdiyini diqqətə çatdırıblar. Hərbi atteşe
onu da bildirib ki, nə Türkiyədə, nə də Azərbaycanda bu günə qədər Qafqaz İslam Ordusu
tarixdəki öz haqlı yerini ala bilməyib. Tədbirdə çıxış edən digər natiqlər Bakının işğaldan azad
edilməsinin önəmi, Qafqaz İslam Ordusunun 1918-ci ildə keçdiyi şərəfli döyüş yolundan
danışaraq, Nuru Paşanın xatirəsinə Bakıda abidənin ucaldılmasının vacibliyini qeyd ediblər.
Mərasim konsert proqramı ilə davam edib.
Tarsusda Azərbaycan şairi Əhməd Cavad adına park açıldı
17-21sentyabr 2012-ci ildə Türkiyə Cumhuruyyətinin
Tarsus şəhərində Tarsus bələdiyyəsinin təşkilatçılığı ilə
11-ci Karacaoğlan Şəlalə Şer Axşamları festivalı
keçirildi. Türk dünyasının bütün bölgələrindən
iştirakçıların qatıldığı bu tədbir Azərbaycan üçün çox
əlamətdar olan bir hadisə ilə yadda qaldı. Tədbir
çərçivəsində Tarsus bələdiyyəsi tərəfindən Azərbaycanın
böyük şairi Əhməd Cavadın adına veriləcək parkın açılışı
da gerçəkləşdirildi.
Qeyd edək ki, bu mötəbər tədbirdə Azərbaycanlıların və digər Türkdilli Xalqların Əməkdaşlıq
Mərkəzinin (ATXƏM) dəstəyilə Azərbaycandan ATXƏM sədri İlham İsmayılov, Prezident
Adminstrasiyasının ictimai-siyasi şöbəsinin sektor müdiri Qafar Əliyev, Əhməd Cavadın nəvəsi
Anar Axundzadə, sənətçi Şəmistan Əlizamanlı, “Birlik” dərgisinin baş redaktoru İlqar İlkin və
Az.TV-nin Turan verilişinin çəkiliş qrupu da iştirak edirdi.
Qeyd edək ki, Tarsus Bələdiyyəsi 2012-ci ili TÜRKSOY-un Əhməd Cavad ili elan etməsi
şərəfinə bu parkın qurulmasını və təntənəli açılışını həyata keçirmişdir. Azərbaycan-Türkiyə
arasında dostluq-qardaşlıq münasibətlərinin artıq ölkə rəhbərləri səviyyəsində Yüksək Səviyyəli
Strateji Əməkdaşlıq müstəvisində müzakirə olunduğu bir vaxtda Türkiyədə yeni bir Azərbaycan
ünvanının açılması iki qardaş ölkə arasında dostluq münasibətində yeni bir simvola çevrilmişdir.
Tədbirdə Azərbaycanın TÜRKSOY-dakı təmsilçisi Elçin Qafarlı da iştirak edərək, belə tədbirləri
ümumtürk mədəniyyətinə, Türk birliyinin inkişafına töhfə adlandırmışdır. Tədbirin yekununda
Tarsus bələdiyyə başkanı Bürhanedin Kocamaz bu tədbirə dəstək olduğu üçün ATXƏM sədrinə
ayrıca təşəkkür edərək, ödül təqdim etdi. Öz növbəsində ATXƏM aədri İlham İsmayılov
Azərbaycan nümayəndə heyətinin adından Tarsus Bələdiyyə başkanına xatirə hədiyyələri təqdim
etdi.
Türk Dünyası jurnalistləri ATXƏM-i ziyarət etdi
Dünya Gənc Türk Yazarlar Birliyinin təşkilatçılığı ilə “Gəldik, gördük, yazdıq” adlı layihə
çərçivəsində noyabrın 5-11-də 4 Türk dövlətdən və 8 türk muxtar respublikaları və
toplumlarından gəlmiş 18 jurnalist, yazar və yeni nəsil siyasi icmalçıları (Nurqali Jusufbay
(Qazaxıstan), Askar Umarov (Qazaxıstan),Altınbek İsmayılov (Qırğızıstan), Hikmət Ərən
(Türkiyə), Ayşə Paslanmaz (Türkiyə), Ayşə Yeşim Özcan (Türkiyə), Enes ibrahim
(Makedoniya), Murat Toylu (Türkmənistan),dr. Bahrom Hujanov (Özbəkistan), Baxtiyor
Abdukərimov (Özbəkistan), dr. Şəmsəddin Kuzəçi (Kərkük, İraq),dr. Tudora Arnaut (Qaqauz
yeri, Moldova), Rafiq Ahmedişin, (Başqurdistan),Gülnaz Hasanova (Başqurdistan), Rafet Murat
Ulutürk (Bolqarıstan), Dinçar Cafer (Rumıniya),Seyran Süleyman (Kırım, Ukrayna)
Azərbaycanda səfərdə oludular.
Qeyd edək ki, adıkeçən dövlət və topluluqlardan olan gənc yazar, jurnalist və yeni nəsil siyasi
icmalçısıları, ideyası və icra proqramı Azərbaycan Respublikası Gənclər və İdman Nazirliyi
yanında Gənclər Fondu tərəfindən dəstəklənən və şərti olaraq 3 mərhələdən (hazırlıq, qonaqların
Azərbaycana gəliş-dönüşü və məqalələr toplusunun nəşri) ibarət olan layihənin bu mərhələsində,
Azərbaycanda Atatürk Mərkəzi, TİKA, TÜSİAB, ATXƏM EkoAVRASİYA, “Avrasiya
Beynəlxalq Araşdırmalar İnstitutu” İB, Azərbaycan Respublikası Gəncliyə Yardım Fondu, ,
Beynəlxalq Avrasya Mətbuat Fondu ilə tərəfdaşlıq şəraitində Bakıya gəliblər.
Səfərin əsas məqsədi Azərbaycanın Dağlıq Qarabağ problemi ilə bağlı jurnalistlərin yerində və
daha dolğun məlumat almalarını təmin etmək, eyni zamanda Qarabağ problemini bütün Türk
dünyasının ortaq problemi olaraq dünya gündəminə daşımaqdan ibarət olmuşdur. Dünya Gənc
Türk Yazarlar Birliyinin (DGTYB) həyata keçirdiyi “Gəldik, gördük, yazdıq” adlı layihə
çərçivəsində, Azərbaycanda Atatürk Mərkəzində “Qarabağ: Türk Dünyasının ortaq problemi”
mövzulu uluslararası konfrans da düzənlənib. Eyni zamanda Türk dünyası jurnalistləri
Azərbaycan həqiqətləri ilə yaxından tanış olmaq üçün respublikamızın bölgələrinə (Tovuz,
Ağdam (Quzanlı), Tərtər, Quba) də səfər edərək, yerli ictimaiyyət nümayəndələri ilə də görüşlər
keçirmişlər.
Səfər çərçivəsində jurnalistlər noyabrın 7-də Azərbaycanlıların və digər Türkdilli Xalqların
Əməkdaşlıq Mərkəzini (ATXƏM) ziyarət edərək, təşkilatın fəaliyyəti ilə yaxından tanış
olmuşlar. ATXƏM-in mərkəzi ofisində qonaqları salamlayan ATXƏM sədri İlham İsmayılov
jurnalistlərə təşkilat haqqında və türk dünyasında həyata keçirilən layihələrlə bağlı geniş
məlumat verdi. Daha sonra qonaqların şərəfinə ATXƏM-də ziyafət və ədəbi-musiqili proqram
gerçəkləşdirildi. Tədbirdə Prezident Adminstrasiyasının ictimai-siyasi məsələlər şöbəsinin sektor
müdiri Qafar Əliyev və Dünya Azərbaycanlıları Kongresinin sədri Cavad Direxti də iştirak
etmişdir. Tədbirdə çıxış edən Qafar Əliyev qonaqları salamlayaraq, Azərbaycan respublikasının
türk birliyi üçün gördüyü işlərdən danışmışdır.
Tədbir ATXƏM-in “Turan” musiqi qrupunun rəngarəng proqramı ilə davam etdirilmişdir.
BİRLİK” dərgisi 2012-ci ildə
Diqqətinizə görə təşəkkür edirik!
Dostları ilə paylaş: |