sözümüzü eşidəcəklər və bizimlə hesablaşacaqlar. Bir sözlə, bizim birliyimiz ölkələrimizin
xoşbəxt, firavan gələcəyi üçün başlıca şərtdir və gücümüz bundadır.
Azərbaycanlıların və digər Türkdilli Xalqların Əməkdaşlıq
Mərkəzinin (ATXƏM) 2008-cu ildə həyata keçirdiyi layihələr
ATXƏM-in təqdimetmə mərasimi
30 dekabr 2007-ci ildə Azərbaycanlıların və digər Türkdilli
Xalqların Əməkdaşlıq Mərkəzi İctimai Birliyinin Neftçilər
prospekti 39 ünvanında yerləşən mərkəzi ofisinin açılışı olmuş,
bu münasibətlə Bakı Əyləncə Mərkəzində ziyafət təşkil
edilmişdir. Tədbirdə yerli və xarici ölkələrdən gəlmiş 200-dən
çox qonaq iştirak etmişdir.
ATXƏM-in rəhbərliyi Heydər Əliyevin məzarını ziyarət etmişlər
ATXƏM-in rəhbərliyi və üzvləri 31 dekabr 2007-ci ildə Dünya
Azərbaycanlılarının Həmrəylik Günü münasibəti ilə Fəxri
Xiyabana gələrək ümummilli lider Heydər Əliyevin xatirəsini yad
etmiş, Ulu Öndərin məzarı önünə əklillər qoymuşlar. Tədbir
iştirakçıları Şəhidlər Xiyabanını və Bakının azad olunması
uğrunda şəhid olmuş Türk əsgərlərinin xatirə abidəsini də ziyarət
etmişlər.
ATXƏM - Çingiz Aytmatovun Türk Dünyasına son əmanəti
Azərbaycan Respublikası Prezident Aparatının İctimai-siyasi
şöbəsinin diasporalarla iş üzrə sektorunun, Azərbaycan
Respublikasının Qırğızıstandakı səfiri Arif Ağayevin, Bişkekdə
fəaliyyət göstərən Türkdilli Dövlətlərin Siyasətinə dəstək Fondunun
təşəbbüsü və Bakıda fəaliyyət göstərən Azərbaycanlıların və digər
Türkdilli Xalqların Əməkdaşlıq Mərkəzi İctimai Birliyinin
təşkilatçılığı ilə Türk dünyasının fəxri, dünya şöhrətli yazıçı Çingiz
Aytmatov fevral ayının 24-də Azərbaycana gəlmişdir.
Səfər proqramı çərçivəsində görkəmli yazıçı fevral ayının 25-də onu
müşayiət edən şəxslər ə birlikdə Azərbaycan dövlətinin qurucusu,
ümummilli lider Heydər Əliyevin məzarını ziyarət etmiş, abidə
önünə ATXƏM adından əklil qoyulmuşdur. Elə həmin gün Çingiz
Aytmatov ATXƏM-in yeni ofisinin açılış mərasimində iştirak
edərək, acılış lentini kəsmişdir. Tədbir zamanı Çingiz Aytmatova
ATXƏM-in 11 saylı fəxri üzvlük bileti təqdim edilmişdir. Görüşün
sonunda Çingiz Aytmatov ATXƏM-in “Fəxri Qonaqlar Kitabı”na ürək sözlərini də yazmışdır.
Səfər çərçivəsində ATXƏM Bakı Əyləncə Mərkəzində Çingiz Aytmatovla respublika
ziyalılarının geniş kontinqentinin görüşünü də təşkil etmişdir.
l
ATXƏM-də Novruz Bayramı qeyd olundu
ATXƏM 2008-ci il martın 20-də Novruz Bayramı
münasibətilə Türk Dövlətlərinin Bakıdakı səfirliklərinin
iştirakı ilə tədbir düzənlədi.
Mərasimdə Qazaxıstanın Bakıdakı Fövqəladə
və
Səlahiyyətli Səfiri Serik Primbetov xanımı ilə birlikdə,
Türkiyə Cümhuriyyətinin Azərbaycandakı Böyükelçiliyinin
Maliyyə Müşaviri Bünyamin Özgür, TİKA-nın Azərbaycan
üzrə Proqram Koordinatoru Serhat Küçükkurt və onun
müavini Nihal xanım Ərsoy, TUSİAB-ın İdarə Heyətinin
üzvləri, Atatürk liseyinin Direktoru Şinasi Güner, Ukrayinalı
və Azərbaycanlı Ziyalılar Assambleyasının sədri Fərhad
Turanlı, İraq Türkmən Tələbələr Birliyinin üzvləri və digər
qonaqlar iştirak edirdi.
Tədbirdə çıxış edən səfir Serik Primbetov mərasim
iştirakçılarını təbrik edərək, Türk Birliyinin, mədəniyyətinin
təbliği və inkişafında ATXƏM-in mühüm fəaliyyət
göstərməsini arzuladı. Digər iştirakçılar da mövzu ilə əlaqədar öz arzu və istəklərini bildirdilər.
Tədbirdə, o cümlədən incəsənət ustaları da iştirak edirdi.
ATXƏM-in Türkiyə və Ukraynada rəsmi nümayəndəliyi yaradıldı
Fəaliyyətə başladığı qısa ərzində ATXƏM özünü nəinki
təkcə Azərbaycanda, ümumən bütün Türkdilli dövlətlərdə
və Avropa ölkələrində ciddi qurum kimi tanıtmağa
müvəffəq olmuşdur. Ən əsası odur ki, bu ciddi təşkilat
imici sadəcə bir reklam mahiyyəti daşımayaraq, real
faktlara və konkret işlərə söykənən bir gercəklik kimi
qəbul olunmuşdur. Məhz bu ciddiyyətin məntiqi sonluğu
olaraq ATXƏM-in digər Türk dövlətlərindən,
toplumlarından və digər ölkərdən olan
nümayəndəliklərinin və üzvlərinin sayı durmadan
artmışdır.Və məhz bu gerçəklik ATXƏM-in təşkilati
strukturunun da genişləndirilməsi zərurətinə vəsilə
olmuşdur. Ümumi vəziyyəti tam ciddiyyəti ilə təhlil edən
ATXƏM İdarə Heyəti özünün 30 mart 2008-ci il tarixli
iclasında təşkilatın Türkiyə Cümhuriyyətində və
Ukraynada daimi fəaliyyət göstərəcək rəsmi
nümayəndəliklərinin yaradılması haqqında qərar qəbul
etmişdir.ATXƏM-in Ukrayna və Avropa ölkələri üzrə
nümayəndəliyinin rəhbəri vəzifəsi nə “Kiyev-Mohila
Akademiyası” Milli Universitetinin professoru Fərhad Turanlı, Türkiyə Cümhuriyyətindəki
nümayəndəliyinin rəhbəri vəzifəsinə isə Ankaradakı Qazi Universitetinin professoru Əflatun
Nemətzadə təyin edilmişdir.
ATXƏM 1918-ci il soyqırım qurbanlarının xatirəsini yad etmişdir
ATXƏM “31 Mart – Azərbaycanlıların Soyqırım Günü” münasibətilə silsilə tədbirlər planı
hazırlamışdır. 2008-ci il mart ayının 27-də Azərbaycanı 1918-ci
ildə bolşevik-daşnak qırğınlarından xilas etmiş Qafqaz İslam
Ordusunun Neftçala rayonunun Seyidlər kənd məzarlığında dəfn
olunmuş 10 şəhidinin qəbiri üzərində ucaldılmış Xatirə
Abidəsinin ziyarəti ilə başlayan bu tədbirlər silsiləsi sonrakı
günlərdə ATXƏM-in mərkəzi ofisinin konfrans zalında 1918-ci il
qırğınlarına həsr olumuş elmi-praktik konfranslarla davam
etmişdir.
Tədbirlər silsiləsinin zirvə akkordu isə martın 31-də Bakıdakı
Şəhidlər Xiyabanında Azərbaycanın xilası naminə canlarından
keçmiş Türk əsgərlərinin xatirəsinə ucaldılmış abidə kompleksi
önündəki anim mərasimi olmuşdur.
Anım mərasimində çıxış edən natiqlər milli məsələlərdə daha
aktiv olmağın, bu istiqamətdə görülən işlərlə kifayətlənməməyin
və haqq səsimizin dünya dövlətlərinin diqqətinə bir daha
çatdırmağın vacibliyini qeyd etmişlər.
ATXƏM “Heydər Əliyev – 85” xatirə turniri təşkil etdi
Azərbaycanlıların və digər Türkdilli Xalqların Əməkdaşlıq
Mərkəzinin təşkil etdiyi “Heydər Əliyev-85” xatirə turnirinə
2008-ci il may ayının 10-da Salyan rayonunun Qaraçala
qəsəbəsində start verilmişdi. Sabirabad, Neftçala, Hacıqabul,
Salyan rayonlarının, Şirvan şəhərinin və Qaraçala qəsəbəsinin
16 yaşlılardan ibarət yığma komandalarının iştirak etdiyi turnirə
may ayının 28-də Respublika Günündə yekun vuruldu.
Turnirin rəsmi bağlanışında çıxış edən ATXƏM sədri İlham
İsmayılov və futbol ictimayyətinin nümayəndələri bu kimi futbol yarışlarının cənab prezidentin
futbolun inkişafına yönəlik siyasətinə dəstək olduğunu vurğulayaraq, xüsusi qeyd etdilər ki,
Azərbaycan gəncliyi ümummilli liderin ideyalarına daimi sədaqət nümayiş etdirdib və ölkə
rəhbərliyinin gəncliyə diqqətinin təzahürü olan bu qəbil tədbirlər
gələcəkdə də davam
etdiriləcəkdir. Sonra qalibləri mükafatlandırma mərasimi keçirildi.
ATXƏM ümummilli lider Heydər Əliyevin 85 illiyini geniş qeyd etdi
Ümummilli lider Heydər Əliyevin 85 illiyinə həsr olunmuş silsilə
tədbirlərə may ayının 1-də təşkilatın mərkəzi qərargahında təşkil
olunmuş elmi-praktik konfransla başlayan ATXƏM may ayının 10-
da Salyan rayonunda genişmiqyaslı tədbirlər həyata keçirdi.
Heydər Əliyevin Salyan şəhərindəki abidəsinin ziyarəti ilə başlayan
tədbirə Salyan rayonunun geniş ictimayyət nümayəndələri də
qatılmışdılar. Salyan rayon İcra Hakimiyyətinin başçısı və ATXƏM
sədrinin iştirakı ilə ümummilli liderin abidəsi önünə həm Salyan
rayon İH, həm də ATXƏM adından əklillər qoyulduqdan sonra
tədbir rayonun Qaraçala qəsəbə stadionunda davam etdirilmişdir.
Sonra Ümummilli lider Heydər Əliyevin 85 illiyi ilə əlaqədar olaraq
Salyan rayon İH ilə ATXƏM-in birgə təşkil etdiyi bayram şənlikləri
Dostları ilə paylaş: |