«Azərbaycan vəkili».-2014.-№ 3.-S.18-22.
İBTİDAİ İSTİNTAQ MƏRHƏLƏSİNDƏ VƏKİLİN
FƏALİYYƏTİNİN ÜMUMİ ƏSASLARI
Şəhriyar Əliyev
Vəkillər Kollegiyasının üzvü
Azərbaycan Respublikası Konstitusiyasına əsasən hər kəsin qanunla qadağan olunmayan üsul və vasitələrlə
öz hüquqlarıni və azadlıqlarını müdafiə etmək (1) və yüksək keyfiyyətli hüquqi yardım almaq hüququ vardır (2).
Təqsirləndirilən və ya şübhəli şəxs üçün bu hüquqlar müdafiəçi köməyindən istifadə etmək yolu ilə dövlət təminatı
vasitəsilə realizə edilir.
İbtidai istintaq mərhələsində müdafiəçi (və ya nümayəndə) qismində vəkil çıxış edir ki, bu da şübhəli və ya
təqsirləndirilən şəxsin hüquqlarının vacib təminatıdır (3). Bəzi dövlətlərin (məsələn, Rusiya) qanunvericiliyində
məhkəmənin qərarı ilə vəkildən başqa, müdafiəçi qismində şübhəli və ya təqsirləndirilən şəxsin yaxın
qohumlarından biri iştirak edə bilər (4). Vəkil müdafiəçi kimi şübhəli və ya təqsirləndirilən şəxsin hüquq və
maraqlarını müdafiə edir və hüquqi yardım göstərir. Vəkil, əgər onların maraqları toqquşarsa, iki şübhəli və ya
təqsirləndirilən şəxsin müdafiəçisi ola bilməz. Azərbaycan Respublikası Cinayət-Prosessual Məcəlləsinə müvafiq
olaraq, müdafiəçi, yalnız Azərbaycan Respublikası ərazisində vəkillik fəaliyyətini həyata keçirmək hüququna malik
olan vəkildir. Müdafiəçinin şəxsiyyəti şübhəli və ya təqsirləndirilən şəxsin şəxsiyyəti və onun iştirakı ilə baxılan
cinayət işinin xarakteri ilə eyniləşdirilə bilməz (5). Müdafiəçinin peşə vəzifəsinin yüksək keyfiyyətlə həyata
keçirilməsinə yönəlmiş bu mühüm müddəa müdafiəçinin şəxsiyyətinin onun hüquqi yardım göstərdiyi şəxslə, yaxud
onun tərəfindən törədilmiş əməllə heç bir əlaqəsi olmadığını göstərir. Başqa sözlə, müdafiəçi istənilən şəxsə və
istənilən iş üzrə hüquqi yardım göstərərkən öz peşə vəzifəsini yerinə yetirir, bu zaman həmin şəxsin şəxsiyyəti,
onun törətdiyi əməlin xarakteri, ona ictimaiyyətin və ayrı-ayrı şəxslərin münasibəti müdafiəçinin şəxsijryətini
mənəvi, əxlaqi və ya hüquqi cəhətdən kölgə altına ala bilməz. Onu heç kəs nə üçün belə şəxsə hüquqi yardım
göstərdiyinə, yaxud belə əməli törətmiş şəxsin müdafiəçisi funksiyasını yerinə yetirdiyinə görə qınaya bilməz (6).
Vəkilin ibtidai istintaq mərhələsində fəaliyyəti əsas etibarilə təqsirləndirilən və ya şübhəli şəxsin müdafiəsi üzrə
funksiyaların yerinə yetirilməsi ilə bağlıdır. Vəkilin peşə təcrübəsi və hüquqi bilikləri müdafiə etdiyi şəxsə daha
ixtisaslaşmış hüquqi yardım göstərməyə imkan verir (7).
Vəkilin cinayət işlərinin ibtidai mərhələsində iştirakının məqsədi müdafiənin həyata keçirilməsi,
cinayət-prosessual nümayəndəlik, həmçinin ixtisaslaşmış hüquqi yardımın göstərilməsidir. Bunun üçün vəkil
qanunla nəzərdə tutulan bütün mümkün vasitələrdən və qanunla qadağan olunmayan digər üsul və vasitələrdən
istifadə etməlidir (8).
Cinayət işləri üzrə ibtidai araşdırma mərhələsində vəkilin prosessual fəaliyyəti şübhəli və ya təqsirləndirilən
şəxsə hüquqi yardımın göstərilməsi, onların hüquq və qanuni maraqlarının qorunması və məsuliyyətini aradan
qaldıran və ya yüngülləşdirən vəziyyətin sübut edilməsində iştiraka yönəlmişdir. Bu məsələlərlə əlaqədar olaraq,
vəkil həqiqətin üzə çıxarılmasında biganəlik də edə bilər. Məsələn, vəkil təqsirləndirilən şəxsi ifşa edən vəziyyətin
üzə çıxarılması, ittihamla razılaşma kimi hallara yol verməməlidir. Bununla belə, təqsirləndirilən şəxsin hüquqlarını
müdafiə etməklə, vəkil ədalətli və əsaslandırılmış qərarın çıxarılmasına kömək edir. Lakin hüquq-mühafizə
orqanlarının və məhkəmələrin fikrincə, təqsirləndirilən və ya şübhəli şəxsin müdafiəsi üzrə vəkilin öz vəzifələrini
həyata keçirməsi onlarla bağlı xüsusi müddəa və ya qərarların çıxarılması üçün əsas deyil.
Hüquq ədəbiyyyatlarında vəkilin prosessual vəziyyəti ilə bağlı fikir müxtəlifliyi mövcuddur. Öz fəaliyyət
spesifikasına görə vəkil, səlahiyyətli şəxslər tərəfindən hüquq normalarıının tətbiqinə xüsusi nəzarəti həyata keçirir
və ədalət mühakiməsinə məhkəmə nöqsanlarından qarantiya kimi zəruridir. Məhz bu keyfiyyət vəkilin ümumsosial
və ictimai (publik) əhəmiyyətini üzə çıxarır (9). Bir qrup alimlər hesab edir ki, vəkil məhkəmənin köməkçisi və
təqsirləndirilən şəxsin hüquq müdafiəçisidir. Məsələn, bu fikrin tərəfdarı olan M. A. Çeltsova görə, müdafiəçinin
fəaliyyəti böyük ictimai və dövlət əhəmiyyəti daşıyır və onun ən əsas vəzifəsi iş üzrə həqiqətin müəyyən
edilməsində ibtidai araşdırma orqanlarına və məhkəməyə kömək göstərməkdir (10). Digər nöqteyi-nəzərin
tərəfdarları isə hesab edirlər ki, müdafiəçi prosesin tam müstəqil iştirakçısıdır. Qanunla müdafiəçiyə müəyyən
prosessual hüquq və vəzifələr verilmiş və o da prosesin digər iştirakçıları ilə bərabər prosessual hüquqludur (11).
Müdafiəçinin hüquq və vəzifələri təqsirləndirilən şəxslə müqayisədə daha genişdir. Müdafiəçi müdafiə xəttini və
metodlarını müəyyən etməkdə, onun həyata keçirilməsi üçün taktiki və prosessual vasitələr seçməkdə müstəqildir,
təqsirləndirilən şəxsdən asılı deyil və işin konkret hallarından çıxış edir (12). Bəzi alimlər müdafiəçini
təqsirləndirilən şəxsin nümayəndəsi hesab edirlər. Bu mövqeyin tərəfdarlarının fikrincə, müdafiəçi mühakimə
icraatında təqsirləndirilən şəxsin maraqlarından çıxış edir, onun tapşırığı üzrə iştirak edir və iş üzrə icraatın
istənilən mərhələsində təqsirləndirilən şəxsin iradəsi üzrə işdən uzaqlaşdırıla bilər (13).
Cinayət işi üzrə şübhəli və ya təqsirləndirilən şəxs ya öz istəyi ilə vəkillə saziş bağlaya və onun
xidmətindən istifadə edə bilər, ya da onun tapşırığı və ya razılığı ilə qohumları, nümayəndəsi, qanuni nümayəndəsi
və digər şəxslər də bunu edə bilərlər (14). Qeyd etmək lazımdır ki, vəkilə malik olmaq təqsirləndirilən və ya şübhəli
şəxsin vəzifəsi yox, hüququdur. Ona görə də vəkilin köməyindən imtina edərək müstəqil şəkildə özünümüdafiə də
mümkündür. Bu hal yalnız könüllü şəkildə və müdafiə olunanın şəxsən özü tərəfindən həyata keçirilməlidir. Pul və
ya ödəniş məsələsi vəkilin köməyindən imtina üçün əsas hesab edilmir. Belə olduqda vəkilin xidməti dövlət vəsaiti
hesabına ödənilir (15).
Vəkil, onun dəvət olunmasından 5 sutka ərzində gəlməlidir, əgər bu mümkün olmadıqda müstəntiq,
təhqiqatçı, prokuror və ya məhkəmə təqsirləndirilən və ya şübhəli şəxsə başqa bir vəkili dəvət etməyi təklif etmək
hüququna malikdir, təqsirləndirilən və ya şübhəli şəxs imtina etdikdə isə vəkilin təyin edilməsi haqqında tədbirlər
görə bilər. Əgər cinayət işində iştirak edən vəkil konkret prosessual hərəkətin icrasında 5 sutka ərzində iştirak edə
bilmirsə və təqsirləndirilən və ya şübhəli şəxs isə digər vəkili dəvət etmirsə və ya təyin edilməsini tələb etmirsə,
cinayət prosesini həyata keçirən orqan isə bu hərəkətlərin aparılmasını artıq təxirə sala bilmədikdə təhqiqatçı,
müstəntiq və ya prokuror müdafiəçinin digər vəkillə əvəz edilməsini müvafiq ərazi üzrə vəkillər qurumunun
rəhbərindən tələb etməyə haqlıdır (16). Azərbaycan Respubükası qanunvericiliyində belə hallarda vəkilin iştirakı
olmadan prosessual hərəkətlərin edilməsi barədə konkret göstəriş olmadığndan istintaq hərəkəti aparıla bilməz.
Lakin bir sıra dövlətlərin, o cümlədən Rusiya qanunvericiliyində, bir sıra hallar istisna olmaqla, bu cür prosessual
vəziyyətlərdə müstəntiq və ya təhqiqatçı müvafiq prosessual hərəkəti vəkilin iştirakı olmadan da apara bilər (17).
Cinayət-prosessual qanunvericilikdə vəkilin məcburi iştirakını müəyyən edən bir çox məsələlər mövcuddur.
Bu müddəa fiziki, psixi, yaş və digər çatışmazlıqlarına görə özünü müdafiə edə bilməyən şəxslər kateqoriyası üçün
əlavə qarantiyadır.
Cinayət prosesində müdafiəçinin məcburi iştirakını cinayət prosesini həyata keçirən orqan təmin edir.
Qanunvericilikdən görünür ki, prosessual tərəflərə münasibətdə iki halda məcburi olaraq müdafiəçinin iştirakı
təmin edilməlidir: şəxsin özünün təşəbbüsü və istintaq orqanın təşəbbüsü ilə. Birinci halda, şübhəli və ya
təqsirləndirilən şəxsin tələbi ilə müdafiəçiniıi işdə iştirakı həmin andan təmin edilməlidir (18).
İkinci halda, yəni istintaq orqanının təşəbbüsü ilə müdafiəçinin iştirakı aşağıda qeyd edilən hallar zamanı:
şübhəli və ya təqsirləndirilən şəxs lal, kor, kar olduğuna, danışmaq, eşitmək, görmək funksiyalarında digər ciddi
qüsurlar olduğuna, uzun sürən ağır xəstəliyinə, habelə kəmağıllığa, aşkar əqli zəifliyə və ya digər qüsurlara görə
müdafiə hüququnu müstəqil həyata keçirə bilməyən və ya cinayət mühakimə icraatının aparıldığı dili bilməyən və
ya cinayəti törədərkən yetkinlik yaşına çatmayan və ya xüsusilə ağır cinayət törətməsi istinad edilən şübhəli və ya
təqsirləndirilən şəxs ilk dəfə dindirilərkən, ona tutulması haqqında cinayət prosesini həyata keçirən orqanın qərarı,
tutma haqqında protokol və ya qətimkan tədbiri seçilməsi haqqında qərar, yaxud ittiham elan edilərkən; şübhəli və
ya təqsirləndirilən şəxsdə xəstəlik və ya anlaqsızlıq aşkar edilərkən, yəni cinayət təqibi üzrə icraat aparılan anda
ruhi xəstəliyin kəskinləşməsi və ya müvəqqəti ruhi pozuntu aşkar edildikdə və ya cinayət təqibi cinayət qanunu ilə
nəzərdə tutulmuş əməli anlaqsız vəziyyətdə törədən şəxs barəsində həyata keçirildikdə; müddətli hərbi xidmət
qulluqçusu barəsində və ya cinayət təqibi cinayət məsuliyyətinə cəlb etmə müddətləri keçdikdən sonra həyata
keçirilən şəxs barəsində təqsirləndirilən şəxs qismində cəlb etmə haqqında qərar çıxarılarkən; prokurorun şübhəli
və ya təqsirləndirilən şəxsin məcburi qaydada xüsusi tibb (stasionar müalicə-psixiatriya) müəssisəsinə
yerləşdirilməsi barədə təqdimatına məhkəmədə baxılarkən; vəkildən imtina etmə (bu barədə yazılı ərizə verilməli və
ya imtina protokollaşdırılmalıdır) halları istisna olmaqla şübhəli və ya təqsirləndirilən şəxs tutularkən və ya həbs
qətimkan tədbirinin seçilməsi barədə prokurorun təqdimatına məhkəmədə baxılarkən; təqsirləndirilən şəxslərin
qanuni mənafeləri arasında ziddiyyətin mövcudluğu və onlardan birinin müdafiəçisi olduğu halda təqsirləndirilən
şəxsə qarşı ittihama məhkəmədə baxılarkən; şübhəli və ya təqsirləndirilən şəxsin mülki mühakimə icraatı
qaydasında fəaliyyət qabiliyyəti olmadığı təsdiq edilərkən və ya cinayət mühakimə icraatı qaydasında fəaliyyət
qabiliyyəti olmadığı müəyyən edilərkən (19) həmin andan təmin olunur. Müdafiəçinin məcburi iştirakı cinayət
törətdikdən sonra psixi xəstəliyə tutulmuş şəxslər barəsində tibbi xarakterli məcburi tədbirlərin tətbiq edilməsi üzrə
icraatda (20) da təmin edilir və vəkil psixi pozuntu faktının müəyyən edildiyi andan icraata buraxılır (21).
Vəkilin cinayət prosesində iştirakının məcburi olduğu daha bir hal Azərbaycan Respublikası
Cinayət-Prosessual Məcəlləsinin 311.2-ci maddəsində nəzərdə tutulmuşdur. Həmin normaya əsasən qiyabi icraata
yol verildiyi hallarda da məhkəmə baxışında müdafiəçinin iştirakı mütləq təmin edilməlidir.
Şəxsin qeyd edilən çatışmazlıqları konkret və müvafiq tibb müəssisəsinin rəsmi sənədi ilə təsdiqlənməli və
müvafiq tibbi rəylər əsaslandırılmalıdır. Görmə və eşitmə orqanlarının məhdudluğu, fikri aydın ifadə edə bilməmə
və s. bu kimi fiziki çatışmazlıqların əlavə sübuta yetirilməsinə ehtiyac yoxdur (22).
Vəkilin iştirakı olmadan yetkinlik yaşına çatmayan şəxsin təqsirkar elan edilməsi cinayət-prosessual
qanunvericiliyinin pozulması hesab olunur və işin əlavə araşdırılması üçün əsasdır (23).
Müddətli həqiqi hərbi xidmət keçən şəxsin cinayət əməlini hərbi xidmətdən əvvəl və ya hərbi xidmət
müddətində törətməsi əhəmijryətli deyil, əsas odur ki, şəxs təqsirləndirilən şəxs statusunu əldə edərkən hərbi
xidmət qulluqçusu olmalıdır (24).
Çəkişmə prinsipi nöqteyi-nəzərindən zəruri hesab olunan hallardan biri də cinayət təqibinin iki və daha
artıq təqsirləndirilən şəxs barəsində həyata keçirilməsi və onların qanuni mənafeləri arasında ziddijryətlərin
olmasıdır. Qanuni mənafelər arasında ziddiyyətə isə Azərbaycan Respublikası Ali Məhkəməsinin Plenumunun
"Müttəhimin müdafiə hüququnu təmin edən qanunların məhkəmələr tərəfindən tətbiq edilməsi təcrübəsi haqqında”
2 dekabr 1994-cü il tarixli 6 saylı Qərarının 16-cı bəndinə əsasən ittihamın müttəhimlərdən biri tərəfindən rədd,
digəri tərəfindən etiraf edilməsi, bir müttəhimin digərini ifşa etməsi, aralarında verilən ittihamın xarakterindən irəli
gələn ziddiyyətlər olması, məsələn, yetkinlik yaşına çatmayan müttəhimlə onu cinayət fəaliyyətinə cəlb edən
müttəhimin bir işdə keçməsi və s. hallar aid edilir. Belə olan təqdirdə müdafiəçinin cinayət işinin icraatında
iştirakını istisna edən hallar müəyyən edildikdə, onun cinayət işinin icraatında iştirak etməkdən kənarlaşdırılması
barədə müstəntiq prokuror qarşısında vəsatət vermək hüququna malikdir (25).
Yuxarıda qeyd etdiyimiz hallarda vəkilin təqsirləndirilən və ya şübhəli şəxs tərəfindən çağırılıb
çağırılmamasından asılı olmayaraq, təhqiqatçı, müstəntiq, prokuror və məhkəmə vəkilin prosesdə iştirakını təmin
edir. Lakin təqsirləndirilən və ya şübhəli şəxs cinayət işinin istənilən mərhələsində vəkilin köməyindən imtina edə
bilər ki, bu imtina da təqsirləndirilən və ya şübhəli şəxsin könüllü təşəbbüsü əsasında olmalıdır. Vəkildən imtina
təqsirləndirilən və ya şübhəli şəxsi gələcəkdə vəkilin işə cəlb edilməsi tələbini irəli sürmək hüququndan məhrum
etmir. Bununla belə, vəkilin təkrar işə cəlb edilməsi artıq baş tutmuş proseslərin yenidən təkrarlanmasına şərait
yaratmır.
Vəkildən imtina şifahi və yazılı formada (ərizədə) ifadə olunur və bu barədə müstəntiq və ya məhkəmə
protokolda müvafiq qeyd edir. Vəkildən imtina barədə ərizə müdafiə olunan şəxs tərəfindən onun təşəbbüsü ilə,
könüllü surətdə və vəkilin iştirakı ilə verildikdə qəbul olunur. Ərizə təqsirləndirilən şəxsin digər vəkilinin deyil,
imtina ediləcək vəkilin iştirakı ilə verildikdə qanuni hesab edilməlidir, çünki hər bir halda həmin vəkil prosessual
tərəfdir və verilmiş imtina ərizəsi onun müdafiəsinin xitamı üçün əsasdır.
Hüquqi yardımı ödəmək üçün vəsaitin olmaması üzündən, habelə şübhəli və ya təqsirləndirilən şəxsin lal,
kor, kar olduğuna, danışmaq, eşitmək, görmək funksiyalarında digər ciddi qüsurlar olduğuna, uzun sürən ağır
xəstəliyinə, habelə kəmağıllığa, aşkar əqli zəifliyə və ya digər qüsurlara görə müdafiə hüququnu müstəqil həyata
keçirə bilməyən, cinayət təqibi üzrə icraat aparılan anda ruhi xəstəliyin kəskinləşməsi və ya müvəqqəti ruhi pozuntu
aşkar edildikdə, cinayət mühakimə icraatının aparıldığı dili bilmədikdə, cinayəti törədərkən yetkinlik yaşına
çatmayan şəxs olduqda, məcburi qaydada xüsusi tibb (stasionar müalicə-psixiatriya) müəssisəsinə yerləşdirildikdə,
cinayət təqibi cinayət qanunu ilə nəzərdə tutulmuş əməli anlaqsız vəziyyətdə törədən şəxs barəsində həyata
keçirildikdə, fəalijryət qabiliyyəti olmadıqda müdafiəçidən imtina qəbul olunmur, ona müdafiəçi məcburi təyin
olunur və ya müdafiəçi qismində təyin olunmuş vəkilin səlahiyyətləri saxlanılır (26). Vəkilin köməyindən imtina
məsələsində real, yəni artıq cinayət prosesində iştirak edən və hələ prosesə daxil olmamış ideal vəkil (bu zaman
şəxs öz hüquqlarını kənar müdaxilə olmadan, özü tərəfindən həyata keçirir, onun vəkili olmur) fərqləndirilir. Real
vəkildən imtina Azərbaycan Respublikası Cinayət-Prosessual Məcəlləsinin 92.12-ci maddəsinə ciddi riayət
edilməklə, yəni müdafiə olunan şəxsin öz təşəbbüsü ilə könüllü və müdafiəçinin iştirakı ilə verilmiş yazılı ərizə
əsasında həyata keçirilməlidir. İdeal müdafiəçidən imtina isə şəxsin özünü müstəqil şəkildə müdafiə etməsi
imkanından irəli gəlir (27).
Qeyd edilməlidir ki, müdafiəçinin iştirakının məcburi təmin olunması proseduru prosessual qanunvericiliyə
uyğun yerinə yetirilməlidir, yəni əvvəlcə şübhəli və ya təqsirləndirilən şəxsə müstəqil müdafiəçi seçmək imkanı
yaradılmalıdır, ən son anda isə belə imkan ərazi üzrə hüquq məsləhətxanalarında qeydijryatda olan vəkillərin
siyahısının təqdim edilməsi olacaqdır. Bu hallar Konstitusiya ilə nəzərdə tutulmuş yüksək keyfiyyətli hüquqi
yardım hüququnun təmin olunması üçün ilk və əsas şərtlərdən biridir. Çünki şübhəli və ya təqsirləndirilən şəxs
özünun seçdiyi vəkilə əksər məsələlərdə etibar edəcəkdir.
Bəzən təcrübədə ibtidai istintaq mərhələsində təyinat əsasında hüquq müdafiəsi mütəmadi olaraq eyni
vəkillər tərəfindən həyata keçirilir ki, bu da əsasən vəkillərin siyahıya müvafiq olaraq seçilməməsi səbəbindən baş
verir. Həmin hallar isə ibtidai istintaq mərhələsindəki müdafiəni formal təmin etməklə yanaşı "sifarişli müdafiə”
ehtimalını yarada bilər. Məsləhətxanadakı vəkillərin siyahısının şübhəli və ya təqsirləndirilən şəxsə təqdim edilməsi
və həmin siyahıya uyğun vəkilin seçilməsi isə yuxarıda qeyd edilən şübhələrin və formal müdafiə probleminin
aradan qaldırılmasına səbəb olacaqdır. Yəni bütün hallarda "müstəqil vəkilə” (28) üstünlük verilməlidir.
Vəkilin siyahıdan seçilməsi təqsirləndirilən şəxs tərəfindən yerinə yetirilmədikdə, tutulmuş şəxsə vəkil
müvəqqəti saxlama yeri üzrə ərazidə yerləşən vəkil qurumlarından və fərdi qaydada fəaliyyət göstərən vəkillər
sırasından Vəkillər Kollegiyasının Rəyasət Heyəti tərəfindən tərtib edilən növbətçilik siyahısına uyğun olaraq dəvət
olunur və tərəflər arasında qarşılıqlı razılaşmaya əsasən müqavilə bağlanır.
Vəkilin əvəz edilməsi və vəkildən imtina edilməsi hallarından başqa, vəkilin cinayət işində iştirakını istisna
edən hallar da mövcuddur ki, bu hallar da Azərbaycan Respublikası Cinayət-Prosessual Məcəlləsinin 114-cü
maddəsində təsbit edilmişdir. Bunlar cinayət prosesində iştirak edən və ya əvvəllər iştirak etmiş hakimlə, andlı
iclasçı ilə, prokurorla, müstəntiqlə, təhqiqatçı ilə və ya məhkəmə iclasının katibi ilə qohumluq əlaqələrinin, habelə
bu şəxslərdən şəxsi və ya xidməti asılılığın olması; cinayət təqibi üzrə icraatda hakim, andlı iclasçı, prokuror,
müstəntiq, hal şahidi, məhkəmə iclasının katibi, tərcüməçi, mütəxəssis, ekspert və ya şahid qismində iştirak etməsi;
hakim, prokuror, müstəntiq və ya təhqiqatçı vəzifələrini tutması (təqsirləndirilən, şübhəli şəxsin və ya cinayət
prosesinin fəaliyyət qabiliyyəti olmayan iştirakçısının qanuni nümayəndəsi olması, yaxud mülki iddiaçı və ya mülki
cavabdeh kimi tanınmış işlədiyi orqanın nümayəndəsi qismində iştirak etməsi hallarından başqa); qanuna və ya
məhkəmənin hökmünə əsasən müdafiəçi və ya nümayəndə olmaq hüququnun olmamasıdır. Həmçinin vəkilin
cinayət işində iştirakını istisna edən hallardan biri də qanuni mənafelərini müdafiə etdiyi şəxsin qanuni mənafeyi ilə
ziddiyyət təşkil edən digər şəxsə hüquqi yardım göstərməsidir ki, bu barədə də yuxarıda ətraflı danışılmışdır.
Qeyd edilən hallardan biri aşkar olunduqda müdafiəçinin özü-özünə etiraz edib-etməməsindən asılı
olmayaraq, o, ibtidai araşdırmaya prosessual rəhbərliyi həyata keçirən prokurorun və ya məhkəmənin qərarı ilə
cinayət prosesindən kənarlaşdırılır.
Vəkilin digər vəkillə əvəz edilməsi təqsirləndirilən şəxsin razılığı və ya tələbi ilə həyata keçirilir. Belə
əvəzetməni təqsirləndirilən şəxs izah etməyə borclu deyil. Əsas odur ki, vəkilin xidmətindən məcburi imtinaya yol
verilməsin (29). Vəkildən imtina təqsirləndirilən şəxsə işin növbəti mərhələsində vəkilin xidmətindən istifadə üçün
əsas deyil.
İstinadlar:
(1)
Azərbaycan Respııblikasnın Konstitusiyası. maddə 26-1;
(2)
Orada. maddə 61-1;
(3)
Лутинская П. А. Уголовно-процессуальное право РФ. M., 2007. c. 129;
(4)
www.allbest.ru;
(5)
Azərbaycan Respublikasının Cinayət-Prosessual Məcəlləsi. maddə 92.1;
(6)
Azərbaycan Respublikası Cinayət-Prosessual Məcəlləsinin Kommentariyası. C. H. Mövsumovun.,
C. Kərimovun və Ə. H. Əsgərovun redaktəsi ilə. Digesta, Bakı, 2007, s. 251;
(7)
Жариков Ю. C. Адвакатура в РФ M., Юнима 1, 2008;
(8)
Демидова Л. А. ,Сергеев В. И. Адвакатура Poccии. Юридический Дом «Юстицинформ»”. M., 2006;
(9)
Koвриги З. Ф. , Кузнецова H. П. Уголовный процесс России. Учебное пособие. M., 2004, c. 87;
(10)
Чельцов M. A. Уголовный процесс. M., 1969, c. 76;
(11)
Перлов И. Д. Право на защиту. M., 1969, c. 86;
(12)
Цыпкин А. Л. Защитник и обвиняемый, 1968, c. 228;
(13)
Элькинд П. C. Право обвиняемого на защиту ву саветском уголовном процессе. Л., 1967, c. 38;
(14)
Кузнецова Н. П. Уголовный процесс России Учебное пособие. M., 2004;
(15)
“Vəkillər və vəkillik fəaliyyəti haqqında ” Azərbaycan Respublikası Qanunu. Maddə 20;
(16)
Azərbaycan Respublikası Cinayət-Prosessual Məcəlləsi. maddə 92.15.2;
(17)
Радченко B. И. Комментарий к Уголовно-процессуальному кодексу. M., 2006. c. 117;
(18)
Azərbaycan Respublikası Cinayət-Prosessual Məcəlləsi, maddə 92.4.1;
(19)
Azərbaycan Respublikası Cinayət-Prosessual Məcəlləsi, maddə 92.4.2-92.4.8;
(20)
Azərbaycan Respublikası Cinayət-Prosessual Məcəlləsi, maddə 481;
(21)
Rəhimov E. . Birinci instansiya məhkəməsində müdafiəçinin iştirakının bəzi xüsusiyyətləri. Bakı, Adiloğlu,
2007, s. 31;
(22)
Рыжаков A. П. Уголовный процесс. M., 2006. с. 59-60;
(23)
Azərbaycan Respııblikası Cinayət-Prosessual Məcəlləsi, maddə 435;
(24)
Azərbaycan
Respublikası
Cinayət-Prosessual
Məcəlləsinin
Kommentariyası.
С. H. Mövsumovun.,B. C. Kərimovun və Ə. H. Əsgərovun redaktəsi ilə. Bakı, Digesta, 2007, s. 253;
Dostları ilə paylaş: |