88
Ayxan silahı yerə qoydu. Onun bu hərəkəti ermənidə
bir az arxayınçılıq yaratdı. Digər erməni isə ağacın arasın-
dan hələ çıxmağı düşünmürdü. Sadəcə vəziyyəti izləyirdi.
Ayxanla Məhəmmədin baxışları artıq razılaşmışdı, eyni
anda hərəkət etməli idilər. Etdilər də. Amma Ayxanla üz-
üzə duran erməni həmin an Məhəmmədi görmüşdü. Mə-
həmmədin onun dostunun üstünə atılacağını görən kimi
tətiyi çəkməsilə Ayxanın da onun üstünə atıldığı eyni ol-
du.
Artıq hər şey bitmişdi... Məhəmməd bıçaqla erməni-
nin xirtdəyini üzmüşdü. Amma digər erməni cəld tərpən-
mişdi: Ayxanın onun silahını tutması ilə dığanın tətiyi
çəkməsi eyni anda, bir göz qırpımında olmuşdu. İki nəfər
susmuşdu... İki nəfərin isə gözləri bərəlmişdi. Amma biri-
nin gözləri qorxudan, o birinin gözləri isə intiqamdan...
Erməni əsgər onun üstünə şığıyan Ayxanı vura bil-
mişdi. Namərd güllə Ayxanın ürəyinin başından dəymiş-
di. Amma silahın açılması ilə Ayxanın avtomatı tutması
bir olmuş, silahı əlindən almağa çalışan erməni sıxılmış
barmaqları aça bilməmişdi.
Məhəmməd bir əli ilə qorxudan qışqıran erməninin
ağzını tıxıb, o biri əli ilə ona dayanmadan ağır yumruq
zərbələri endirirdi. O, bağıra-bağıra əlindəki bıçağı onun
ürəyinə saplamaqla susdurdu. Bu ölüm, bəlkə də, düşmə-
nə edilən böyük yaxşılıq idi. Sinəsində oturduğu erməni-
dən başqa heç kimi görməyən Məhəmmədə elə gəldi ki,
dostları artıq orda yoxdur. Çünki kəşfiyyat üçün lazım
olacaq ermənini nə onun əlindən alan vardı, nə də onu al-
qışlayan. Özünə gələndə isə gördüyü mənzərədən dəhşə-
tə gəldi: Ayxan aldığı güllə yarasından yerə sərilmişdi. El-
çin isə onun başını dizinin üstünə qoyub, zülüm-zülüm
89
ağlayırdı. Qanlar içində çırpınmağa belə imkanı olmayan
Ayxanı gözyaşları ilə yuyurdu.
Arslan bütün olmuşlara baxmayaraq, soyuqqanlılıq
və təmkinlə yerindən tərpənməmiş, başlarını itirmiş
dostlarını digər baş verə biləcək təhlükələrdən qorumağa
çalışırdı.
Elçin əlini Ayxanın qanlı kitelinin üstündən ürəyinin
başına qoydu düz güllənin dəydiyi yerə qoydu. Ayxan
heç nə deyə bilməmişdi. Mayası Şuşa torpağı ilə yoğrul-
muş igid el-obanı görmədən gözlərini əbədi yummuşdu.
Damarında qarabağlı qanı axan bu mərd oğulun Dağlıq
Qarabağın havası, suyu, təbiəti ilə zəngin olan qəlbi bir-
dəfəlik dayanmışdı.
Komandir gözyaşlarını qəlbinə axıtsa da, Məhəmməd
sanki dəliyə dönmüşdü. Artıq gec idi, çox gec idi... Bura-
dan tez bir zamanda uzaqlaşmalı idilər. Balaca uşaq kimi
başını dostlarının çiyninə qoyub ağlamaq istəyən koman-
dir çox soyuqqanlı davranırdı. Yadına Laçının işğalı za-
manı komandirini xərəyə qoyub dağı-daşı sürüməsi dü-
şürdü. Yazdığı son məktubu anasına çatdırmağı xahiş
edən Səməndərin qollarının üstündə can verməsini xatır-
layırdı.
Müharibə iştirakçısı olması onu cəfa çəkməkdə dost-
larından fərqləndirirdi. İndi bir onu bilirdi ki, buradan nə
qədər tez və ehtiyatla çıxsalar, bir o qədər yaxşı olar.
Elçin masxalatı kənara çəkib Ayxanın döş cibindəki
rəsmi çıxartdı. Həyat rəsmdəki qız kimi, Ayxanın da üzü-
nə gülmədi, güllə şəkildəki insanın düz alnından dəymiş-
di. Bu onun sevgilisinin rəsmi idi.
Gözlərini yumub onun cizgilərini yadına salmış, iri,
qara gözlü gözəli ondan uzaqda ikən çəkmişdi Ayxan bu
90
rəsmi. Həmişə onu xatırlamaq istəyəndə ilk gördüyü gün
gözünün qarşısına gəlirdi. Düzdür, Ayxanla Turanənin az
da olsa, maraqlı günləri olmuş, təbəssümlü çöhrəni, küs-
kün, məlul baxışları, küləyin tez-tez dağıtdığı uzun qara
saçları, nazlı ədaları az görməmişdi Ayxan. Amma həmi-
şə onu xatırlayanda gözlərində donub qalmış ilk görüş,
ilk baxış canlanırdı.
***
Artıq Arslan da dözə bilməyib, onların yanına gəl-
mişdi. O, vəziyyətin get-gedə gərginləşdiyini hiss edirdi.
Hətta həmişə soyuqqanlılığı ilə əsgərlərini heyrətləndirən
komandir belə əzgin, peşman, qürub çağındakı səmaya
bənzəyirdi. Arslan komandirin boynunu qucaqlayaraq:
“Başımız sağ olsun!” – dedi. Komandirlə birgə Elçinə tə-
rəf irəlilədi və baxışlarında Məhəmmədi də yaxın gəlmə-
yə çağıran ifadə var idi. Çünki Məhəmməd Ayxanın nur-
lu üzünə baxa bilmirdi. Elə bil, günahkar özü idi. Ona gö-
rə də yaxınlıqdakı ağaca söykənmişdi.
Bu dörd ərin baş-başa verib, qolboyun olub bir-birilə-
rinə başsağlığı verməkdən savayı əllərindən heç nə gəl-
mirdi, heç nə... Bundan sonra başlarının sağlığının nəyə
lazım olacağını düşünürdülər. Güclü əllər bir-birinin çi-
yinlərini sıxır, sanki “güclü olmalıyıq”, – deyirdi. Koman-
dir özündə güc tapıb dedi: – İki qəbir qazmalıyıq. Ayxa-
nı və bu əsgərləri basdırıb getməliyik. Heç kim əlavə sual
vermədi. Çünki bunun belə də olacağını çox yaxşı bilirdi-
lər. İz buraxmaq olmazdı axı. Ona görə də ermənilərin
ikisi üçün bir qəbir qazdılar. Elçinlə Məhəmməd qəbir
91
qazdıqları zaman komandirlə Arslan ətrafı müşahidə
edirdilər. Səssizlik idi.
Erməniləri cəmdək kimi qazdıqları çalaya atan əsgər-
lər, Şuşa arzusu ilə alışıb yanan Ayxanı İslam dininin qay-
dalarına uyğun dəfn etdilər. Amma komandirlə Məhəm-
məd imkan tapıb cənazə namazı qıla bilmədilər. Çünki
hərbin qaydaları şəriət qaydalarını qəbul etmirdi.
Sonra isə yerinin bilinməməsi üçün hər iki qəbrin üs-
tünə çürümüş yarpaqlardan tökdülər. Amma Məhəmməd
qoşa fıstıq ağacını yadında saxlamaq üçün ətrafa nəzər
saldı. Hətta əlindəki bıçaqla ağacın qəlbində “A” hərfini
də qazdı. Elə qazdı ki, bu hərfi Kəlbəcərin azadlığından
sonra bura gələcək məktəblilər belə görə biləcəkdilər. Bəl-
kə də, 20-30 il bu “A” hərfini qəlbində daşıyacaqdı bu fıs-
tıq ağacı. Amma heç kim, heç vaxt bu “A”-nin nə zaman,
kim tərəfindən qazıldığını, hansı hadisənin yadigarı oldu-
ğunu bilməyəcəkdi. Bəlkə də, bu hərfə baxıb hansısa aşi-
qin öz sevgilisinin baş hərfini yazdığını düşünəcək, təbiəti
incitdiyi üçün onu yazanı qınayacaqdı da... “Bəlkələr”
sonsuz olsa da, həqiqət tək idi – bu məkanda Qarabağ,
Şuşa həsrətli bir qəhrəman yatır. “A”...
10
Hər gün bir cür bəzək vuraraq gözəlləşən Bakı şəhə-
ri... Hər kəsi öz əzəməti ilə heyran edən Dənizkənarı
park... Günorta saatları olmasına baxmayaraq, qayğılı,
qayğısız bir çox insan... İnsanların kimliyindən xəbəri ol-
mayan və ya onları heç maraqlandırmayan dəniz və sa-
hil... Dənizlə sahilin qucaqlaşdığı yerdə, sahilin lap kəna-
rında üzü sahilə doğru durub, ləpələrin betonlara çırpıldı-
Dostları ilə paylaş: |