40
da onun alnından öpmək istəyəndə Elçinin papağı başın-
dan düşmüşdü. Hərbi hissə komandiri Kamandar Heydə-
rov dəhşətə gələrək geri sıçramışdı.
– Ay bala, bu nədir, sənin saçların niyə belə ağdır?
Elçin bunu eşidən kimi tez komandirin otağında qa-
pının yanındakı güzgüyə baxmışdı. O, bir neçə ay həmin
əzablı günləri unuda bilməmişdi. İndi bütün o dəhşətli
yaşantılar təkrar yada düşdükcə, sanki başının üstündən
keçən güllələrin vıyıltısını təzədən eşidirdi.
Bir kilometrdən də çox bir ərazini sürünərək keçən
OdƏrlər artıq rahat yürüyə bilmə əmri aldılar.
Qarşıya qoyulan əməliyyat planının birinci mərhələ-
si, demək olar ki, bitmişdi. Bundan sonra Şuşaya çatmaq
üçün onları daha çətin sınaqlar gözləyirdi. Qorxunun nə
olduğunu bilməyən bu igidlər düşmənin içinə girdikcə
güclənəcək, gücləndikcə daha da ruhlanacaqlar.
***
Ərtoğrul özünü saxlaya bilmir, xəzinədara olan mü-
nasibəti başa düşmürdü. Arslanın buna verəcəyi izahı
eşitmək üçün fürsət gözləyirdi. Amma Arslan heç nə de-
mirdi. Ərtoğrul bu anda əməliyyatı belə unudub, sadəcə,
Arslanın hərəkətini götür-qoy edirdi. Oğurladıqları pulun
nəyə lazım olacağını bilmirdi. Və günahsız bir insana edi-
lən hərəkəti özünə sığışdırmırdı. Axı bunu Allah da gö-
türməzdi. Fürsət düşən kimi özünü saxlaya bilmədi, sü-
rətlə addımlayan Arslana dedi:
– Sən xəzinədarı niyə öldürdün?
– Belə lazım idi, – deyə Arslan ona baxmadan cavab
verdi.
41
– Necə yəni belə lazım idi? Axı biz millət üçün bir
yola çıxmışıq, amma sən millətin günahsız oğullarından
birini öldürürsən.
– Başqa çarəmiz yox idi.
– Onu da növbətçi əsgər kimi yuxuya verə bilərdik.
“O, gözlənilməz anda ortaya çıxdı”, – deyən Arslan
çox sakitcə, soyuqqanlı şəkildə cavab verdi, amma Ərtoğ-
rulun narahatçılığını da başa düşür, hətta özü də daxilən
əzab çəkirdi. Ərtoğrul isə hər cavabdan sonra daha da çıl-
ğınlaşır, qaneedici cavab ala bilmədiyi üçün qırmızı gör-
müş buğa kimi, enli burunlarından od püskürürdü.
– Bəs onda bu pulları niyə götürdük? Sənin məqsə-
din nədir? Yoxsa başqa planın var?
– Əlbəttə, bu, bir plandır, bilərəkdən götürdüm.
– Necə yəni “bilərəkdən”? Səncə, buna görə bizim
haqqımızda ölkədə nə danışarlar?
– Onsuz da bizim haqqımızda xoş danışmayacaqlar,
əksinə “vətən xaini” deyə damğalayacaqlar. Pulları götür-
səydik də, götürməsəydik də.
– Bundan sonra əllərində fakt olacaq, amma pullara
görə heç olmasa konkret bir nəticəyə gələ bilməz, bizdən
sonra bəziləri bizi vətən xaini adlandırmağa cürət etməz-
di.
Xarabalıq içində qalmış kəndlərin kimsəsiz təbiəti gü-
nəşin gəlişini paklığı ilə qarşılayırdı. Addımlar isə get-ge-
də daha ehtiyatlı atılmalıydı. Komandirin həmişəki kimi
sayıqlığı hamını arxayınlaşdırırdı. Onlar qarşılarına çıxa-
caq heç bir təhlükədən qorxmurdular: nə ermənidən, nə
basdırılmış minalardan, nə də vəhşi heyvanlardan.
İnstitutda oxuduğu müddətdə hər gün səhər idmanı-
na həvəslə oyanan Ayxan qara gözlərini kəşfiyyatçı mə-
42
harəti ilə ətrafa gəzdirərək heç nəyi diqqətdən qaçırmaq
istəmirdi. Gözlərlə ürək arasında əlaqə qırılarsa, bu, riya-
karlıq əlamətidir. Lakin bu an Ayxanın gözləri ilə ürəyi
arasındakı əlaqə soyuqqanlıqdan qırılmışdı, riyakarlıqdan
yox. Amma ağıl gözlərə sahib çıxaraq, sanki ona nəzarət
edirdi. Ürəklə göz arasındakı əlaqənin qırılması könül
sultanından ayrı düşmək idi. Ayağını qoyduğu bu tor-
paqlardan ilk dəfə keçərkən qundaqda olmuş, bəlkə də,
hansısa bir mələfəyə bürünüb dünyadan bixəbərcəsinə
keçmişdi. Hətta yəqin o zaman bu təlatümdən birboğaza
ağlamışdı da. Amma o zaman ana sevgisindən bir müd-
dət ayrıldığı üçün ağlamışdı. İndi isə anasından daha çox,
sevgilisindən ayrı düşdüyü üçün kövrəlmişdi. Ona görə
ki, son məktubu yaza bilməmiş, yenicə çəkib tamamladığı
rəsmi sevgilisinə göndərə bilməmişdi.
Ara-sıra rəssamlıqla məşğul olan Ayxan xəyallarında
canlandıraraq çəkdiyi rəsmi sevgilisinə göndərə bilmədiyi
üçün indi bir az toxtaqlıq tapmışdı. Çünki onu yanında
hiss edirdi. Amma atılan hər addım onu bir sevgilisinə
yaxınlaşdırsa da, o biri sevgilisindən uzaqlaşdırırdı. Qəl-
binin dərinliyində şuşalı qız Turanəni düşünən bu Qara-
bağ əri hərdən digər sevgilisinə xəyanət etmiş olduğunu
ağlından keçirərək bu fikirləri özündən uzaqlaşdırmağa
çalışırdı, amma mümkün deyildi, çünki ürəyin ağlı olmur
axı heç vaxt. Bu qədər həssas düşüncələr onu məşğul etsə
də, peşəkarlıq öz işini görürdü. Qarşıdakı yaşıl xətti anın-
da kapitana xəbər vermişdi. Düşmənin minalanmış ərazi-
sini əlinin içi kimi əzbər bilən Ayxan xüsusi istedada ma-
likdi. O, eyni anda düşünə, danışa, ətrafı da diqqətdə sax-
laya bilirdi. Minadan yayınan kimi özündən asılı olmaya-
raq, əlini yan cibinə salaraq rəsmin orda olub-olmadığını
43
bir daha yoxladı. Sanki ürəyini çıxardıb cibinə qoymuşdu.
Və bu hərəkətini o anda sevgilisinin görüb onu necə sev-
diyini anlamasını elə istəmişdi. Düşüncələr Ayxana mətin
addımlamağa kömək edirdi, iki sevgini bir qəlbdə daşı-
maqdan usanmayan bu oğul sanki bu sevgilərdən mənəvi
güc alırdı.
Nəyisə itirəcəyindən qorxan adamlar kimi əlini mas-
xalatın üstündən cibinə bir də sürtdü və bir anlıq durux-
du. Ona elə gəldi ki, cibindəki yoxdur. Tələsik üst-başını,
ciblərini yoxladı və üzündə bir sevinc yarandı. Ona yara-
şıq verən almacıqları bir anda alışıb-yanmağa başladı,
sanki kimdənsə utandı. Amma ətrafında dağ kimi dur-
muş ərlərdən basqa kimsə, bir də avqustun isti günləri ol-
masına baxmayaraq, Kəlbəcərin sərin səhər təbiətindən
başqa heç nə yox idi. Sevgilisinin rəsmini cibində köksün-
də daşıdığı ürək kimi qoruyan Ayxanın yadına bir anda
beşinci sinifdə oxuyarkən sinif yoldaşı Günayın hərəkət-
ləri düşdü. Belə ki, bir dəfə sinifdəki eşq macəralarında
məsul şəxs sayılan Aygünün “kim kimi sevir” adlı siyahı-
sı valideynlərdən birinin əlinə düşmüşdü və götürüb gəl-
mişdi sinfə. Bu siyahıdan xəbərdar olan sinif rəhbəri də
başlamışdı siyahını oxuyub uşaqları utandırmağa:
– Aysel, səni gör neçə nəfər sevir? Ramil, sən neçə nə-
fəri sevirsən? Vay, vay!...Siyahıda növbə Ayxanın idi. Mü-
əllim oxuduqca gülüşən, bir-birinə baxıb qımışan uşaq-
lardan fərqli olaraq, Ayxan sanki dünyadan xəbərsiz idi.
Birdən müəllim üzünü Ayxana tutub:“Sən də sevirsən?” –
dedi. Ayxan cinayəti boynundan atmaq istəyən adamlar
kimi and içməyə başladı. Müəllim uşağın bu saf hərəkəti-
nə gülümsünərək söhbəti dəyişdi. Ayxan belə Ayxan idi.
Dostları ilə paylaş: |