44
İndi isə sevginin nə olduğunu – onu yaşamağı da, yaşat-
mağı da çox yaxşı bilirdi.
Hətta bir dəfə altıncı sinifdə oxuyanda Ayxanın sinif
yoldaşlarından Elşən və Tuncayın ona bir sualı olmuşdu.
Hər iki uşaq öz sevdikləri qızın adını deyəndən sonra:
“Ayxan, sən kimi sevirsən?”sualına cavab tapa bilməyən
uşaq: “heç kimi” – demişdi. Həmin gün dostları ondan
incimişdilər ki, biz sənə ürəyimizi açırıq, sənsə bizdən
gizlədirsən. Belə dostluq olmaz. O zaman Ayxan çox mə-
yus olmuşdu. Dostlarının yanında xar olduğunu düşünə-
rək, hətta bir nəfəri sevməyə qərar da vermişdi. Amma
onun sevgi anlayışı o vaxt tamam başqa idi. Çox fikirləş-
mişdi ki, görəsən, o, kimi sevsin? Axı yaxşı oxuyan qə-
şəng qızları artıq dostları sevirdi. Ayxana görə onun sev-
mək istədiyi qız hökmən yaxşı oxuyan olmalı idi. Çox dü-
şündükdən sonra yadına Leyla düşmüşdü. Axı Leyla həm
əlaçı, həm ağıllı, həm də gözəl qız idi. Qəti qərar verib
dostlarına səhər kimi sevdiyini deyəcəyini düşünərək yat-
mışdı. Amma səhəri gün dostları ona həmin sualı vermə-
mişdilər. Beləcə, Ayxanın sevgisi də pünhan qalmışdı.
Ayxan səssizilikdən istifadə edib uşaqlığını yadına
sadıqca, çöhrəsində təbəssüm yaranırdı. Gözünün qaba-
ğından keçən xoş xatirələr ona bu çətin yolu elə asanlaşdı-
rırdı ki, ölümə gülümsəyərək addımlayır, sevərək gedir-
di. Amma o, ölümə yox, mərdlik salnaməsi yazmağa get-
diyini düşünürdü.
***
Arslan isə Ərtoğrulu intizarda saxlamaqdan, onu da-
ha da qəzəbləndirməkdən, sanki, həzz alırdı. Hətta bu
söhbətin birinci dayanacağa qədər uzanması ona daha da
45
maraqlı gəlirdi. Çünki istər-istəməz, hələ də onlardan
sonra olacaqları düşünməkdən vaz keçə bilmirdi. Düz-
dür, hisslərini çoxdan dəfn etmiş Arslan üçün hislərə qa-
pılmaq yad idi, amma yenə də qəlbinin dərinliklərində
anasını düşünməyə bilmir, getdiyi bu yolun sonunu dü-
şünməkdən azad ola bilmirdi. Ərtoğrulla söhbəti isə onu
bu düşüncələrdən uzaqlaşdırdı.
Ərtoğrulun gərginləşdiyini görən Arslan dedi:
– Qardaş, mənim, də sənin kimi bu hərəkətimizdən
xoşum gəlmədi, amma bu bir şans idi ki, biz fikirləri ya-
yındıraq. Əgər pulları götürməyib, xəzinədarı yuxuya
versəydik, ayılan kimi hamımızdan danışacaq və beləlik-
lə, hara getdiyimiz haqqında ilkin də olsa, bir fikir
forma-
laşacaqdı. Amma indi bütün Azərbaycan elə biləcək ki, bu
hərəkəti pul üçün etmişik və gizlincə başqa yerə qaçmışıq.
Beləcə, Ermənistan tərəfə xəbər verməyəcəklər də. Dövlət də
bundan narahat olduğu üçün bu məlumatı mətbuatda yay-
mayacaq, bizi isə başqa yerdə axtaracaqlar. Düzdür, ailələri-
miz, bəlkə də, xeyli əziyyət çəkəcək, missiyamız bitənə qə-
dər hörmətsizliyə məruz qalacaq, alçaldılacaq da, amma niy-
yətimiz ali olduğu üçün bizi bu yoldan döndərmək və bu
əməliyyatı dayandırmaq mümkün olmayacaq. Pulları da
yolda ocaq-zad qalayanda kağız kimi istifadə edərik.
Ərtoğrul eşitdiyi söhbətdən bir az rahatlanmış, Arslanın
izahını az da olsa, qəbul etmişdi. Sərt xasiyyətə malik oldu-
ğu üçün Arslanın düzgün etdiyini birbaşa etiraf edə bilmir-
di.
Birdən komandir asta səslə əmr verdi:
–Uşaqlar, bu təpəni sürünə-sürünə keçməliyik, ehtiyatlı
olun! Ermənilərin axırınxı postlarından görünə bilərik. Düz-
dür bu saatda yuxulu olmalıdır, amma yenə də diqqətli ol-
malıyıq. Mən sizi snayperlə müşayiət edəcəyəm, siz bir-bir
46
aşmalısınız bu təpəni. Əgər nəsə şübhəli tərpəniş görsəm,
postdakı əsgəri götürəcəyəm. O Bu zamana qədər siz təpəni
aşaraq, aşağıdakı qayanın dibində sığınacağa yığışarsınız.
Bir az cəld olun!
6
“Z” planı
Artıq Heyvalı kəndinə yaxınlaşmışdılar. Dağın yama-
cı ilə üzüyuxarı qalxaraq Heyvalının cənubundakı meşə
ilə örtülmüş yüksəkliyə çıxacaqdılar.
“Z” əməliyyatının təqribən mərkəzində idilər. Əmə-
liyyata adı Arslan vermişdi. Yola çıxmamışdan bir gün
əvvəl komandir Arslanı evlərinə dəvət edərək, xəritə üzə-
rində gizlincə işləmişdilər.
– Arslan, mən düşünürəm ki, biz bu xəritə ilə hərəkət
etməliyik. Təpəkənddən üzüaşağı düşərək Tərtərçayı ke-
çib, Sərsəngin qabağından – Uluqarabəyin altından birba-
şa Heyvalıya çıxaq.
Kəşfiyyatçılara məxsus 50 minlik miqyaslı topoqrafik
xəritəyə baxan Arslan bir an duruxdu. Çünki həmişə söh-
bət etdikləri mövzu olsaydı da, heç vaxt xəritə üzərində
bu cür ciddi işləməmişdilər. Əslində, yolun Heyvalıya
qədər olan hissəsi onlara aydın idi. Çünki bura dəfələrlə
gəlib, stansiyanın vəziyyəti ilə bağlı materiallar toplamış-
dılar. Demək olar ki, onların kəşfiyyatçı cığırları hazır idi.
Nə minaaxtarana, nə də ciddi bir nəzarətə ehtiyac vardı.
Arslanın da cibində xəritə vardı. Ona elə gəlirdi ki, özü-
nün xəritəsi ondan mükəmməl olar. Amma komandirin
yanındakı topoqrafik xəritənin tam hazır olduğunu, hətta
47
hansı gün harda duracaqları yerin işarələnməsi Arslanı
düşündürsə də, bu haqda heç nə soruşmadı. Heç öz xəri-
təsini də cibindən çıxarmadı. Amma bəzi məqamlarla ra-
zılaşmadı:
– Niyə Sərsəngin şimalı ilə getmirik? Axı, oraları da-
ha yaxşı tanıyırıq. Həm də burdan getdiyimiz zaman yolu
çox uzatmış oluruq.
– Arslan, öncə mən də sənin kimi düşünmüşdüm.
Bax bu xəritəyə, görürsən, əvvəlcə sən dediyin kimi gəl-
mişdim. Hətta yadımdadır ki, bizim bir əməliyyatımızda
bu məsələdən danışarkən bu yolu unutmamağımız barə-
də dəfələrlə söhbət etmişdik. Amma mən çox düşün-
düm... Həsənrizdəki erməni batalyonu bizə əngəl ola bi-
lər. O ərazi daha təhlükəlidir. İkinci bir tərəfdən, Həsən-
rizdə az da olsa, erməni yaşayır. Amma Mehmana ilə
Heyvalının arasındakı sıx meşələr bizə yardımçı olar. Bir
də ki, qardaş, Murovun ətəklərindəki hündürlüklər bizi
çox yorar. Axı biz on günə yaxın yol gedəcəyik. Arslanın
fikrə daldığını görən komandir davam etdi: – Sonra da
Yayıcının cənub hissəsi ilə birbaş Vəngliyə çıxarıq. Bir
Heyvalıda, bir də Vənglidə istirahət edərik. Xocayurdun
ətəkləri dincəlmək üçün ən münasib yerdir. Orada daha
çox istirahət edə bilərik.
Arslan xəritədəki qırmızı xəttin sonuna fikir verdikcə
gözünün qabağına Xocayurdun, Giləz dağın, Dəli dağın
keçilməz aşırımları, qayalıqları, sıx meşələri gəlirdi. Ko-
mandirdən fərqli olaraq o, yaşayış yerlərinə yaxın ərazi-
lərdən keçməyə üstünlük verirdi. Ona görə də komandirə
Meşəlinin şərqindən birbaşa Cəmilliyə çıxmağı məsləhət
gördü. Bu dəfə bunu deyərkən əmin idi ki, komandir bə-
Dostları ilə paylaş: |