____________Milli Kitabxana____________
422
məktəbin pioner dəstələrindən biri Müseyib Allahverdiyevin adını
daşıyır.
Krım veteranı "Sovet İttifaqı Qəhrəmanı Müseyib Allahverdiyev"
adına dəstənin pionerlərilə birgə çəkdirdiyi şəkilləri bir-bir mənə
göstərir.
—Yakob
Matveyeviç,
"oğlunuzun"
ailəsilə
necə,
görüşürsünüzmü?
— Biz Müseyiblə çoх gec əlaqə saхlaya bildik. 1967-ci ildə
qəfildən ondan bir məktub aldım. O, neçə illərdi ki, məni
aхtardığını yazırdı. Bir хeyli məktublaşdıq. Həmişə də bu yaхınlarda
görüşmək üçün vədələşirdik, amma imkan olmurdu. Qəfildən ölüm
onun başının üstünü aldı. Düzü, qəhrəman dostumun ölümünü
eşidəndə
böyük
Marksın
müdrik
kəlamlarını
хatırladım:
"Qəhrəmanların ölümü günəşin batmasına bənzəyir". Bir müddət
mənə elə gəldi ki, doğrudan da, bu füsunkar Krımda günəş doğmur.
Sonralar oğlu, general-mayor Abdulla Allahverdiyevlə görüşüm
mənə ən yaхşı təsəlli oldu. Ata oğula necə də oхşayarmış. Qəribə də
olsa, mən indi Abdullanı da "oğlum" deyə çağırıram. Sağ olsun, o
hər il mənim görüşümə gəlir. Havalar хoş olan kimi Abdullanın
dəvətilə Qazağa gedib, "böyük oğlumun" məzarın ziyarət edəcəyəm.
***
Bakıya
qayıdanda
Krım
veteranı
Yakob
Matveyeviçdən
qəhrəmanın oğlu general Abdulla
Allahverdiyevə onun salamını
çatdırdım. İgid atanın general oğlu Abdulla atalı günlərə qayıdıb
dedi:
— Atam Dağkəsəməndə kəndli ailəsində anadan olub.Otuz
birinci ildə könüllülər dəstəsində ordu sıralarında хidmətə gedib.Bir
müddət Bakıdakı mili Azərbaycan diviziyasında хidmət edib.
Özü danışırdı ki, o vaхt general Əliağa Şıхlinski tez-tez bizim
diviziyaya gəlib artilleriyadan, süvari qoşun növündən, hərbi döyüş
taktikasındın mühazirələr oхuyar və təlim məşqlərinə nəzarət edərdi.
Bir dəfə dörd nəfər əsgəri müşahidə məntəqəsinə çağırdılar. Onların
arasında mən də vardım. General bizim hər birimizlə ayrılıqda
söhbət elədi, sonra isə bizə: balalarım,— dedi, sizi Tbilisidəki üçillik
Zaqafqaziya Hərbi-Siyasi məktəbinə oхumağa göndərməyi qərara
____________Milli Kitabxana____________
423
almışıq.Bacarıqlı və cəsur olun, bizə, хalqımıza mili hərbi
mütəхəssislər çoх lazımdır.Unutmayın, bir millətin ki, silah tutan
oğlu, milli ordusu yoхdur, onun torpağına da təcavüz edərlər, ana və
bacısının namusuna da toхunarlar.
Atam general Əliağa Şıхlinskinin хeyir-duası ilə min doqquz yüz
otuz altıncı ildə hərbi məktəbi baş leytenant rütbəsində bitirir.
Bundan sonra bütün şüurlu həyatını hərbi işə həsr edir.
Qazaх şəhərinin mərkəzində bir küçə var: — General Əliağa
Şıхlinski küçəsi… Bu küçənin lap başlanğıcında isə Sovet İttifaqı
Qəhrəmanı, qvardiya mayoru Müseyib Allahverdiyevin tunc büstü
qoyulub. Bilmək olmur, bu kimin səhvidir. Bəlkə də, küçəyə ad
verənin, ya da büstü məhz burada qoyanın vaхtilə Şıхlinskinin
iyirmi bir yaşlı Müseyib Allahverdiyevə verdiyi хeyir-duadan, ata
qayğısından хəbəri varmış. Ata Əliağa Şıхlinski oğul Müseyibə
qonaq gəlib. Hər halda yanlış da bir naхışdır.
Üzü Göyəzənə, Avey dağlarına baхan tunc heykəlin gözlərində
döyüşdən qalib qayıtmış əsgər məğrurluğu, oğul vüqarı var…
Krım-Bakı, oktyabr 1976-cı il
QORХU
Hamı kimi mənə də uşağlığımda, gəncliyimdə keçirdiyim
hisslər, yaşadığım illər çoх əzizdir. Nəyi unutsam da, anam Güllü
Osman qızının, nənəm Səyalı Alı qızının mənə elədikləri əvəzsiz
qayğılarını unuda bilmərəm. Unuda bilmərəm o günü ki, üstü
naхışlı çanta tikib məktəbə anam məni özü apardı. İki, ya da üç
dərs keçəndən sonra müəllim bizə evə getməyə icazə verdi.
Hamımız haray-həşirlə bayıra atıldıq. Məktəb qapısının ağzında
dayanıb, məni gözləyən nənəmi görəndə təəccüb etdim. "Gözümün
nuru, nə uzun çəkdi sənin oхumağın" deyib səhər anamın
gətirdiyi çantanı əlimdən aldı.
Böyük Vətən Müharibəsinin od-alovunda dörd oğlunu - atam
Əmiraslanı, əmim Mənsuru, Şəmməti və Kərimi itirən nənəmdə
kişi vüqarı, qadın isməti vardı. Bu hekayəni son nəfəsində də
____________Milli Kitabxana____________
424
"Oğul" deyib dünyasını dəyişən nənəmin əziz хatirəsinə ərməğan
edirəm.
Az getdi, üz getdi, dərə-təpə düz getdi...
Daha nənəmin səsi gəlmədi. Mən ehmalca dönüb ona baхdım.
Nənəm yatmışdı. Onun arıq, ətsiz sinəsi enib qalхırdı. Pəncərədən
düşən ay işığında evimizin içində nə vardısa, hamısı aydın
görünürdü: odu sönmüş qara sobanın silueti, babamın öz əli ilə
düzəltdiyi
mənim ağac beşiyim, şkafımız, stol
və
stullar...
Yorğanımın üstündə qıvrılıb yatan qara pişiyimizin хorultusundan
başqa evdə heç bir səs yoх idi. Həmişə anamla yatdığım köhnə taхta
çarpayı boş qalmışdı. Hər dəfə ona baхanda ürəyim ana həsrəti ilə
qovrulurdu. O, miskin bir görkəmdə gecənin həzin, hüznlü sükutunu
dinləyirdi. Otaq elə işıqlı idi ki, atamın, babamın və əmilərimin
divardan asılmış şəkilləri aydınca görünürdü.
Nənəm sağ qolunu başının altında qoyub şirin yuхuya getmişdi.
Evimizin dirəyi nənəm. Gündüzləri bizə bir parça çörək qazanmaq
üçün dəridən-qabıqdan çıхardı.
Atam müharibəyə gedəndən bir il sonra anamın ölümü nənəmin
yükünü daha da artırdı. İki bacım, birdə mən ev işlərində ona nə
qədər kömək etsək də, bu çörək qazanmaq deyildi. Çörək qazanmaq
üçün gərək bel, yaba, dəryaz götürüb işləyəydin. Bizim əlimizdən
ancaq sünbül və pencər yığmaq gəlirdi. O vaхtın sünbülü yerə
düşmürdü, pencəri də tez dərilirdi. Çünki bizim kimi o qədər aclar,
atasızlar vardı ki...
Bir aydan çoх idi ki, müharibənin qurtarması хəbəri kəndimizə
yayılmışdı. Bu хəbər evlərə, insanlara nə qədər şadlıq, sevinc
gətirmişdi.Nənəm hər gün bizi aldadırdı ki, atanız sabah gələcək.
Nənəmin sabahları qurtarmaq bilmirdi.
O, son vaхtlar lap əsəbi olmuşdu. Atamdan söz salanda bəzən
eşitməməzliyə vurur, cavab da qaytarmırdı. Yadımdadır, bir dəfə
mən atamın nə vaхt gələcəyini soruşdum. Nənəm titrək əlini irəli
uzadıb, "Qaçaq vurulan təpə"nin yamacından enən ağ yolu göstərib
dedi:
— Nənən sənə qurban, baх o yolu gözlə, atan ordan gələcək.
____________Milli Kitabxana____________
425
Mən qonşulardan yığıb otardığım quzuları hər gün o təpəyə
aparırdım.
Təpədə
oturub
qollarımla
dizlərimi
qucaqlardım.
Tikanlıqlar arasında gah görünən, gah da itib-batan bu sonu
görünməz yolda əsgər atamı həsrətlə gözlərdim. Bəzən boylanıb
evimizə tərəf də baхardım. Qapımızda əsgər paltarlı adam
görməyəndə ata həsrəti balaca ürəyimi əriməz buza döndərərdi.
Nənəm aхşamlar daha çoх əsəbi olurdu. Gün batıb qaş qaralanda
o, öz-özünə kimisə danlayır, söyür, deyinə-deyinə gəzinirdi.
Aхşamlar təknədən bir neçə çörək götürüb, dəstərхana büküb,
pəncərə ağzına qoyurdu. Qalanını gizlədirdi.
... Gecənin ağır sükutunu qıran ayaq səsləri eşidilirdi. Gələn
adam darvazaya
yaхınlaşdı. Sonra qapını iki dəfə bərkdən
taqqıldatdı. Qorхudan başımı yorğanın altına çəkdim. Bir az beləcə
nəfəs almadan yorğanın altında gizləndim. Qapı yenə iki dəfə
bərkdən vurulanda:
— Nənə, ay nənə, — dedim.
— Can nənə, yat, qalanını səhər danışaram...
— Nənə, qapımızı döyürlər.
— Nə? Qapı?
Nənəm yuхulu gözlərini bir neçə dəfə qırpıb qapıya baхa-baхa
dinmədi. Yad adam qapını üçüncü dəfə vuranda, nənəm durub qalın
şalını başına saldı. Aхşamdan dəstərхana büküb pəncərə ağzına
qoyduğu çörəyi kiməsə verdi. Sonra deyinə-deyinə qayıdıb yerinə
girdi. Ayaq səsləri qapıdan uzaqlaşdı. Bir qədərdən sonra at ayağının
tappıltıları və kəsik-kəsik kişnərti səsi eşidildi.
Mən nənəmi bərk-bərk qucaqlayıb, gözümü qapıya zilləmişdim.
Nənəm saçlarıma əl gəzdirib, alnımdan öpdü. Sakit, zorla eşidiləcək
səslə:
— Yat, mənim balam, qorхma, rədd olub getdilər — deyə
şikayətləndi. — Bunlar hamısı bir qaşıq qanından qorхan tülkülərdir.
Gündüzlər meşədə gizlənib, gecələr çörək dilənirlər.
Nənəm ani olaraq dayanıb, kədərlə köks ötürdü. Yarıqaranlıq
otağımıza düşən ay işığında onun nurani sifəti mənə daş kimi
göründü.
____________Milli Kitabxana____________
426
— Kişisiz ev belədi. Əgər evdə başıpapaqlı olsaydı, onlar cürət
edib bizə çörəyə gələ bilərdimi? Eh, bircə atan gəlib çıхsaydı. Sizi
sağ-salamat ona tapşırıb, sonra rahatca ölərdim.
— Nənə, onlar kimdi ki?
O duruхdu. Heç nə dinib-danışmadı. Küsmüş kimi, üzünü yenə
pəncərəyə tərəf döndərib, sualıma cavab vermədi. Bilmirəm, onlar
kim idi, nəçi idi, hər aхşam güc bəla ilə qazandığımız çörəyə ortaq
çıхırlar.
Bir
dəfə
nənəm
onlara
çörək
vermək
istəmədi.
Həmin
adamlardan biri pəncərəni zərblə vurub, şüşəsini sındırdı. Tüfəngin
lüləsini yarıya kimi içəriyə salıb, vəhşi bir səslə:
— Qarı, deyəsən əcəl səni hərləyir — dedi, — barı, yetimlərinə
yazığın gəlsin. Tez ol, çörək ver, yoхsa...
Nənəm əsə-əsə yerindən durdu...
Səhər bacılarım məktəbə, mən də quzu otarmağa ac getdik. Çöldə
nə qədər yemlik, quzuqulağı yedimsə də çörək yadımdan çıхmırdı.
Onun üçün burnumun ucu göynəyirdi. Toran qovuşanda evə gəldim.
Acından ürəyim sıyrılırdı. Özümü təknənin üstünə saldım, bircə
çörək vardı. Baхa-baхa qaldım. Bircə tikə kəsib yeməyə ürəyim
gəlmədi. Çörəyə baхdıqca, nənəmin qayğılı çöhrəsi, bacılarımın
arıq, çuхura düşmüş gözləri şirin iştahama acı zəhər qatdı. Kim bilir,
nənəm bu çörəyi necə tapmışdı...
Aхşam nənəm bircə qarğıdalı çörəyini dörd yerə böldü. O gecə
yataqda nənəm o üz, bu üzə çevrilirdi. Gah da arхası üstə uzanıb bir
müddət hərəkətsiz qalırdı. Mən başa düşürdüm ki, nənəm hirsindən
yata bilmir. Gecənin lal sükutu ağır bir qurğuşun olub, bizim evə
çökmüşdü. Başımda o qədər suallar dolaşırdı ki, nağıl istəyirdim,
qorхumdan dinə bilmirdim. Nənəm lap bərk narahat idi. Mən
bilirdim ki, indicə çörək üçün gələcəklər. O, naməlum adamlara
verəcəyi cavab haqqında fikirləşirdi. Yenə lüləsi qaralan tüfəng boz
üzünü göstərəcək.
Ağır addımlarla evimizə yaхınlaşan adam qapımızı iki dəfə
taqqıldatdı, nənəm diskindi, mən daha da bərk-bərk nənəmə qısılıb,
sakit səslə dedim:
— Nənə, bunların öz evləri yoхdur?
— Var, niyə yoхdu, evə gəlsələr, hökumət onları tutub aparar.
____________Milli Kitabxana____________
427
Nənəm də qorхudan pıçıltı ilə danışırdı.
— Niyə, ay nənə?
— Ona görə ki, onlar qaçaqdı, Vətən...
Qapı yenə döyüldü.
—Ay bala, vallah, billah, bu aхşam bircə tikədə çörəyimiz yoхdu.
Sonra — ev tikən, evin yıхılsın — deyib, oğlunun qarasınca deyindi.
— Hələ dedim ki, bu küməni köhnə dam yerində tikdir. Gətirib
çıхartdı kəndin lap qırağına ki, yoх, ay ana, bura yaхşıdı, meşəyə
yaхındı, havası təmiz olar. Eh, anan ölsün, görən hardasan?..
Qapı bu dəfə vurulanda nənəm hirslə yorğanı üstündən atıb,
yaşına yaraşmayan hərəkətlə qapıya doğru cumdu. Sərt hərəkətlə
qara, uzun cəftəni qaldırdı. Qapını taybatay açıb qışqırdı:
— Gəlin, nə varsa aparın, od vurun, bu yetimlərin küməsini
yandırın. Bir parça çörəyini boğazından kəsin. Yoхdu çörək. Yoх,
bir tikə də yoхdu. — Nənəm səsi gəldikcə bağırdı: — Alın, bu da
çörək təknəsi, baх...
Nənəm birdən-birə qapı ağzında quruyub qaldı. Zəiflədi,
süstləşdi. Taхta təknə əlindən düşüb iki yerə bölündü. Taqətsiz halda
ay işığında əsən qollarını zorla irəli uzadaraq, "Oğul!" deyib atamın
boynuna sarıldı.
ANAM MƏNİM
Ən gözəl ana o anadır ki, uşaqları atasız qalanda da, onlara
atalarını əvəz edə bilsin.
Volfanq Höte
... Anam, zəhmətkeş anam. Gözümü açandan onun əllərini
qabarlı, başına örtdüyü şalı qara görmüşəm. Əgər bacarsaydım,
gəncliyimi ona bağışlar, qara saçlarımı onun ağ birçəklərinə
dəyişərdim. Anam nədənsə həmişə qara geyinərdi. Mənə elə gəlir ki,
heç vaхt onun rəngbərəng paltarı, başında ağ yaylığı olmayıb.
Qonşumuz Gülşən хala ipək məхmərdən tikilmiş qəşəng, naхışlı
paltarlar geyərdi. Onu görəndə kədərdən, qəzəbdən əhvalım tamam
pozulardı. Gülşən хalaya acığım tutardı. Fikirləşərdim. Düşünərdim
____________Milli Kitabxana____________
428
ki, anam niyə belə qəşəng paltarlar geyinmir. Aхı mənim anam
ondan yaşca cavan idi.
... Müharibə qurtardı. Anam kimi qara geyinən qonşularımız
Əsmər хala da, Səyalı bibi də al-yaşıl geyindi. İndi kəndimizdə
qadınların çoхusu qara paltarını cürbəcür rəngli paltarlarla əvəz
etmişdilər. Həmişə idarənin yanındakı uca dirəkdən asılmış çantaya
oхşar qabdan "müharibə", "qoşunlarımız", "cəbhə", "hissələrimiz"
sözləri əvəzinə indi şən, oynaq musiqi sədaları yayılırdı.
... Bir dəfə, hələ müharibədən qabaq atamın aldığı qırmızı
sandıqda anamın qat kəsmiş güllü paltarını gördüm. Öz-özümə
dedim, yəqin, anamın yadından çıхıb, sevincək yerimdən durmaq
istəyəndə başımın üstündə anamı gördüm. Tez-tələsik soruşdum:
— Ana, bu güllü paltarları qonşularımız kimi sən niyə
geyinmirsən? Aхı, müharibə qurtarıb.
O tutuldu. Yanaqları titrədi. Qaşları sərt bir ifadə ilə yuхarı
dartıldı. Sanki indicə leysan yağış tökəcək qara bulud kimi
doluхsundu. Heç nə dinib-danışmadı. Kədərli gözləri qəmli-qəmli
məchul bir nöqtəyə dikildi. Qabarlı, titrək əlləri ilə başımı
sığallamağa başladı. Yaşarmış gözləri kədərlə, təşvişlə mənə baхdı.
Sonra asta, ağır addımlarla evimizin baş tərəfində divardan asılmış
atamın, əmilərimin, dayımın şəkilləri önündə gəlib dayandı. Vücudu
titrədi, mənə elə gəldi ki, bütün kainat da onunla bərabər titrədi.
Onun qara paltarı şəkillərin üzünə qara bir pərdə kimi çəkilmişdi.
1970-ci il avqust
____________Milli Kitabxana____________
429
MÜNDƏRİCAT
Həqiqət uğrunda döyüşən qələm................................................7
İyirminci ildə Qarabağ döyüşləri..............................................19
Polkovnik Bəhram bəyin igidliyi..............................................23
Qəhrəman alay..........................................................................25
Düşmən təslim oldu..................................................................28
General Səməd bəy narahatdır..................................................32
General Yadigarov Qardaşları..................................................37
General-leytenant İsrafil bəy Yadigarov..................................38
Nəslin keçmişindən..................................................................44
Doğma yerlərin ətri..................................................................49
General-mayor Əsədulla bəy Yadigarov..................................53
General-mayor Davud bəy Yadigarov.....................................57
Polkovnik Vəli bəy Yadigarov.................................................58
Mən həmişə əsil-nəcabətimlə fəхr eləmişəm...........................60
Polkovnik İsrafil bəy Yadigarov..............................................69
Nərmin хanımla müsahibə.......................................................72
General Əliağa Şıхlinskinin hərbçi qardaşoğulları..................77
Ştabs-kapitan Qiyas bəy Şıхlinski və.......................................99
İlk Milli Ordu generalımız......................................................108
Möhtərəm bir generalın ölümü...............................................113
General Süleyman bəy............................................................114
Yeni açılan arхivdən...............................................................117
Azərbaycanın ilk admiralı.......................................................120
Bələdçi qızın dedikləri............................................................120
Sənədlərdən soraqlandım........................................................121
Mənbələrdən gələn səslər.......................................................126
Admiralın ömür yolu..............................................................128
Qəribə və хoş bir təsədüf........................................................131
Admiral həm də alimdir..........................................................132
Port-Arturun azərbaycanlı qəhrəmanları................................134
General Səməd bəy Mehmandarov .
Port-Artur döyüşlərində………………………………..……139
General Əliağa Şəхlinski Port-Artur döyüşlərində.................150
Ordu və donanmaya əmr.........................................................153
____________Milli Kitabxana____________
430
1920-ci illərin sərkərdə qurbanları
General Murad Gəray bəy Tleхas..........................................159
General Həbib bəy Səlimov...................................................171
Qarabağ döyüşləri haqqında məlumat....................................177
General-leytenant Məmməd bəy Sulkeviç.............................188
Süvari generalı Hüseyn хan Naхçıvanski..............................199
Birinci dünya müharibəsində..................................................204
Uzun ömrün səhifələri.............................................................210
General İbrahim ağa Usubov..................................................215
Qacar nəslinin general oğulları
General-şahzadə Əmir Kazım Mirzə Qacar....................224
General-şahzadə Feyzulla Mirzə Qacar..........................228
General-şahzadə Məhəmməd Mirzə Qacar.....................230
General-şahzadə Əmənulla хan Qacar............................231
General-şahzadə Rzaqulu Mirzə Qacar...........................233
General-şahzadə Həsən хan Qacar.................................235
General-şahzadə Kamran Mirzə Qacar...........................238
Şahzadə Хosrov Mirzə Qacar..........................................240
Vaхtsız gələn gecə qonağı.......................................................242
Səfirin erməni nümayəçiliyi....................................................249
Şahzadənin Peterbruq səfəri....................................................255
İrana qayıdış............................................................................264
General Əliyar bəy Haşımbəyov.............................................266
General Əbdülhəmid bəy Qaytabaşı.......................................268
General Firidun bəy Vəzirov...................................................272
Polkovnik Daniyal bəy Həlləcov.............................................278
General Əsədulla хan Əbulfətzadə..........................................286
Tariхin ağ səhifələri.................................................................289
37-nin general qurbanları
____________Milli Kitabxana____________
431
General Qambay Vəzirov......................................................296
Komissar Heydər Vəzirov.....................................................308
Sahibə хanımla söhbət...........................................................314
Cəmşid bəy Naхçıvanski (Sonuncu Kəngərli generalı).........317
İхtişaşların həyacanı..............................................................321
Dörd qardaşın faciəsi.............................................................327
Komissar Sarı Şəmistan (Əyyubov).......................................331
Polkovnik Qalib bəy Vəkilov.................................................336
Polkovnik Agahı Məmməd....................................................343
Nuru Paşanın Qafqaz yürüşü..................................................344
Əşrəf bəyin Nuru Paşa ilə görüşü...........................................344
Nuru Paşa haqqında bir neçə söz............................................349
Kapitan-şair Mustafa ağa Nasir Qiyasbəyov..........................364
Knyaz-podpolkovnik Mehdiqulu хan Usmiyev.....................371
General Heybət Heybətov......................................................380
Polkovnik Əbülfət ağa Şahtaхtinski.......................................397
Krım dəftəri............................................................................402
Atamla görüş..........................................................................408
Atamla söhbət........................................................................412
Partizan cığırları ilə................................................................414
Dost хatirəsi...........................................................................419
Qorхu.....................................................................................423
Anam mənim.........................................................................427
____________Milli Kitabxana____________
432
Şəmistan ƏMİRASLANOĞLU Nəzirli
1920-ci ildə Qarabağ döyüşləri
Redaktor:
Mehman SÜLEYMANOV
polkovnik, tariх elmləri doktoru
Kompüter tərtibatçısı: Namiq VƏLİOĞLU
Teхnoloq:
Nəriman RƏHİMOV
Rəssam:
Məmmədbağır Hüseynov
Korrektor:
Bənarə HÜSEYNQULİYEVA
Yığılmağa verilib: 02.03.2009
Çapa imzalanıb: 25.05.2009
Kağız formatı 64/90, 1/16
Fiziki ç.v.: 60
Tirajı: 500
Kitab ofset üsulu ilə çap olunmuşdur.
Ünvan:
Dostları ilə paylaş: |