Sən məNİ aldada biLMƏZSƏN, DÜnya
Yüklə 0,79 Mb. Pdf görüntüsü
|
- Bu səhifədəki naviqasiya:
- 3.01.2002. ŞEİRİMİZİN GÖYÇƏ BÜRCÜ Allahın taxt altında çoxlu xəzinəsi vardır. Onların da açarı Ģer dilidir.
| SƏN MƏNİ ALDADA BİLMƏZSƏN, DÜNYA Müəllif kitabın çapına görə Aqil Abbasəli oğlu Kərəmova öz təşəkkürünü bildirir REDAKTORU: f.e.n. Məfkurə Hüseynova Sözün qədr-qiymətini həmişə uca tutan məhşur “Ulu Göyçə”, “Mən kiməm”, “Türkün xilaskarı” poemalarının, “Göyçənin qisası qalır”, “Səttar oğlu” kimi tarixi sənədli romanların müəllifi olan şair-yazıçı Eldar İsmayıl növbəti dəfə oxucularla görüşə “Sən məni aldada bilməzsən, dünya”, şeirlər toplusu ilə gəlmişdir. Kitaba müxtəlif illərdə yazılmış şeirlər və iki poema daxil edilmişdir. Vətən həsrəti, yurd sevgisi, xalq məhəbbəti, mənəvi-əxlaqi dəyərlərə sədaqət kitabdakı şeirlərin əsas leytmotivini təşkil edir. “Sən məni aldada bilməzsən, dünya” kitabı Eldar İsmayılın nəşr olunmuş sayca 27-ci çap əsəridir. © “Nurlan” nəşriyyatı, 2006. YAŞADIM Keşməkeşli bir ömürə qoşuldum, Qəmi sovub, sevincimə tuş oldum. Yaydan ötüb, payız oldum, qış oldum, Qışımı da bahar kimi yaşadım. Nə yaşadım, Eldar kimi yaşadım! Ürək verdim ürəyimin oduna, Əyilmədim vəzifələr adına. Vələs olub çevrilmədim oduna, Palıd kimi, çinar kimi yaşadım. Nə yaşadım, Eldar kimi yaşadım! El təsivin şərəf-şana vermədim, Namus qədər uca zirvə görmədim. Cilddən cildə, dondan-dona girmədim, Başı qarlı dağlar kimi yaşadım. Nə yaşadım Eldar kimi yaşadım! Dedilər ki, talayanlar qazandı, Qazan dibi yalayanlar qazandı. Quyruğunu bulayanlar qazandı, Əyilməyən vüqar kimi yaşadım. Nə yaşadım Eldar kimi yaşadım! Qədərsizi sən nə danla, nə dannan, Uzaq gəzdim saxtakardan, nadannan. Badalaqla uduzandan, udannan, Yaltaq dostdan kənar kimi yaşadım. Nə yaşadım Eldar kimi yaşadım! Yad daşını sinəm ilə götürdüm, Öz dərdimi öz içmə ötürdüm. Vətən adlı cənnətimi itirdim, İllər boyu ağlar kimi yaşadım. Nə yaşadım Eldar kimi yaşadım! Haylı-küylü, ucuz şöhrət gəzmədim, Harın gördüm ədasına dözmədim. Yad bağından yad çiçəyi üzmədim, Bəhrə verən bağlar kimi yaşadım. Nə yaşadım Eldar kimi yaşadım! Hər yerişim addım-addım soruldu, Gülüşümə dar ağacı quruldu. Türk deyəndə şah damarım vuruldu, Yenilmədim, sağlar kimi yaşadım. Nə yaşadım Eldar kimi yaşadım! Haqsızlığı öz kürəmdə əritdim, Gah "Dilqəm"də, gah "Kərəm"də əritdim. Hər misramı saz kürəmdə əritdim, Çaya döndüm, çağlar kimi yaşadım. Nə yaşadım, Eldar kimi yaşadım! Az olmadı səs verənim səsimə, Düz demədim öz səhfimə, tərsimə. Qul olmadım tamahıma, nəfsimə, Yol göstərən zəvvar kimi yaşadım. Nə yaşadım, Eldar kimi yaşadım! Keşməkeşli bir ömürə qoşuldum, Qəmi sovub, sevincimə tuş oldum. Yaydan ötüb, payız oldum, qış oldum, Qışımı da bahar kimi yaşadım. Nə yaşadım, Eldar kimi yaşadım! 3.01.2002. ŞEİRİMİZİN GÖYÇƏ BÜRCÜ Allahın taxt altında çoxlu xəzinəsi vardır. Onların da açarı Ģer dilidir. Məhəmməd Peyğəmbər. Xalqımızın çoxəsrlik və zəngin tarixini min illərin sınağından çıxıb gələn poeziyasız təsəvvür etmək olmaz. Əzəmətli poeziyamız əsrlərdən əsrlərə, nəsillərdən nəsillərə verilmiş, nə qədər təzyiqlərə məruz qalsa da, öz saflığını itirməmiş, dövrümüzə qədər gəlib bizə çatmışdır. Bununla yanaşı, müxtəlif səbəblərdən tarixin keşməkeşlərində itib-batmış və itirdiklərimiz də çox olmuşdur. Şükürlər olsun ki, insan zəkasının misilsiz kəşfi olan kitablar həmişə xalq tərəfindən müqəddəs sayılmış və qorunub saxlanılmışdır. Tariximizi saxtalaşdıranlar qayalara, daşlara həkk olunmuş yazılarımızı, cünklər, risalələr şəklində davam etdirilmiş ədəbiyyatımızı əlimizdən almaq üçün nələr etmədilər və indi də edirlər. Azərbaycan xalqının orta əsrlərdən bəri böyük alimlərinin və ədiblərinin nəfis divanları bizi bu bəlalardan, o günlərdən bu günə kimi hifz etmişdir.Azərbaycan ədəbiyyatı yüksək bəşəri idealları və sehirkar bədii xüsusiyyətləri ilə müxtəlif əsrlərdə dünya ədəbiyyatının coğrafi baxımdan xəritəsini zənginləşdirmiş- dir.Azərbaycan xalq yaradıcılığı və klassik ədəbiyyatı müqəddəs bir xəzinədir. Yazılı ədəbiyyatdan xeyli əvvəl dilimizdə şifahi xalq ədəbiyyatının yaranması inkar edilməzdir.Sözsüz qüvvətli folklor ədəbiyyatı poeziyamızın yaranmasına böyük təsir göstərmişdir. Sonsuz bir mə- həbbətlə sevdiyim və imkan düşdükcə topladığım bu sərvət Eldar İsmayılın doğulduğu ocaqda ər kişilərdən olan Ələsgər kişinin, xanımlar xanımı Səkinə ananın müqəddəs ocağında daha bariz şəkildə baş qaldırdı və XXI əsrin başlanğıcında folklorumuzun cəfakeş qoruyucusu, bilicisi, sanballı folklorşünas alimimiz mənim dostum, qardaşımız filologiya elmləri doktoru Hüseyn İsmayılov qoymadı ki, bu çıraq sönsün. Eldar İsmayıl misralarının sehri məni həmişə əfsunlamış və mən bu poeziyanın dərinliklərinə baş vurduqca uzun bir səyahətin yolçusu oluram və bütün türk dünyasını gəzirəm. Eldar İsmayıl - şair, publisist, curnalist, yazıçı - biri-birini tamamlayan həqiqətdir.Mən bu kitaba ön söz yazmaq təklifini alanda Eldar İsmayılın mənə olan saf duyğuları, qardaş məhəbbəti gözümün önünə gəldi və onun saflığına, paklığına zərrə qədər şübhəm olmadığı üçün ona qarşı sevgimi bütün Eldar sevənlərlə bölmək istədim, ürəyimi boşaltdım. Onun poeziyası barəsində söz demək böyük bir qəlbin çırpıntılarını duymaq, Azərbaycan xalqının mübarizə və qəhrəmanlıq kitabını oxumaq deməkdir. Eldar İsmayıl haq- qında danışmaq isə qüdrətli bir şairin, o taylı, bu taylı vətəninə, dilinin əzbəri olan Göyçəyə, bütün Azərbaycana vurğunluğu deməkdir. Yüklə 0,79 Mb. Dostları ilə paylaş:
|