ahmedalhasan313.wordpress.com
19
Giriş
Bismillahir Rəhmanir Rəhim. Əlhəmdulillahi Rəbbil Aləmin.
Allahummə səlli əla Muhəmməd və Ali Muhəmməd, əl-Əimmə vəl-Məhdiyyin
və səllim təslimən kəsira.
Bu kitabın yazılmasının əsas məqsədi, şəriət məsələlərini batilə yol vermədən,
sırf Əhli-beyt (ə.s) məktəbi yolu ilə və bu yoldan kənara çıxmamaq şərtilə
(müctehid fətvalarından uzaq bir tərzdə) və kənar məktəblərin (üsuli fiqhi qolu və
sair) təsirindən uzaq olmaq şərtilə sizlərə çatdırmaqdır. Bu kitabın ərsəyə
gəlməsində bir çox hədis mənbələrindən və sair fiqhi qolların yazdıqları
kitablardan (Əhli-beyt (ə.s) kəlamları dairəsindən kənara çıxmadan) istifadə edilsə
də, əsas məqsəd, kopya etmək deyil, sırf Əhli-beyt (ə.s) buyruqlarından kənara
çıxmamaq şərti ilə maarifləndirməkdir.
İmam Əli (ə.s) buyurdu: "Övladlarınıza bizim elmlərimizi öyrədin ki, Allah
onu o elmlə faydalandırsın. Mürciə öz rəyi ilə onlara qalib gəlməsin."
- əl-Hisal: s.614
Əba Əbdillah Cəfər Sadiq (ə.s) buyurdu: "Kiçiklərinizə hədis öyrətməkdə
tələsin ki, mürciə (bu işdə) sizdən öncə onlara yetişməsin."
- Kafi: 6/47
İmam Əlinin (ə.s) əks fətva verən alimləri məzəmmət etdiyi kəlamların-dandır:
“Alimlərin birindən dinin əhkamı barəsində bir məsələ soruşulduq-da o öz rəyi
əsasında fətva verir, həmin məsələ digər qazıdan soruşulduqda, onun fətvası
birinci qazının fətvasının əksinə olur, bu zaman bir-birinə zidd hökmlərilə onları
qazı təyin edən rəhbərin ətrafına toplanırlar. Qazılar qazısı onların, Allahı bir,
Peyğəmbəri bir, Kitabı bir olduğu halda hamısının rəyinin düzgün olduğunu
söyləyir. Allah-təala onlara ziddiyyətli fətva verməyə əmr edibmi ki, onlar da onun
göstərişinə itaət ediblər? Ya onları ziddiyyətdən çəkindirib, onlar isə itaətsizlik və
günah ediblər? Yaxud da Allah-təala naqis bir din göndərib, onu tamamlamaq
üçün onlardan kömək istəyib? Və ya özlərini Allaha şərik bilib hökm verirlər və O
da razıdır? Və ya Allah-təala tam bir din göndərmiş, Allah Rəsulu (s.ə.v.v) isə
ahmedalhasan313.wordpress.com
20
onun təbliğində və çatdırılmasında bir nöqsan etmişdir? Halbuki Allah-təala
buyurub: [Biz Qur’anda heç bir şeyi əsirgəməmişik] [Ənam 38]. [Sənə hər bir şeyi
bəyan edən Kitabı göndərdik] yəni, orda hər bir şeyin bəyan olunduğunu
buyurub…”
- Nəhcül-Bəlağə, xütbə 18.
Odur ki, əks fətva verən müctehidlərin insanları götürdüyü zəlalətə düş-
məməsi üçün, dində fərz və vacib buyurulmuş əməllərlə bağlı Əhli-beytin (ə.s)
buyurduğu hədislər toplusunu hazırladıq. Giriş bölməsində bəzi vacib əqidəvi
məsələlərə də toxunulmuşdur.
538 səhifəlik bu kitab on dörd babdan ibarətdir:
1. Dəstəmaz babı
2. Qüsl babı
3. Namaz babı
4. Meyit qüslü babı
5. Oruc babı
6. Zəkat babı
7. Xüms babı
8. Nigah babı
9. Təlaq babı
10. Təharət və Nəcasət babı
11. Qida və İçkilər babı
12. Cihad babı
13. Həcc babı
14. Cəzalar babı
Hər babın daxilində də müxtəlif məsələlər üzrə qruplaşdırılmış bölümlər yer
almaqdadır. Ümid edirik, Əhli-beyt (ə.s) sevərlər onlara lazım olan bütün
suallarının cavabını kitabda tapacaqlar.
ahmedalhasan313.wordpress.com
21
Halal və haramla bağlı bəzi məsələlər
Hər bir müsəlman Allahın bildirdiyi halal və harama diqqət etməlidir. Çünki,
halal-haram bir çox baxımdan vacib və önəmlidir.
Dini baxımdan, halal və haram, Allahın şəriətində olan insanın əməli imtahanıdır.
Çünki, əqidəsi salim olan bir şəxsin, əməli baxımdan bunu təsdiq etməsi və
əməllərini nizama salaraq, Şəriətin bildirdiyi çərçivədən kənara çıxmaması
lazımdır. Çünki insanın azadlığı, onun hər bir işdə azad olması mənasında olsada,
bu işlərdə bir çərçivənin olmaması mənasında deyildir. Çünki “çərçivə” azadlığın
məhdudlaşdırılması deyil, əksinə azadlığın nizama salınması deməkdir. Çünki,
azad olan bir insan, nizamdan kənara çıxarsa, bu xaos və özbaşnalıq ilə nəticələr.
Xaos və özbaşınalıq isə, azadlıqdan sui-istifadə etmək deməkdir. Bir misal çəkməli
olsaq, əgər bir ata, kiçik bir uşağa “bunu etmək olmaz” deyirsə, bu olmaz sözü,
uşağı sıxışdırmaq və dustaq etmək mənasını verməz, hər nə qədər uşaq həmin sözü
dərk etməsə belə. Əslində bu məhdudiyyət, uşağın xeyrinə olan bir məsələ-dir.
Çünki ata həmin məhdudiyyəti uşağın xeyrinə demiş və onu təhlükələrdən
qorumuşdur. Çünki, nəticəni dərk edən həmin atadır, nəinki dərk etməkdə ata ilə
muqayisə edilə bilinməyəcək dərəcədə olan övlad.
Tibbi baxımdan isə, halal və haramları bəyan edən Allah, insanları imtahan
etməkdən əlavə, həmdə insanların sağlamlığınıda düşünmüşdür. Çünki, hər şeyi
nizam və ölçü ilə yaradan Allah, bəndəsinin fiziki və ruhi baxımdanda sağlam
olmasını istəyir. Çünki, fiziki baxımdan olan xəstəliyin, ruhi sağlamlığada təsir
etmək bacarığı vardır. Buna görə də Allah-təala Öz bəndəsinə, bir atanın öz övladı-
na göstərdiyi diqqət və şəfqətdəndə artıq yaxındır. Bəndənin etirazı isə, ancaq öz
cəhalət nəticəsində ola bilər. Çünki Allah, məhdudiyyətləri Özü üçün insanların
azadlıqlarını əllərindən alması üçün deyil, sırf insanlara xeyirlərinin nədə olmasını
bildirmək üçün bəyan etmişdir.