426
– Dilqəm. Deyəsən bura adamı deyilsiniz, gəzməyə gəl‐
misiniz?
– Yox, yerli sayılırıq, Calut kəndində yaşayırıq. Amma hələ
tam köçüb gəlməmişik. Amma sənin bu ayran, pencər və pen‐
dir dürməyindən sonra əminəm ki, elə bu yaxın günlərdə kö‐
çüb buraya birdəfəlik gələcəyik.
– Əsliniz hardandır?
– Qubadlıdan.
– Hə... Gözəl yeriydi, Allah mərdimazara lənət eləsin, ca‐
maatı yerindən‐yurdundan elədilər. Mən də deyirəm, a bala, bu
şəhərlidirsə, şəhərlilər ayranın az qala iyindən iyrənirlər... Bildim
ki, dağ adamısan. Dürmək bükməyinə isə söz ola bilməz.
Qızın ikinci qrafinini də boşaltmışdıq. O ürkək‐ürkək Dil‐
qəmə baxıb soruşdu:
– Əmi, yenə gətirimmi?
Mən cavab verdim:
– Yox, bəsdi mənim balam, Allah səni xoşbəxt eləsin, doy‐
duq ta. Ağzın şirin, ömrün uzun olsun.
Qız – “Sağ olun”, – deyib getdi. Dilqəmdən soruşdum: –
“Qızındır? Hərdən bizdə də ataya “əmi”, “dayı”, “qağa” de‐
yirlər?”. “Yox”, – dedi – “Tükəz çoban dostumun qızıdır, atası
aşağı yenib ki, bəzi xırda‐xuruş bazarlıq eləsin. Amma sizi and
verirəm Allaha, sözümü yerə salmayın, bir az əyləşin uşaqlar
yemək hazırlamışdılar, yeyin, sonra gedərsiniz. Yaxşı içalat
qovurmamız var – çobanın olanından...”. Uşaqlara baxdım –
“Hə, nə deyirsiniz, andını yerə salaq, ya qardaşımızın qonağı
olaq? Bilirəm ki, indiyədək heç biriniz qarın‐qarta qovurması
yeməmisiniz?”.
Dilqəm əlini əlinə vurub, – “Oy qadan alım ha, sözə bax
ey, – “qarın‐qarta”. Əsl çobansan”.
Hamı gülüşdü. Mən, – “Deyirsən yəni məndən çoban
olar?”.
427
Dilqəm özünü azca itirib, – “Yox, elə demək istəmədim,
vallah. Deyirəm yəni əsl dağ adamısan. Çoban adamam, məni
çox bərkə‐boşa salma, sən Allah” – dedi.
Afət:
– Əziyyət verməyək, uşaqlar gəzmək istəyirlər.
Dilqəm:
– Nə əziyyəti var, bacı, qulağıbatmış kimi bütün günü tək
qalmaqdan vaveyla deyirik. Tanışlığımızı urvatsız etməyin.
Gəlmişkən, qoy qardaşla da dərdləşək, görək dəniz tərəflərdə
nə var, nə yox...
Mən:
– Şəxsən mən qalacağam, gəzmək istəyən gəzsin. Uşaqlıq
illərim yadıma düşdü, məni burdan heç kim dartıb apara
bilməz – dedim.
Kənan, mən və nəvəm Ünzilə burada qaldıq. Afət, Bahar
və Dilbər isə meşənin ətəklərinə çiyələk axtarmağa getdilər.
Bir qədər sonra iki qadın və Kənan yaşda bir oğlan əllə‐
rində yuyulmuş paltar ləyənləri çay tərəfdən gəldilər. Bizimlə
mehriban görüşüb Ünziləni qucaqlarına alıb oynatdılar. Biri Tü‐
kəzin anası, digərləri isə Dilqəmin oğlu və arvadı idi. Alaçıqdan
yuxa iyi ətrafa yayıldı. Bu iyə heç dayana bilmirəm, eynən
bizdəki kimi, – təzəklə sac qalamışdılar.
– Yuxa salırlar deyəsən? – yerimdə dingildədim. Durna nə‐
nəmlə anamın yuxa salarkən kündə daşıdığım günləri qəribsə‐
dim.
– Yox, kətə bişirirlər, sizdə mərəvzə olurmu? – Dilqəm so‐
ruşdu.
– Nə danışırsan, mərəvzə kətəsi yeyəcəyik!? – lap “çiçəyim
çırtladı”.
– Mərəvzə, çiriş, cincilim, yemlik, quzuqulağı, gicitkən –
hamısının qarışığı bir yerdə daha ləzzətli olur.
428
– Mən daha heç yana gedən deyiləm, düz on gün sənin
yanındayam. Yanında boş çoban yeri varmı?
– Gözüm üstə yerin var, baş çoban yerimiz boşdur, –
deyib güldü və sonra, – “Heç adını demədin?” – deyə soruşdu.
– Oy, bağışla, sən Allah! Adım Fərhaddır, bu isə oğlum
Kənan və nəvəm Ünzilə.
Kətələr yerə salınmış kilimin üzərinə qoyuldu. Yanında da
xalis nehrə yağı. İsti buğ qalxırdı kətələrdən. Ağzımın suyunu
yığışdıra bilmirdim, mərifət və qanacağı unudub mənə doğma
olan bu qoxu və dada tez çatmaq üçün kətələrin birini dürmək
kimi büküb ağzıma dürtdüm. Ləzzətlə – “Bəh, bəh..!” – deyib
başımı buladım.
– Qatıq da varınızdırmı? – soruşdum.
– Əlbəttə, qatıqsız çoban olar heç? Ay Nazlı, qatıq gətir,
həm də lap turşundan... – mənim kimi qulaq dostu tapdığına
sevinir, gülürdü.
Bir kasa soyuq qatıq gətirdilər. Yanımdakıları unutmuş‐
dum, kətələri az qala gözümə təpirdim. “Qatıq da tam mən istə‐
yəndir, – turşumuşundan!”. Görünür qanacaq qaydalarını çox
pozmuşdum, Kənan dilləndi:
– Ata, lap kinodakı Beyrək kimi yeyirsən, qorxma, hamısı
sənindir, yavaş‐yavaş yesənə, boğazında qalacaq...
– Kaş biləydin neçə ildir belə kətənin həsrətindəyəm, oğul.
Hələ bundan sonra da üstündən bir ayrannaş
vurursan, olursan
anadangəlmə sütül igid. Yoxsa sizin kimi, marqarin yağı ye‐
məkdən dişləriniz 13 yaşınızda çıxır.
Dilqəm yerində qurcuxdu:
– A Nazlı, o qıcqırmış ayrannaşı da bəri ver. Vallah əsl dağ
adamısan, Fərhad qardaş, xoşuma gəldin, saf adama oxşa‐
yırsan. İnan ki, mənə o qədər xoş oldu sənin bu səmimiliyin,
nuşcanın olsun. Biz belə şeyləri hər gün yeməkdən bezmişik.
429
Belə pis çıxmasın, çox vaxtı ayranı, dovğanı inəyə, kətəni isə itə
atırıq – Dilqəm yenə də istəmədən “çobanlığına saldı”.
Kənanı dəli bir gülmək tutdu, mən də ona qoşulmuşdum.
Dilqəm tutldu, sözündən pərt olmuşdu:
– Vallah o mənada demədim, çoban adamam, yenə gül‐
səniz bax ağzımı bir də açmayacağam!
Xeyli güldük və səsimizə alaçıqdakılar da çıxdılar. Güclə
özümü saxlayıb qadınlara:
– Bacı, Dilqəm qardaş deyir ki, siz Allah yeyib qurtarın,
bizdə kətəni it də yemir, ayrana isə qoyun‐inək yaxın durmur...
– Şərə bax ey! Mən elə söz dedim? – Dilqəm pərt olmuşdu.
Mən:
– Belə çıxır dayna!
– “Belə çıxır” başqa, demək isə başqa...
Onlar da bizə qoşuldular. Tükəz Ünzilənin başına güldən
çələng düzəldirdi. Afətgil də artıq gəlib çıxdılar, arvadlarla elə
öpüşüb‐görüşdülər ki, sanki yüz ilin tanışıydılar – qadınların
bu ani mehribanlığı lap çaş‐baş qalmalı işdir.
Qubadlıdan çıxandan bəri bu ləzzəti duymamışdım. Ağ‐
zımın dadı özümə qayıtmışdı. Atam buranı havayı yerə sevmə‐
yibmiş. Bir dəfə həyəti belləyəndə ondan soruşmuşdum ki, –
“Ata, necədi Bakı, xoşuna gəlir?”. Cavab vermişdi ki, – “Ay
oğul, bayaqdan yer belləyirəm, bir dənə də olsun soxulcan gör‐
məmişəm. Sən özün de, soxulcan yaşamayan yerdə insan yaşa‐
yarmı heç?”. Amma burda atam quzuqulağını, çirişi, yemiliyi,
mərəvzəni görmüşdü. Ruhun şad olsun, ata, iki nəsihətin ye‐
rinə yetirilməmiş qalıb – namaz qılmaq və Oğuza köçmək. Sənə
söz verirəm, növbəti işim bunlar olacaqdır.
On gün Oğuzda qaldıq və hər gün də Dilqəmin qonağı
olurduq – gah Kənanla ikilikdə, gah da Ünzilə ilə üçümüz bir‐
likdə. Dilqəmlə əməlli‐başlı yaxınlaşıb dost olmuşduq. Belə
sadə və açıqürəkili, qonaqpərvər adamların həsrətindəydim,
Dostları ilə paylaş: |