Mehdixan Vəkilov araşdırmalar aparmadığına görə bu sənədlər barədə
söhbət açmır. Hər ikisinin - Məhəd bəyin və Mehdixan müəllimin yazdığı, nənə-
babalarından eşitdiyi, bildiyi şifahi əhvalatlar olsa da, tarixi həqiqətə tam
uyğundur. Lakin Gürcüstan Dövlət arxivində bu barədə saxlanan sənədlər şahidlik
verir ki, vəkilovlar nəslindən təkcə Alı ağa və Yusif ağa deyil, başqaları da vəkil
olmuşlar. Onun qısaca tarixçəsi belədir:
Nadir şah Əfşarın ölümündən on doqquz ay sonra - 1744-cü ildə II İrakli
qərar verib Salahlı elinin başçısı Səfixan bəyi gözdən şikəst olduğuna görə vəkil
vəzifəsindən azad etdi. Əvəzində Pənah ağa Kosa Məmmədşərif ağa oğlunu onun
yerinə seçdi.
1798-ci il yanvarın on birində II İrakli yetmiş səkkiz yaşında Telavidə öldü.
Yerinə oğlu XII Georgi David Gürcüstan da hakimiyyət başına keçdi. Bu vaxt
Qazağın vəkili Salahlının Kosalı tayfasından
4
olan Alı ağa Pənah ağa oğlu idi.
Bu illərdə (1744-1797) II İraklinin və XII Georgi Davidin sarayında
eşikağası-xarici işlər üzrə vəzir, Yusif bəy Kosa ağa oğlu idi.
1799-cu ildə çar XII Georginin əmrilə Qazağın Pərili erməniləri yaşayan
yuxarı hissəsi - Aslanbəyli, Qaradaş, Qurumsulu kəndləri vəkil Pənah ağaya,
verilir və həmin kəndlərə o vəkil təyin olunur.
Qazax-Salahlı dairəsi isə vəkil Alı ağanın ixtiyarında qalır. Pənah ağadan
əvvəl Salahlının vəkili onun atası Məmmədşərif ağa 1749-cu ildən 1768-ci ilədək
bu vəzifədə işləmişdir. O, qocalığına görə bu vəzifədən azad olunub. Pənah ağa isə
vəkil vəzifəsinə üç dəfə seçilmişdir.
Mart, 1995
HACI MƏMMƏDXAN AĞA
Vəkil Alı ağanın böyük oğlu Hacı Məmmədxan ağa ərəb kimi qara bir adam
idi. O, Xədicə Sultan xanım adlı qənirsiz bir gözələ evlənir. Onun tərifi bütün
mahala yayılıbmış. Qohumunun ağıllı və gözəllikdə tayı-bərabəri olmayan bir qızla
evlənməsi şair Kazım ağa Salik Şıxlinskiyə (1781-1842) də çatır. Salik, atını
minib, Xədicə xanımı görməyə gəlir. Hacı Məmmədxan ağa evdə olmadığından,
Xədicə Sultan xanım ağzı yaşmaqlı onun qabağına çıxır. Buyurub düşməsini təklif
edir. Salik atdan düşür, onun gözəlliyini yaxından görmək üçün soyuq su istəyir.
Xədicə Sultan xanım su gətirir. Su içəndən sonra şair Salik deyir:
Evləri var dağ ağzında,
Gül bitirər bağ ağzında,
4
Səməd Vurğunun ulu bаbаsı XVII əsrin əvvəllərində yаşаmış Kоsа Mirzəlidir. О, I Şаh Аbbаs Səfəvinin
хüsusi fərmаnı ilə yеddi pаrа kəndin аğаsı təyin еdilib. Igidliyi və müdrikliyi ilə оbаdа аd-sаn qаzаnmış Kоsа
Mirzəli Vəkilоvlаrın təməl dаşı sаyılır. Ruslаrın Zаqаfqаziyаnı işğаlınа qədər bu nəsil “Kоsаlı”, “Kоsаzаdələr”,
“Kоsа оğlu” və “Kоsаlı аğаlаrı” kimi tаnınmışlаr. Vəkilоvlаr sоnrаlаr üc tаğdа kök аtıb böyüyüblər:
Məmmədşаriflilər, Pənаhаğаlılаr və Mustаfа аğаlılаr Məhəd bəy “Nəslim hаqqındа аltı əhvаlаt”ın hаmısındа
imzаsını bеlə yаzıb: Məhəd bəy Kоsаlı-Vəkilоv (-Ş. N.).
Bir xınalı kəklik gördum,
Bir dümqara zağ
5
ağzında.
Bunu deyib Salik atını sürüb gedir. Axşam hacı Məmmədxan ağa evə
qayıdanda Xədicə Sultan xanım xəbər verir ki, bu gün şair Kazım ağa Salik
gəlmişdi. Onu evdə tapmadı, bu bayatını deyib getdi. Hacı Məmmədxan ağa
gülümsəyir və cavabında deyir:
Ələm qardan olmaqdır,
Qovğu cana salmaqdır.
Qara zağın qaydası,
Xınalı kəklik almaqdır!
QABAN OVU
Hacı Məmmədxan ağanın əmisi oğlu Məmmədşərif ağa bir dəfə dostları ilə
söhbət edərkən deyir:
- Xədicə Sultan xanımı qoyaydılar qabanın iki qaşının arasına, görəydin onu
ordan mən alırdım, yoxsa Hacı Məmmədxan ağa.
Bunu Hacı Məmmədxan ağaya xəbər verirlər. Bir neçə gündən sonra Hacı
Məmmədxan ağa dostlarını toplayır. Məmmədşərif ağanı da götürüb Qarayazı
meşəsinə qaban ovuna gedirlər. Əlində sıyırma qılınc, qalın böyürtkən kolları
arasından keçən cığırı kəsir. Məmmədşərif ağanı da yanında saxlayır. Dostları
meşədə hay-küy salıb, qabanı yatağından hürküdürlər. Erkək qaban su cığırı ilə
bunların üstünə cumub gələndə Məmmədşərif ağa qaçmağa başlayır. Hacı
Məmmədxan onun qolundan yapışır:
- Hara qaçırsan, Xədicə Sultan xanım qabanın qaşlarının arasındadır, al, -
deyir, - qılıncı endirib Məmmədşərif ağanı yaralayır. Cəld geriyə dönür, qılıncı
ustünə hücum edən qabana endirir. Zərblə vurduğu qılınc qabanın üst çənəsini
kəsir, alt çənəsində ilişib qalır. Qaban diz çöküb yıxılır.
* * *
BOLUŞ BƏY
Qarabağ xanı İbrahimxəlil xanın dövründə Boluş bəy adlı bir cavan xanlığa
və onun adamlarına boyun əyməyən cəsur bir igid kimi ad-san qazanıbmış.
Dağlarda mal-qara və qoyun sürüsü saxlayan Boluş bəy yarımqaçaq, öz sürülərinin
içində dolanarmış. Xan və onun adamlarının əlinə keçməmək üçün tez-tez yerini
dəyişib sərt və qayalı dağlarda məskən salarmış.
5
Zаğ - yаylаqlаrdа yаşаyаn zil qаrа qаrğаdır
İbrahimxəlil xan adamlarına əmr edir ki, Boluş bəyi tutmaq üçün müəyyən
yerlərə gözətçilər qoyun, çalışın diri tutun, tuta bilməsəniz də öldürün. Xan
fikirləşirdi ki, Boluş bəyin ona tabe olmamağı, ağayana hərlənməyi qalan
rəiyyətlərə də rəvac verər. Uzun zaman güdəndən sonra xanın adamları Boluş bəyi
tutub xanın hüzuruna gətirirlər. Boluş bəy Şuşa qalasına gətiriləndə axşam tərəfi
imiş. Xan əmr edir ki, onu bu gecəlik dama salsınlar, sabah divanına baxıb,
cəzasını verər.
Bu zaman vəzir Molla Pənah Vaqif dostları ilə başmaq seyrinə çıxıbmış.
Görür ki, xanın adamlarının qabağında ucaboylu, pəhləvan cüssəli, neçə illərdi
xana meydan oxuyan el qəhrəmanı Boluş bəy gətirilir. Onun tutulmağı Vaqifi bərk
kədərləndirir. Gözətçilər vəziri görəndə dustağı dayandırıb ona təzim edirlər. Boluş
bəyə canı yanan vəzir Vaqif ona kömək məqsədilə deyir:
Xan mən olsam, Boluşu sabaha qoymaram,
Boluş da mən olsam, sabaha qalmaram.
Boluş bəy Vaqifin işarəsindən anlayır ki, işi xarabdır; səhərə qalsa xan onu
ya qayadan atdıracaq, ya da dar ağacından asdıracaq. Ona görə də bütün gecəni
yatmır, əlinə keçən dəmir parçası ilə damın arxasından yarıq açıb dağlara qaçır.
Qəzəbli İbrahimxəlil xan Boluş bəyi nə qədər axtartdırırsa, tapa bilmir.
Bundan sonra Boluş bəy Vaqifin məsləhətilə oturub-durur. Bir gün Vaqif ona
xəbər göndərir ki, mal-qarasını, qoyun sürüsünü də götürsün, ev-eşikli köcüb
Salahlı kəndində yaşasın.
Məhəd bəy Vəkilov 1941-ci il martın 25-də yazdığı bu əhvalatın sonunda
qeyd edir ki, o vaxt Qarabağdan köcüb gələn Boluş bəyin nəslindən bizim Salahlı
kəndində indi də yaşayanlar var. Boluş Əhmədi, Boluş Kərimi və Boluş Nəcəfi
şəxsən mən yaxşı tanıyırdım. Boluşlular kəndin ucqarında ayrıca məhəllə kimi
yaşayırdılar. Yayda yaylağa çıxanda da, boluşlular dağın ən sərt yerində
“Atqırılan” qayasının dibində çətin yollu sarp yerlərdə dəyələrini qurub
yaşayardılar. Heç bir bəyə, heç bir hökumətə onlar boyun əyməzdilər. Sürü-sürü
qoyunları, naxırları olsa da nə qubernatoru, nə də pristavı saymazdılar. Onların
kiçikyaşlı uşaqları da at sürməkdə, ov eləməkdə və oğurluqda ad-sad qazanmışdı.
Bu onlarda babaları Boluş bəydən qalma irsdir.
“Vaqif” dramında xalq qəhrəmanı kimi verilən Eldar obrazı əslində Boluş
bəydir. Eldar Boluş bəyin prototipidir. Səməd Vurğun öz qəhrəmanını ona görə
Eldar adlandırmışdır ki, o şəxs el arasından çıxmış bir özəkdir. Eldar el qabaqcılı,
elçəkən, el tərəfdarı deməkdir.
Heç təsadüfi deyil ki, “Vaqif” dramında Səməd Vurğunun Vaqifinin dililə:
“Divanı sabaha qalanlardan ol”, - deyimi vaxtilə Vaqifin Boluş bəylə üzbəüz
gələndə dediyi fikirlə eyni səsləşir.
Mart, 1995
QAYALARI BAŞ-BAŞADIR
Dostları ilə paylaş: |