1
Siyasət Elminə bir Baxış
Müəllif: Əliəsğər Nüsrəti1
Mütərcim: Mərdan Zalov2
Alınan tarix: 11/05/2017
qəbul tarixi: 01/04/2017
Abstrakt
"Siyasi sistem"in tərifində olan problem budur ki, onun məfhumu barəsində siyasi
mütəfəkkirlər arasında vahid bir düşüncə mövcud deyil və bu məfhum "dövlət",
"hökumət" və "siyasi rejim (quruluş)" kimi bəyan edilir. Bu problem siyasi sistemlərin
bölgülərə ayrılmasında da mövcuddur. Ona görə ki, bəzi mütəfəkkirlər onu "dövlət",
bəziləri də "hökumət" adı altında bölgülərə ayırmışlar.
Bu məqalədə həmin məfhumlar arasında fərqlər qoyulmuş və onların hər biri üçün
ayrıca təriflər verilmişdir.
Açar kəlmələr: siyasət, dövlət, hökumət,
hakimiyyət
"Siyasət" məfhumu
Lüğəvi məfhum
"Siyasət" sözü Ərəb dilindəki "sasə-yəsusu" sözündən götürülmüşdür. Onun
mənası farsdilli lüğətlərdə belədir: "Rəiyyət üzərində hökm sürmək, ölkənin
işlərini idarə etmək, hökumət sürmək, hakimiyyət sürmək, hökumət, camaatın
işləri ilə onların məsləhətinə uyğun olaraq məşğul olmaq, mülkiyyəti qorumaq,
ədalət və adillik, hökmdarlıq, cinayət və cəza, mülkiyyət (hüdudlarını)
hüquqlarını qorumaq, mühafizə və qorumaq, göstəriş və qadağalar, təlim-tərbiyə
və ölkənin daxili və xarici işlərini idarə etmək."3
İngilis dilində "siyasət" sözünün qarşılığı Yunan dilindəki "polisi" sözündən
götürülmüş "policy"dir. Bu söz və ondan alınan sözlər Fars dilində aşağıdakı
mənalarda tərcümə olunmuşdur:
a) Policy: Yəni, hərəkət xətti, istiqamət, siyasət, siyasətçilik, məsləhət,
profesionallıq, tədbir və zirəklik.
b) Politic: Profesional, məsləhətçi, tədbirli, zirək, məsləhətyönlü, məsləhətlə
yanaşı, tələb edən (tələbkar), doğruya yaxın, aqilanə və siyasətcil.
c) Polity: Hökumət quruluşu, cəmiyyət, millət və dövlət mənalarında qeyd
edilmişdir.4
1
. Qum hövzəsinin ustadı,
aan20166@yahoo.com
2. əl-Mustafa Universitinin tələbəsi,
merdan_1983@mail.ru
3 "Fərhənge farsiye Muin və luğətnameye Dehxuda".
4 Həyyim, "Fərhənge bozorge engilisi-farsi".
2
Ərəbdilli lüğətlərdə də "siyasət" sözü müxtəlif mənalarda işlənmişdir.
Məsələn: "Əl-Qiyamu ələş-şəyi bima yəsləhu" (Hər bir şeyi onun (nəzərdə tutulan
şeyin) məsləhəti istiqamətində bərpa eləmək), "Felus-sais" (heyvanların
əhlilləşdirilməsi),5 "İstislahul-xəlqi bi irşadihim ila ət-təriqil-munciyyi fil-acili
əvil-əcəl" (hazırda və ya gələcəkdə camaatı qurtuluş və səadət yoluna
yönəltməklə onların yaxşılığını istəmək), "fənnul-hokmi və idarətu əmalid-
dövlətid-daxiliyyə vəl-xariciyyə" (hakimiyyət (siyasət) fənni və bir dövlətin
daxili və xarici fəaliyyətlətinə rəhbərlik (müdriyyət)).6
Terminoloji məfhum
İlk öncə təriflərin insanların məsələ və fenomenlərə yanaşma tərzi və eyni
zamanda, tərif edənin hiss və idrakına tabe olaraq meydana çıxması kimi mühüm
bir mətləbə diqqət yetirmək lazımdır. Bəzən hansısa bir məsələdə dünya görüşü
və maraqların fərqliliyindən müxtəlif təriflər bəyan edilir. Bu fərq və müxtəliflik
ictimai fenomen və məsələlər sahəsində daha əhatəli və çoxdur. Başqa sözlə,
insanın bilik sistemi onun həssasiyyət və əməllər sistemindən ayrı deyil, əksinə
onların üçü də bir-birinə bağlı şəkildə və mütənasib sistemlə dəyişiklik və
təkamül yolunu keçir. Beləliklə, insanın xarici aləmlə elmi və nəzəri rabitəsi
vasitəsiz və onun həssasiyyət və əməlləri ilə rabitəsiz olaraq formalaşmır və belə
bir rabitənin nəticəsi qəlbi bağlılıq, nikbinlik və bədbinlik və ən zəif mərhələdə
onun rəftarından təsirlənmiş olan yeni məfhum və dərk edilən şeylərin yaranması
olacaqdır.7
İctimai prizmadan da məfhum və təriflər sisteminin etiqad və inanclardan
təsirlənməsi aşkarcasına hiss olunmaqdadır. Günümüzdə ictimai şəraitdən uzaq
və qapalı mühitdə olan, öz vaxtını tədqiqat və yeni kəşflərə sərf edən bir alim və
tədqiqatçını nadir halda tapmaq mümkündür. Ehtiyaclar cərəyanı və ictimai
maraqlar sisteminin elm və araşdırmalar üfüqünün gələcəyində həlledici rolu
vardır və tədqiqat marağının hətta araşdırma və tədqiqat mərkəzlərində belə
yalnız axtarış və elmi sevmək ruhiyyəsi, başqa sözlə desək, "elm xatirinə elm" ilə
olması təsəvvürü sadəlövhcəsinə olan bir təsəvvürdür.
Müasir dövrdə tədqiqat müəssisələri onların varlığı və ictimai sistemdə
mədəni, siyasi və iqtisadi hədəf və məqsədləri həyata keçirmək baxımından
yaranan ehtiyacın ardınca cəmiyyətin çatışmamazlığını həll etmək və ictimai
hərəkat qanununu hazırlamq vəzifəsini öz öhdəsinə götürmüşdür. Həmin
səbəbdən, üsul və müqəddimə məsələlərin təsis edilməsindən tutumuş münasib
5 "Əl-Muncid".
6 "Lisanul-ərəb".
7 Allahın Rəsulu (s) buyurur: مصیو یمعی ءیشلل کبح
"Sənin bir şeyə nisbətdəki məhəbbətin sənin
həmin şeyin eyiblərini görməmən və eşitməməyinə səbəb olur." ("Bihar", c.77, səh. 164.)