Ümumdünya BMT Assosiasiyaları Federasiyası,
Minilliyin Layihəsi
2007 Gələcəyin Durumu
25
BMT-nin Minilliyin İnkişafı Məqsədlərinə nail olunmasının 135 milyard dollara başa
gələcəyi gözlənilir; müqayisə üçün, İraqdakı müharibə üçün 600 milyard dollar xərclənib
və ABŞ Konqresi tərəfindən təsdiqlənib, və digər 140 milyard dollar isə 2008-ci il üçün
tələb oluna bilər.
BƏT-in verdiyi məlumatlara əsasən, qadınlar tərəfindən tutulan qanunverici,
dövlət və ya
rəhbər vəzifələr 1995-ci ildə 25.6%-dən cüzi artaraq bu gün 28.3%-ə çatıb. Baxmayaraq
ki, qadınlara qarşı ayrı-seçkiliyin hər hansı bir forması demək olar ki, bütün dünyada
qəbul olunmur, amma yenə də irəliləyiş çox müxtəlifdir. Təqribən 57% qadın
iqtisadiyyatda çalışır, lakin cəmi 17% isə milli parlamentlərin üzvləridir. Hal-hazırda ibtidai
məktəbdə oxuyan hər 100 oğlana 94 qız düşür. 1999-cu ildə isə bu göstərici 92 olub.
2004-cü ildə əldə olunan məlumata əsasən 181 ölkədən təqribən 2/3-sində ibtidai təhsildə
cinsi bərabərliyə nail olunub, lakin 177 ölkədən cəmi 1/3-ində orta təhsildə cinsi
bərabərliyə nail olunub. 781 milyon yeniyetmə minimal savadlılıq bacarığından
məhrumdur; bunlardan 2/3-si qadınlardır. Qadınların kişilər tərəfindən zorakılığa məruz
qalması dünyada müharibələrin verdiyindən çox tələfatlara səbəb olmaqda davam edir.
Hal-hazırda dünyada Afrika qul ticarətinin kulminasiya nöqtəsindəkindən daha çox qul
var. Ehtimallar 12.3 milyondan 27 milyon arasında dəyişir. Qullar arasında Asiyalı
qadınlar üstünlük təşkil edir. Dünya Bankının verdiyi məlumata əsasən, 1
trilyon dollardan
çox pul hər il siyasi rüşvətlərə sərf edilir, bunlardan 20-40 milyard dolları inkişaf etməkdə
olan və keçid iqtisadiyyatına malik ölkələrdə, 60-80 milyard dolları isə daha inkişaf etmiş
ölkələrdə dövlət məmurları tərəfindən alınır. Lakin, kütləvi informasiya vasitələrinin,
bloqların, mobil telefon kameralarının, etik komissiyaların, və “Transperensi İnterneşnl”
kimi təşkilatların vasitəsilə qeyri-etik qərarlar geniş şəkildə ifşa edilir. Bununla belə,
mənasız xəbərlər və əyləncələr beynimizi əxlaqsız davranışlarla doldurur və insanların
çoxu debatlarda qalib gəlməkdə gələcəyimizi inkişaf etdirmək məqsədilə bütövlüyə nail
olmaq üçün həqiqət axtarışlarına çıxmaqdan daha çox maraqlıdırlar.
Elm və Texnologiyanın son 25 il ərzində müstəsna təsirləri növbəti 25 ildə baş
verəcəklərlə müqayisədə çox cüzi görünəcək. Yeniliklərin
sürətini tezləşdirən amillər
özləri yüksək sürətlə dəyişirlər. İndi tranzistorlar işıq dalğalarından daha kiçikdirlər (65
nanometr). “İntel” şirkəti ilk proqramlaşdırıla bilən və saniyədə trilyon əməliyyat həyata
keçirən 1 teraflopluq çiplər işləyib hazırlayıb. Beyin-kompüter əlaqəsi indi fikirləri
proqramlı şəkildə hərəkət etdirir, nanohissəciklər və fibra liflər sinir böyüməsini
stimullaşdırır və mini-biokompüterlər xüsusi fərdi hüceyrələri müalicə etməyə kömək edir.
Fotonlar yavaşıyıb və sürətlənib, yetkin gövdə hüceyrələrin zədələnmiş toxumanı bərpa
etmə qabiliyyəti aşağı düşüb və mikrobial yanacaq elementi meydana çıxıb. Çin bu ilin
sonlarında ay ətrafında dövr etməyi planlaşdıran 4-cü ölkədir (ABŞ, Rusiya və
Yaponiyadan sonra). Bəziləri proqnozlaşdırırlar ki, molekulyar istehsalat və 3-ölçülü çap
vaxt keçdikcə elə inkişaf edəcək ki, insanlar əvvəlcə dünyanın ətrafında dövr etmiş
yüksək texnologiyalı cisimləri əks etdirə biləcəklər. Əgər
o gün gəlsə, onda atomların
yerinə baytların yüklənməsi dünya sənaye ticarətini kəskin şəkildə dəyişəcək. “Lux
Research” araşdırma şirkətinin verdiyi məlumata əsasən, 2006-cı ildə nanotexnoloji
Tədqiqat və Təkmilləşdirməyə 12.4 milyard dollar sərmayə qoyulub və nanotexnolji
məhsullar 50 milyard dollardan çox qiymətə satılıb. Dünya - hökümət, korporativ, elmi,
mühəndislik və tibbi resursları Minilliyin 8-ci İnkişaf Məqsədinə nail olmağa və Gələcəyin
Durumunda göstərilmiş 15 Qlobal Çağırışa cavab verməyə yönəldəcək bir prosesə
ehtiyac duyur. Biz təsisatlararası idarəetməyə və mediyanın köməyilə daha ciddi ictimai
təhsilə ehtiyac duyuruq.
Ümumdünya BMT Assosiasiyaları Federasiyası, Minilliyin Layihəsi
2007 Gələcəyin Durumu
26
Milli səviyyədə qərar qəbul edənlər qərar qəbul etmənin
nəzəriyyə və təcrübəsində
püxtələşməyiblər və çox az insan qərar qəbul etməkdə onlara kömək edə biləcək
qabaqcıl proqram təminatları barədə məlumatlıdır. Qərar qəbul edənlər üçün formalaşmış
etik və qərar qəbul etmə təlimləri qlobal qərarların keyfiyyətində əhəmiyyətli inkişafla
nəticələnə bilər. Qərarların necə qəbul etmək lazım olduğu barədə təlim keçməyə ehtiyacı
olan siyasət qurucularından başqa, yerli, milli və beynəlxalq prioritetləri müəyyən edən
proseslərdə də tərəqqiyə ehtiyac duyulur. Bilirik ki, dünya inanılmaz dərəcədə
mürəkkəbdir və bir çox ciddi çağırışlar qlobal səciyyə daşıyır, lakin biz vəziyyəti ələ almaq
üçün İnternet texnologiyalarına əsaslanan idarəetmə sistemlərini və konsepsiyaları kifayət
qədər sürətlə inkişaf etdirməyi və həyata keçirməyi bilmirik.
BMT-nin Baş Katibi olduğu müddətdə Kofi Annan bəşəriyyətin perspektivlərini inkişaf
etdirmək üçün 5 prinsip müəyyən etmişdir: hamının təhlükəsizliyi hər kəsin
təhlükəsizliyidir; biz bir-birimizin rifahı (qlobal həmrəyliyi) üçün məsuliyyət daşıyırıq;
insanların bir-birinə hörməti insan haqları və hüquq normaları ilə möhkəmləndirilməlidir;
hökumətlər
həm daxili, həm də beynəlxalq səviyyədə bir-birilərinə hesabat verməlidirlər
(qarşılıqlı məsuliyyət); və bu 4 prinsipə BMT kimi çoxtərəfli təşkilatların vasitəsilə nail
oluna bilər.
Baxmayaraq ki, bir çox insanlar qloballaşmanın potensial mədəni təsirlərini tənqid atəşinə
tuturlar, lakin bu su kimi aydındır ki, qlobal çağırışlara cavab vermək üçün mədəni
dəyişikliklər zəruridir. Həqiqi demokratiyanın inkişafı mədəni dəyişikliyi tələb edir, QİÇS-in
qarşısının alınması mədəni dəyişikliyi tələb edir, sabit inkişaf mədəni dəyişikliyi tələb edir,
qadınlara qarşı zorakılığın sona yetməsi mədəni dəyişikliyi tələb edir və etnik zorakılığın
da başa çatması mədəni dəyişikliyi tələb edir. İnternet, dünya ticarəti,
beynəlxalq ticarət
müqavilələri və xarici resursların cəlb olunması kimi qloballaşma alətləri insanların
şəraitini yaxşılaşdırmaqla onların bəşəriyyətə özünəməxsus yardımlarını qoruyub
saxlamaq yolu ilə mədəniyyətlərin uyğunlaşmasına kömək etmək üçün istifadə
olunmalıdır.
Gələcəyin Durumu İndeksi
İnsanlar həmişə gələcəyin yaxşı və ya pis olacağını, harada udduğumuzu və harada
uduzduğumuzu, perspektivlərimizi inkişaf etdirmək üçün resursları hansı istiqamətdə
birləşdirmək lazım olduğunu bilmək istəyiblər. Bütün bunları qlobal miqyasda həyata
keçirmək qeyri-mümkün görünürdü. Dünya Bankı bu işləri iqtisadiyyatda, Beynəlxalq
Səhiyyə Təşkilatı səhiyyə üçün, Beynəlxalq Atom Enerjisi Agentliyi enerji üçün görür. Bəs
bütün bunları ümumilikdə bəşəriyyətin gələcəyi üçün necə birləşdirmək lazımdır?
Yanaşmalardan biri Gələcəyin Durumu İndeksidir. Bu, ümumilikdə gələcəyə baxışın onillik
ölçüsüdür. O, yəqin ki, tarixdə gələcəklə bağlı ən böyük ümumi prosesdən meydana çıxan
qlobal çağırışlarla əlaqəli əsas dəyişkənliklər və proqnozlarla qurulur. Gələcəyin Durumu
İndeksi ilk dəfə Minilliyin Layihəsinin 2001-ci il üçün Gələcəyin Durumu hesabatında şərh
edilib. O vaxtdan bəri Gələcəyin Durumu hesabatlarının GDİ fəsli
bütün səylərini
məlumatların mənbəyində və metodun özündə təkmilləşdirmə aparmağa cəmləşdirib. Bu
il 2-ci Fəsil 2006-07-ci illərdə həyata keçirilmiş GDİ araşdırmasının xülasəsini təqdim edir.
Minilliyin Layihəsinin 29 əlaqə mərkəzi tərəfindən dünyadan seçilmiş iştirakçılar
dəyişkənlikləri qiymətləndirmək, ən pis və ən yaxşı ssenariləri qiymətləndirmək, GDİ-yə
daxil edilmək üçün yeni dəyişkənliklər təklif etmək, ən azı 20 il tarixi məlumatlara malik
mənbələri təklif etmələri üçün Real Time Delphi qaynar xətt vasitəsilə ilə sorğu-sual
ediliblər. Nəticələr 29 dəyişkənliklə yeni qlobal GDİ qurmaq üçün istifadə olunmuşdur.
Məlum olmuşdur ki, dünya inkişaf edir, lakin keçən 20 il ərzindəki kimi sürətlə yox. GDİ-lər
həmçinin ölkələr üçün qurulublar - ən son Cənubi Koreya və Türkiyədə - enerji və ya fərdi