22 il sonra Sovet mirası: inkar yoxsa güclənmə?
28
Əbədi sülh, yaxud liberalizmin
daxili ziddiyyəti?
Böyük liberallardan biri olan İmmanuil Kantın formalaşdırdığı
əbədi sülh konsepsiyası liberalizmin əsas prinsipləri ilə birbaşa
bağlıdır. Əgər biz qarşılıqlı şəkildə və qeydsiz-şərtsiz olaraq bir-
birimizin dəyərini etiraf edəriksə, bu o deməkdir ki, digər bütün
dəyərlər ikinci dərəcəlidir və onlara görə insan həyatına və azad-
lığına qəsd etmək yolverilməzdir. Bu, o demək deyil ki, bizim ma-
raqlarımız daima üst-üstə düşür və konfliktlər öncədən istisna sa-
yılır: əksinə, ziddiyyətlər qaçılmazdır, lakin liberal prinsiplərə tapı-
nan rasional individlər hər zaman anlaşa və zor tətbiq etmədən
konfliktləri həll edə bilirlər.
Müasir dünyanın gerçək siyasətində əbədi sülh prinsiplərinə
yaxınlaşmağın göstəricisi Avropa İttifaqı sayılır. Bu birlik li beral
dövlətlərin birliyidir. Və onun başlıca nailiyyəti ondan iba rətdir
ki, ittifaqda olan dövlətlər arasında müharibə artıq tə səv vü rə-
gəl məzdir. Hazırda bu birlik dərin böhran yaşamaqdadır. Lakin
özü nün əsas funksiyasını uğurla davam etdirməkdədir. Üzvlər
arasında ümumi büdcə və konstitusiya ilə bağlı fikir ayrılığı nə
qədər kəskin olsa belə heç kimin ağlına gəlmir ki, ziddiyyətlər
müharibə həddinə çıxa bilər. Bununla belə, həmin nailiyyəti əldə
etmək üçün Avropa İttifaqı kimi bir təşkilatın mövcudluğu zəruri
deyil. Birləşmiş Ştatlar, Kanada və ya Yaponiya həmin birliyə
daxil deyillər, eləcə də onların və Avropa ölkələrinin arasında
müharibə perspektivlərini də heç kəs müzakirə etmir. Liberallar
öz aralarında savaşmırlar.
Lakin bu deməkdirmi ki, liberallar ümumiyyətlə, pasifistdirlər,
və ya onlar bütövlükdə konfliktlərdən uzaq dururlar? Qətiyyən
yox. Məsələn, liberal olmayanlarla münasibətlərə gələndə on lar
müharibəyə meylli və çox barışmaz ola bilirlər. Tarixən, liberal-
lar başqalarını bəyənməmək xüsusiyyəti, sadə dillə desək, ye-
ka xanalıqları və elitarlıqları ilə seçiliblər: bir qayda olaraq on-
lar li beral olmayanlara geridə qalmış adamlar kimi baxırlar,
22 il sonra Sovet mirası: inkar yoxsa güclənmə?
29
hesab edirlər ki, onları qabaqcıl ideyalara və institutlara cəlb
etmək lazımdır, lazım gələrsə güc tətbiq etməklə bu məqsədə
çatmaq olar. Məsələn, 17-ci əsr İngiltərəsində liberalların təsirli
siyasi güc olaraq meydana çıxması ölkəni əvvəlcə vətəndaş
müharibəsinə, sonra “Böyük inqilab” (Glorious revolution) adla-
nan zorakı çevrilişə sürüklədi. Liberal prinsiplər uğrunda zora-
kı mübarizənin nisbətən “təmiz” nümunəsi Amerika inqilabıdır.
Lakin bu hadisələr qanlı Böyük Fransa İnqilabı ilə müqayisədə
mötədilliyin zirvəsi sayıla bilər. Böyük Fransa İnqilabının liberallı-
ğı ilə bağlı (onun nəticələrinə əsaslanaraq) mübahisə etmək olar,
lakin bu inqilabın Fransada liberal ideyaların yayılmasına başlıca
nəticəsi olmasını inkar etmək çətindir.
Liberal zorakılıq formasının təzahürü Avropa imperializmidir:
onun sivilizator missiyası (
mission civilatrice) məhz liberal ideya
və institutların yayılmasını ehtiva edir. Əlbəttə, bu, müstəmləkə
siyasətinin yeganə motivi deyil, lakin bu prinsip leqitimlik üçün
çox vacib idi və çox halda obyektiv nəticə məqsədə müvafiq
idi. Müasir dünyada dırnaqarası “humanitar müdaxilə” liberal
prin siplərin müdafiəsi üçün güc tətbiq edilmə nümunəsidir. İn-
san lar tərəfindən heç də dəstəklənməyən İraq müharibəsi belə
tə şəbbüslərin legitimliyini bir qədər sarsıtmışdır. Lakin yaxın
vaxt larda NATO-nun Liviyaya qarşı yönəltdiyi hərbi əməliyyatlar
gös tərdi ki, ideya sıradan çıxmayıb və dünyada Amerikanın təsir
gü cünü artırmaq üçün bəhanə kimi hələ də lazımlıdır (Liviya
əməliyyatında Amerikalılar məqsədli şəkildə ikinci dərəcəli rol
oynadılar).
Nəticə: “liberalizm və konflikt” mövzusunu mücərrəd şəkildə
müzakirə etmək olmaz. Bilirik ki, liberal cəmiyyətlər bir-biriləri ilə
savaşmırlar, lakin bu onların pasifist olmasından irəli gəlmir. Hər
şey mahiyyətdən asılıdır.
Liberalizm, demokratiya və milli konfliktlər
Qafqazda “konflikt” dedikdə avtomatik olaraq etnoərazi ət ra-
fın da qarşıdurma, ya da milli problem yada düşür. Ona görə də