___________ Milli Kitabxana_______________
50
qadınlar ağı deyir, ağ xalatlı şəfqət bacısı bayılanlara dərman
verir, halı xarab olanları güclə otaqdan çıxarırdı.
Şövkət key-key bu mənzərəni seyr edirdi. Kənardan
baxanlara o daşdan yonulmuş heykəli xatırladırdı. Elə bil
üstünə yaşıl örtük salınmış cənazə də, ağlaşan bu körpələr də
ondan çox-çox uzaqlarda dumanlar içində getdikcə uzaqlaşır,
yavaş-yavaş gözdən itirdi.
– Şövkətə kömək eləyin, tez olun, həkim çağırın... – eşitdiyi
bu səs də sanki yeddi arşın quyunun dibindən gəlirdi.
...Ayılanda uşaqlarını görmədi. Ramizin anası ağır-ağır dil-
ləndi:
– Qızım, sən belə eləyəndə gərək mən gedib özümü
öldürəm. Bir az toxtaq ol, balalarına yazığın gəlsin. Bu müsibət
bircə bizim başımıza gəlməyib ki...Bax, Ramizimi bütün el-oba
ağlayır, bütün ölkə onlara yas saxlayır. Qalx ayağa, ərinin
məclisinə özün rəhbərlik elə. Qapına el yığışıb gəlib, biz
Ramizə layiq qonaqlarımızı qarşılamalıyıq, onun məclisini ona
yaraşan səviyyədə keçirməliyik. Hələ ağlamağa da, dərd
çəkməyə də vaxtımız olacaq. Dur, özünü topla!
Qaynanasının bu sözlərindən sonra Şövkət özünə gəldi.
Ətrafdakıları birər-birər gözdən keçirdi, qara geyimli, gözüyaşlı
qadınlar ona mərhəmətlə, şəfqətlə baxırdılar... Bacısı onun
boynunu qucaqladı:
– Biz hamımız sənin yanındayıq, hamımız sənini ağrı-acını
bölüşməyə gəlmişik bacım. Qaynanan düz deyir, indi bütün
gözlər sənə dikilib, bu ailənin böyüyü, ağbirçəyi, yol göstərəni
bundan belə sənsən...
Şövkət əyilmiş qəddini düzəltdi, oturduğu yerdən yavaş-
yavaş qalxdı. Sanki daş heykəl hərəkətə gəldi. Bu daş heykəl
oğlunun tabutu başında əyləşən pərişan anaya yaxınlaşdı, onun
qarşısında diz çöküb üzünü onun əllərinə söykədi.
___________ Milli Kitabxana_______________
51
– Məni bağışla, ana, – dedi bu daş heykəl, – axı özümlə
bacara bilmirəm.
Ana onun başını qaldırdı, gözlərinin içinə baxdı və
qətiyyətlə:
– Sən mənim gəlinim, oğlumun yoldaşı, nəvələrimin
anasısan, – dedi, – sən bacaracaqsan, sən bu dərdə dözəcəksən,
sən balalarını böyüdəcəksən, sən Ramizimin yadigarlarını
qoruyacaqsan. Bu sənin borcundur...
Şövkət o an dərk elədi ki, bu dünya görmüş, sinəsinə oğul
dağı çəkilmiş qadın indi ondan daha güclü, daha qərarlı, daha
dözümlüdür. O anladı ki, dağ vüqarını, qürurunu qorumağı
bacaran, dərdə sinə gərməyi bacaran, balasının cənazəsi başında
orun-korun yanan qaynanası haqlıdır. O belə bir ananın gəlini
idi, elə bir kişinin həyat yoldaşı idi. Şövkət mübarizə dolu
gələcək illəri şərəflə, qeyrətlə yaşamaq üçün özündə güc-qüvvə
tapmalıdır. O, 4 körpəsinə arxa, dayaq olmalı, onları böyüdüb
ərsəyə çatdırmalı idi. O, bu gücü, cəsarəti, dözümü hər səhər
doğan günəşdən almalı idi. Qış günəşinin ilıq hərarəti onun
sınıq qəlbinə yeni bir duyğu gətirmişdi, Şövkətin əyilən qəddini
düzəltmişdi. O qaynanasının əllərindən öpüb ayağa qalxdı.
Başını dik tutaraq ürəyində bir daha Allaha yalvardı ki, ona bu
ağrılı-acılı əbədi ayrılıq səhərindən sonra gələcək günlərdə ona
dözüm, övladlarını böyütmək üçün qüvvət versin.
* * *
Hələ belə hüzür görməmişdi kənd. Qadınların dediyi ağılar
heç vaxt belə təsirli olmamışdı. Hələ qadınlarımız bu qədər göz
yaşı axıtmamışdılar, analar bu qədər ağlamamış, yanıb
yaxılmamışdılar.
Ramizin yas mərasimində minlərlə adam iştirak edirdi. Onu
___________ Milli Kitabxana_______________
52
kənd qəbirstanlığında dəfn etməyi qərara almışdılar. Bunu anası
istəmişdi:
– Gözümün qabağında olsa yaxşıdır, yanında mənə də yer
saxlayın, – demişdi.
– Qış günüdür, cənazəni saat 4-də götürsək yaxşıdır. Millət
də çoxdur. – deyə kənd mollası ev yiyəsi ilə, Ramizin qardaşı
Sabbarla məsləhətləşdi.
– Necə məsləhətdir. Bəlkə hələ bir az da tez , saat 4-ün yarısı
canəzəni qal-dıraq, qəbristanlığa da xeyli yol var, - bunu da
Ramizin o biri qardaşı, Hüseynağa dedi.
Təziyəyə gələnlərdən bəzisi mollaya yaxınlaşıb öz fikirini
bildirirdi:
– Deyirlər dəfn mərasimində çıxış edənlər də olacaq. Gün də
gödəkdir, hava axşam üstü lap souyur, nə qədər tez getsək,
daha yaxşı olar.
Molla razılıqla başını tərpətdi. Sonra yenidən Sabbara
müraciət elədi.
– Vaxtdır... Qoy içəridəkilər Ramizlə vidalaşsınlar. Cavan-
lara da deyin bir azdan cənazəni çıxarmağa hazırlaşsınlar...
Kimsə soruşdu:
– Bəs uşaqlar, oğlanları necə, onlar da gedəcəkmi
qəbristanlığa, axı hələ kiçikdilər, indidən onlara bu dəhşəti
yaşatmaq nəyə lazım...
– Getsələr yaxşıdır. Uşaq olsalar da qoy atalarının bir
qəhrəman kimi həlak olduğunu və belə hörmət-izzətlə, təntənə
ilə dəfn edildiyini yadda saxlasınlar.
Ümumi fikir bu oldu ki, Ceyhunla, Əbülfəzi də dəfn məra-
siminə aparsınlar. Qadınlardan birinə uşaqları isti geyindirməyi
tapşırdılar.
Cənazə həyət darvazasından çıxarılanda kənd ağsaqqalları
qadınların qarşısına keçdi:
___________ Milli Kitabxana_______________
53
– Siz geri qayıdın, buracan bəsdir.
Sonra üzünü Şövkətə tutdu:
– Başını dik tut, qızım, qəddini şax saxla, bizim Ramiz
balamız qəhrəmanlıqla həlak olub, o təkcə sizin ailənin, bizim
kəndin deyil, bütün Azərbaycanın şəhid oğludur. Hər kişi də
şəhid olmağı, Vətən yolunda ölməyi bacarmır, sən bunu heç
vaxt unutma. Onun adı tarixə düşəcək, əbədiləşəcək. Ölüm
haqdır. Bir gün yaranmışıqsa, bir gün də öləcəyik. Ancaq belə
ölüm az adama nəsib olur. Allah rəhmət eləsin.
Üzündən hələ də gəlinlik təravəti silinməyən Şövkət xanım
gənc qadına xas olan həya ilə başını qaldırmadan:
– Sağ olun, ölənləriniz rəhmət! – qəhərləndi, – deyəcəyi bü-
tün sözlər boğazına tıxanıb qaldı.
– Ramizə də, onun kimi şəhid olmış yüzlərlə insana da bu
gün bütün Azərbaycan ağlayır. Sən sil gözünün yaşını. Şəhidlər
ölmürlər. Ramiz də ölməyib. O, daima sizinlə, bizimlə olacaq.
Ruhu daima bu həyatda onu tanıyanlarla doğmaları, əzizləri ilə
bərabər olacaq.
Ramiz getdi. Bu evdən, bu ailədən əbədi ayrıldı. Bu gedişin
dönüşü, bu ayrılığın görüşü, bu həsrətin vüsalı heç vaxt
olmayacaqdı... Həyat bir andaca boşaldı. Hər şeyin rəngi
dəyişdi.
Könlünə qar düşsə, nə din, nə danış,
Mən bircə gecəlik qışın olacam.
Desələr əlacın uçmağa qalmış,
Əngin səmalarda quşun olacam.
Yuyum göz yaşımla, yaran sağalsın,
Başının üstündən duman dağılsın,
Qayıt gəl, yollardan gözüm yığılsın,
Nəmli kipriyində yaşın olacam.
Dostları ilə paylaş: |