___________ Milli Kitabxana_______________
17
buraxa, sizi gizlədə bilmərəm. Əğər bundan qonşularım xəbər
tutsa, sonra mən o zülm-zillət görmüş insanların üzünə necə
baxaram. Onda gərək köçüb gedəm bu məhəllədən..
Kişi yalvardı ki, heç olmasa, bu uşağa bir az yemək ver, iki
gündür acdır...
Mən tərəddüd içində qaldım, uşağın üzünə baxdım. Göz-
lərindən gilələnən yaş yanağından üzü aşağı yuvarlanırdı. Mənə
elə baxırdı, elə baxırdı ki... Mətbəxə getdim, gətirdiyim yavan
çörəyi körpəyə uzatdım. Uşaq cəld çörəyi əlimdən alıb
acgözlüklə ağzına apardı, iri tikələri az qala çeynəmədən içəri
ötürməyə tələsdi. Bir yandan yeyirdi, bir yandan ağlayırdi,
amma gözlərini də mənim gözümdən ayırmırdı. Onun
gözlərindəki ifadə tüklərimi ürpəşdirirdi.
Kişi yenə də yalvarırdı, bəlkə, uşaq bir neçə saatlığa sizdə
qalsın, bizim dalımızca maşın gələcək, bu gecə mütləq
şəhərdən çıxıb gedəcəyik.
Ancaq erməni daşnaklarının bizimkilərin başına gətirdikləri
müsibətləri xatırlayanda dedim ki, ərim evdə yoxdur, mən
özbaşına heç nə edə bilmərəm. Söhbətə qulaq asan Ramiz:
– Bax, indi görürsən silah nəyə lazımdır? Bizi bilə-bilə,
qəsdən tərkisilah ediblər ki, gözümüzü qorxutsunlar, bizi diz
çökdürsünlər ki, onların dediklərini qəbul eləyək. Ancaq biz öz
balalarımızın gələcəyi naminə, onları qorumaq üçün yenə də
ehtiyatımızı əldən verməməliyik. Götür, gizlət bu silahı...
– Ay Ramiz, sən məni lap qorxudursan, – Şövkət ehtiyatla
bir uşaq oyuncağına oxşayan balaca tapançaya, bir də israrla
silahı ona uzadan ərinə baxdı, – məncə hər şey yaxşı olacaq.
Biz sülhsevər ölkəyik, bizim millətin bir günahı yoxdur. Bu
boyda dünyaya meydan oxuyan SSRİ-də kimdir öz
vətəndaşının qəsdinə duran. Beş-on erməni dığasının atdanıb-
düşməyinə də yəqin ki, bir tədbi görərlər. Vallah, belə getməz,
___________ Milli Kitabxana_______________
18
hər şey yaxşılıqla həll olunacaq, bax görərsən...
– Ay arvad, sən bunlara çox güvənmə, heç kəsə də yazığın
gəlməsin. İlana zəhər verən, aləmi bir-birinə qatan elə bunlar
deyilmi? Onlara üzüdönük erməni deyiblər. lazım gələndə tülki
cildinə girirlər, lazım gələndə canavara dönürlər. Qarbaçov
kimi başı xaraba da belə iki üzli, mindilli, fırıldaq və alçaq
adamlar lazımdır ki, istədiyini eləyə bilsin. Görmürsən,
ermənilərə necə havadarlıq edir, ermənilər də nə ondan nə də
arvadından əl çəkirlər... Bütün dünya da onları müdafiə edir.
Amerikadan, Fransadan, Yunanıstandan onlara dəstək
verənlərin sayı çoxalır. Belə getsə, bizi təkləyəcəklər. Bu xəmir
hələ çox su aparacaq.
– Eh, mənim bu siyasətdən heç başım çıxmır, dovşana qaç
deyirlər, tazıya tut! Bizim silahlarımızı əlimizdən alırlar, onları
isə silahlandırırlar. Daha bunun nəyi ədalətli oldu ki? Bizə bu
siyasət lazım deyil, biz siyasətdən uzaq adamlarıq- deyə Şövkət
ərini də özünü də bu qorxulu fikirlərdən uzaqlaşdırmaq istədi:
– Bu film niyə başlamadı, axı?
Ramiz hələ də öz aləmində idi. Handan-hana ağır-ağır
dilləndi:
– Elə demə, Şövkət, əzizim. Vətən, xalq darda olanda
hamımız bir-birimizə dayaq olmalıyıq. 1988-ci ildə sovet
quruluşuna, arxalanan daşnaklar Qərbi Azərbaycandan bizim
soydaşlarımızın kökünü kəsməkdən ötrü soyqırm törətdilər.
Ermənistandan məcburi, silah gücünə azərbaycanlıları öz ata-
baba yurdlarından didərgin saldılar. Sağ qalanlar Azərbaycana
pənah gətirdilər. Görmürsən yazıqlar nə vəziyyətdədir.
Çoxunun nə evi var, nə də fərli-başlı bir işi. Axı, onların çoxu
kənddə-kəsəkdə böyüyən adamlardı, ömrü boyu əkin-biçinlə,
mal-qara saxlamaqla məşğul olublar, onların bu şəhərdə, bu
asfaltın üstündə nə işləri var. Gərək bizimkilər də tələb
___________ Milli Kitabxana_______________
19
eləyəydilər ki, ermənilər Dağlıq Qarabağdan Ermənistana
köçürülsün, azərbaycanlılar da ora yerləşdirilsin. O zavallı
insanlar hər şeylərini itiriblər, bu şəhər onların sağlamlığını da
əlindən alacaq.
Şövkət xanım ürəyinin neçə həyəcanla çırpındığını hiss elə-
yirdi, sifəti od tutub yanırdı. Durub vanna otağına keçdi, əl-
üzünə su vurub otağa qayıtdı. Ramizin gözləri ekranda olsa da
fikri ayrı yerdə olduğundan heç Şövkətin qayıtmasından da
xəbər tutmadı.
– Çayını təzələyim, yəqin ki, bu soyuyub.
Ramiz dinmədi. Sakitcə Şövkətə baxdı...
* * *
Şövkət xanım onda bilmirdi ki, qarşıda onu necə böyük
müsibətlər, sınaqlar gözləyir. O hələ bilmirdi ki, düz bir ay
sonra onun bu kiçik ailəsi hansı oddan, alovdan keçəcək. Heç
ağlına da gətirmirdi ki, indi şəfqət və məhəbbətlə ona baxan əri
qəfil bir güllənin qurbanı olacaq, şəhidlik zirvəsinə yüksələcək.
Həmişə şux, zarafatcıl, nikbin, həyatsevər, xeyirxah bir insan
olan əri onun qolları arasında inləyə-inləyə can verəcək və o da
ərini, dünyada hər kəsdən və hamıdan çox sevdiyi, inandığı və
güvəndiyi bir kişini ölümün pəncəsindən xilas edə bilməyəcək.
Ağlına gətirə bilməzdi, o soyuq yanvar gecəsi sifətləri daşa
dönmüş imperiya əsgərlərini üzünə tüpürəcək, soyuqda
göyərmiş əlləri ilə ərinin son nəfəsdə “üşüyərsən bunu gey”
deyib ona uzatdığı pencəyini yaxasını açıb o əsgərin qarşısında
dayanaraq dəlicəsinə bağıracaq: ”Strelyay, i v menya strelyay,
qad, strelyay” – deyəcək. O əsgər də bir qadının, bir ananın
fəryadı qarşısında kiçiləcək, dili dolaşa-dolaşa: “Eto ne mı, oni
uje uyexali, eto ne mı” – deyib qaça-qaça ondan uzaqlaşacaq.
Dostları ilə paylaş: |