Laçının müqəddəs yerlərindən biri də Böyük Seyidlər kən
dindəki Seyid Hüseyn ziyarətgahı olmuşdur. Bu kənddəki zi
yarətgahların sırasına daxil olanlardan biri də «Güllü qəbir»
piri idi ki, orada Hacı İbrahim ağa dəfn edilmişdi. Məlumatlara
əsasən, o, Qarabağ ellərinin ağır övliyalarından sayılan Xuda
vəndə Xəlfənin nəvəsi idi.
Ağoğlan qəsri Laçının Minkənd çayının kənarında, hündür
bir yerdədir. Ciciınlidə məbəd, qədim anbar, Güləbirddəki
Sarı Aşığın qəbirüstü ziyarətgahı, Zeyvədə Şeyx Əhməd, 1-ci
və 2-ci Soltanbaba, Minkənddə XV əsr məbədi, Qarıqışlaqda
Dəmirovlu pir-məbədi, Bülövlük kəndinin şimalındakı qədim
Kişpəyədə Alban məbədi, Piçənisdə Alban məbədi, Xan qə-
biristanlığındakı Zəngəzurun sultanları Qara Murtuza bəyin,
1-ci Alməmmədin, 2-ci Alməmmədin hasardakı türbələri, Şeyx
Şamillə dostluq etmiş, ona kömək göstərmiş Cəbrayıl bəyin
türbəsi, Araflıda Murtuza Sultanın anasının türbəsi, Pircahan
çayında Məşədi Mehralının arxitekturalı və Minkənd körpüləri
kimi tarixin nadir inciləri erməni vandalları tərəfindən darma
dağın edilmişdir.
Memarlıq abidələrindən Hoçaz kəndindəki mağara-məbəd
(V əsr), Cicimlidəki Məlik Əjdər türbəsi (XIV əsr), adsız türbə
(XVIl-XVI11 əsrlər), Şeyx Əhməd türbəsi (XIX əsr), Qarıqışlaq
kəndindəki məscid (1718), Hüsülü kəndində Həmzə Sultan
sarayı (1761), Həkəri çayı üzərindəki körpü (XVIII əsr), Ağoğ
lan çayı üzərindəki məbəd (XIX əsr), Güləbird kəndindəki
türbənin taleyi isə yalnız onları saxtalaşdırmış daşnaklara mə
lumdur.
Bir sözlə, kəndlərdə əsrlərin və qərinələrin yaşıdı abidələr,
dağlardakı qalalar yadellilərin dəfələrlə etdiyi hücumlardan
qorunsa da, 1992-ci ildən başlayaraq daha ağır zərbə aldı,
daş-divarlarındakı yaddaş tarixləri silinərək erməniləşdirildi və
dünyaya «qədim erməni xalqının yazılı abidələri» kimi təqdim
edildi.
424
Əsl həqiqətlər isə bunlardır.
Təbii ki, Laçın rayonu ərazisində bir vaxtlar mövcud olmuş
tarixi abidə və məbədlər təkcə adları yuxarıda çəkilənlər de
yildir.
Laçın rayonunda erməni vandalları tərəfindən darmadağın
edilmiş tarixi və maddi-mədəniyyət abidələrindən: Daş qutu
su - dəmir dövrü (Abdallar kəndi), Kurqan - Dəmir dövrü
(Cicimli kəndi), «Qızqəbri» kurqanı - dəmir dövrü (Cicimli
kəndi), Kurqan - dəmir dövrü (Cicimli kəndi), Kurqan - tunc
dövrü (Ziyrik kəndi), Kurqan - dəmir dövrü (Hoçaz kəndi),
Kurqan - dəmir dövrü (Güləbird kəndi), Mağara məbədi - V
əsr (Hoçaz kəndi).
AĞDAM
Azərbaycanın Ermənistan tərəfindən işğala məruz qalmış
ərazilərində məhvə məhkum edilən maddi-mədəniyyət abi
dələri tariximizin daş yaddaşı kimi əvəzolunmaz milli sərvə
timizdir. Bu abidələr təkcə maddi-mədəniyyət deyil, həm də
mənəviyyat tariximizin «arxivi», səhifələridir. Qarabağın tarixi
abidələrinin darmadağın edilməsi isə mədəniyyət və mənə
viyyat tariximizin daşlaşmış yaddaşının silinməsi kimi ağrılı-
acılıdır.
İllərdən bəri məkrli, çirkin siyasətləri ilə daşnakların və on
ların havadarlarının diş qıcadığı, Azərbaycandan qoparmağa
çalışdığı yurdlarımızdan biri, təbii-coğrafi baxımdan respubli
kamızın ən zəngin bölgələrindən olan Ağdam həm də xal
qımızın çoxəsrlik tarixini özündə əks etdirən müxtəlif növlü
abidələr diyarıdır. Aparılan arxeoloji tədqiqatlar nəticəsində
müəyyən olunub ki, bu yerlərdə insanlar təxminən 8-10 min il
bundan əvvəl məskunlaşmışlar.
1988-1993-cii illər ərzində düşmənlə üz-üzə, göz-gözə
dayanıb qətiyyətli mübarizə aparan və elə torpaqlarımızın
bütövlüyü uğrunda ilk şəhidlərini (Əli və Bəxtiyar) verən Ağ
425
dam rayonu ərazisində qədim tarixə malik çoxsaylı memarlıq
və incəsənət abidələri az deyildi. Ağdam şəhərində Üzərrik-
təpə abidəsi, Xaçın-Dərbənd kəndindəki Qutlu Sarı Musaoğlu
günbəzi (1314-cü il), Kəngərlidəki (XIV əsrin yadigarı) türbə və
daş abidələr, Papravənddəki XVII əsrdən qalan Xanoğlu türbə
si, XVIII əsrə aid məscid və digər türbələr, Xan qızı Natəvanın
və oğlunun şərəfinə tikilmiş XIX yüzilliyin türbəsi, Şahbulaq
qalası... kimi tarixi-memarlıq abidələri Ağdamın işğalı zamanı
dağıdılıb.
Buradakı tarixi memarlıq abidələri müxtəlif dövrləri əks et
dirən nadir nümunələr idi. Bu maddi-mənəvi abidələr qrup-
laşdırılaraq «Azərbaycan Respublikasının ərazilərində dövlət
mühafizəsinə götürülmüş daşınmaz mədəniyyət abidələrinin
əhəmiyyət dərəcəsinə görə bölgüsü» adlı kitaba daxil edilib.
Ağdamda olan dünya əhəmiyyətli, daşınmaz tarixi və mə
dəniyyət abidələri sırasına XIV əsri əhatə edən qiymətli nümu
nələr də daxildir. Məsələn, Ağdamın Xaçın-Dərbənclli kəndin
də olan Qulu Musaoğlu türbəsinin yaşı çox qədimlərə gedib
çıxır: 1314-cü ilə.
Belə bir tarixi dövrü əhatə edən abidələrin işğal altında
qalması ermənilərə Azərbaycan tarixini saxtalaşdırmaq üçün
müəyyən imkanlar yaradır.
Təkcə mədəniyyətimizi deyil, tariximizin bir parçasını si
nəsində saxlamış abidələr də (Xanoğlan türbəsi, Qarabağ xanı
Pənahəli xanın imarəti (XVIII əsr) və türbəsi (XIX əsr) də daş
nak quldur dəstələri tərəfindən dağıdılıb.
Ağdam ərazisindəki maddi-mədəniyyət abidələri erməni
qəsbkarlarının vandalizm siyasətinin şahididir. Daşnaklar və
onların havadarları muzeylərdəki eksponatları nəinki talayıb
aparmışlar, hətta həmin abidə-məbədlərin daşını daş üstə də
qoymamışlar. Bütün bu faktlar isə illərdən bəri beynəlxalq
müşahidəçi qismində Qarabağa səfər edən təşkilatların təm
silçilərinə yaxşı məlumdur, çünki vaxtaşırı verdikləri hesabat-
məruzələrində öz əksini tapmışdır.
426
Dostları ilə paylaş: |