3. Sufizmnin` Shig`is musilman xaliqlarinin` turmisina ta`siri qanday
A`debiyatlar.
1.
I.A.Karimov. Ma`naviy yuksalish ywlida. T.Wzbekiston. 1998.
2.
Nazarov U. Qadriyatlar falsafasi. T.Ma`naviyat. 1998
3.
Maxmud Asad Jwshan. «`Tasvvuf va nafs tarbiyasi»`. T.1998
4.
Muxammedxojaev A. Gnoseologiya sufizma»` Dushanbe. 1997
5.
Stepanyants A.». «`Filosofskie aspekti sufizma»`. M. Nauka. 1998
6.
Sufizm v kontekste musulmanskoy kul`turi. M.Nauka. 1998
7.
Trimengem Dj. «`Sufiskie ordena v islame»` M.Nauka. 1999
8.
Yassaviy Axmad. Hikmatlar. Toshkent. 1990
9.
Islam (spravochnik) Toshkent. 1999
10.
Iskandarov B. Tasavvuf falsafasi. T. 1995
11.
Komilov N. Tasavvuf. Toshkent. 1994
2`. Sufizmnin` payda boliwi ha`m rawajlaniwi.
Jobasi
1.
Sufiy so`zinin` kelip shig`iwi ha`m onin` ha`r-qiyli mazmun ha`m ma`niste tu`sindiriliwi.
2.
Sufizmnin` islam dinine shekemgi ha`m islam dini ta`sirinde rawajlaniwi.
3.
IX-a`sir baslarindag`i sufizm ma`selesi.
Sufizmnin` kelip shig`iwi ha`m rawajlaniwina o`tiwden aldin bul so`zdin` qanday ma`ni an`latatug`inin
bilip aliwimiz za`ru`r. Professor Najmiddin Komilovtin` aytip o`tiwinshe sufiy so`zinin` ma`nisi a`dewir ken` bolip,
ol o`z ishine basqa tu`sinik ha`m atamalardi sin`ire alg`an.
Bunnan basqa da ilimpazlar ha`m diniy ilimler menen shug`illaniwshi insanlardin` pikirlerin esapqa ala otirip
biz «`sufiy»`-so`zinin` to`mendegishe segiz tu`rli ma`nini an`latatug`inin bilip aliwimizg`a boladi.
a`. Ayirim insanlar bul «`saf»` so`zinen kelip shiqqan, sebebi bunday musilmanlar ilahiy jolg`a kiriwde
birinshi sapta turiwshilar dep esaplag`an.
g`. «`Sufiy»` so`zi «`suffa»` so`zinen payda bolg`an, sebebi suffa ta`reptarlari payg`ambarimiz tiri wag`inda
aq ta`rki du`n`ya qilg`an dindarlar bolip, sufiylar usilarg`a eliklegeni ushin da usilay atalg`an .
q. «`Sufiy»` so`zi «`Safo»`(taza) so`zinen kelip shiqqan, sebebi bul insanlardin` qa`lbi quyashtay parlap
turadi dep esaplag`an.
n`. Sufiy so`zi «`sufix»` so`zinen kelip shiqqan, sebebi bul so`zdin` ma`nisi qanday da bir ha`diysenin`
juwmag`i degen ma`nisti an`latadi, sufiylardin` ha`reketi de usig`an uqsas bolg`anlig`i ushin usilay atalg`an.
o`. «`Sof»` so`zinen aling`an , yag`niy sap tazaliq, pa`klik, ruwxiy kamalat mazmunina iye dep tu`sindiredi.
u`. «`Sofos»`-grek tilinen awdarg`anda danishpanliq degen ma`nini an`latatug`in so`zden aling`an.
w. «rek tilindegi «`Suf»`-so`zinen aling`an bolip faylasuf so`zinin` aqirg`i buwini dep tu`siniwshiler de bar.
h. Arab tilindegi «`Suf»` -so`zinen aling`an bolip, onin` slovarliq ma`nisi ju`nnen tigilgen kiyim kiygen adam
degen ma`nini an`latadi.
Sufiylar ko`p halatlarda ju`n ha`m ju`n teklks gezlemelerden kiyim kiygenligin esapqa alatug`in bolsaq
keiyingi keltirilgen mag`liwmat a`dewir durisliqqa sa`kes keledi, sebebi arab tilindegi so`z jasaliw nizamliliqlarina
da tuwra keledi.
Eger «`suf»` so`zinen sufiy so`zi kelip shiqqan bolsa, o`z gezeginde sufiy so`zinen «`tasavvuf»`,
«`mustasuf»`, «`mutasuf»`, «`mutasavvuf»` so`leri payda bolg`an.
Tasavvuf-bul sufiyliqtin` teoriyaliq ha`m filosofiyaliq du`nyaqaras sistemasi bolip tabiladi.
Mustasuf- bul o`zin sufiylarg`a uqsatip, solarg`a eliklep ju`retug`in, biraqta tiykarg`i maqseti a`mel-
mansab, mal-mu`lkke umtiliwshi insanlarg`a qarap aytilg`an termin.
Mutasuf-tariqat ha`m haqiyqatta belgili da`rejede erisken, biraq sufiy da`rejesine erise almag`an
insanlarg`a qaray aytilg`an pikir.
Mutasavvuf-bul sufizm ta`liymati bilimdani bolg`an, ta`limi, filosofiyaliq ideyalari, du`n`yaqarasi ha`m
moralliq qag`iydalardi ta`n alip, o`z do`retpelerinde sa`wlelendirgen, biraqta sufiyliq jolin a`melde qollanbag`an
ag`artiwshi alimlar, jaziwshi shayirlar ha`m t.b bolip tabiladi.
Sufizm o`z ta`liymatlarin Quran ha`m ha`dislerge tiykarlanip rawajlandirdi ha`m bayitti. Biraq ol islam
dinine shekemgi dinlerdin` de ta`sirinde rawajlandi. Bul sufizmdegi ha`r-qiyli rituallardin` orinlaniwinda o`z
ko`rinisin tabadi.
Keyinshelik sufiyzimde ha`r-qiyli tariyxatlar payda bola basladi. Olardin` o`zine ta`n o`zgeshelikleri
sonnan ibarat, ha`r bir tariyxat o`z mektebine, nizam qag`iydalarina iye bolg`an. Ja`ne sonni da aytip o`tiw kerek,
ha`r bir tariyxat og`an tiykar salg`an murshidtin` ati menen atala baslag`an. Murshid muridlerinin` birin o`zine
ja`rdemshi etip alip tayinlag`an. Murshid o`lgennen keyin murid ustazinin` xirkasin (tonin) kiyip onin` ornin
iyelegen. Solay etip bul xirka qoldan qolg`a o`tip usi tariyxattin` timsali bolip qalg`an.
Sufiyzimnin` payda boliwi belgili da`rejede sol da`wirdegi a`piwayi xaliqtin` hu`kimran du`zimge
naraziliqtin` passiv formasi boldi degen pikirdi de ayirim izertlewshiler alg`a su`redi.
Sufiyliktin` da`slepki wa`killeri da`bdebeli turmistan, bayliqtan waz keship zohidlikti tan`lag`an. Usinnan
kelip shig`ip ayirim izzertlewshiler da`slepki sufiyliqqa qanaat, darveshlik ha`m zohidlik ta`n dep juwmaq
shig`aradi.
Da`slepki sufiylar insanlardan sol da`rejede ju`z burg`an, ha`tte adamlardan qaship, olar menen ilaji
barinsha kem ushirasip, o`zi jasaytug`in shatpalarda taat ibadat penen mashqul bolg`an. Ma`selen, Uvays haqqinda
minanday ra`wyatlar bar, ol Arna jilg`alarina tu`yelerdi bag`ip ju`rer, hesh kim menen ushirasiwdi, sa`wbetlesiwdi
jaqtirmas, adamlar jegen na`rseni jemes, tek g`ana qatqan nan menen ku`n keshirer, qayg`i ha`siret ne ekenligin
bilmes, adamlar ku`lse ol jilar edi, kerisinshe adamlar jilasa ol ku`ler edi.
Ibrahim Adham tuwrali da ra`wyatlar ju`da` ko`p. Ma`selen, ol insan taxt miyrasxori shaxzada
boliwina qaramastan, sufiyliqti qabillag`annan keyin taxti da, a`yel bala shag`asin taslap Madinag`a jol aladi ha`m
pu`tkil o`mirin sol jerde taot-ibadat penen o`tkergen. Onin` haqiyqiy sufiy ekenligin to`mendegi soraw juwaptan da
ko`riwimizge boladi. Onnan sorag`an ekenU` «`Nege sen u`ylenbeysen`»`. Ol juwap beriptiU` «`Qaysi hayal
mag`an ash jalan`ash boliw ushin turmisqa shig`adi. Eger mu`mkin bolg`anda men o`zimnen-o`zim de ajiralg`an
bolar edim»`-dep juwap bergen eken.