Da`slepki sufiylar zohidlik, yaki ta`rki du`n`yashiliq ideyasin qabil etip ja`miyetlik turmistan pu`tkilley
shetlesken. Olar tek g`ana u`zliksiz tu`rde taot-ibadat penen shug`illang`an. Keyingi da`wirlerge kelip zohidlik
qaralana baslag`an. Sebebi bir ta`repten islam dini ushin gu`res bayrag`i astinda bayliq, mal-mu`lik arttirip atirg`an
hu`kimran klass ma`plerine qayshi kele basladi, ekinshi ta`repten miynetsiz basqalar esabinan ku`n keshiriw haram
dep esaplana basladi. Sufiy ha`r ta`repleme pa`k bolg`an halda taot-ibadat qiliwi kerek, sebebi onin` maqseti ilahiy
ruwx penen birlesiw bolip tabiladi. Sufiyda bul du`n`yanin` ha`zliginen de, aqiretten de ta`me bolmawi kerek.
Jalg`iz niyet bul quday talanin` jamalina jetisiw boliwi kerek.
IX-a`sir baslarina kelip sufizmnin` teoriyaliq negizleri islep shig`ildi, sufiylardin` a`meliy
psixologiyaliq mashqlari, o`z-o`zin ta`rbiyalaw ha`m shiniqtiriw usillari qa`liplesti, tariqat, shariat, ma`rifat, haqiqat
degen tu`sinikler payda bolip, sufizmnin` usi to`rt bo`limge baylanisli ko`z-qaraslar sistemasi du`zildi-sufizm dara
halindag`i ilim sipatinda qa`liplesti. Endi biz usi to`rt bo`limge qisqasha tu`sindirme berip o`teyik.
Shariat-bunda shariattin` barliq talaplarina boysiniw kerek.
Tariqat-bunda murid o`z pirlerine boysiniwi, o`zinin` ba`rshe qa`lewlerinen waz keshiwi kerek.
Ma`rifat-bunda sufiy, biz biletug`in bul du`n`ya Alla taalanin` sa`wlesi ekenligin, ha`mme na`rsenin`
quday taaladan basqishpa basqish kelip shiqqanlig`in, jaqsiliq ha`m jamanliqtin` parqin aqil menen emes qa`lb
penen an`lawlari kerek.
Haqiqat-bunda sufiydin` shaxs sipatinda jog`alip qudayg`a jetisiwi og`an sin`ip ketiwi ha`m
na`tiyjede ma`n`gilikke erisiwi dep tu`siniledi.
Bekkemleu ushin soraular
q. Ñóôèçì íåøèíøè 1ñèðäå ïàéäà áîëäû
w. Ñóôèçì ò1ëèéìàòûíäà çîõèäëèê äåãåí íåíè áèëäèðåäè
e. Ñóôèçì òàðèéõàòëàðû íåøèíøè 1ñèðäåí ïàéäà áîë2àí
A`debiyatlar.
I.A.Karimov. Ma`naviy yuksalish ywlida. T.Wzbekiston. 1998.
Nazarov U. Qadriyatlar falsafasi. T.Ma`naviyat. 1998
Maxmud Asad Jwshan. «`Tasvvuf va nafs tarbiyasi»`. T.1998
Muxammedxojaev A. Gnoseologiya sufizma»` Dushanbe. 1997
Stepanyants A.». «`Filosofskie aspekti sufizma»`. M. Nauka. 1998
Sufizm v kontekste musulmanskoy kul`turi. M.Nauka. 1998
Trimengem Dj. «`Sufiskie ordena v islame»` M.Nauka. 1999
Yassaviy Axmad. Hikmatlar. Toshkent. 1990
Islam (spravochnik) Toshkent. 1999
Iskandarov B. Tasavvuf falsafasi. T. 1995
Komilov N. Tasavvuf. Toshkent. 1994
3. 12-13 a`sirlerdegi Sufizmnin` o`zine ta`n o`zgeshelikleri
Jobasi
1. X-XIII a`sirlerdegi sufizmnin` o`zine ta`n o`zgeshelikleri.
2. Sufizm tariyxatlari negizinde sufizm filosofiyasinin` qa`liplesiwi.
3. Keyingi da`wirlerde payda bolg`an tariyxatlar.
Sufizmnin` rawajlaniw protsessinde X-a`sirde Xorasanda payda bolg`an «`Malomatiya»` sufiylik ag`imi
o`zinin` a`jayip mazmuni menen basqa sufiyliq ta`liymatlardan ajiralip turg`an ha`m sufiyliqtin` basqa ag`imlarina
da ma`lim da`rejede ta`sir etip turg`an. Bul ag`img`a IX-a`sirde jasag`an Xorasanliq ataqli sufiy Xamdun al-Qassor
tiykar salg`an.
Bul ag`imnin` o`zine ta`n o`zgesheligi sonnan ibarat, olar sufiylarda ushirasatug`in sirtqi ko`rinis
o`zgesheligi, zikir qiliw, u`rp a`detler arqali haqqa erisip bolmaydi, sebebi bulardin` barlig`i ri§ alomat (eki
ju`zlemeshilik, menmenlik, ju`zekilik h.t.b) dep esapladi.
Riedan qutiliw ha`m iqlasti ku`sheytiriw ushin xaliqqa ko`rsetip islenetug`in ha`reketlerden saqlaniw,
qayirli islerdi ilaji bolg`aninsha ja`riya etpey jasirin, jalg`iz Alla jolinda a`melge asiriw, qa`lbinde alani umitpaw,
na`psini jerge urip, na`psi talaplarinan pu`tkilley waz keshiw kerek.
«`Malomat»`-arab tilinde qaralaw degen ma`nini an`latadi. Malomatiyanin` da`slepki ideyalar keyin ala
a`ste-aqirin o`z ideyalarinan uzaqlasip, basqalardin` ayaq asti etiliwine sebep bolatug`in qopal ha`reketler islew,
jaqsi islerdi jasirip, tek g`ana jaman islerdi a`shkara etetug`in tu`sinikler, tariyxattin` tiykarg`i ideyasina aylanip
qaldi. Olardin` ayirim pikirleri, is-ha`reketleri sunizmge tuwri kelmegenligi ushin olar ulamalar ha`m ma`mleket
organlari ta`repinen qarsiliqqa ushiray basladi, ha`tteki ayirim malomiy shayxlar o`ltirilgen. Na`tiyjede olar a`shkara
is alip bara almaytug`in da`rejege jetti.
Ataqli sufiy Mansur Xallaj o`z pikirlerin ashiq aytatug`in insan bolg`an. Sol sebepli onin`, barliq dinlerdin`
tiykari bir olar bir tiykardan aziqlanadi degen pikiri ulamalar ta`repeninen keskin hu`jimge ushirap g`ana qalmay,
ayirim sufiystlik ag`imlardin` da kritikasina sebep boldi. Usi ha`m basqada ha`diyselerdin` sebebinen, ko`pshilik
o`zin sufizmnen alip qasha basladi, sufizmge Quran ha`m Sunneden uzaqlasqan dinsizlik sipatinda qaray basladi.
Pikirlerdin` bir-birinen pariq qiliwi sebepli fakixler (islam qanunshinaslari) ha`m sufiylar arasinda
kelispewshilikler ju`z berip ha`tteki fakixlerdin` sufiylarg`a qarsi ha`reketi baslandi. Ko`pshilik sufiylar islam
qazilari ta`repinen soraw qiling`an ha`m dinsizlikte ayiplanip o`ltirip jiberilgen.
Sufizm alimlari bunday tu`sinbewshiliklerdin` aldin aliw maqsetinde sufizmnin` islamg`a jat emes
ekenligin da`lillewge mu`mkinshilik beretug`in ilimiy miynetler, shig`armalar do`rete basladi.
XI-XII a`sirlerge kelip sufizm ha`reketi tez en jaya basladi. Bug`an sebep, sol waqitlari islam du`n`yasinda
siyasiy kelispewshilikler ha`wijge shiqqan edi, onnan qala berse fakixler ha`m filosoflar arsindag`i kelispewshilikler
de ko`pshilikte turaqli tu`rde o`z isenimlerine berik bolg`an sufiylarg`a isenimnin` a`dewir artiwina sebepshi boldi.
Usinday topalanlar da`wirinde fakixlar, filosoflar, alimlar o`z ideyalarinin` durislig`in da`lillew maqsetinde
shig`armalar do`rete basladi. Bunday topalanlardan biyzar bolg`an musilmanlar, ha`r qiyli ha`reketlerge qosilmay
ha`m aqiret u`mitinde jasawshi sufiylarg`a eriwdi maqul ko`rdi. Sufiylar bolsa, a`ne usinday qolay pursattan
paydalanip, o`z pikirlerin, ta`liymatlarin ele de ken`irek en jaydira basladi. Ma`nsap tartislarinan o`zlerin awlaq
tutqan sufiylar ma`mleket hu`rmetine erise basladi. A`ne usinday imkaniyatlar na`tiyjesinde Xujviriy, Kushayriy,
Sullamiy, Jurjaniy siyaqli ko`plep sufizm alimlari jetisip shiqti.
Da`slepki waqittan baslap usi bu`gingi ku`nge shekem sufizm alimlariislamnin` botiniy (jasirin), sirli
ta`replerin aship berip, taza islam ideyalarin saqlap qalip, basqa jat illetlerdin` sunnag`a sheek keltiriwine tosqinliq
jasap kelmekte.
Ataqli zohidalardan biri bolg`an Robiya Adaviya, Bsara sufiyliq meketebinin` wa`kili bola tura ha`m
tikkeley Xasan Basiriydin` o`zinen sabaq aliwina qaramastan onin` pirleride o`zgeshelikler seziledi. Onin` pikirinshe
insan dozaq qorqinishi ha`m beyish ha`wesliginde jasawi kerek emes al, tikkeley allag`a ashiq bolip onin` jamalina
jetisiwdi maqset etip jasawi kerek dep juwmaq shig`aradi. Bunin` menen ol sufizm tariyxina «`ilahiy muhabbat»`
tu`sinigin birinshi bolip alip kirgen sufiy bolip tariyxta qaldi.
Ol «`IlahimA` Sag`an dozag`in`nan qoriqqanim ushin ta`wbe qilip ibadat qilip atirg`an bolsam, meni dozaq
otinda ku`ydirA` Eger ja`nnetin`nen u`mit etip ibadat qilip atirg`an bolsam mag`an ja`nnetin`di haram qilA` Eger tek
seni jaqsi ko`rgenim ushin ibadat qilip atirg`an bolsam, meni jamalin`nan mahrum qilma, ParvardigarimA` «`Allani
su`ygen insan, su`yiklisine qosilmag`ansha onin` ko`z jasi, eziliwleri tawsilmaydi»`-degen pikirlerdi keltiredi.
Fikix alimlarinan biri «ulam il-Xalil sufiylardi dinsizlikte ayiplap, insan menen Alla-ta`la ortasinda
muhabbat boliwi mu`mkin emes, dep musilmanlardi olarg`a qarsi qoyg`an ha`m xaliyfag`a sufiylardi qaralap arzi
etedi. Sonda xaliyfa jetpis sufiydi tuttirip soraw aliw ushin qazig`a tapsiradi. Tergewden keyin qazi xalifag`a
to`mendegishe juwap bergenU` «` Egerde bul adamlar muvahhid bolmasa, jer ju`zinde hesh-bir muvahhid joq»`-dep
juwap beredi.(muvahhid allani jalg`iz dep biliwshi). Bul juwaptan keyin sufiylar da`rha`l azat etilgen. Islam
tariyxinda bul waqiya «`»ulam al-Xalil isi»` dep at qaldirg`an.
Sufizm ilimi qa`liplesip, o`siwi na`tiyjesinde sufizm filosofisi da du`n`yag`a keldi ha`m islam ideologiyasin
mazmuni jag`inan a`dewir bayitti, islamnin` qatan` nizam-qag`iydalar dini bolip qaliwinan saqlap qaldi ha`m
islamnan basqa isenimlerden u`stin boliwina ja`rdem etti.
Sufizm filosofiyasinin` en` ulli wa`kili so`zsiz, Muxiyddin ibn al-Arabiy bolg`an. Onin` sufizm filosofiyasi