68
A Q R O N O M
Yazıçının qeyd dəftərindən
Ayaz taxılçılıq sovxozundan evә axşamçağı qayıtdı. Yay paltosunu çıxarıb
mәtbәxә getdi. Burada arvadı Sәnubәr soğan doğrayırdı, gözlәri yaşarmışdı. Ayaz
onun һalına yanaraq dedi:
—
Əzizim, acı soğan yetişdirdiyimizә görә bizdәn incimә. Özün bilirsәn ki,
gözlәrini yaşardan efir, vәrәm mikrobunun düşmәnidir.
Sәnubәr dinmәdi. Ayaz arvadını danışdırıb güldürmәk istәdi.
—
Deyirlәr arvad çox soğan yesә şirindil olar, kişisini bir o qәdәr çox sevәr.
Bu sözlәrdәn Sәnubәrin һeç dodağı da qaçmadı, göz yaşlarını yaylıqla silәrәk
yavaşca dedi:
—
Ayaz, burda durma, gözlәrin yaşarar, yorğunsan. Xörәk bişәnәdәk o biri
otaqda dincәl.
Aqronom diqqәtlә Sәnubәrә baxdı, ona elә gәldi ki, arvadının gözlәrini
yaşardan acı soğan deyil, başqa şeydir. Ayaz o biri otağa keçda, stol arxasında
әylәşib fikrә getdi.
Ayaz iki il idi ki, Sәnubәrlә evlәnmişdi. Bu müddәtdә onlar bir-birinә güldәn
ağır söz demәmişdilәr. Sәnubәr iyirmi beş yaşlarında, balaca boylu, sağlam
bәdәnli bir qadındı. Onun qara qaşları vә yaraşıqlı qonur gözlәri vardı.
Sәnubәrdәn üç yaş böyük olan Ayaz orta boylu, girdәsifәt, qarabuğdayı bir gәnc
idi. o, ilk nәzәrdә çox qürurlu görünürdü. Əslindә isә bu, belә deyildi. Ayaz sadә
adam idi.
Bir gün Ayaz xam torpaqlara getmәk istәdiyini bildirdikdә arvadının һeyrәt
etmәdiyini görüb dedi:
—
Əzizim, mәn belә qәt etmişәm. Əminәm ki, fikrimlә şәrik olarsan. Ancaq
orada işlәmәk asan deyil. Çox şey һәlә öyrәnilmәyib.
Sәnubәr onun sözünü kәsdi:
—
Elә buna görә dә ora maraqlı olar.
Ayaz Sәnubәrin bu sözünü eşitdikdә, onu qucaqladı:
69
—
Çox saq ol,-dedi.-Sәn mәni yaxşı başa düşürsәn.
İndi artıq bir ildir ki, onlar Ural çayının şimal saһillәrindә, xam torpaqlarda
işlәyirlәr. Ayaz yeni tәşkil olunmuş tәrәvәzçilik sovxozunun baş aqronomu,
arvadı isә uşaq bağçasının müdiridir.
İndi Ayaz beş günlük ezamiyyәtdәn qayıtmışdı. Sәnubәr daһa çox şad olmaq
әvәzinә, nәdәnsә qanı qara idi.
Ayaz ayağa durub otaqda gәzişmәyә başladı. Sonra һavanın qaraldığını görüb
işığı yandırdı.
Taxta evdә һәlә gözәl avadanlıq yox idi, divarlar rәnglәnmәmişdi. Ancaq
otaq һündür vә genişdi. Ayaz һәrdәn mübaliğә ilә deyәrdi: «Belә otaqda adam
boy atar, ürәyi geniş olar». Burada һәr şey-döşәmә altındakı tәrәvәz saxlanılan
zirzәmi. mәtbәxdә gurһagurla yanan ocaq, evin qarşısındakı dirrik, bu yerlәrin
şaxtalı һavası belә onun xoşuna gәlirdi. O, sovxozun ucsuz-bucaqsız taxıl
zәmilәrinә baxarkәn, könlü açılır, şair kimi ilһama gәlirdi.
—
Bu torpaqlarda «İlk şırım açan adamlar xoşbәxtdirlәr. Burada zәһmәt
çәkmәyin vә ömür sürmәyin misli yoxdur.
Sәnubәr otağa gәldikdә Ayaz bir dә onu nәzәrdәn keçirdi, qadının sifәtini
pәrişan gördükdә daһa tab etmәdi:
—
Əzizim, de görüm niyә kefin yoxdur?
Sәnubәr Ayaza baxmadan cavab verdi:
—
Heç...
Ayaz başını buladı.
—
Sәnubәr, sәndә söz var. Onsuz da gizlәtmәyi bacarmayacaqsan. Bilirәm,
yaxşı xәbәr eşitmәmisәn. Mәnә demәk istәmirsәn.
—
Axı, nә deyim?
—
Ürәyindәki sözü. Bәlkә evdәn mәktub almısan?
—
Mәktub almamışam.
—
Olmaya işlәr pisdir?
Ayazın bu sözündәn sonra Sәnubәr daһa susmağı bacarmadı.
—
Soğanlar saralıb solur.
70
Sәnubәr Ayazın bir an içindә necә mәһzun olduğunu görcәk, onun һalına
daһa da acıdı vә һiss etdi ki, bu xәbәr ilә kişini sarsıtmışdır. O, A yazı
sakitlәşdirmәk istәdi:
—
Bunu ürәyinә salma. Soğan lәklәri sәnin taleyini һәll etmir ki. Sәnin axı,
tәqsirin yoxdur. Buranın torpağı belәdir. Əgәr işlәr pis olarsa...
Ayaz arvadının sözünü kәsdi:
—
Belә demә. Özün bilirsәn ki, biz başqalarını da buraya işlәmәyә çağırırıq.
Sәnin bacın bu yaxınlarda buraya gәlәcәk. Mәn ona mәktub da göndәrmişәm.
Sәn isә...-Aqronom bir an duruxdu, sonra titrәk sәslә davam etdi: -Burada yeni
böyük taxılçılıq bazası yaratmalı yıq, adamların sinqa xәstәli yinә tutulmasına
yol vermәmәli yik. Mәn bu işi yarımçıq qoyub һara gedә bilәrәm! Tәrәvәzin,
meyvәnin bol yerinә? Yox, bu işdәn döndü yoxdur.
Bu sözlәr Sәnubәrin xoşuna gәlirdi. Əslindә onun özü dә buradan köçmәk
istәmirdi. Bağçada tәrbiyә etdiyi uşaqlara alışmışdı. Özünә yaxşı rәfiqәlәr
tapmışdı. Yeni yaranan bu kiçik şәһәrdә Ayazla Sәnubәr çoxunun nәzәrini cәlb
etmişdi. Bu cavan әr-arvada qibtә ilә baxanlar az deyildi.
Qovrulmuş soğanın xoş iyi otağı doldurdu. Ayaz ayağa qalxıb soğan lәklәrinә
getmәk istәdi. Ancaq gec idi. O, pәncәrәni açıb әtrafa baxdı. Hava qaralmışdı.
Xәfif yel әsirdi, burada yayın ilk günlәri, Bakının yeni baһar vaxtını
xatırladırdı. Burada һәlә yaşıl ağaclar, gözәl bağlar yox idi. Lakin bu yerlәrin
dә özünә mәxsus bir gözәlliyi vardır. Uca dağlardan şırıltı ilә axıb Ural çayına
tökülәn sular buraya xüsusi gözәllik verirdi. Ancaq һeç bir şey Ayazın qәlbini
açmırdı. O, yalnız «çoxmәrtәbәli» soğan һaqqında düşünürdü: «İşlәrim pis
gәtirdi, planım pozula bilәr».
Ayaz dünәn baldızına yazdığı mәktubu çıxarıb bir daһa gözdәn
keçirdi:-«Hörmәtli Sevinc, sizin buraya gәlmәk fikriniz mәni sevindirdi. Tez
gәlin, sizin kimi һәkimә böyük eһtiyacımız var. Bizim vәzifәmiz adamları
tәrәvәzlә tәmin etmәkdir. Mәn burada, һәtta Bakıdan aldı ğım һövsan soğanı da
әkmişәm vә yaxşı nәticә әldә etmişәm.
71
İndi yeni, «çoxmәrtәbәli» soğan növü yetişdiririk. Bu, qeyri-adi bir soğandır,
nәinki tәkcә yerin altında, һәmçinin yuxarıda, saplağında da baş verir. Bu
soğanda çoxlu vitamin vә şәkәr var. Siz bir һәkim kimi bu soğanın şimal
şәraitindә böyük bir müalicә vasitәsi olduğunu şübһәsiz ki, bilirsiniz. O, vәrәm
vә yatalaq kimi xәstәliyin müalicәsindә dә tәtbiq edilә bilәr: qışda torpaqda
qalır, donmur, qar әriyәn vaxt baş qaldırır, iki dәfә göyәrir. Siz gәlәnә kimi bu
qәribә bitkinin mәһsulunu götürәcәyik».
Aqronom fikrә getdi. O, soğanı һәddәn artıq tәriflәmәmişdimi? Bәlkә dә һeç
bu mәktubu göndәrmәyә dәymәzdi?
«Yox, göndәrәcәyәm. Mәn mütlәq arzuma çatmalıyam!»
Sәnubәr әrinin qarşısında oturub Bakıdan aldığı «Kirpi» jurnalının
sәһifәlәrinә baxırdı. Burada gülmәli şәkil, felyetonlar vardı. Ancaq bunlar
Sәnubәri maraqlandırmırdı. Onu düşündürәn başqa mәsәlә idi. O bilmirdi ki,
kişisini necә sakit etsin. Sәnubәr bir neçә dәfә әrini naһar etmәyә çağırdısa, o,
boyun qaçırdı.
—
Ayaz, niyә özünә yazığın gәlmir? Axı, indiyә kimi һeç bir şey yemәmisәn.
—
Sәnubәr, iştaһam yoxdur.
—
Bәlkә çay içәsәn?
Ayaz bir söz demәdi. Sәnubәr Bakıdan gәtirdiklәri armudu stәkana çay süzüb
onun qabağına qoydu.
Ayaz tünd ç a y içmәyi çox sevirdi. İndi bu da ona kömәk etmәdi.
Ayaz sovxozda kartof vә kәlәm mәһsulu almaqda öz bacarığını göstәrmişdi.
Onun bu saһәdәki iş tәcrübәsi һaqqında vilayәt qәzetindә dә yazmışdılar. Ancaq
«çoxmәrtәbәli» soğan yetişdirmәyә başladıqda böyük çәtinliklәrә rast gәldi.
Hәlә keçәn il qonşu sovxozun aqronomu ona demişdi: «A ğrımayan başına niyә
buz qoyursan. O soğanı yetişdirә bilmәyәcәksәn. Necә deyәrlәr, onun astarı
üzündәn baһa başa gәlәcәk».
Doğrudan da, Ayaz, indi çәtinliyi daһa çox һiss edirdi. O, yerindәn qalxıb
otaqda gәzindi, sonra gündәliyini götürüb keçәn il yazdığı qeydlәri gözdәn
keçirdi:
72
«3 oktyabr. Bu gün «çoxmәrtәbәli» soğan aldıq. Bu, yeni soğan növüdür.
Onun qәribә tarixi vardır. Altay vilayәtinin Verxnaya Suyetka kәndinin sakini
Kuzma Avksent yeviç Anapko bir dәfә tayqada gәzәrkәn köһnә, uçuq bir
daxmaya rast gәlir. Daxmanın sıx mamırla örtülmәsi göstәrirdi ki, saһibi
çoxdan onu tәrk edib getmişdir. Anapko daxmanın yaxınlığında soğana oxşar
bir bitki tapır, onu götürüb öz tarlasında әkir vә sonra bu qәribә bitkini yayırdı.
Bu soğanın aqrotexnikası һәlә öyrәnilmәmişdir...
10 noyabr. Birinci şaxtalar özünü göstәrdi. Bitkilәr solmuş, ancaq әkdiyimiz
«çoxmәrtәbәli» soğan әvvәlki kimi inkişaf edir, yaşıllanır...
8 dekabr. Soğanı 20 dәrәcә şaxtada dondurduq, istiyә verdikdә tәkrar cana
gәldi.
20 dekabr. Daһa baş sındırmaq lazım deyil. Hәr şey aydındır: o, şaxtaya tab
gәtirәn bitkidir. Bu, şimal şәraitindә әn dәyәrli soğandır».
Ayaz daһa sonralar öz gündәliyindә belә yazmışdı: «Çoxmәrtәbәli soğan
birdәn qalxıb boy atdı...»
Belә yaxşı yazıdan sonra, o, bu günkü vәziyyәti qeyd etmәk istәmәdi.
O, kitab rәfinә yaxınlaşdı. Burada çoxlu kitab vardı. An caq һeç birindә
«çoxmәrtәbәli» soğan һaqqında yazılmamışdı.
Ayaz yerinә uzanıb dәrin fikrә getdi. Ona birdәn elә gәldi ki, soğan
tarlasındadır. Burada böyük sәs-küy var. İşçilәr mübaһisә edirlәr. Kimi yeni
soğanın ümid verdiyindәn, kimi dә zәһmәtin sәmәrәsiz olacağından danışır.
Bu zaman bir traktorçu aqronoma yaxınlaşıb deyir:
—
Soğan әkilәn yeri şumlamağa gәlmişәm.
Hirsindәn aqronomun bütün vücudu әsir.
—
Sәn dәli olmusan? Mәn buna icazә vermәrәm!-deyә onun qabağını kәsir.
—
Axı, direktor...
—
Mәn onun әmrini lәğv edirәm! Axırıncı әmr yerinә yetirilmәlidir!
—
Yoldaş aqronom, orduda belәdir, cәbһәdә belәdir...
—
Bura da әmәk cәbһәsidir, mәn qoymaram ki, bir qarış yeri dә şumlayasan.
73
Traktor gurultu salaraq ona tәrәf irәlilәyәrkәn, o, xәyaldan ayrılır. Daһa uzun
müddәt gözünә yuxu getmir.
Sәһәr açılırdı. Sәnubәr şirin yuxuda idi. Ayaz onu oyatmamaq üçün
pәncәrәni üsulluca açıb qarşıdakı çaya baxdı. Günәşin ilk şüaları uzun müddәt
susan çayı һәrәkәtә gәtirmişdi. Böyük buz parçaları sanki әriyib çaya
qarışmaqdan qorxaraq, bir-birinin ardınca irәli cumurdu.
Böyük һadisәlәr şaһidi qocaman Ural çayı! Əvvәllәr onun kәnarında yalnız
seyrәk vә xırda kolluqlar vardı, qışda onları qar örtdüyündәn tәlәf olurdu,
yayda isә yarım metrdәn artıq boy atmırdı. Burada ot belә bitmәzdi. O zaman
kim tәsәvvür edәrdi ki, burada yeni һәyat dirçәlәcәk, ucsuz-bucaqsız taxıl
zәmilәri yaranacaqdır.
Ayaz pәncәrәdәn çәkildi, paltosunu çi yninә atdı, şlyapasını başına qoydu vә
çölә çıxdı.
«Boz dağın» әtrafındakı sovxoz tarlalarında iş yenicә başlayır, traktorun
gurultusu әtrafa yayılırdı.
Tarlaya bu gün һamıdan tez gәlәnlәrdәn biri dә Ayaz idi. O yerindә donmuş
kimi durub, solmuş soğanlara baxır vә düşünürdü: «Bu bitkilәr niyә bu günә
düşdü? Bunun sәbәbi nәdir? Bәlkә tәcrübә saһәsini pis yerdә seçmişik?.. Yox,
bu, ola bilmәz, һәm dә torpaq yaxşı gübrәlәnib. Bu yer әkinә һәlә payızdan
һazırlanmışdı. Kartof mәһsulu yığıldıqdan sonra saһә dәrindәn şumlanmışdı.
Qışda burada qarın qalınlığı 80 santimetrdi. Yaz әkininә tez başlamaq üçün
üstünә kül sәpmәklә qarı vaxtından әvvәl әritmişdilәr. Bәlkә bitkilәr yaxşı
suvarılmayıb?»
Ayaz yerdәn bir ovuc torpaq götürüb baxdıqda onun nәm oldu ğunu gördü.
«Demәk һәr şey öz qaydasındadır. Bәs soğan niyә solmuşdur?» O, bu suala һeç
cür cavab verә bilmirdi. Soyuq Ural torpağı Ayaza yenә sirli vә müәmmalı
göründü.
Aqronom solmuş bir soğanı dibindәn çıxarıb diqqәtlә gözdәn keçirdikdә,
onun kökündәn çürüdüyünü gördü. «Bu nәdir? Buna soğan milçәyi sәbәb
74
olmayıb? Bәlkә dә bu, soğan gәnәsinin işidir?» Ayaz daһa bir neçә solmuş
soğanın kögünә baxıb eyni vәziyyәti gördükdә iti addımlarla yaxınlıqdakı
şüşәbәnd şitilliyinә getdi. Burada onu alçaq boylu, ancaq cәld һәrәkәtilә seçilәn
qoca bir kişi qarşıladı. O, şitilli yin ustası Boyko idi. Ayaz ona dedi:
—
Əzizim, deyәsәn ziyankarı tapacağıq. Xaһiş edirәm, zәrrәbini ver, gedib
sәninlә birlikdә soğanı yoxlayaq.
Boyko zәrrәbini tapıb A yaza verdi vә onunla bәrabәr soğanlığa gәldi.
Aqronom burada solmuş bir soğanı kökündәn çıxarıb dәrһal zәrrәbinlә gözdәn
keçirdi vә dedi:
—
Soğan gәnәsidir.
—
Ola bilmәz, -deyә Boyko etiraz etdikdә, Ayaz zәrrәbini ona verdi.
—
Bir bax, qәһvәyi rәngli başını, qısa ayaqlarını görürsünüz?
—
Elәdir, elәdir,-deyә qoca tez tәslim oldu.-Bunu һeç gözlәmәzdim. Bu bizim
tarlada birinci һadisәdir.
—
Bunun sәbәblәrini öyrәnәcәyik. İndi, әzizim, xaһiş edirәm öz işçilәrini
bura çağır, qoy tarlanı bu xәstә soğanlardan tәmizlәsinlәr. Onlar o qәdәr dә çox
deyil.
Bir neçә dәqiqә çәkmәdi ki, Boykonun briqada üzvlәri buraya gәlib solmuş
soğanları kökündәn çıxartmağa başladılar. Aqronom çox tәlәbkardı: «Bir sarı
yarpaq, bir xәstә bitki belә tarlada qalmamalıdır»,-deyә o, işçilәrә tapşırıq
verirdi.
Boyko işin qurtarmasını xәbәr verdikdә, aqronom bir daһa әkini yoxladı.
Ayazın üstündәn elә bil böyük bir yük götürüldü. O, Boykoya vә işçilәrә
müraciәt edib dedi:
—
Hamınıza tәşәkkür edirәm. Siz mәnә ağır gündә kömәk etdiniz. Mәn daһa
әminәm ki, soğan bir dә solmayacaq. Bu әkin bir daһa bizi
qüssәlәndirmәyәcәkdir!
Bu әһvalatdan üç ay keçdi. Gözәl, günәşli günlәrdәn biri idi. «Çoxmәrtәbәli»
soğan tarlasına iki qadın gәldi. Onlardan biri qucağında uşaq tutan Sәnubәr,
75
digәri isә Sevincdi. Ayaz baldızını yerişindәn tanıdı vә onu qarşılayıb
sәmimiyyәtlә görüşdü. Sevinc bacısının qucağındakı uşağa işarә edәrәk dedi:
—
Oğlunuz Sabiri tәbrik edirәm.
Ayaz ona tәbәssümlә cavab verdi.
—
Nә yaxşı gәldiniz! Az qalmışdı sizdәn inciyәm. Elә bildim ki, şimal soyuğu
sizi qorxudub. Demә yox.
Sevinci görmәk aqronomu elә sevindirdi ki, onun bura ya necә gәlib çıxdığını
vә istiraһәt edib-etmәdiyini belә soruşmadan dedi:
—
Budur, tәcrübә saһәsi, baxın!
Sevinc böyük maraqla bu әcayib bitki yә nәzәr saldı. Bura sözün әsli mәnasında
tarla idi. Yaşıl soğan tarlası. Bitkinin qәşәn g yarpaqları, saplaqdan asılmış
qırmızı-çәһrayı rәngli soğanlar onu valeһ etdi.
Sevinc tarlanın içindә gәzindi, bitkinin bәzilәri onun çi yninәdәk yüksәlirdi.
Aqronom gülümsünüb dedi:
—
Görürsünüzmü, mәn öz sözümü yerinә yetirdim. Sizin gәlişinizәdәk soğan
da yetişdi.
—
Doğrudan da bu qәribә soğandır.
Xәfif külәk әsdi, soğanlar titrәşdi. Sevinc bacısına baxıb gülümsәdi.
—
Bu acı soğanın da öz gözәlliyi var.
—
Bizim işçilәr bu soğanı yetişdirmәk üçün az әzab çәkmәyiblәr,-deyә Ayaz
әlavә etdi.-İndi bizim bu tarla rayonun gözәl bir guşәsinә çevrilib. Buraya һәr
gün çoxlu ekskursant gәlir. Hamı xam torpaqlarda görünmәyәn bu bitkiyә
tamaşa etmәk istәyir. Çox yerdәn bizә mәktub yazır, soğan toxumu göndәrmәyi
xaһiş edirlәr.
—
Nәһayәt, arzunuza çatdınız.
Ayaz soğan tarlasına baxaraq dedi:
—
Arzunun sonu yoxdur. İnsan tәbiәti elә yaranıb ki, һeç bir zaman öz işi ilә
kifayәtlәnmir. Bizim sovxoz xam torpaqda yaşayan adamları soğanla tәmin
edib. İndi isә bizim yoldaşlar istәyirlәr ki, tәcrübәlәrini Şimalda, lap Buzlu
okean әtrafındakı torpaqda da tәtbiq etsinlәr.
76
Sәnubәr bacısına baxıb xoş bir ifad ә ilә gülümsәdi vә bununla sanki dedi: «
Bizim kişini görürsәn?»
77
KİTABIN İÇİNDƏKİLƏR
Bir salxım üzüm (һekayә) ....................
5
Hәdiyyә
.............................................. 17
Bir sәhәng su
................................ 22
Cәsarәt
................................ 26
Türk qızı (povest) ................................ 33
Yarım milyonçu (һekayә) .....................
62
Zәng sәsi
...........................................70
“D” vә “T”
...........................................72
Ana vә uşaq .................................... . . 74
Yanıq iyi
...........................................76
İki görüş
...........................................78
Aqronom ...........................................81
78
Relaktoru Y. Məmmədov
Rassamı İ. Piçxadze
Bədii redaktoru F. Quliyev
Texniki redaktoru V. Avadeyeva
Korrektorları B. Məşədiyeva, R. Bağırlı
Azərbaycan Dövlət Nəşriyyatı,
Bakı, Hüsü Hacıyev küçəsi, № 4.
Azərbaycan SSR Mədəniyyət Nazirliyinin
”Qızıl Şərq" mətbəəsi,
Bakı, Həzi Aslanov küçəsi, 80.
Dostları ilə paylaş: |