22
Povestdə qoyulan əsas problem isə eşşəyin
itməkliyi ilə başlanır. Eşşək itir, bu itməkliyin təhkiyəçi
«özgə eşşəklərin itməkliyinə bir tük qədər də oxşar»
olmadığını iddia edir. Açıqlama davam edir: Eşşəyin
sahibi Məhəmməd Həsən əminin həyatda yeganə arzusu,
sevinci bu eşşəklə ziyarətə getməkdir. Eşşəyin itməsi
Məhəmməd Həsən əminin ailəsinin arzularının puç
olması, faciəsi deməkdir.
Eşşəyin itməsinin səbəbkarı Xudayarbəydir. O
Xudayarbəy ki, zoğal dəyənəyinin sahibidir. «Danabaş
kəndində bu yekəlikdə zoğal dəyənəyinin hörməti heç
pulun hörmətindən az deyil. O ixtiyar ki, dəyənəkdə var,
bəlkə pulda yoxdu (111, 328). Çünki Xudayarbəy
əlindəki dəyənəyi «nə vaxt kefi istəyir qaldırır, nə vaxt
kefi istəyir yendirir» (111, 328). Zorakılıq yenə davam
edir. Xudayarbəy Zeynəbə, var-dövlətinə tamah salır.
Zeynəb çarəsizdir, psixoloji situasiyadadır. «İndiki
halında Zeynəb bənzəyirdi bir elə şəxsə, hansı ki, zəhər
şüşəsini qabağına qoyub baxır və bilmir nə eləsin: içsin,
ya yox? İçməsə dərd, qüssə və qəm onu öldürəcək, içsə
zəhər onu öldürəcək» (111, 340). Qələbə yenə də zoğal
dəyənəyinindir. «Elə bu saat Danabaş kəndində üç yerdə
matəm qurulubdur. Üçünə də Xudayarbəy özü bais
olubdur. Doğrudan çox gülməli əhvalatdır və çox qəşəng
əhvalatdır. Ondan ötrü qəşəng əhvalatdır ki, adam gülür,
ürəyi açılır. Yoxsa nəyə lazımdır qəm və qüssə gətirən
hekayət» (111, 287). Qəti qənaətə gəlmək, «qəşəng»,
«gülməli» əhvalatlara son söz demək artıq oxucunun
özünündür. Xudayarbəy – Məhəmməd Həsən əmi, Xuda-
yarbəy – Zeynəb, Xudayarbəy – Şərəf, Xudayarbəy –
Qazı, Xudayarbəy – tacir Karapet, Xudayarbəy –
Vəliqulu və s. kimi xətlər real və təsirlidir.
23
Maraqlı faktdır ki, geniş süjetli əsərində olan bu
poetik struktura ədibin hekayələrində də təsadüf edilir.
Bu qəbildən «Xanın təsbehi» hekayəsi diqqəti cəlb edir.
İlk baxışdan iki hissə, iki adla («Xanın təsbehi»,
«Təsbeh barəsində bir neçə söz») təqdim olunan
hekayənin birinci hissəsi proloq xarakteri daşıyır. Ədib
bu hissədə maraqlı söyləmə tərzi ilə Kəleybər qəryə-
sinin, Gərmə-Çataq kəndini, bu kəndin məşhur xanların-
dan Nəzərəli xan və rəiyyətləri baradə söhbət açır. Xanı
Qaradağ xanlarının ən yaxşısı, ləyaqətlisi, insaflısı kimi
oxucuya təqdim edir. Ziddiyyətli fikirlər haçalanır.
Yavaş-yavaş
tərif olunan xanın əməlləri açılır:
«Nəzərəli xan hər bir kəsi asıb kəsə də bilərdi, əfv edib
hər bir bəndənin ömrünü ona bağışlaya da bilərdi» (111,
487-488). Bu təzadlı təsvirlər oxucu üçün orijinal, canlı
görünür. Artıq xanın təsbehinə işarə vurulur. Fərraş Əli
Cəfər xanın evi üçün rəiyyət Kərbəlayı Musadan yağ
istəyir. Yağ olmadığı söyləndikdə xanın təsbehi gətirilir.
Biçarə Musanın arvadı yağı tapıb fərraşı razı salır.
«Çünki xanın təsbehi gərək qayıtmaya» (111, 488).
Təsbehin fövqəladəliyi, əsərin əsas ideyası isə ikinci
hissədə açılır: «Nəzərəli xan İkramüddövlə belə qayda
qoymuşdu. Qabaqca fərraş gəlib rəiyyətdən bir şey
istərdi, əgər rəiyyət verdi, verib, əgər vermədi fərraş bir
iki şallaq çəkib qayıdardı xanın üstünə və ikinci dəfə
xanın təsbehini gətirərdi. Bu dəfə əgər o hökmə əməl
olundu, olunub, olunmadı dəxi fərraş ixtiyar sahibidir,
yəni o qədər ixtiyar sahibidir ki, əgər xəncərini çı xarıb
yox deyənin boynunu vursa dəxi, bilmirəm nə olar və
yəqin də heç bir şey olmaz» (111, 489).
Xan və fərraşlara sonsuz ixtiyar verən mühit,
cəmiyyət əsərin əsas tənqid hədəfidir. Nəzərəli xan,
24
təsbeh və onların törətdiyi rəzilliklər ardıcıllıqla oxu-
cuya çatdırılır.
Proloqun əksinə olaraq əsərin sonunda verilən
hissə – epiloq «Danabaş kəndinin əhvalatları» əsərində
«Xitamə» adlanır. Ümumiyyətlə Şərq ədəbiyyatında
epiloq xatimə, yaxud xitamə işlədilir. Ədib əsərin əsas
əhvalatlarını nəql etdikdən sonra öz qəhrəmanlarının
aqibətini «Xitamə»də qeyd edir. Oxucunun intizarla
gözlədiyi insan talelərinin kədərli əhvalatlarına burada
xitam verilir. Əsas hissə eşşəyin itməkliyi ilə başla yırsa,
xitamə eşşəyin tapılması ilə başlayır. Eşşək tapılır,
ancaq sevinən yoxdur. Çünki nə Əhməd sağdır, nə də
İzzət. Onları «…Məhəmməd Həsən əmi indiyədək and
içir ki, Əhmədi də, övrətini də eşşəyin dərdi öldür dü»
(111, 343). Zeynəb bütün sərvətini itirib, övladı Fizzə
həyatda yoxdur. Ziba da, Vəliqulu da, Xudayarbəyə
nökərdir. Dəyişilməyən «qalibiyyət» yenə də Xudayar-
bəyindir. Bu təəccüblü olmayan qəribə əhvalata epi-
loqda neçə-neçə ailənin (ümumilikdə tipik Azərbaycan
ailəsinin) faciəsi ilə nöqtə qoyulur.
Bu poetik quruluş «Bəlkə də qaytardılar…» he-
kayəsində də özünü göstərir. «Xanın təsbehi» əsərindən
fərqli olaraq bu hekayədə proloqdan yox, epiloqdan
istifadə olunur.
«Bəlkə də qaytardılar…» ədibin müflis olmuş
insanların fikir və düşüncəsini əks etdirən bir heka -
yəsidir. Hekayədə təsvir olunan müflisləşmişlər dəstəsi
Molla əmiyə artist Balaqədəşin vasitəsilə təqdim olunur.
Əvvəlki zəngin həyatlarını səbirsizliklə gözləyən, ancaq
nail ola bilməyən bu insanlar xəyalla yaşayır, öz
səadətlərinə yenə qovuşacaqlarını ümüd edirlər. «Axır
söz» adlanan son hissə yazıçının hadisələrə yekunudur:
Dostları ilə paylaş: |