16
AATŞ-nin bioloji və kimyəvi silahla bağlı potensial
təhlükələrinə həsr olunmuş simpoziumları
Tərəfdaşlara informasiya mübadiləsi aparmağa və
həmin təhlükələrin qarşısının alınmasının optimal
əməli üsullarını işləyib hazırlamağa imkan verdi.
KQS döyüş vasitələrindən yeni müdafi ə avadanlığı,
müxtəlif vasitə və texnika sahəsində tədqiqat və
inkişaf məsələlərinin müzakirəsi aparılır ki, bu da
bu cür silahdan müdafi əyə ümumi hazırlığın
artırılması üsullarının daha yaxşı dərk olunmasına
yardım edir.
NATO və Tərəfdaş-dövlətlərin tərksilah üzrə
ekspertləri KQS-nin yayılması üzrə kəşfi yyat
məlumatlarının birgə istifadə olunması aspektləri
və siyasi məsələlərinin müzakirəsini keçiriblər. Bu
məsləhətləşmələr KQS-nin yayılmasının ən
mühüm təmayüllərinə həsr olunmuşdu.
Məsləhətləşmələrdə AATŞ-ya daxil olmayan Çin,
Yaponiya, İsrail, Cənubi Koreya kimi ölkələrin
nümayəndələrinin həmin problemlərin regional
aspektlərinə həsr olunmuş mövzularda çıxış
etdikləri məruzələr dinlənilmişdi. Tərəfdaşlar ixrac
nəzarəti üsulları və BMT-nin Təhlükəsizlik
Şurasının nüvə silahının yayılmaması sahəsində
N-1540 Qətnaməsi kimi son təşəbbüslərin
gerçəkləşdirilməsi məsələləri üzrə informasiya
mübadiləsi aparıb.
Şimali Atlantika Alyansının üzv-dövlətləri
tərəfdaşlarını həmçinin NATO-nun kimyəvi, bioloji,
radioloji və nüvə silahından (KBRNS) müdafi ənin
konkret sahələrindəki fəaliyyət növləri, o cümlədən
KBRNS–dən müdafi ə batalyonunun yaradılması və
NATO BSQ-nin döyüş heyətinə daxil edilməsi
barəsində məlumatlandırdı.
Minalara və atıcı silahlara qarşı aksiyalar
Qeyri-seçici surətdə tətbiq edilən ucuz silahların
yayılması nəticəsində yaranan təhlükə dünya
birliyinin diqqət mərkəzindədir və getdikcə artan
narahatlıq doğurur. Asanlıqla əldə edilə bilən atıcı
silahdan istifadə də sadədir və uzun sürən silahlı
münaqişələrin qızışdırılmasına səbəb olur. Dinc
əhalinin getdikcə artan zorakılığın qurbanları
olması halları get-gedə artır. BMT-nin və digər
mənbələrin məlumatlarına əsasən, keçən əsrin
90-cı illərindəki hərbi əməliyyatlarla bağlı olan
4 milyon ölüm hallarının 90%-i dinc əhalinin payına
düşür ki, bununda 80%-i qadın və uşaqlardır.
Hesablamalara görə, dünyada 0,5 milyarddan çox
atıcı və yüngül silah vardır, yəni hər 12 nəfərə bir
vahid silah düşür. Onlar hər gün 1000-dən çox
ölüm hallarına səbəb olur. Mövcud
dəyərləndirmələrə görə, dünyada yerin altında
quraşdırılmış piyada əleyhinə minaların sayı
100 milyondur. Orta hesabla, hər 22 dəqiqədən bir
piyada əleyhinə minalardan biri partlayır və bunun
nəticəsində ildə 26 min adam ölür və ya şikəst olur.
> Yüngül və atıcı
silahların yayılması
artan beynəlxalq
narahatlığın diqqət
mərkəzindədir.
17
Qlobal, regional və yerli səviyyələrdə atıcı
silahların yayılmaması probleminin həlli və
minalara qarşı humanitar aksiyaların keçirilməsi
üçün çoxtərəfl i təşəbbüslər irəli sürülüb. NATO və
Tərəfdaş-dövlətlər Avro-Atlantika bölgəsində bu
problemlərlə mübarizədə əldə edilmiş hərbi-siyasi
təcrübə və xüsusi biliklərdən istifadə edərək, bu
səyləri tamamlamağa çalışırlar.
AATŞ Yüngül və Atıcı Silahlar və Minalar üzrə
Xüsusi İşçi Qrup yaradıb. Bu qrup bu cür silahların
ötürülməsi üzərində optimal nəzarət formaları,
məsələn, milli ixrac nəzarəti və hüquq-mühafi zə
mexanizmləri vasitəsi ilə nəzarət haqqında
informasiya mübadiləsi üçün forum kimi çıxış edir.
SNT Proqramında həmçinin silah ehtiyatlarının
rasional istifadəsi, onların təhlükəsiz saxlanması,
utilizasiyası (fayda ilə başqa məqsədlər üçün
işlədilməsi) və onun artıqlarının məhv edilməsi və
habelə sülhyaratma əməliyyatları zamanı onun
yığılması və məhv edilməsi məsələləri üzrə təlim
hazırlığının genişləndirilməsinə yardım üzrə
fəaliyyət nəzərdə tutulub. Buna əlavə olaraq,
ayrı-ayrı ölkələrə sorğular üzrə ixtisaslaşdırılmış
yardım təqdim edilir.
Bu İşçi Qrupda, həmçinin SNT Proqramı
çərçivəsində piyada əleyhinə minalar problemi
müzakirə edilir. Bu problemin konkret aspektlərinə
seminar və simpoziumlar həsr olunub. Bundan
başqa, hərçənd səhra şəraitində humanitar
minasızlaşdırma məsələləri BMT-nin Minalara
qarşı Aksiyalar Xidmətinin müstəsna huququ olsa
da, NATO və Tərəfdaş-dövlətlərin Balkanlar və
Əfqanıstanda sülhyaratma əməliyyatlarında iştirak
edən hərbi qulluqçuları müntəzəm olaraq mülki
təşkilatlara humanitar minasızlaşdırma üzrə
səylərində kömək göstərirlər. Balkanlarda artıq
26 mln. kv. km. ərazi minalardan təmizlənib,
Əfqanıstanda isə Beynəlxalq Təhlükəsizliyə
Yardım Qüvvələri (BTYQ) Kabil Beynəlxalq Hava
Limanının və məsul olduqları zonalardakı digər
yerlərin piyada əleyhinə minalardan
təmizlənməsində yardım edirlər.
2000-ci ildə SNT-nin Etimad Fondlar mexanizmi
yaradılıb (bax. səh.28). Onların məqsədi donor-
dövlətlərin piyada əleyhinə minaların məhv
edilməsi üçün ayırdığı vəsaitlərin ötürülməsi
kanalı olmaqdan ibarətdir. 2004-cü ilin dekabr
ayına 2 milyondan çox piyada əleyhinə mina
məhv edilib. Gələcəkdə bu cür layihələrin sayını
artırmaq planlaşdırılıb. Bu vaxt ərzində Etimad
Fondlarının onlara döyüş sursatları və atıcı və
yüngül silahların artıqlarının məhv edilməsi
vəzifələri də daxil edilməklə tətbiq edildiyi
sahə genişləndirilib.
> NATO və Tərəfdaş dövlətlərdən olan
sülhməramlılar müntəzəm olaraq humanitar
minalardan təmizləmə üzrə səyləri dəstəkləyirlər.
© SHAPE