20
20
Tərəfdaş-dövlətlər NATO-nun rəhbərliyi altında
Balkanlarda sülhə yardım əməliyyatlarında ən mühüm
rol oynayıb, indi isə onlar həmçinin NATO-nun
Əfqanıstandakı missiyasına öz töhfələrini verirlər.
Tərəfdaş-dövlətlərin bu əməliyyatlarda iştirakı Avro-
Atlantika bölgəsi və onun hüdudlarından kənarda
təhlükəsizliyi artırır. Bu, Tərəfdaş-dövlətlərin
qüvvələrinə NATO üzrə Müttəfi qlərin qüvvələri ilə
birgə böhran bölgələrində sabitliyin bərpası üzrə
əməli fəaliyyət təcrübəsi toplamağa imkan verir. Bu
həmçinin Şimali Atlantika Alyansı üzv-dövlətlərinin
üzərinə düşən artan əməliyyatların yükünü
azaltmağa kömək edir. Bundan başqa, Tərəfdaşların
NATO-nun rəhbərliyi altında əməliyyatlarda iştirakı
digər ölkələrə böhran tənzimlənməsində və
sabitsizliyin yayılmasının qarşısını almaqda yardım
edilməsi məsələsi üzrə geniş beynəlxalq
konsensusun ifadəsidir.
Bir çox Tərəfdaş-dövlətlərdən olan hərbi qulluqçular
üçün artıq NATO üzrə həmkarları ilə Şimali Atlantika
Alyansının mürəkkəb şəraitdə necə hərəkət etdiyi ilə
tanış olaraq əməkdaşlıq etmək adət halını alıb. Məhz
bu amil soyuq müharibənin sonuna qədər bölünmüş
qitə şəraitində bir-birinə qarşı duran hərbi ittifaqlarda
iştirak edən hərbi qulluqçular arasında əlaqələrin
yaxşılaşdırılması və etibarın və qarşılıqlı anlaşmanın
möhkəmləndirilməsi üçün çox böyük əhəmiyyət kəsb
edir. Bu gün NATO və Tərəfdaş-dövlətlər XXI əsrin
problemlərinə müqavimət göstərmək üçün
əməliyyatlarda birgə fəaliyyət göstərirlər.
Əfqanıstanda həyata keçirilən
missiya
2003-cü ilin avqustundan NATO Əfqanıstanda
Beynəlxalq Təhlükəsizliyə Yardım Qüvvələrinə (BTYQ)
başçılıq edir. BMT-nin mandatı ilə həyata keçirilən bu
missiyanın məqsədi Əfqanıstan iqtidarına 20 il davam
edən vətəndaş müharibəsindən sonra dinc quruculuğa
başlayan ölkədə sülh və sabitliyin bərpa edilməsində
və onun təkrarən terrorçular üçün baza kimi istifadə
olunmasının qarşısını almaqda kömək
göstərməkdən ibarətdir.
İlkin mandata görə BTYQ-nin fəaliyyət dairəsi Kabil və
ona yaxın rayonları ilə məhdudlaşırdı, lakin sonradan,
BMT-nin yeni mandatına əsasən, bu dairə paytaxtdan
kənarda olan ərazilər nəzərə alınmaqla genişləndirildi.
BTYQ-nin iştirakı tədricən Əyalət Bərpa Qruplarının
(ƏBQ) – mərkəzi hökumətin hakimiyyətini
genişləndirmək və ölkənin inkişafı və bərpa olunmasını
asanlaşdırmaq məqsədi ilə əyalətlərdə fəaliyyət
göstərən mülki və hərbi şəxslərdən ibarət qrupların
yaradıldığı şimal rayonları istiqamətində genişləndi.
2004-cü ilin payızında bu qüvvələrin fəaliyyət
dairəsinin Kabildən qərbə doğru genişləndirilməsinə
hazırlıq işlərinə başlanıldı. Bundan başqa, 8 həftə
ərzində 2004-cü ilin oktyabrında baş tutmuş prezident
seçkilərinə hazırlıq və onun keçirilməsi prosesinə
yardım göstərmək üçün Əfqanıstanda əlavə hərbi
qulluqçu kontingenti yerləşdirilmişdi.
Sülhə yardım əməliyyatları
> Tərəfdaş dövlətlər Əfqanıstandakı
Beynəlxalq Təhlükəsizliyə Yardım
Qüvvələrinə əhəmiyyətli töhfə verirlər.
© Finnish Defence Forces