Tadbirkorlik

K IR IS H
Tadbirkorlik! Bu hodisa va tushuncha bir qarashda juda oddiy, 
hammaga ravshandek tuyuladi. Haqiqatan esa, u juda murakkab, 
ko‘pqirrali va, buning ustiga, fundamental ijtimoiy-iiqtisodiy hodisadir. 
Tadbirkorlik ideologi hisoblangan Y. Shumpeter: tadbirkorlikni barcha 
turdagi ijtimoiy-iqtisodiy tizimlarga xos hodisa boTib, ularning nafaqat 
tarkibiy qismi, balki iqtisodiyotni harakatlantiruvchi kuch, deb ta’kidlab 
o‘tgan. Tadbirkorlik 0 ‘zbekiston ijtimoiy-iqtisodiy taraqqiyotida ham­
da jahon moliyaviy-iqtisodiy inqirozi salbiy ta’sirini yumshatish va oqi- 
batlarini bartaraf etishda shunday kuch ekanligini namoyon etmoqda va 
yetakchi sohaga aylanmoqda. Mamlakatda 2008- yilda yaratilgan yalpi 
ichki mahsulotning 48,2 foizi, ish bilan band bo‘lgan aholining 76 foizi, 
aholi daromadlarining 70 foizi kichik biznes va xususiy tadbirkorlik so- 
hasiga to ‘g‘ri keladi, 2010-yilda uning yalpi ichki mahsulotdagi ulushi- 
ni 50 - 52 foizga yetkazish ko‘zda tutilgan1. Lekin hali tadbirkorlikning 
barcha qirralari va funksional xossalari yetarli darajada o‘rganilmagan 
va natijada uning imkoniyatlari to ‘liq safarbar etilmagan. Demak, tad­
birkorlik asoslari fani oldida ulkan vazifalar turibdi. Bunday vazifalarni 
umumlashtirgan holda quyidagicha ifodalash mumkin:
1) nazariya sohasida: tadbirkorlik hodisasini kengroq va chuqqurroq 
tadqiq qilish, uning fundamental funksional xossalarini aniqlab, yaxlit 
nazariy modelini shakllantirish;
2) uslubiyot sohasida: hozirda shakllangan va qoTlab kelinayotgan 
nazariy-amaliy tadqiqotlar uslubiyotini yangi va mavjud samarali usul­
lar, yondashuvlar bilan boyitish va jiddiy takomillashtirish;
3) amaliyot sohasida: yangi nazariy-uslubiy yondashuvlar bilan 
boyitilgan mukammal uslubiyot yordamida tadbirkorlik amaliyotini 
chuqurroq tahlil qilish va muammolarining samarali yechimlarini tavsi- 
ya etish;
1 Karimov I. A. Jahon moliyaviy-iqtisodiy inqirozi, O'zbekiston sharoitida uni bartaraf 
etishning yo' I lari va choralari. - Т.: 0 ‘zbekiston, 2009 - 46-b.
5

---

4) m a’rifiy sohada: talabalar, o ‘quvchilar, tadbirkorlar, mutaxassis- 
lami tadbirkorlik faoliyatini yuksak madaniy darajada tashkil etish va 
amalga oshirishni ta’minlaydigan bilimlar, ko ‘nikmalar, dunyoqarash 
bilan qurollantirish;
5) targ‘ibot sohasida: tadbirkorlikning insoniyat va jamiyat uchun 
ahamiyati va roli, jamiyatdagi yutuqlari va istiqbollari, ilg'or tajribasini 
ilmiy-amaliy targ‘ibot qilish.
Mazkur vazifalarni yaxshiroq tasavvur qilish va amalga oshirishda 
ushbu qo‘llanma ham m a’lum hissa qo‘shadi, deb o‘ylaymiz. Shundan 
kelib chiqqan holda qo‘llanma vazifasi aniqlangan: oliy ta’lim stan- 
dartlari va o‘quv dasturlari talablariga muvofiq talabalar, o ‘quvchilarda 
tadbirkorlikning mohiyati, ahamiyati va roli, belgilari va tamoyillari, 
ijtimoiy, huquqiy, tashkiliy, moddiy, moliyaviy, insoniy, boshqarish, 
marketing, tahliliy asoslari to‘g ‘risida bilimlar tizimini shakllantirish; 
0 ‘zbekistonda tadbirkorlikni rivojlantirish va qo‘llab-quvvatlash si­
yosati, amaliyoti, muammolari va istiqbollari to‘g ‘risida tasavvur 
hosil qilish; tadbirkorlik faoliyatini tashkil etish va amalga oshirish 
ko‘nikmalarini shakllantirishdir. Bu vazifani samarali amalga oshirish 
uchun qo'llanmaga yangi mavzular va paragraflar kiritilgan, materiallar 
mantiiqan ixchamroq shaklda va izchillikda keltirilgan, jadval va chiz­
ma modellar keng qo‘llanilgan, amaliyotdan misollar keltirilgan, har bir 
mavzu bo‘yicha qisqacha xulosalar shakllantirilgan, nazorat va muho- 
kama uchun savollar, test topshiriqlari, tayanch iboralar va ularning 
izohli lug‘ati tuzilgan. Bulaming hammasi talabalar, o ‘quvchilaming 
tadbirkorlik asoslarini yaxshiroq o‘zlashtirishi, ular to‘g ‘risida chuqur­
roq bilim va kengroq tassavurga ega bo‘lishiga yordam beradi.
Q o‘llanmani tayyorlashda o ‘z fikr-mulohazalarini bildirgan va uni 
chop etishga yordam bergan barcha insonlarga minnatdorlik bildiramiz.
6

---