32
üçün biz həm də y/m faiz dərəcələrində dəyişmələrin bir sonrakı aydakı median faizlərindəki
dəyişmələrə də reqressiyasını aparırıq. Nəticələr Cədvəl 3-də təqdim olunmuşdur.
Cədvəl 3. Hadisə öyrənilməsi reqressiyası
spesifikasiya 1
spesifikasiya 2
sabit
0.54
(0.80)
0.46
(0.83)
y/m faiz dərəcəsi
-0.18
(0.48)
-
y/m faiz dərəcəsi(-1)
-
0.11
(0.49)
R
2
= 0.009
N = 17
R
2
= 0.003
N = 16
Qeyd: Mötərizə daxilində müvafiq əmsal üzrə standard kənarlaşma göstərilmişdir.
**
işarəsi 5%-lik,
*
işarəsi isə
10%-lik statistik əhəmiyyətliliyi ifadə edir. Burada
N reqressiyaya daxil edilən müşahidələrin sayını göstərir.
Beləliklə, hadisə öyrənilməsi reqressiyası bir daha göstərir ki, y/m faiz dərəcələrinin
banklararası bazarda formalaşan median faizləri üzərində əhəmiyyətli təsiri yoxdur. Mövcud
şərtləri nəzərə aldıqda, siyasət faiz qərarlarının daxili faiz dərəcələri üzərində əhəmiyyətli təsirə
malik olduğu nəticəsini əldə etmək xeyli çətin görsənir. Belə ki, bankların izafi likvidlik
problemini, həmçinin banklararası bazarın zəif inkişaf etdiyini və orada aparılan əməliyyatların
həcminin xeyli kiçik olduğunu nəzərə alsaq belə bir nəticənin əldə olunması təəccüb doğurmur.
5.
Siyasət tövsiyəsi
Əvvəlki bölmələrdə apardığımız təhlillər göstərir ki, yaxın gələcəkdə İH rejiminə keçməklə
müstəqil faiz siyasəti həyata keçirəcək olan AMB-nin yeni əməliyyat çərçivəsinə ehtiyacı var.
Lakin keçid dövrü ərzində mövcud likvidlik idarəetməsinin təkmilləşdirilməsi, banklararası
bazarın inkişaf etdirilməsi və hazırkı əməliyyat çərçivəsinin yeni rejimin parametrləri üzrə
dizayn olunması tələb olunur.
Əsas çağrışlardan biri, bankların izafi likvidlik problemi ilə bağlıdır. Əvvəlcə qeyd etdiyimiz
kimi, siyasət faiz dərəcəsinin bazar faizlərinə nüfuz etməsi üçün AMB bank sektorunun likvidlik
defisitinin yaranmasına çalışılmalıdır. Bunun üçün, mövcud struktur likvidlik profisitinin
absorbsiyasına ehtiyac var. Düzdür, Mərkəzi Bankın 28 günlük notları bu məqsədlə istifadə
oluna bilər. Lakin AMB bank sektorunun mövcud izafi likvidliyinin struktur xarakter aldığını
nəzərə almalı və uzunmüddətli notların buraxılmasına başlamalıdır.
33
Uzunmüddətli notların buraxılmasında Koreya Bankının təcrübəsi kifayət qədər maraqlıdır.
Koreya Bankı izafi likvidliyin idarə olunması üçün 14, 28, 63, 91, 182, 364, 546 günlük və 2 illik
notları dövriyyəyə buraxır. Müxtəlif müddətlər üzrə təklif olunan notların strukturunda 2 illik
notlar 50%-dən yüksək paya malikdir. Hər üç aydan bir MSK yeni buraxılacaq notların həcmi ilə
bağlı qərar qəbul edir. Notlar üzrə təkrar bazarın inkişaf etdirilməsi üçün Koreya Bankı kifayət
qədər resurs ayırır. Hətta, 2009-cu ildə xarici investorlara müəyyən vergi güzəştləri tətbiq
olunmaqla onların notları satınalması təşviq olunmuşdur.
Koreyadan fərqli olaraq, ölkə təcrübəsi göstərir ki, kommersiya bankları tərəfindən AMB-nin
notlarına tələb yüksək olmamışdır. Zənnimizcə, bunun ən önəmli səbəblərindən biri təkrar
bazarın mövcud olmamasına görə notların likvid vəsait kimi rəğbət görməməsidir. Elə izafi
likvidliyin mövcud olması da təkrar bazarın inkişafını ləngidən digər faktor kimi göstərilə bilər.
Çünki, hesabında kifayət qədər likvid vəsait saxlayan kommersiya bankı likvidlik defisiti ilə
üzləşmir və beləliklə, əlində saxladığı qiymətli kağızları da təkrar bazarda satmaq məcburiyyəti
hiss etmir.
Düzdür, Mərkəzi Bank notların likvidliyini təmin etmək üçün onların istənilən vaxt mövcud
bazar faizi ilə, amma müəyyən cərimə tətbqi olunmaqla geri alınması öhdəçiliyini götürmüşdür.
Əlavə olaraq, repo əməliyyatları və ya y/m kreditlərinin əldə olunması zamanı notlardan girov
kimi istifadə olunması mümkündür və bu notların likvid vəsait kimi qəbul edilməsini təmin
etməlidir. Lakin təcrübə göstərir ki, bank sektoru notları alıb gəlir əldə etməkdənsə, Mərkəzi
Bankdakı müxbir hesablarında tədbir məqsədi ilə ehtiyat saxlamağı üstün tuturlar.
Buna görə, hesab edirik ki, təkrar bazarın inkişaf etdirilməsi üçün mövcud praktikanın
dəyişdirilməsinə ehtiyac vardır. Təcrübədə, bir sıra mərkəzi banklar qiymətli kağızlar ilə
əməliyyatları bütün kommersiya bankları ilə yox, seçdikləri bəzi banklar ilə aparmağa üstünlük
verirlər. Lakin həmin banklar bir sıra öhdəçiliklər götürür – məsələn, onlardan təkrar bazarda
notlar üzrə alış və satış qiymətlərini elan etməsi, həmçinin bazar qurucu kimi fasiləsiz fəaliyyət
göstərməsi və likvidliyi təmin etməsi kimi əlavə şərtlər tələb olunur. Bu zaman mərkəzi banklar
onlara müəyyən imtiyazlar və ekskluziv hüquqlar verir (MakKonaçi (1996)). Hazırda, faktiki
olaraq bazar qurucu kimi fəaliyyət göstərən Mərkəzi Bank, bu işi banklar arasından
müəyyənləşdirdiyi bəzi banklara da həvalə edə bilər. Başqa sözlə, Mərkəzi Bank böyük və kiçik
banklar arasından müəyyənləşdirdiyi bir sıra tərəfdaş banklarla notlarla bağlı əməliyyatları
həyata keçirə bilər. Hətta, Mərkəzi Bankın bazar qurucu fəaliyyətini maliyyə sferasında tanınmış
xarici firmalara həvalə etməsi mümkündür. Geniş praktiki təcrübəyə malik xarici firmalar bazara
kapital gətirə, bazarda rəqabəti təşviq edə, komissiyaları aşağı sala, alış və satış qiymətləri
arasındakı fərqi azalda, həmçinin bazara ekspertiza və nou-hau gətirə bilərlər.
Həmçinin, düşünürük ki, Mərkəzi Bankın notlar bazarı iştirakçılarını yalnız kommersiya
bankları ilə məhdudlaşdırmağa ehtiyac yoxdur. Çünki, notlar üzrə əməliyyatlar bazarda mövcud
struktur (uzunmüddətli) likvidlik profisitini ortadan qaldırmaq məqsədi daşıyır. Bir çox hallarda,
bankların struktur likvidlik profisiti dövlət şirkət və qurumlarının, həmçinin hüquqi şəxslərin