Qədim dövr və orta əsrlər
Тarix və onun problemləri, № 1 2014
20
hakimi Hafiz Əhməd paşaya tutulan torpaqların geri alınması tapşırığını verdi. Diyarbəkr
hakimi savaşa hazırlaşdığı zaman, Gürcüstanda Səfəvilərə qarşı Georgi Sakadzenin (Murov-
bəy) başçılığı altında üsyan başlandı. Bu vaxt (1623-1624) Kaxetiya hakimi Peykərxan baş
vermiş üsyan barədə I Abbasa xəbər göndərdi. Şah Gürcüstandakı bu mərkəzdən qaçma hərə-
katının qarşısını alıb sakitlik yaratmaq üçün bura əmirəl-üməra Qarçıqay xanın başçılığı altın-
da qoşun və ardınca qorçubaşı İsgəndər xanın qorçu alaylarını göndərdi. 3 iyul 1625-ci ldə
Gümüşlü döyüşündə məğlub olan Georgi Sakadze qaçmaqla canını qurtardı. Azərbaycanın
Cənub-Qərbində baş vermiş kürd çıxışları da (1624-1626) yatırıldı. I Şah Abbas savaşlardakı
uğurları ilə yanaşı, asılı bölgələrdəki mərkəzdənqaçma hərəkatlarının qarşısını da almaqla,
Səfəvi imperatorluğunu daha da möhkəmləndirdi. O, 1629-cu ildə vəfat etdi. Səfi Mirzənin (I
Şah Abbasın oğlu) oğlu Sam Mirzə I Səfi Mirzə (1629-1642) adı ilə şah oldu (1, 405, 406).
Osmanlı dövləti Anadoludan İran körfəzinə çıxan karvan yolu üzərindəki Bağdadın itiril-
məsi ilə heç cür barışmaq istəmirdi. I Şah Abbas vəfat etdikdən sonra Osmanlı dövlətində
Bağdadın geri qaytarılması yenə də ön plana çəkildi. Xosrov paşanın ordusu Bağdada doğru
yan aldı. Azərbaycan və Çuxur-Sədbəylər bəyliklərinin bir çox mahallarınada Osmanlı qüvvə-
ləri zərbə endirdilər. Buna cavab olaraq Çuxur-Sədbəylərbəyi Əmirgünə xan Qacarın oğlu
Təhmasibqulu xan 10 minlik qoşunla Əhlət və Adilcivaza qədər hərəkət edib çoxlu əsir, hərbi
sursat ələ keçirdi (1, 406). Seyid Hüseyn Astrabadinin məlumatına əsasən, hələ h.1036-cı
(m.1627) ildə Qarabağda qışlaqda olan qorçubaşı və digər əmirlər də nazir-i biyutat Zaman
bəylə birləşib Ağıska qalasını mühasirəyə aldılar. Qaladakı Osmanlı sərdarı Murtuza paşa da
qalaya qızılbaşların vaxtaşırı baş verən hücumlarından bezmişdiyinə görə qızılbaşlarla razıla-
şıb qalanı onlara təslim etdi. Elə bu vaxt Kartli-Kaxetvalisi Təhmurazla Muradbəy Gürcü ara-
sında müharibə baş verdi. Məğlub olan Murad bəy Gürcü Osmanlı ölkəsinə qaçaraq orada
apardığı təbliğat nəticəsində Osmanlı-Səfəvi dövləti arasında münasibətləri gərginləşdirməyə
müvəffəq oldu (3, 233; 4, 77). Bunun nəticəsində Sultan Xosrov paşanın komandanlığı altında
Səfəvi dövlətinə qarşı yeni hərbi əməliyyatın həyata keçirilməsinə göstəriş verdi. Bu hərbi
əməliyyatda Murad bəy gürcünün də iştirakı nəzərdə tutulmuşdu. "Zeyl-itarix-ialamara-yi "nin
məlumatına əsasən, h.1036-cı ildə sərdar Xosrov paşanın başçılığı altında Osmanlı ordusu
Azərbaycan sərhəddinə yaxınlaşdı. Axısqa, Van, Mosul, Qaye tərəflərdən Azərbaycan sərhəd-
ləri tez-tez pozuldu, fitnə-fəsad baş verdi. Bu zaman divan bəyi Rüstəm bəy hökmdarın buyru-
ğuna əsasən Azərbaycana göndərildi. Rüstəm bəyə bölgədə səfərbərlik keçirib sərhəddi möh-
kəmləndirmək, Osmanlı hücumlarının, kürd qarətçilərin qarşısını almaq tapşırılmışdı. Azər-
baycan əyalətindəki və sərhədlərdəki böyük əmirlər, əsgərlər ona tabe edilmişdi. O, iki dəfə
darüs səltəne-ye Təbrizdən Van, Ərciş, Əhlət, Adilcivaza hərəkət edib Mahmudi, Hakari kürd-
lərini geri oturdub, bir neçə min mal-qara, at və başqa qənimətlər gətirmişdi. Mərkəzdən veri-
lən göstərişə əsasən, həmçinin Mosul, Kərkük, Şəhrizur sərhədlərinə yaxın olan bölgələrdəki
kürd və ərəb fitnəkarları, ixtişaş törədənlər də Ərəb İraqı və Şəhrizur bəylərbəyi tərəfindən cə-
zalandırılmışdı. Sərhədləri pozaraq dinc əhalinin üzərinə hücumlar təşkil edən, onları qarət
edən qiyamçılar səhralara qovulmuş, sakitlik yaradılmışdı (5, 30; 4, 77).
H.1037-ci (m.1628) ildə verilən göstərişə görə, Səfəvi dövlətinin əsas ordusu qorçubaşı
İsaxanın başçılığı altında Sultaniyyədə toplaşdı. Qızılbaş ordusu Sultaniyyədə toplaşarkən
Osmanlı ordusu Ağıska qalasına yaxınlaşsa da, qalanın müdafiəsinin yüksək səviyyədə təşkil
edildiyini öyrənib geri qayıtmaq istədikdə, qalanın hakimi Şəmsixan Qazaxlar 2000 əsgərlə
qaladan çıxıb onları təqib etdi. Bu fürsətdən Osmanlı ordusu istifadə edib, Şəmsi xanı məğlub
edərək, yüz nəfər əsgəri ilə birlikdə onu əsir götürdü (4,87; 3,234).
Qədim dövr və orta əsrlər
Тarix və onun problemləri, № 1 2014
21
H.1038-ci (m.1629) ildə Sultanın vəzir-i əzəmi Xosrov paşanın ordusu artıq Diyarbəkrə
çatmışdı. Səfəvi sarayının əldə etdiyi məlumatlardan məlum oldu ki, o, öncə Bağdadı ələ ke-
çirmək fikrindədir. I Şah Səfi bacarıqlı əyanlardan Xələf bəy süfrəçibaşını dərhal Ərəb İraqına
göndərərək ona bölgələrin qoşunlarını səfərbər etmək və sərhəddə baş verən hadisələr haqqın-
da məlumat toplamaq tapşırığı verdi. O, sərhəddi, buradakı qalaları da möhkəmləndirməli idi
(5, 31; 3, 238).
Zeynal xan Şamlı bütün Səfəvi qoşununa sipahsalar təyin edilib, yüksək rütbə və ada la-
yiq görüldü. O, İsfahan şəhərindən çıxıb Tacabad–Nətənz yolu ilə hərəkət edib Kaşana daxil
oldu (5, 31). Kaşandan yola düşüb Həmədana gəldilər və burada hər tərəfdən böyük əmirlər və
əsgərlər dəstə-dəstə gəlib Zeynal xan Şamlının qoşununa birləşdilər. Buradan Bağdad qalası-
nın müdafiəsini möhkəmləndirmək üçün oxçu və tüfəngçi dəstələri göndərildi (5, 32).
Xosrov paşa Mosul tərəfdə qoşunu toplayıb Azərbaycana da hücum etmək fikrində idi.
Bu zaman Azərbaycan sərhədlərinin qorunması Çuxur-Səd bəylərbəyi Təhmasibqulu xan Qa-
cara və Xoyda olan Naxçıvan hakimi Maqsud sultan Kəngərliyə tapşırılmışdı (5, 32).
Rüstəm bəy divanbəyinin iqamətgahı Təbrizdə olub, əsas ordu da burada yerləşdirilmiş-
di. Bununla yanaşı sarayın fərraşxana darğası Nəğdi bəy Şamlıya da xan titulu verildi və o,
hərbi dəstə ilə Təbrizə göndərildi (5, 32). Nəğdibəy Şamlının alayı Təbrizə çatmamış Van
tərəfdən Hakari aşirətinin əmiri Bahəddin, Mahmudi aşirətinin əmiri Zeynal bəy Cəlali və bir
çox başqa kürd aşirət rəisləri 10 min nəfərlə Təbriz istiqamətində hərəkət edərək qətl və qarət
törətməyə başladılar (5, 32). Onların qarət məqsədi ilə Azərbaycana təşkil etdikləri hərbi yürüş
iki dövlət arasında münasibələri daha da gərginləşdirdi. Qarətçilərin ardınca Osmanlı ordusu
da Azərbaycan sərhəddini keçib Təbrizə yaxınlaşdı.
"Zeyl-itarix-ialamara-yi" də qeyd edilir ki, Osmanlı ordusu Azərbaycan əyalətinə daxil
olduqda Nəğdi bəy öz müzəffər ordusu ilə Təbrizə çatdı. Təbriz əhalisi o gələnə qədər daşınan
əmlaklarını, arvad-uşaqlarını möhkəm və gizli yerlərə aparıb yerləşdirmişdilər. Təbriz gəncləri
isə orduya qoşulub onu daha da möhkəmləndirdilər. Osmanlı ordusu Təbrizə yaxınlaşdıqda
Nəğdi bəyin başçılıq etdiyi qızılbaş ordusu və təbrizlilər şəhərdən çıxıb əks-hücuma keçdilər.
Şəhər yaxınlığındakı Acı çay sahilində onların arasında dəfələrlə döyüş oldu. Çayda su çox ol-
duğuna görə onu keçmək o qədər də asan deyildi. Nəticədə qızılbaşlar qalib gəlib xeyli qəni-
mət ələ keçirdilər. Osmanlı ordusu ümidini itirib geri dönməyə məcbur oldu (5, 36; 3, 238).
Osmanlı dövləti ilə sərhəd münaqişələri, fasilələrlə döyüşlərin davam etdiyi vaxtda Səfə-
vi dövləti ona qarşı ikinci cəbhənin açılmasının qarşısını almaq üçün Xorasanda, Gürcüstanda
sabitliyi qoruyub saxlamağa ciddi fikir verir və Krım xanları ilə diplomatik əlaqələr qurub on-
ların Osmanlı dövləti tərəfindən müharibəyə qoşulmasının qarşısını almağa cəhd edirdi. "Zeyl-
itarix-ialamaray-yi" də Krım xanlığı ilə Səfəvi dövləti arasında münasibətlər barədə az da olsa
məlumata təsadüf edilir. Mənbədə göstərilir ki, hələ I Şah Abbas zamanın da Tatar şahının
oğlu Şahin Gəray xan Səfəvi sarayına gəlmişdi. O, burada həmfikir, həmrəy olduqlarını elan
etmiş, yüksək rütbəli əsilzadə kimi qəbul edilmiş və bir müddət burada qayğı əhatəsində
yaşamışdı. O, öz ölkəsinə qayıtdıqda artıq Tatar ulusunda hakimiyyətə qardaşı Məhəmməd
Gəray xan keçmişdi. O, qardaşına vəliəhd təyin olunur. Artıq bu sülalə osmanlılarla mühari-
bədə qələbə çalmışdı. Ancaq Cani bəy Gəray osmanlıların hərbi yardımı ilə Şahın Gəray xanı
məğlub edib hakimiyyəti ələ keçirmişdi. Onların arasında baş vermiş münaqişədə tatar qəbilə-
sinin bir çox böyükləri etibarsızlıq edib Cani bəy Gərayı müdafiə etmiş və nəticədə Şahın
Gəray xan əsgidən qohumluqları olduğu Noqaya qaçsa da , burada qalmağı məqsədəuyğun he-
sab etməmiş, buradan yeni hökmdarı hakimiyyətə keçməsi münasibəti ilə təbrik etmək və həm
də ona atasının vəfatı ilə əlaqədar başsağlığı vermək üçün Səfəvi sarayına gəlmişdi. Həmədan-