Qədim dövr və orta əsrlər
Тarix və onun problemləri, № 1 2014
32
hiyyətli nümayəndəsinin iştirak etməsi faktı da bir daha təsdiq edir (6, 74). Osmanlı elçisinin
Səfəvi sarayına gəlməsinin əsas səbəbi saraydakı vəziyyəti ötrənmək və şahı sülh bağlamağa
sövq etmək idi. Məhəmməd Məsumun məlumatlarına əsasən İran-türk münasibətlərində ilk
dəfə idi ki, sultan sülh təşəbbüsçüsü kimi çıxış edirdi (6, 74).
I Şah Səfi osmanlıların təkliflərini razılıqla qəbul etdi. Artıq ordunun bir hissəsinin Qən-
dahara göndərilməsi qərara alındığına görə qərb cəbhəsində döyüş əməliyyatlarının davam
etdirilməsi mümkün deyildi. Osmanlıların yeni hücumlarından ehtiyat etdiyinə görə o, mühari-
bənin dayandırılmasına tələsirdi. Müharibənin dayandırılmasında təkcə I Şah Səfi deyil, Os-
manlı sultanı da maraqlı idi. Belə ki, Məhəmməd Məsumun Məlumatına görə, 1639-cu ilin
əvvəlində IV Sultan Muradın Uvar xan adlı bir qardaşı ona qarşı üsyan qaldıraraq saraya daxil
ilub hətta sultanın anasını belə qətlə yetirmişdi (6,74).
Məhz bu səbəblər üzündən Qızılrebata göndərilmiş Səfəvi nümayəndələri Osmanlı baş
vəziri Mustafa paşa ilə birlikdə dostluq və sülh müqavilə naməsi hazırladılar. Tərəflər arasında
mükəmməl məzmunlu sülh müqaviləsi bağlandı və müqavilənin surəti Sarı xanla Şaha göndə-
rildi. "Zeyl-i tarix-i alamara-yi Abbasi" yə görə, tərəflər arasında bağlanmış müqavilənin so-
nuncu surəti Münşi əl-Məmalik Mirzə Əbdülhüseyn tərəfindən yazılmışdır. Mənbədə müqavi-
lənin mətni fars, həm də türk dilində verilmişdir. Müqavilənin fars dilindəki mətnində qeyd
olunurdu ki, böyük vəzir Mustafa paşanın göstərişi ilə ona vəkalət verilmiş və həvalə olun-
muşdur ki, sülh qaydaları və müqavilə sənədləri, sərhədlərin müəyyənləşdirilməsini elə apar-
sınlar ki, fitnə-fəsad əhlinin söz-söhbətinə səbəb olmasın. Biz də sakinlərin rifah halını yax-
şılaşdırmaq üçün xanlığın vəliəhdinin etimadlı əmirlərindən olan Sarı xana göstəriş vermiş və
bizim şərafətli tərəfimizdən vəkil olunmuşdu ki, sərhədlərin müəyyənləşdirilməsi və sülh şərt-
lərinin həyata keçirilməsi tərəflər arasında dövlət qanunlarına uyğun olaraq müəyyənləşdirilib
yazılı şəkildə təsdiq olunsun. Sərhəd və sunurlar müəyyənləşdirilib, bağlanmış əhd-peyman
möhkəmləndirildikdən sonra Darüssəlam Bağdad və Azərbaycan tərəflərini bu ünvanla müəy-
yənləşdirsinlər. Padşaha və onun vilayət sülalərinə mənsub olan yerlər Cəstan, Badray və
Məndəlcindən sərhəd zonasında yerləşən Dərtəngə qədərdir. Səhralar padşaha mənsubdur,
dağlar dövlət və vilayət sülalələrinə mənsubdur. Caf, Ziyəddin, Harumi padşaha, Birə və
Rəzəbi isə vilayət dudmanlarına mənsubdur. Dağ qalası olan Zəncir xarab edilsin. Ərəb tə-
rəfdə olan kəndlər padşaha, şərq tərəfdə olan kəndlər isə vilayət dudmanlarına mənsub edilsin.
Zələm qalasının yuxarısında yerləşən dağ, onun Zələm tərəfə baxan hissəsi Rum padşahına,
Urman qalası və ona tabe olan qala, orman və kəndlər vilayət dudmanlarına mənsub hesab
edilsin. Suz Güdükçıxanda olan Şəhruzur şəhəri, Qızılca və ona tabe olan (yerlər) padşahın
dövlət mənsublarına, Məhrəman və onun tabeliyində olan yerlər vilayət dudmanları mənsub-
larına aiddir. Azərbaycan mahalına gəldikdə, hər iki tərəf arasındakı Qotur qalası, Maku qalası
və Mağazberd qalası xarab edilsin. Dudmanın bir qrup əmir və hakimlərinə verilsin ki, onlar
ondan artığına layiq deyillər.
Müqavilənin sonrakı şərtlərində qeyd olunur ki, camaatı sülh və əmin-amanlıq şəraitində
yaşatmaq üçün onların arasında dostluq yaratmalı, bir-birinin şənliklərində iştirakını təşkil
etməli, bayram günlərində birgə şənlik keçirmələrini təşkil etməlidirlər (5, 220-223)
Sarı xanla göndərilən, Sultan Muradın vəkaləti ilə vəziri-ə-əzəm Mustafa paşanın türkcə
tərtib etdiyi sunurnamənin transliterasiyası:
...həzrətlərinin hərəfi-əla cəlalətməğrun və canibi-əsnayi-səadətməşhunlardan həll və
əqdi-omuri-mülk və milləti-məmur və məzun, ixtiyari-sülh və cəng məxsusunda tofiğ yaftə
icazati-hümayun olmaqla vəkaləti-mütləqə və niyabəti-mühəqqiqə mərhəsbilə əsakiri-islami-
Qədim dövr və orta əsrlər
Тarix və onun problemləri, № 1 2014
33
nüsrət əncami Bağdad altında qaldırıb mütəvəkkilən Əliyyi Allah-tala Əcəm vəlatına teyi-
mənazıl və mərahile ağaz və ahəng olunub, Haruniyə nam mənzilə nüzul olunduqda.
Şahı-alicah və şövkət dəstgahı-xosrovi-fələk, bargahi-sitarəsipahi-ali-yi Allahi-təali...-
canibi-başəriflərindən səadətli və əzəmətli padşahımıza namələri və bu həqirə məktub mülati-
fət xütəmaləri ilə qədvətülümra və ümdətül-kübra Şəmsəddin Məhəmmədqulu bəy eşikağası
elçilik təriqilə gəlib şah həzrətləri islah zatülbeyn və sülhü səlah canibeyn xüsusunda iradə
edərlərdiyi təskini-atəşi-cəngü cidal və dəfü rəfi-qübari-hərbü qətal olunmasına tələb etməyin,
biz dəxi .... nəsi-şərifilə əməl etməgi məxəzimiz məcməlvə məfsəl-əmnü istirahəti İbadullah
üçün sülhə riza verib layiqi-dövləti-tərəfeyn və müvafiqi-ərzü namusi-canibin olan vəchə-
vəchə üzrə əhvali-sülhə feysəl vermək babında şahı-valacah həzrətlərinin tərəfi-qərinül-
şəriflərindən bir mötəmədəleyh kimsə toykil buyrulub irsal olmaq üçün hüzuri-cəmcahiyə
məktub göndərilmişdi və əlhaleyi-həzə büsatı-sülh və səlah, rəbtü ertebati-müsalihə mostouce-
bül-fəlah və istiqrarı-müvasiq, əhudü təyini-əhvali-sünur və sərhəd üçün bu sülh və səlahi-
xeyrəncami-ati əlbəyane nəhci-şərhi-quyəm üzrə tərəfi-əşrəfi-həzrəti-şahidən vəkili-mütəməd
olub iniqadi-müsalihə və müahidəyə məmur və məfuzi-əleyhü mütəqəllid olan cənabi-imarət-
mabi-əyalətnəsabi-müsadiğət-ünvan Sarı xan damsaiyül-təmami-məsalehül-əmn və əl-iman
Zəhabnam mənzildə gəlib orduyi-hümayuni-Xudavəndqariyə daxil olduqdan mərasimi-meh-
mannəvazi riayətindən sonra hicrəti-nəbuyəəleyh əfzəl əfzəlul-səlavat vəltəhiyyənin bütün
qırx doqquz sənəsində vaqe olan məhərrəmül-hərəmi əzmullahi-təala beynəlnamın on dördün-
cü günü bir vəqti-xürrəm və saəti-meymənət touamidi ki, orduyi-humayunda olan vüzərayi-
əzam və miri-miran-aliməqam və ağayani-zuyəlehtiramdan nikçəri ağası və altı bölük ağaları
və sair kübərayi-əskər üzəmayi-fəşğəri-zəfərpeykər ilə divani-ali qurulub bilmüşafihəyi-
nizaməhval və intizamı-hal vədayei-xaliqül-bəraya üçün tərəfindən tərbiyət olan müqəddəmat
bu vəchilə nəticəbəxşayi-şekli həsən və canibindən ibraz olunan həcəc və bərahin qəzayayi-
müsalihə bu növilə mümzayi-qələm icabət şümul olmuşdur ki, Bağdad vilayətində Cəstan,
Bədrə, Məndəlcin, Dərtəng, Dərnə səadətli padşahımıza mütəəlliq olub Mündəlcindən Dər-
təngə varınca səhra olan məhəllər bu tərəfdən zəbt oluna və Taği - Şah tərəfinə mütəlliq olana,
Zəncirqala ki, Tağın qalasında vaqə olmuşdur, Bəxlub tərəfii-ərəbisində vaqə olan köylər
canibi-xudavəndqaridən və tərəfi-şərqisində olan qəryələr canibi-şahın zəbt oluna və şəhri-
Zülqərində Zələm qalasının balasında olan tağın ğələyi məzburiyə nazir olan tərəfi canibi pad-
şahidən, qələyi-Urman təvabyi olan qəryələr tərəfi-şahdan zəbt oluna və Şəhri-Zula çıxan
kədü key sünur təyin olmuşdur. Qızılca qala və təvabi canibi-əşrəfi-şahənşahi, Məhrəman və
təvabi canibi-şahidən təsərrüf oluna Dəvan sərhəddində Qotur, Makur və Qars canibində
Məazberd nam qalalar tərəfindən yıxdırıla məvadi-məzburi-mötəbərdən maəda, Axsağa, Qars
və Van, Şəhri-Zul, Bağdad və Bəsrənin sair sunuratına daxil olan qəlla, bəqaə, nəvahi və ərazi,
təlal və cəbal madam ki, şah həzrətlərinin dəxl və təərrüz olmuyub iqazi-fitnəyə bais olacaq
bir haləti-məhvəşə sadir olmuya bu canibdən dəxi səadətli və əzəmətli padşahımıza bu sülhü
məqbul tutub tərəfi-hümayunlarından xilafı-əhd və misağ ol tərəfin sözü olan məhəllərə bu
canibdən təərrüz olunmuyub tərəfeyndən tüccarü əbnaül-səbil gəlib-gedib dostluq olmaq üçün
işbu vəsiqəyi-əniğəyi-müştəmilə əl-həqiqə vəkaləti-ame və nəyabəte-xassəmiz mocubincə
kəsideyi-silk təhrir olunub irsali-hüzuri-şövkətpənahi-şahi və iblaği-məclisi-şamexül-imami-
dövlətpənahi qılınmışdır ki, bu sürut və ühudi-mərğumə mötəbər tutulub tərəfi-şəriflərindən
nəsi-şərifin məfhumi gomahu həqqə riayət olunduqca dövlətli və əzəmətli padşahımız
həzrətlərinin daxi əşrəflərindən .... əmri-şəriflərinə mütabiət edib beizni-Allahülmülkif- aləm
bu sülhi-xeyrəncan ila yuməl-qaim, səbat və davam buluna (5, 224-227).
Qədim dövr və orta əsrlər
Тarix və onun problemləri, № 1 2014
34
Evliya Çələbiyə görə 1639-cu il mayın 17-də bağlanmış Qəsr-i Şirin müqaviləsi 27 mad-
dədən ibarət idi və iki dövlət arasındakı Əhdnamədə göstərilirdi: "... Birinci maddə odur ki,
hər iki tərəfdən vurğunçu, yağmaçı və talançı olmasın. Ələ keçirildikdə hər iki tərəfə uyğun
ədalətli hökm verilə... İkinci maddə: əsgər çəkilib gərənay, nəfir ilə top və tüfəng atılıb ölkə
basılmaya... "(7, 65). Müqaviləni Səfəvilər tərəfindən Sarıxan, Osmanlı dövləti tərəfindən isə
Mustafa paşa imzalamışdılar. Müqavilədə göstərilirdi: Bağdad, Bəsrə, Kərkük, Ağıska, Van
daxil olmaqla Doğu Anadolu Osmanlı dövlətinin, İrəvan Səfəvi dövlətinin olacaq. Arazın sağ
sahilindəki Maku, Qotur, Mağazberd və Qarsın qala divarları dağıdılacaq. Sülh müqaviləsi
bağlanıb tərəflər arasında sərhəd xətti müəyyən edildikdən sonra Mustafa paşa İstanbula, qızıl-
baş nümayəndələri isə Qəzvinə qayıtdılar. Qəzvində rəsmi məclisdə sülh müqaviləsi ilə bağlı
məsələyə baxıldı (5, 231). Bu müqaviləni Səfəvi hökmdarı I Şah Səfi qəbul edib imzaladıqdan
sonra, imzalı nüsxəni IV Sultan Murada göndərdilər. Müqavilə IV Sultan Murad tərəfindən də
imzalandı.
1639-cu ildə Səfəvi dövlətinin Osmanlı sarayına göndərdiyi elçi Məhəmməd qulu xan
Ciğatay 1640-cı ildə geri döndükdə, elə həmin il Sultan İbrahim (1640-1648) də 1639-cu il
andlaşmasının şərtlərinə uyğun olaraq qarşılıqlı münasibətləri möhkəmləndirmək üçün Mə-
həmməd ağanı İsfahana elçi göndərdi. I Şah Səfidə Osmanlı elçisi ilə Maqsud Sultan adlı elçi-
sini Sultan İbrahimi hakimiyyətə keçməsi münasibətilə təbrik etmək üçün İstanbula yola saldı
(5,244-245). 1642-ci ildə Sultanın Yusif ağa adlı elçisi diplomatik danışıqlar və II Şah Abbası
təbrik etmək üçün Səfəvi dövlətinə gəlir. Yusif ağa ilə II Şah Abbas Qəzvində görüşmüş və iki
ölkə arasında dostluq, qarşılıqlı iqtisadi əlaqələrin genişləndirilməsi məsələlərini müzakirə
etmişdilər.
Beləliklə, iki qonşu imperiya bir-birindən asanlıqla qopara biləcəkləri bir şeyin olmadı-
ğını anlayınca, aralarında diplomatik münasibətlər gücləndirildi və sərhədlər sabit bir sakitliyə
qovuşdu.
ƏDƏBIYYAT:
1.Azərbaycan tarixi (Uzaq keçmişdən 1870-ci ilə qədər). Bakı: “Azərbaycan” nəşriyyatı,
1996, 872 s.
2.Рaxмaни A.A. Азербайджан в конце XVI и в XVII веке (1590-1700 годы). Баку:
Издателъство «Элм», 1981, 238 c.
3.Seyid Hüseyn bin Murtuza Astrabadi. Tarix-i soltani əz Şeyx Səfi ta Şah Səfi. Tehran:
Enteşarate Elmi, h.1358, 314 s.
4.Do ketabe nəfis əz mədareke əvvəliyye. Tarix-i Səfəviyyan, Xülasət ət - təvarix. Tarix-i
Molla Kamal, Ərak, h.1334, 127 s.
5.İsgəndər bəy Münşi Turkman və Məhəmməd Yusif Movərrex.Zeyl-i tarix-i alamara-yi
Abbasi.Tehran: Çarxane-yi İslami, h.1317, 420 s.
6.Павлова И.К. Хроника времен Сефевидов (Сочинение Мухаммед Масума Исфахани
«Хуласат ас-сияр»). Москва: ВО «Наука», Издателъская фирма «Восточная
литература», 1993, 120 с.
7.İsgəndər bəy Münşı Turkman. Tarix-i alamara-yi Abbasi . c.2., Tehran: Çape Qolşan,
h.1350, s.609-1235.
8.Bayramlı Z., Əzizli B. Azərbaycan Evliya Çələbinin 1654-cü il “Səyahətnamə”sində. Bakı:
“Azərbaycan” nəşriyyatı, 2000, 160 s.
Qədim dövr və orta əsrlər
Тarix və onun problemləri, № 1 2014
35
ЗАБИЛ БАЙРАМЛЫ
Доктор исторических наук
БАЙМИРЗА ШАБИЕВ
К.и.н., доцент
СЕФЕВИДО-ОСМАНСКИЕ ОТНОШЕНИЯ В 20-40-Е ГОДЫ XVII ВЕКА
(Боръба за Иреван и Багдад)
Статъя посвящена взаимоотнощению между государствами Сефевидов и Осман-
ской империи в 20-40-е годы XVII века. Авторы на основе данных источников анализи-
ровали основные причины и ход военных операций между двумя тюркскими государ-
ствами. Основное внимание было уделено борьбе за Иреван и Багдад - стратегически
оченъ важные опорные пункты, а также последствиям Сефевидо-Османских войн.
ZABIL BAYRAMLI
Doctor of Historical Sciences
BAYMIRZA SHABIEV
Doctor of philolosophi on history
OTTOMAN-SAFAVID RELATIONS IN THE 20-40 YEARS OF XVII CENTURY
However, most of the problemsof Azerbaijan Safavid state was investigatedon our
Safavigraphy, were written books and scientific articles about it, there are unexplored and
been out of focus issues.
In the 20-40 year of XVII century, the Ottoman Safavid relations have been investigated
and this issue is reflected in books and articles relating to the history of the Safavid state. But,
about a comprehensive study of the problem would not be right to say. The agreement of
Gasry-Shirin has not been analyzed in detail in the references. Although the extensive text
of the agreement is in the Persian sources this issue does not take place in the historical
literatures. The conflicts between two states and the reason of these conflicts, the agreement
of Gasry-Shirin, have been extensivelyanalyzed in detail in this article.
Rəyçilər: t.e.n. M.Abdullayev, t.e.d. Q.Ə.Əliyev
Bakı Dövlət Universiteti “Azərbaycan tarixi (təbiət fakültələri üzrə)” kafedrasının 11
dekabr 2013-cü il tarixli iclasının qərarı ilə çapa məsləhət görülmüşdür (protokol №04).
Dostları ilə paylaş: |