18
Camaat (icma) - kənd ismasının istifadə etdiyi torpaqlar idi. Bu torpaqlar xəzinənin və ya feodalların ixtiyarında
idi. İcmanın başçısı hesab olunan ağsaqqal vergiləri müəyyən edir, toplayır, əvəzində isə məhsulun müəyyən
hissəsini özünə götürürdü.
QEYD: İlk Səfəvi şahları irsi soyurqal torpaq sahibliyini getdikcə məhdudlaşdırılmasına çalışır və feodal torpaq
mülkiyyətinin yeni forması olan - tiyul şəklində torpaq paylayırdılar. Tiyul torpaq mülkiyyəti formasına aid
xüsusiyyətlər bunlar idi: irsi torpaq sahibliyinin şərti forması idi, tiyul sahibi tiyuldar adlanırdı və o dövlətə xidmət
etməyə borclu idi, bu torpaqlardan toplanan məhsulun 1/5-dən 1/10-na qədəri xəzinəyə verilirdi, tiyuldar ona verilən
torpaqdan gələn gəlirin müəyyən hissəsini özünə götürmək hüququna malik idi, tiyul yalnız şahın icazəsi ilə irsi olaraq
keçə bilərdi.
QEYD: XVII əsrin ikinci yarısında Azərbaycanda divan və xalisə torpaq mülkiyyəti aparıcı mülkiyyət formaları idi
XVIII əsrin 20-30-cu illərində Osmanlı idarəçiliyi dövründə torpaq mülkiyyət formaları
Bəylik - dövlət idarəsinə keçən və xidmət müqabilində yerli feodalların şərti mülkiyyətinə verilən torpaqlar idi
Ağalıq - dövlət idarəsinə keçən və xidmət müqabilində yerli feodalların şərti mülkiyyətinə verilən torpaqlar idi
XVIII əsrin ikinci yarısında Xanlıqları dövründə torpaq mülkiyyət formaları
Xan torpaqları - dövlət (divan) və saray (xalisə) torpaqlarının əvəzində paylanılırdı
Mülk - feodalların şəxsi torpaqları idi və xan qarşısında xidmətlə bağlı deyildi
Vəqf - məscidlərə və dini idarələrə məxsus idi. Evlər, karvansara və dükanlar da vəqf ola bilərdi
Kənd (icma) - kənd ismasının istifadə etdiyi torpaqlar idi və zorla tutulması nəticəsində sahəsi getdikcə azalırdı
Tiyul - şərti xarakter daşıyırdı və müəyyən xidmətlərə görə xan tərəfindən verilirdi. Bu dövrdə tiyul tədricən nəsli
səciyyə alaraq mülkə çevrilməsi prosesi getdikcə genişlənirdi. Xan tiyul verərkən onu xüsusi sənədlə təsdiq edirdi
XIX əsrin 30-50-ci illərində Şimali Azərbaycanda mövcud olan torpaq mülkiyyəti formaları
Xəzinə (dövlət) - Rusiya işğalından sonra yaranmış və dövlətə məxsus torpaq sahibliyi idi
Xüsusi sahibkar Rusiya işğalından sonra yaranmış və feodallara məxsus torpaq sahibliyi idi
Tiyul - çar hökuməti tərəfindən xidmət əvəzində verilən torpaqları idi. Tiyulun bağışlanmasının əvvəlki qaydaları
əsasən saxlanmışdı. Buzaman feodalın hərbi xidmətləri, mövcud rejimə sədaqəti əsas götürülürdü
Mülk – yenə də xidmətlə bağlı olmayan, satıla, bağışlana və güzəşt edilə bilən torpaq mülkiyyəti forması idi. Mülk
sahibi bu dövrdə “mülkədar” adlanırdı. Torpaqla bərabar, su da mülk ola bilərdi
Mülki-xalisə - mülkün bir növü hesab olunurdu. Mülki-xalisə torpaqları bəylərə məxsus olub onların tam
mülkiyyəti sayılırdı. Buradan yığılan bütün vergilər sahibkarlarının ixtiyarına keçirdi
Vəqf - məscid, monastr və.s dini idarələrin mülkiyyətində olan torpaqlar idi. Bu torpaqların xüsusi çəkisi az idi.
QEYD: Bu dövrdə feodal torpaq mülkiyyətinin iki əsas forması – xəzinə və xüsusi sahibkar torpağı idi. Çünki hakim
təbəqənin müsadirə edilmiş torpaqları dövlətin ixtiyarına keçmişdi.
XIX əsrin 30-50-ci illərində Cənubi Azərbaycanda mövcud olan torpaq mülkiyyəti
Tiyul - bir qayda olaraq, hər hansı mülki və ya hərbi xidmətə görə bağışlanırdı
İlati-elat - bütün tayfanın sərəncamına verilən torpaqlar idi. Şah tərəfindən dövlət qarşısında hərbi xidmətə görə
oturaq və yarımköçəri həyat sürən ayrı-ayrı tayfalara verilirdi
Mülk - feodalların xüsusi mülkiyyətində olan torpaqlar idi. Digər torpaq mülkiyyəti formalarına nisbətən az idi
Vəqf - dini idarələrə məxsus torpaqlar idi. Ərdəbildə Şeyx Səfi məscidinə və məqbərəsinə məxsus torpaqlar
Cənubi Azərbaycanda ən böyük vəqf torpaqları sayılırdı
Xırdamalik - kəndlilərin cuzi hissəsinin xüsusi torpaqları idi. Xırdamalik torpaqlarına ən çox Urmiya əyalətində
təsadüf edilirdi
Vergilər
Sasanilər dövründə Atropatena və Albaniyadan alınan vergilər
Xaraq - məhsulun 1/3-dən, 1/6-nə qədərini təşkil edən məhsul vergisi idi. Xaraq hər bir mahalın əkin sahəsinin
məhsuldarlığından, onun şəhərə yaxın və ya uzaqlığından asılı olaraq alınırdı
Gezit - can vergisi olub, bütün əhalidən, xüsusilə xristianlardan və sənətkarlardan ildə bir dəfə toplanılırdı
19
Xilafət dövründə əhalidən alınan vergilər
Xərac - torpaq vergisi idi
Cizyə – müsəlman olmayan əhalidən alınan can vergisi idi
Xüms - adamların faydalandığı bütün sahələrdən, daşına bilən əmlakdan alınan vergi idi
Zəkat (sədəqə) - mal-qaradan, becərilən məhsullardan, qızıl gümüş və sənətəkarlıq məmulatlarından alınan vergi
idi. Zəkat ruhanilərin, yetimlərin, şikəstlərin və əlacızların ehtiyacına sərf olunurdu. Bu dövrdə Abşeronun neft
mənbələri və duz gölləri üzərində də vergi qoyulurdu
IX-XI əsrlərdə Azərbaycanda əhalidən alınan vergilər
Zəkat (sədəqə) - müsəlman əhalisindən öz əmlakına görə alınan vergi idi
Cizyə - müsəlman olmayan əhalidən alınan can vergisi idi
Üşr (onda bir) - X-XI əsrlərdə meydana gəlmiş, torpaqdan istifadə müqabilində kəndlidən alınırdı . Sonralar isə
xərac adlanmağa başladı. Əvvəllər, əsasən məhsulla alınırdı . Xərac toplamaq üçün ayrı-ayrı adamlara verilən
icarə kağızına qəbalə deyilirdi. Xərac toplayan vergi məmurları mütəqəbbil və ya amil, maliyyə müfəttişləri isə
mütəsərrif adlanırdılar
Səlcuqlar dövründə vergi sistemi
XI-XIII əsrin əvvəllərində Azərbaycanda əhali səlcuqlara xərac, cizyə və üşr (üşür) vergiləri ödəyirdilər. Yuxarıdakı
ənənəvi vergilərə əlavə olaraq Səlcuq döyüşçüləri üçün silah bahası, nal bahası, şərab bahası kimi vergilər, şəhər
sənətkarlarından isə onların hazırladıqları sənət məhsullarından pay alınmağa başlandı. Bununla belə, səlcuqların
hakimiyyəti zamanı, feodal özbaşınalığı, ara müharibələri və siyasi hərc-mərciliyin qarşısı xeyli alındı, xalqın oturaq
təsərrüfat ənənələrinin dirçəlişinə əlverişli şərait yarandı.
XIII-XIV əsrlərdə Monqol ağalığı dövründə alınan vergilər
Qopçur – Bu vergini əvvəllər köçəri maldarlar ödəyirdilər. Qopçur tədricən can vergisinə çevrilərək şəhər və
kəndlərin otlaq sahəsinə də şamil edildi
Tamğa - şəhər sənətkarları və tacirlərindən alınan vergi idi. Tamğa vergisi pulla ödənilirdi və yüksək idi
XV əsrdə Azərbaycan əhalisinin ödədiyi vergilər
Malcəhət – məhsul vergisi idi
Bəhrə - kəndlinin sudan istifadə əvəzində ödədiyi vergi idi
Çobanbəyi – otlaqdan istifadə müqabilində ödənilən vergi idi
Can vergisi – xristian əhalisindən alınan vergi idi
Tamğa və bac– sənətkar ve tacirlərin ödədiyi vergilər idi
XVI əsrdə Səfəvilərin hakimiyyətinin ilk illərində alınan vergilər
Çobanbəyi - kəndlilərin torpaq sahibinə otlaqlardan istifadə əvəzinə ödədiyi vergi idi
Bağbaşı - kəndlilərin torpaq sahibinə bağlar üçün ödədiyi vergi idi
Tamğa - sənətkarlardan və tacirlərdən alınan vergi (1565-ci ildə Şah I Təhmasib tərəfindən ləğv edilmişdir)
XVII əsin ikinci yarısında Azərbaycan əhalisinin ödədiyi vergi və mükəlləfiyyətlər
Malcəhət - torpaq və gəlir vergisi idi. Bu vergi növü torpaq sahibkarı ilə dövlət arasında bölünürdü və məhsulun
1/10 hissəsini əhatə edirdi
Bəhrə - torpaq və gəlir vergisi olub məhsulun 1/5 hissəsini əhatə edirdi. Bəhrə vergisi torpaq və sudan istifadəyə
görə kəndlilərdən məhsulla alınırdı
Bağbaşı – məhsulun 1/10-nə bərabər vergi növü idi
Çobanbəyi (çöl pulu) – örüşdə heyvanların otarılmasına görə alınırdı
Dəhyek – iri feodal torpaqlarından götürülən gəlirin 10%-i miqdarında alınırdı
Cüftbaşı – torpağı əkib-becərmək üçün bir cüt qoşqu vasitəsi olanlardan alınırdı. Şah II Abbasın fərmanı ilə
soyurqal torpaqlarından alınmırdı
Dəzgahbaşı – hər bir toxucu dəzgahının istehsal etdiyi məhsuldan alınan vergi idi
İxracat –ümumi və müxtəlif vergi, mükəlləfiyyətlərin məcmusu mənasında işlənirdi və dövlət canişinlərinin, hərbi
xidmətdə olanların, əyanların tələbatını ödəmək üçün alınırdı
Ot-alafa – yük heyvanları və atlar üçün alınırdı
20
Ulafa bir nəfərin (hərbçi, canişin və b.) dolanışığı üçün alınırdı
Künəlgə – əyanların kəndlinin evində qalmaq hüququ idi
Rüsum - dövlət canişinləri və ruhanilər üçün natura ilə alınan vergi idi
Səvari ( novruzi) – əhalinin hakim sülalənin üzvlərinə, sərkərdələrə, yeni fəth edilmiş yerlərə Novruz bayramı
münasibətilə tanınmış adamlara göndərilən hədiyyə idi
Dəstəndaz - hakimiyyətin nisbətən aşağı pilləsində xidmət edən şəxslər üçün alınan vergi idi
Cizyə - müsəlman olmayanlardan, əsasən xristianlardan alınan vergi idi
Əvrəz - daimi olmayan və natura, yaxud mükəlləfiyyət icra etməklə ödənilən vergi idi
Biyar - kəndlinin feodal və ya dövlətin nəfinə zorla, havayı işləməsi idi
QEYD: XVII əsrdə kəndlilərdən alınan malcəhət və bəhrə vergilərin əsas hissəsini təşkil edirdi.
XIX əsrin 60-90-cı illərində Cənubi Azərbaycanda kəndlilərin dövlətə ödədiyi vergilər
Baş pulu –kəndlilərin adambaşına ödədiyi vergi idi
Torpaq vergisi – məhsulun 1/10 əhatə edən vergi idi
Sərkəllə - yarımköçəri maldarların heyvanların sayına görə ödədikləri vergi idi
Qapı pulu – maldarların otlaqlardan istifadə əvəzində ödədiyi vergi idi
Həyət vergisi
Hərbi vergi
Pul vahidləri
Ərəb ağalığı dövründə istifadə olunan pul vahidləri
Dinar – ilk dəfə Xilafət dövründə zərb edilmiş 4,3 qramdan ibarət olan qızıl pul vahidi idi
Dirhəm - 3 qrama bərabər pul vahidi idi. Bu vergi sasanilər dövründə də alınırdı
Hülakülər dövründə istifadə olunan pul vahidləri
Dinar - qızıl və gümüşdən hazırlanan pul vahidi idi
Çao – Keyxatu xan tərəfindən tədavülə buraxılmış pul vahidi idi
Tümən – on min dinara bərabəra pul vahidi idi
Danq – dirhəmin 1/6-nə bərabər pul vahidi idi
Dirhəm – 3 qrama bərabər pul vahidi idi
Fils – min dinar məbləğində pul vahidi idi
Qaraqoyunlu dövlətində istifadə olunan pul vahidləri
Təngə
Tümən
XVII əsrin ikinci yarısında istifadə olunan pul vahidləri
Abbası - 200 dinar dəyərində pul vahidi idi
Mahmudi - 100 dinar dəyərində pul vahidi idi
Şahı - 50 dinar dəyərində pul vahidi idi. I Şah İsmayılın dövründə zərb edilməyə başlanmışdı
Bisti – Şah I Təhmasibin dövründə buraxılmış və 20 dinar dəyərində olan xırda gümüş pul vahidi idi
Qızılbəyi - 5 dinar dəyərində pul vahidi idi. Şirvanşah Sultan Mahmudun dövründə kəsilən və onun şərəfinə
adlandırılan mis pul vahidi idi
XVIII əsrin ikinci yarısında istifadə olunan pul vahidləri:
Abbası - 200 dinar dəyərində pul vahidi idi
Tümən - on min dinara bərabər pul vahidi
Şahı - 50 dinar dəyərində pul vahidi idi
Pənahabad – bir misqal çəkisində kəsilən 4-10 şahıya və 1 abbasıya bərabər gümüş pul vahidi idi
21
Memarlıq abidələri
Qədim dövrün memarlıq abidələri
Lullubi hökmdarı Anubaninin – Qələbə akitabəsi (e.ə III minillik).
Manna hökmdarı Ullusunun II Sarqonun şərəfinə qoyulmuş yazılı abidə (e.ə VIII əsr).
Atropatenada Heraklın şərəfinə inşa olunmuş Kerifto abidəsi.
Alban memarlıq abidələri (III-VII əsrlər )
Torpaqqala (Alazan çayı sahilində).
Govurqala (Ağdam rayonunda).
Çarabkert qalası (Ağdərə rayonu).
Cavanşir qalası (İsmayıllı rayonu).
Dərbənd qalası.
Dərbənd və Şirvan səddi
IX-X əsrə aid memarlıq abidələri
Lerikdə Oğlanqala (IX əsr).
Naxçıvanda Əlincə qalası (IX əsr).
Ağoğlan çayı sahilində Amaras monastrı (IX əsr).
Gədəbəydə qalaça (IX əsr).
Şamaxının Sündü kəndində günbəzli məscid (920-ci il) .
QEYD: Bərdə şəhəri yaxınlığında Tərtər çayı üzərində çaylaq daşından hörülmüş körpü bizə məlum olan xilafət
dövrü memarlığının yeganə və səciyyəvi nümunəsidir.
XI-XII əsrlərdə inşa olunan İntibah dövrünün memarlıq abidələri
Şəddadi hökmdarı Fəzl ibn Məhəmmədin dövründə inşa olunmuş Xudafərin körpüsü (1027-ci il).
Şəddadi hökmdarı Əbulasrav Şavurun dövründə düzəldilmiş Gəncə qala qapıları (1063-cü il).
Bakıda Qız Qalası (XII əsr).
Mərdəkan qalası (XII əsr).
Şamaxı yaxınlığında Gülüstan və Buğurd qalaları (XII əsr).
XII əsrdə memar Əcəminin Naxçıvanda inşa etdiyi memarlıq abidələri
Yusif İbn Küseyr türbəsi (1162).
Möminə xatun türbəsi (1186).
Qoşaminarə abidəsi (1187).
Cümə Məscidi.
Darülmülk (Eldənizlər sarayı).
XIII-XIV əsrlərdə Abşeron ərazisində inşa edilmiş memarlıq abidələri
Mərdəkanda
dördkünc və dairəvi qala.
Nardaran qalası.
Ramana qalası.
XIII-XIV əsrlərdə inşa edilmiş türbələr
Sultaniyyədə Olcayut Xudabəndə türbəsi (1305-1313).
Bərdə türbəsi (1322).
Naçıvanda Gülüstan türbəsi.
Naçıvanda Beştağ - Qarabağlar türbəsi .
Təbrizdə Əlişah məscidi (Ərk qalası).
QEYD: Gülüstan türbəsi XII əsrə aid Möminə xatun türbəsi üslubunda inşa olunmuşdur. 1259-cu ildə Marağa
rəsədxanası inşa olunmuşdur.
XV əsrə aid memarlıq abidələri
Bakıda Şirvanşahlar saray kompleksi.
Qaraqoyunlulara aid Təbrizdə “Göy məscid” (1465).
Ağqoyunlulara aid Təbrizdə “Həşt-behişt” saray kompleksi (1483).
Təbrizdə Qeysəriyyə (Örtülü bazar) kompleksi və Divanxana.
Nəsriyyə və Məqsudiyyə mədrəsələri.
Həsən padşah camisi.
22
XVI əsrə aid Səfəvilər dövrünün memarlıq abidələri
Qusar Rayonunda Şeyx Cüneyd məqbərəsi (1544).
Şeyx Səfi məqbərəsi.
Məhəmməd Xudabəndə məqbərəsi.
Bakının Şərq darvazaları.
Əlincə çayı üzərində körpü
Marağa rəsədxanasının bərpa olunması
XVII əsrə aid memarlıq abidələri:
Gəncədə Şah Abbas (Cümə) məscidi
Suraxanıda hind atəşpərəstlərinin məbədi.
Şamaxıda Kələxana məqbərə - xatirə kompleksləri (1663).
Nardaran kəndində məscid (1663).
Sanqaçalda ovdan və Təbrizdə Şibli karvansarası.
XVIII əsrə aid memarlıq abidələri
Şəki xan sarayı (1763).
İrəvanda Göy məscid (1764).
İrəvanda Sərdar sarayının Güzgülü salonu (1791).
Qarabağda Bayat, Şahbulağı və Şuşa qalaları.
Şuşada İbrahimxəlil xan və Gövhər Ağa məscidləri.
XIX əsrə aid memarlıq abidələri
Bakıda dənizkənarı bulvar salındı (1865).
Bakının qala qapıları rayonunda bərpa işləri aparıldı.
Bakı qalasının ikinci divarları sökülərək, yerində Nikolayev küçəsində binalar uçaldıldı (1880).
H.Z.Tağıyev Bakıda ilk teatr binası tikdirdi (1883).
K.Məmmədhəsən tərəfindən Bakıda İkinci qala apıları inşa edildi (1886).
Q.Hacıbababəyov tərəfindən Bakıda Böyük kərvansara (indiki “Araz” kinoteatrının binası) inşa etdi.
1950-ci illərin ikinci yarısı -1960-cı illərdə Bakıda tikilib istifadəyə verilmiş sosial obyektlər
Akademiya şəhərciyi
Bakıda Hökumət evi
Bakı hava limanı
Dövlət sirki
Respublika stadionu
Şəhriyar adına klub
1970-1980-ci illərdə Bakıda tikilib istifadəyə verilmiş sosial obyektlər
Gülüstan sarayı.
Respublika sarayı.
“Moskva” mehmanxanası.
Örtülü idman kompleksi.
Yeni zoopark.
Dəniz vağzalı.
Dostları ilə paylaş: |