- 68 -
НАХЧЫВАН ДЮВЛЯТ УНИВЕРСИТ ЕТ И.
ЕЛМИ ЯСЯРЛЯР, 2015, № 3 (68)
NAKHCHIVAN ST AT E UNIVERSIT Y
.
С ЖЫЕНТЫФЫЖ WО РКС , 2015, № 3 (68)
НАХЧЫВАНСКИЙ ГОСУДАРСТ ВЕННЫЙ УНИВЕРСИТ ЕТ .
НАУЧНЫЕ ТРУДЫ, 2015, № 3 (68)
SURƏ RƏHİMOVA
AMEA NaxçıvanBölməsi
E-mail:sura_rahimova@hotmail.com
UOT: 58
NAXÇIVAN MUXTAR RESPUBLİKASI ƏRAZİSİNDƏ YAYILAN CAPPARACEAE JUSS.
FƏSİLƏSİNƏ DAXİL OLAN CAPPARIS HERBACEA L. NÖVÜNÜN FİTOKİMYƏVİ
TƏDQİQİ VƏ MÜALİCƏVİ XÜSUSİYYƏTLƏRİ
Məqalədə Capparis L. cinsinə daxil olan Capparis herbacea L
. növünün meyvələrinin
fitokimyəvi cəhətdən tədqiq edildiyi haqqında məlumat verilir. Bir neçə həlledicilərdən istifadə
edilərək meyvələrin ekstraktları alınmış və spektrləri çəkilmişdir. Müxtəlif metodlardan istifadə
edilərək ekstraktların tərkibində flavonoid, karotinoid və xlorofil piqmentlərinin olduğu müəyyən
edilmişdir. Bundan başqa Capparis herbacea L.
növünün tibbi xüsusiyyətləri və müalicəvi
istiqamətləri haqqında da ətraflı məlumat verilmişdir.
Açar sözlər:
capparis, flavonoid, karotinoid, heksan, fitokimyəvi
Key words:
capparis, flavonoid, carotenoid, hexan, phytochemical
Ключевые слова: каппарис, флавоноиды, каротиноиды,гексан,фитохимическое
Qədim zamanlardan insanlar bitkilərdən müxtəlif məqsədlər üçün əvvəlcə qida, sonralar isə
tibbi, kosmetik və digər məqsədlər üçün istifadə etmişlər. Hal-hazırda bitkilər müxtəlif təsirlərə
malik təbii dərman xammal maddələrinin əvəzedilməz mənbəyidir. Son illərdə bir çox sahələrdə
istifadə etmək məqsədilə təbii vasitələrin axtarışı vacib məsələlərdən hesab edilir. Bioloji fəal
maddələrlə zəngin olan bitki növlərinin öyrənilməsi və tərkibindəki maddələrin tədqiqi hal-hazırda
müasir elmin aktual problemlərindəndir. Bu məqsədlə bitkilərdən bioloji aktiv maddələrin alınması
və öyrənilməsi, istehsalatın müxtəlif sahələrinə tətbiqi mühüm əhəmiyyətə malik vacib
məsələlərdən hesab edilir. XX əsrin əvvəllərindən sənaye inqilabının başlanması ilə sürətli
sənayeləşmənin nəticəsi olaraq yeraltı və yerüstü qaynaqlar yararsız vəziyyətə düşmüşdür. Xüsusilə
də atmosferə buraxılan zərərli qazlar ozon təbəqəsinin incəlməsində və hətta deşilməsində böyük rol
oynamışdır. Bununla bərabər kimya sənayesinin inkişafı ilə əlaqədar müxtəlif məhsulların istehsalı
artmışdır ki, bu da orqanizmin immun sisteminə təsir edən və insanlarda xərçəng xəstəliyi, tez
yaşlanma və ürək xəstəlikləri yaratmışdır. Belə zərərli təsirlərə malik sərbəst radikalların əmələ
gəlməsi günü-gündən artmaqdadır. Buna görə də son 20 ildə xüsusən təbii antioksidantlı dərman
bitkilərinə tələbat daha çox yaranmışdır.
Naxçıvan Muxtar Respublikasının ərazisi müxtəlif dərman və faydalı bitkilərlə zəngin olsa
da, heç də indiyə qədər fitokimyəvi cəhətdən ətraflı tədqiq olunmamışdır. Buna görə də
respublikanın tükənməz bitki ehtiyatlarından məqsədyönlü və səmərəli istifadə olunması, bitkilərin
fitokimyəvi cəhətdən tədqiq edilməsi, tərkibindəki bioloji aktiv maddələrin və tətbiq sahələrinin
müəyyən edilməsi mühüm məsələlərdən hesab edilir. Bu kimi məsələləri nəzərə alaraq
Capparaceae Juss. fəsiləsinə daxil olan
Capparis herbacea L. növünün fitokimyəvi aspektdən
öyrənilməsi məqsədilə tərəfimizdən bir sıra tədqiqat işləri aparılmışdır.
Capparaceae Juss. fəsiləsinin nümayəndələri əsasən tropik və subtropik ölkələrdə yayılmış
ot və kol bitkiləri olub, əsasən yarımsəhra, çay vadiləri, gilli-çınqıllı yamaclarda, sıldırımlarda və
köhnə tikililərdə daha çox yayılmışdır. Bu fəsiləyə daxil olan
Capparis L. cinsinin dünyada 350-dən
çox növü yayılmışdır. Demək olar ki, 37 cinsə daxil olan 400-dən çox növü dünyanın bir çox
ölkələrinin əksər ərazilərində becərilir. Azərbaycanda və o cümlədən Naxçıvan MR ərazisinin
xüsusən aran və dağətəyi rayonlarında, çöllərdə, çay kənarlarında, gilli-çınqıllı torpaqlarda,