- 69 -
düzənlik, dağlıq, qayalıq və qumlu sahələrində yayılmışlar. Muxtar respublikada bu fəsilənin 2
cinsinə daxil olan 4 növü yayılmışdır [1,s.213; 2, s. 401].
Bu fəsiləyə daxil olan
Capparis herbacea L. növü xalq arasında
çöl kəvəri,
çöl qarpızı bəzən
də
yalama adı ilə adlandırılır. Bitkinin gövdəsi 2 m-ə qədər uzanmaqla, sürünəndir.Yalançı zoğu və
yarpaqaltlığı sarımtıl tikanlıdır. Yarpaqları yumurtaşəkilli-dairəvi və ya ellipsvaridir. Qısa saplaqlı
və seyrək tükcüklü olub, sivri ucludur. Kasa yarpaqları iri, 18-30 mm uzunluğunda olmaqla,
yumurtavarıdır. Çiçəkləri iri, tək-tək yerləşmişdir. Ləçəkləri 3-6 sm, ağ və ya solğun-çəhrayı
rəngdədir. Meyvəsi yumurtaşəkilli, uzunsov olub, uzunluğu 20-45 mm-dir. Giləmeyvəli yarımkol
bitkidir. Yetişmiş meyvələri qırmızı lətli, toxumları yumru, qəhvəyi rəngli olub, acı dadlıdır. Bitki
mart-iyul aylarında çiçəkləyir, iyun-avqust aylarında isə meyvələri yetişir. Əkin üçün yararsız
torpaqların yararlı torpaqlara çevrilməsində bu bitki mühüm əhəmiyyətə malikdir. Tez adaptasiya
xassəsi olduğundan erroziya və yanğın təhlükəsi olan ərazilərdə əkilməsi məqsədəuyğundur [3,
s.120-125].
Araşdırmalar nəticəsində aydın olmuşdur ki, bu növ zəngin fitokimyəvi tərkibə malikdir.
Ədəbiyyat məlumatlarına əsasən demək olar ki, bitki fenollu birləşmələr və flavonoidlərlə olduqca
zəngindir [5, s.40-45]. Fenollu birləşmələr hidrogen və elektron vermələrinə görə antioksidant
molekullar olaraq fəaliyyət göstərirlər. Bu maddələr təbii antioksidantların əsas qruplarını təşkil
edirlər. Antioksidantlar bitkilərin bütün hissələrində rast gəlinən polifenollu birləşmələrdir. Fenollu
birləşmələr bitkilər aləmində ən geniş yayılan maddələr qrupunu təşkil edirlər. Hazırda 8000-dən
çox fenollu birləşmələr məlumdur. Bu birləşmələr güclü antioksidant xassələrə malik olduğundan
orqanizmdə yaranan sərbəst radikalları neytrallaşdıraraq bir çox xəstəlikləri və tez yaşlanmanın
qarşısını alır. Ən geniş yayılmış fenollu antioksidantlar flavonoidlər, kumarinlər, tokoferollar və
fenol turşularıdır. Kosmetik vasitələrin alınmasında, boyaq və kağız istehsalında xüsusən, qida
sənayesində bu birləşmələr mühüm əhəmiyyətə malikdirlər [4, s. 3-5]. Flavonoidlər bitkilər
tərəfindən sintez edilən fenollu birləşmələrin bir sinfini təşkil edirlər. Onlar meyvə və tərəvəzlərin
özünə xas dad və rəngini verən maddələrdir. Təbii olaraq bitkilərin gövdə, yarpaq, kök və xüsusilə
də çiçəklərində olurlar. Flavonoidlər yaşıl bitkilərin çoxunda olduğundan bitki ekstraktları alınan
zaman tez-tez onlara rast gəlinir.
Capparis herbacea L. növü bir sıra müalicəvi xüsusiyytlərə malikdir. Belə ki, bitkinin çiçək,
tumurcuq və meyvələri müxtəlif məqsədlərlə - saçlara qulluq edilməsində, yaraların
sağaldılmasında, dalaq və qaraciyər xəstəliklərinin müalicəsində istifadə olunurlar. Xalq
təbabətində kəvərin təzə dərilmiş meyvələrindən endemik ur xəstəliyində, dizenteriyada və
qaraciyər iltihabı (hepatit) zamanı, yarpaqlarından yanıqların, şişlərin müalicəsində istifadə edilir
[6, s. 197]. İştahartırıcı, sidikqovucu və qəbizliyin aradan qaldırılması kimi xassələrə malikdir.
Buna görə də bu bitkidən tibbdə və sənayenin müxtəlif sahələrində geniş şəkildə istifadə olunur.
Otvari kəvərin çiçək tumurcuqları vitamin və minerallarla zəngin olduğundan boyaq maddəsi
alınmasında, dərman, kosmetika və qida sənayesində tətbiq edilir. Revmatizm ağrılarının qarşısının
alınmasına kömək edir, dalağın müalicəsi və qaraciyərin mübadilə funksiyasının tənzimlənməsində,
xərçəng xəstəliyinin inkişafının qarşısını alan ekstraktların hazırlanmasında istifadə olunan bitkilər
sırasındadır. Belə ki, kəvərin duza və ya sirkəyə qoyulmuş qönçələri qida kimi yeyilir, kök və
budaqlarından isə dərman və kosmetik vasitələr alınmasında istifadə olunur [7, s.74-75].
Təcrübi hissə
17 sentyabr 2014-cü il tarixdə Şahbuz rayonuna gedilən ekspedisiya zamanı “Rüstəm
meşəsi” ətrafı ərazilərindən
Capparis herbacea L. bitkisinin tam yetişmiş meyvələri toplanılaraq
laboratoriyaya gətirildi. Meyvələrin lətli hissəsi toxumlardan ayrılaraq, otaq temperaturunda,
kölgədə quruduldu və istifadə edilənə qədər kağız kisələrdə saxlanıldı. Meyvələr üyüdüldü və bitki
nümunəsindən 5 q götürülərək lipofil xassəli maddələri və xlorofilləri ayırmaq məqsədilə əvvəlcə
50 ml heksanla 2 dəfə, 25˚C-də, 2 saat müddətində ekstraksiya edildi. Sonra nümunələrin qalığı
qurudularaq, etanolla və distillə suyu ilə ekstraksiya edildi. Ekstraktın tərkibindəki maddələrin
müəyyən olunması kimyəvi və fiziki-kimyəvi metodlar vasitəsilə yerinə yetirildi. Ekstraktlardan
fərdi maddələrin ayrılması və onların saflaşdırılması incə təbəqə xromotoqrafiya və UB-
spektrofotometrik metodlar vasitəsilə yerinə yetirildi. İncə təbəqə xromotoqrafiya Silufol UV
254
- 70 -
lövhələrdə, UB-spektroskopiyası isə 200-700 nm dalğa uzunluğunda Hitachi UV-2900 UV-VIS
spektrofotometr cihazında aparıldı.
Şəkil 1.
Capparis herbacea L. bitkisinin meyvələrindən alınan heksan ekstraktının spektri
Nəticələr və müzakirə
Capparis herbacea L. növünün meyvələrinin etanol ekstraktının UB spektrlərinin analizi
nəticəsində 656-664 nm dalğa uzunluğunda piklərin alınması ekstraktın tərkibində xlorofillərin
olmasını, 432-466 nm dalğa uzunluğu isə karotinoidlərin varlığını göstərir. Etanol ekstraktında
flavonoidlərin vəsfi təyini bu birləşmələr üçün xarakterik olan 2 reaksiya: dəmir (III) xlorid və
sianidin testi vasitəsilə aparılmışdır. Flavonoidlərin dəmir (III) xloridlə qarşılıqlı təsirindən
flovonollar yaşıl rəngli, flovononlar isə qəhvəyi rəngli komplekslər əmələ gətirirlər. Müvafiq
rənglərin alınması ekstraktın tərkibindəki flavonoidlərin olduğunu təsdiq edir.
Cədvəl
Təzə yığılmış
Capparis herbacea L.
meyvələri
Qurudulmuş
Capparis herbacea L.
meyvələri
Nəm təyini
1
ədəd meyvənin
lətli hissəsinin
çəkisi
Toxumların
çəkisi
Meyvənin lətli
hissəsinin çəkisi
Toxumlarınçəkisi
3.99 q
7.14 q
0.75q
3.04q
66 %
Şəkil 2.
Capparis herbacea L. növünün meyvələrindən alınan etanol ekstraktının spektri