S26
|
Tərəfdaşlıqların genişləndirilməsi
Təhlükəsizlik təhdidlərinin təbiət, miqyas və mənşəcə daha
gözlənilməz olduğu bir halda NATO öz tərəfdaşlıqlarının dairəsini
genişləndirdi. O, əsrin dəyişməsindən bəri yaranmış qlobal
təhdidlərin idarə olunmasına köməklik üçün qlobal tərəfdaşlara
müraciət etmişdir. Bu, nə üzv, nə də Alyansın tərəfdaş ölkələri
olmayan, belə adlanan “əlaqə ölkələri” Yaponiya, Yeni Zelandiya,
Avstraliya və Cənubi Koreya kimi ölkələri əhatə edir.
NATO həmçinin, sülh və təhlükəsizliyin təbliğində əlavə rolu olan
digər beynəlxalq təşkilatlarla münasibətlərin qurur. Böhranın idarə
olunması əməliyyatları kontekstində NATO siyasi, iqtisadi və sosial
inkişaf vasitəsilə davamlı sülhün təmin edilməsi üçün vasitələrə
malik təşkilatlarla işləyir. Buraya BMT, Avropa İttifaqı, Avropada
Təhlükəsizlik və Əməkdaşlıq Təşkilatı, həmçinin, EUROCONTROL
və Qırmızı Xaç Beynəlxalq Komitəsi kimi təsisatlar daxildir.
Qlobal tərəfdaşlar və digər
beynəlxalq təşkilatlar ilə iş
Yeni Zelandiya
kimi bir sıra əlaqə
ölkələri İSAF-a
töhfə verirlər
Tərəfdaşlıqların genişləndirilməsi
|
S27
“ sülh və təhlükəsizliyin təbliğində əlavə rolu ”
Bu institusional əlaqələrdən
əlavə, NATO-nun Avropa
üzvləri ilə Birləşmiş Ştatlar
arasında transatlantik əlaqə
Alyansla Avropa İttifaqı arasında
münasibətlərə xüsusi səciyyə
verir. Hər bir konstruktiv
əməkdaşlıqda olduğu kimi o,
dəyişilən xarici şərtlərə cavab
olaraq inkişaf etmişdir. İkinci
Dünya müharibəsindən sonrakı
Transatlantik münasibətlərin
tarixinə varmadan qeyd etmək
vacibdir ki, NATO-nun Avropalı
üzvləri müharibə dövründən
dərhal sonra təhlükəsizlik
və iqtisadi artım baxımından
ABŞ-dan yüksək dərəcədə
asılı olmuşlar. Sonrakı illər
ərzində Avropa daha güclü
və birləşmiş şəkildə inkişaf
etdi. Avropa İttifaqı 1990-cı
illərin əvvəllərindən Ümumi
Xarici və Təhlükəsizlik
Siyasətini inkişaf etdirməyə
başlamış və tədricən Avropanı
beynəlxalq münasibətlərin
daha nüfuzlu iştirakçısı kimi
nümayiş etdirmişdir. 1999-cu
ilin dekabrında Avropa İttifaqı
böhranın idarə olunması
vəzifələrini üzərinə götürmək
imkanlarını inkişaf etdirmək
və tələb olunan siyasi və hərbi
strukturların yaradılması üçün
müvafiq addımlar atmağı qərara
almışdır. Bu, bir neçə il sonra
Avropa İttifaqına Balkanlardakı
NATO-nun iki missiyasını qəbul
etməyə yol açmışdır.
Bu proses NATO-nun
bütövlükdə iştirak etmədiyi
zaman, Aİ-nin rəhbərlik etdiyi
əməliyyatlar üçün NATO-nun
vasitə və qabiliyyətlərinə Avropa
İttifaqının çıxış imkanını yaradan
“Berlin Plüs” mexanizmi ilə
asanlaşdırılmışdır. O, hazırda
Avropa ittifaqı və NATO
arasında əməkdaşlığın əsasını
təşkil edir və 2003-cü il martın
sonunda keçmiş Yuqoslav
Respublikası Makedoniya (*)
və 2004-cü il dekabrında
Bosniya-Herseqovinada NATO
missiyalarının təhvil verilməsinə
gətirib çıxarmışdır.
S28
|
Açıq qapı siyasətinin davam etdirilməsi
Nisbətən daha ilkin mərhələdə
Alyansın bani ölkələri olan
Belçika, Kanada, Danimarka,
Fransa, İslandiya, İtaliya,
Lüksemburq, Niderland,
Norveç, Portuqaliya, Böyük
Britaniya və Amerika Birləşmiş
Ştatları təşkilatın üzvlüyünü
Yunanıstan və Türkiyə (1952) və
Almaniyanı (1955) daxil etməklə
genişləndirdilər. Bir neçə on
illik sonra 1982-ci ildə İspaniya
Alyansa qoşuldu.
Genişlənmənin növbəti dövrü
Soyuq Müharibənin sonundan
sonra, bir çox Mərkəzi
Avropa ölkələrinin öz gələcək
təhlükəsizlik maraqlarının
NATO-ya qoşulmaq yolu ilə
daha yaxşı qarşılanacağına
qərar verdikləri və üzvlük
axtarışları ilə bağlı niyyətlərini
səsləndirdikləri zaman baş verdi.
Üç keçmiş Tərəfdaş ölkə - Çex
Respublikası, Macarıstan və
Polşa – 1999-cu ilin martında
üzv oldular və beləliklə də üzv
ölkələrin sayını 19-a çatdırdılar.
2004-cü il martın sonunda
NATO-nun ən böyük genişlənmə
dalğası zamanı daha yeddi ölkə,
Bolqarıstan, Estoniya, Latviya,
Litva, Rumıniya, Slovakiya və
Sloveniya Alyansa qoşuldu. Bu
yaxınlarda, 2009-ci ilin Aprel
ayında Albaniya və Xorvatiya
Təşkilatın üzvü oldular.
Keçmiş Yuqoslav Respublikası
Makedoniya (*) da həmçinin,
ölkənin adı ilə bağlı məsələ həll
olunduğu təqdirdə Təşkilata
üzvlüyə dəvət alacaqdır.
NATO-nun qapısı açıq qalır.
Gürcüstan və Ukraynanın üzvlük
istəkləri və müvafiq islahatları
ilə bağlı bu ölkələrlə mövcud
olan İntensiv Dialoqlar həyata
keçirilməkdədir. 2008-ci ildə
Alyans rəhbərləri razılaşdılar
ki, bu iki ölkə NATO-nun üzvü
olacaqdır.
Davam etməkdə olan proses
Açıq qapı siyasətinin
davam etdirilməsi
Açıq qapı siyasətinin davam etdirilməsi
|
S29
NATO-ya 2004-cü ildə qoşulmuş
yeddi üzv ölkə və onlardan
sonra gələnlər, 1999-cu ildə
əsası qoyulmuş və maraqlı
Tərəfdaş ölkələri üzvlüyə
hazırlamaqda yardımçı
olmaq məqsədini güdən
Üzvlük Fəaliyyət Planından
yararlanmışlar. Bu plan üzvlük
istəyən ölkələrə praktiki
məsləhət və məqsədli yardım
təklif edir. Əvəzində, üzvlük
istəyən ölkələr tərəfindən bazar
iqtisadiyyatına əsaslanan işlək
demokratik siyasi sistem, azlıq
təşkil edən xalqlarla ədalətli
münasibət, qonşu ölkələrlə
münaqişələrin sülh yolu ilə
həllinə öhdəlik, Alyansa hərbi
töhfə vermək qabiliyyəti və istəyi
və silahlı qüvvələr üzərində
demokratik nəzarət öhdəliyi
daxil olmaqla müəyyən başlıca
tələbləri yerinə yetirilmələri
gözlənilir. Bu planda iştirak
gələcək üzvlüyə heç bir
təminat vermir, lakin o, ölkələrə
silahlı qüvvələrini Alyansa
üzvlüyün gətirəcəyi öhdəlik və
cavabdehliklərə uyğunlaşdırmaq
və hazırlamağa yardım edir.
NATO yeni üzvləri cəlb etmək
işi ilə məşğul olmur, ancaq
Müttəfiqlər Alyansın fundamental
məqsədlərinə töhfə verəcək və
Müttəfiq dəyərlərini paylaşan
demokratik ölkələrdən gələn
üzvlüklə bağlı müraciətlərin
nəzərdən keçirilməsinə
sadiqdir. NATO hökumətləri
aydınlaşdırdılar ki, Alyansın
genişlənməsi özü özlüyündə
bir məqsəd deyil, o, NATO-
nun təhlükəsizliyinin daha da
genişləndirilməsi və Avropanın
bütövlükdə daha sabit edilməsi
üçün bir vasitədir. Genişlənmə
prosesi münaqişənin qarşısının
alınmasına kömək edir, çünki
üzvlük perspektivi üzvlük istəyən
ölkələr üçün qonşu ölkələrlə
münaqişələrini həll etməyə və
islahatlar və demokratikləşməni
irəli aparmağa stimul verir.
Bundan əlavə, yeni üzvlər
sadəcə üzvlüyün faydasından
yararlanmamalı, həmçinin
bütün üzv ölkələrin ümumilikdə
təhlükəsizliyinə töhfə verməyə
qadir olmalıdırlar. Baş sözlə,
onlar təhlükəsizliyin təminatçısı
və istehlakçısı olmalıdırlar.
Üzvlük Fəaliyyət Planı
“ təhlükəsizliyin
təminatçısı və
istehlakçısı ”
S30
|
Yeni imkanlar üçün yeni təhdidlər
Cəmiyyətlərimizin bu gün qarşılaşdığı təhlükəsizlik təhdidləri
terrorçuluq, kütləvi qırğın silahlarının yayılması və iflasa uğramış və
ya uğramaqda olan dövlətlərin törətdiyi qeyri sabitliklə üzləşmək üçün
əsaslı şəkildə təchiz olunmuş və strukturlaşmış qüvvələr tələb edir.
1990-cı illərin əvvəllərində NATO Soyuq Müharibənin durğun
ordu birləşmələrindən uzaqlaşaraq, böhranın idarə olunması
əməliyyatlarının tələb etdiyi daha mobil qüvvələrə sahib olmaq
məqsədilə öz hərbi imkanlarını yenidən nəzərdən keçirməyə başladı.
11 sentyabr hadisələri bu prosesi daha da sürətləndirdi. 2002-ci ildə
keçirilmiş Praqa Zirvə Görüşü zamanı NATO rəhbərləri Alyansın
hərbi vasitələrini köklü şəkildə dəyişdirəcək başlıca islahatları
təqdim etdilər. Onlar Avro-Atlantik məkanı daxilində və ondan
kənarda mövcud olan müxtəlif təhlükəsizlik təhdidlərini daha yaxşı
cavablandırmağa qabil olmaq cəhdi ilə təkmilləşmə üçün xüsusi
sahələri müəyyən etdilər, NATO Cavab Qüvvələrini yaratdılar və hərbi
komandanlıq strukturunu müasirləşdirdilər.
“ NATO rəhbərləri Alyansın
hərbi vasitələrini köklü şəkildə
dəyişdirəcək başlıca islahatları
təqdim etdilər ”
Yeni imkanlar üçün
yeni təhdidlər
Yeni imkanlar üçün yeni təhdidlər
|
S31
Praqada çatışmazlıqların ən təcili şəkildə cavablandırılmasına ehtiyac duyulan səkkiz xüsusi sahə
müəyyən edildi. Buraya strateji hava və dəniz daşımaları; kimyəvi, bioloji, radioloji və nüvə müdafiəsi və
havadan yerə nəzarət kimi sahələr daxildir. Müttəfiqlər, yeni təhdidlərin cavablandırılması üçün Alyansın
qabiliyyətinin inkişaf etdirilməsində fundamental rol oynayan bu imkanların əldə olunmasına sadiqdirlər.
Praqa Zirvə Görüşündən bəri NATO, xüsusi ilə terrorçuluğa qarşı müdafiə sahəsində müasirləşməyə
ehtiyacı olan digər sahələri müəyyən etmişdir.
NATO Cavab Qüvvələrinin (NRF) məqsədi daha sonrakı mərhələdə əlavə qüvvələrlə gücləndirilə biləcək,
qabaqcıl qüvvə kimi fəaliyyət göstərən və dünyanın hər hansı bölgəsində baş vermiş müxtəlif növ böhran
vəziyyətlərinə cəld cavab vermək qabiliyyətinə malik olmaqdan ibarətdir. Ehtiyac duyulduqda əlavə oluna
biləcək mərkəzə əsaslanaraq o, yer, hava, dəniz və xüsusi qüvvələr komponentlərindən ibarət olan
çoxmillətli qüvvədir və ən azı beş günlük xəbərdarlıqla yerləşdirilə bilər və əməliyyatlarda özünü 30 gün
müddətində və ya yenidən təmin olunarsa daha uzun müddətə təmin edə bilər.
NRF elementləri artıq 2005-ci ilin sentyabrında Yeni Orlean və ətraf bölgələrdə baş vermiş Katrina
Qasırğasından sonra ABŞ-da və 2005-ci il 8 oktyabrda baş vermiş zəlzələdən sonra Pakistanda istifadə
olunmuşdur.
Açılma qabiliyyəti və yüksək döyüş hazırlığından əlavə, NRF NATO-nun transformasiya cəhdlərinin
səmərəli şəkildə başlanğıcıdır. O, heyətini çox tələbkar bir mühitdə, yaranmaqda olan texnologiyalardan
istifadə edərək çoxmillətli kontekstdə fəaliyyət göstərməyi öyrədir. Bu təlim keyfiyyəti milli qüvvələr,
həmçinin, çoxmillətli qüvvələr tərkibində dəyişiklik üçün katalizator rolunu oynayan hər bir iştirakçının
əldə etdiyi təcrübədir.
Hərbi imkanların müasirləşdirilməsi
NATO Cavab Qüvvələri
Komandanlıq strukturunun təkmilləşdirilməsi
Soyuq Müharibə dövründən sonrakı təhlükəsizlik mühitinə uyğun olaraq, NATO daha kiçik, daha
çevik və mobil qüvvələrin dəstəklənməsi üçün öz hərbi komandanlıq strukturunu yenidən nəzərdən
keçirdi. O, qərargahların sayını kəskin şəkildə azaltdı və ABŞ-da yerləşən strateji komandanlıq –
Müttəfiq Transformasiya Komandanlığı (keçmiş Müttəfiq Atlantik Komandanlığı) – üzrə aparıcı NATO
transformasiya səylərini daha qabarıq şəkildə müəyyən etmişdir. Avropada yerləşən strateji komandanlıq
NATO-nun bütün əməliyyatları üzrə məsuliyyət daşımış və hazırda Müttəfiq Əməliyyatlar Komandanlığı
kimi tanınır.
Hərbi komanda strukturlarının müasirləşdirilməsi NATO tərəfindən mütəmadi əsasda nəzərdən keçirilən
və davam edən bir prosesdir.
Təşkilatın Dinamikası
S32
|
Təşkilatın Dinamikası
Alyansın davamlılığının başlıca amillərindən biri
onun qərar qəbul etmə prosesinin konsensusa
əsaslanmasıdır. Bu o deməkdir ki, bütün qərarlar
yekdil qəbul olunmalıdır. Bunun nəticəsi olaraq, vacib
qərarın qəbulundan öncə uzun sürən məşvərət və
müzakirələrin aparılması tələb olunur. Bu
sistemin kənar müşahidəçi üçün ləng və mürəkkəb
görünməsinə baxmayaraq, o iki əsas üstünlüyə
malikdir. Birinci, hər üzv ölkənin suverenliyi və
müstəqilliyinə hörmət olunur. İkinci, qərar qəbul
edildikdə o, bütün ölkələrin tam dəstəyi və onun
həyata keçirilməsi üzrə öhdəliklərinə arxalanır.
Bir sıra hallarda, İraqdakı Səddam Hüseyn rejiminin
təhdid təşkil etməsinin dəyərləndirilməsi üzrə ölkələrin
fərqli yanaşmalar nümayiş etdirdikləri 2003-cü ilin
yaz hadisəsində olduğu kimi fikir ayrılıqları mövcud
olur. Baxmayaraq ki, müxtəlif milli mövqelər atıla
biləcək addım üzrə Alyansın hər zaman razılıq əldə
edə bilməyəcəyini nəzərdə tutur, NATO-nun məqsədi
mümkün olan hər zaman konsensusun əldə olunması
üçün onlar arasında məşvərət və müzakirələrin
dəstəklənməsindən ibarətdir.
Konsensus vasitəsilə
qərar qəbulu
Təşkilatın Dinamikası
|
S33
Başlıca oyunçular
NATO-da ən vacib oyunçular Təşkilatı
formalaşdıran üzv ölkələrdir. Onlar hər
komitə səviyyəsində təmsil olunurlar. Bu
məqsədlə NATO-nun Brüsseldəki Baş
Qərargahında hər ölkənin komitə iclaslarında
iştirak edən və ya milli ekspertlərin iştirakını
təmin edən diplomatik heyət və müdafiə
məşvərətçilərindən ibarət milli nümayəndəlik
tərəfindən dəstəklənən səfir səviyyəsində daimi
nümayəndəsi mövcuddur.
NATO-da başlıca siyasi qərar qəbul edən
orqan, həftədə ən azı bir dəfə səfirlər
səviyyəsində toplaşan Şimali Atlantika
Şurasıdır. Şuranın həmçinin, mütəmadi
əsasda xarici işlər nazirləri, müdafiə nazirləri
və vaxtaşırı dövlət və hökumət başçıları
səviyyəsində görüşləri olur. Şimali Atlantika
Şurası, iki müdafiə ilə bağlı orqan - Müdafiə
Planlaşdırma Komitəsi və Nüvə Planlaşdırma
Qrupu – ilə birlikdə mürəkkəb komitə sisteminin
başındadırlar. Bu sistem çərçivəsində Hərbi
Komitə bu üç başlıca orqana hərbi məsləhətlər
verməkdə məsuldur və strateji komandirlərə
hərbi məsələlər üzrə rəhbərlik edir. Bununla
əlaqədar olaraq, o NATO-da ali hərbi qurum
xüsusi statusuna malikdir.
NATO-nun təxminən dörd illik müddətə təyin
olunan Baş Katibi olur. O, üzv ölkələrin birinin
ali beynəlxalq dövlət xadimi olur. Baş Katib
Şimali Atlantika Şurası və digər mühüm NATO
orqanlarının iclaslarına sədrlik edir və üzvlər
arasında konsensusun əldə olunmasına
yardım edir. Alyansın gündəlik fəaliyyətinin
idarə olunmasında o, bütün NATO ölkələrinin
ekspertləri və rəsmilərindən ibarət beynəlxalq
heyət tərəfindən dəstəklənir.
NATO-nun öz silahlı qüvvələri yoxdur. NATO-
nun sərəncamında olan bir çox qüvvələr
kollektiv müdafiədən sülhməramlılıq kimi yeni
missiyalaradək sıralanan vəzifələri yerinə
yetirmək üçün üzv dövlətlər tərəfindən tapşırıq
alanadək tam milli komandanlıq altında qalırlar.
Qısası, NATO müəyyən müddət ərzində öz
qüvvələrini inteqrasiya etməyə və çoxmillətli
fəaliyyətdə iştiraka öhdələndirməyə hazır olan
dövlətləri bir araya gətirən forumdur. Onun
siyasi və hərbi strukturları milli qüvvələrin bu
vəzifələri həmçinin, onların birgə komandanlıq,
nəzarət, təlim və çalışması üçün ehtiyac duyulan
beynəlxalq tədbirləri yerinə yetirməsi üçün tələb
olunan qabaqcıl planlaşdırmanı nəzərdə tutur.
“ NATO-da başlıca siyasi qərarları
qəbul edən orqan Şimali Atlantika
Şurasıdır ”
Gələcəyə doğru
İlkin olaraq Soyuq Müharibə erasının məhsulu
olan Alyans, Avropanın parçalanması aradan
qalxandan bəri üzərinə yeni və fundamental
vəzifələr götürmüşdür. O, yeni üzvləri qəbul
edərək Şərqi Avropaya açılmış və Mərkəzi
Asiyayadək uzanan tərəfdaşlıq şəbəkəsi
yaratmışdır. O həmçinin, Avropada və bu
yaxınlarda Avro-Atlantik məkandan kənarda baş
verən regional və etnik münaqişələrin səbəb
olduğu zorakılığı yatırmaq üçün böhranın idarə
olunması əməliyyatlarında iştirak etmişdir.
Soyuq Müharibə dövründən sonrakı dünya
daha mürəkkəb təhlükəsizlik mühiti olduğunu
sübut etdi və görünür bu tendensiya 21-ci əsrdə
davam edəcək. Alyansın 1999-cu ildə qəbul
olunmuş Strateji Konsepsiyası yeni təhlükəsizlik
mühitinin bir çox hədə və təhdidlərini
qabaqcadan görmüşdü.
2001-ci ilin 11 sentyabr terrorçu hücumlarından
etibarən Alyans öz səylərini assimmetrik
təhdidlər reallığına uyğunlaşdırmağa
cəmləmişdir. O, tərəfdaşlıqlarını dərinləşdirmək
və genişləndirməklə, qüvvələrini
müasirləşdirməklə və Təşkilat üçün yeni olan
böhran sahələrində yardımı təmin etməklə
təhlükəsizliyə daha geniş və ambisiyalı
yanaşmanı qəbul edir. Beləliklə də o, üzv
ölkələrin müdafiəsi və təhlükəsizliyinin faydası
naminə, geniş şəkildə qloballaşmaqda olan
və daha mürəkkəb dünyaya cavab olaraq
yeni siyasi münasibətlərin və güclü əməliyyat
imkanlarının inkişafı üçün transformasiyasını
sürətləndirir.
Gələcəyə doğru
|
S35
NATO-nun İctimai Diplomatiya Bölməsi
1110 Brüssel – Belçika
İnternet səhifəsi: www.otan.nato.int
Elektron poçtu: distribution@hq.nato.int
NATO Public Diplomacy Division
1110 Brussels - Belgium
Website: www.nato.int
Email: distribution@hq.nato.int
TƏHLÜKƏSİZLİK
NAMİNƏ BİRLİKDƏ
06/2009 -
AZE
Document Outline - TƏHLÜKƏSİZLİK NAMİNƏ BİRLİKDƏ NATO-nun təqdimatı
- S04 | Giriş
- S06 | Dəyişən dövrana cavab
- S14 | Böhran vəziyyətlərində başlıca oyunçu
- S22 | Tərəfdaşlıqların genişləndirilməsi
- S28 | Açıq qapı siyasətinin davam etdirilməsi
- S30 | Yeni təhdidlər üçün yeni imkanlar
- S32 | Təşkilatın dinamikası
- S35 | Gələcəyə doğru
Dostları ilə paylaş: |