Për Ata Që Duan Të
Dinë Më Shumë Për
Mospërmbajtjen
Teksti: Qendra e Mospërmbajtjes në Västra Götaland
Fotografitë: Kajsa Lundberg
Faqosja: Svensk Information
3
A është e vështirë të kontrollohet fshikëza
e urinës? A të ndodhin ndonjëherë
aksidente të vogla me urinën?
A ke rrjedhje urine? A ke mospërmbajtje?
Ekzistojnë shumë mënyra përshkrimi. Mospërmbajtja e urinës dhe
jashtëqitjes janë probleme për të cilat është pak vështirë të flasësh, por janë
aq të zakonshme sa duhet të konsiderohen si probleme të shëndetit publik.
Me anë të kësaj flete informuese ne dëshirojmë të arrijmë te çdokush që
mund t'i ketë këto probleme, që njeh dikë që i ka këto probleme, ose që
thjesht dëshiron të dijë më shumë për mospërmbajtjen.
4
Çfarë është mospërmbajtja?
Ajo që nënkuptohet me mospërmbajtje të urinës apo jashtëqitjes
është rrjedhja e tyre në një shkallë të tillë sa që paraqet problem.
Më shumë se gjysmë milion persona në Suedi janë të prekur nga
një prej formave të mospërmbajtjes – të vegjël e të moshuar, gra
e burra, fëmijë e të rinj.
Problemi rritet me moshën si te meshkujt ashtu edhe te femrat.
Sasia apo shpeshtësia e rrjedhjes nuk është detyrimisht faktori
përcaktues për shqetësimet apo uljen e cilësisë së jetesës që mund
të përjetojë një person.
Mënyra e përjetimit të rrjedhjeve të
urinës ndryshon nga personi në person.
Për disa, pak pika në pantallona
konsiderohen si asgjë me rëndësi; ndërsa
për të tjerë është një tragjedi e vërtetë.
Shpesh, mënyra si përjetohet shqetësimi
përcakton nëse rrjedhja mund të
konsiderohet problem apo jo.
Nuk do të thotë që je anormal nëse
të duhet të shkosh shpesh në tualet
Fshikëza e urinës e një të rrituri mban afërsisht 5-7 dl urinë dhe
impulsi për të zbrazur fshikëzën mund të ndihet kur arrihet në
2,5-3 dl.
Të urinosh 4-8 herë në ditë është gjë normale. Volumi normal
i urinës gjatë një periudhe 24 orëshe është zakonisht 1-2 litra
dhe njeriu zakonisht duhet të jetë në gjendje ta mbajë urinën për
3-4 orë pa pasur shqetësime të mëdha.
Numri i vajtjeve në tualet gjatë ditës mund të varet nga sasia e
lëngjeve që është konsumuar. Disa kanë nevojë të shkojnë në tualet
gjatë natës, veçanërisht nëse kanë pirë lëngje vonë në mbrëmje.
5
6
Ekzistojnë disa lloje mospërmbajtjeje
Rrjedhjet nga presioni
vijnë si pasojë e presionit të shtuar
abdominal, për shembull, gjatë aktiviteteve fizike, kollitjes,
teshtitjes, të qeshurës apo ngritjes së peshave të rënda. Kjo është
shumë e zakonshme te femrat dhe mund të fillojë pas shtatzënisë
dhe lindjes apo gjatë menopauzës.
Rrjedhja shpesh është e vogël dhe shkaktohet si pasojë e dobësimit
të muskulit të legenit, i cili nuk ofron mbështetjen e duhur rreth
fshikëzës së urinës dhe uretrës.
Mbipesha, presioni abdominal gjatë kapsllëkut dhe kollës kronike
e lodhin legenin dhe mund të përkeqësojnë rrjedhjen e urinës.
Edhe problemet e trashëguara me indin lidhës si dhe disa lloje
medikamentesh mund të shkaktojnë rrjedhje të urinës.
Femrat e rrethprera mund të kenë vështirësi në zbrazjen
e fshikëzës dhe edhe këto kanë probleme me rrjedhjen e urinës.
Disa femra mund të kenë rrjedhje gjatë marrëdhënieve seksuale/
orgazmës. Kjo përvojë mund të jetë e pakëndshme, por nuk
është anormale.
7
Aktiviteti i lartë i fshikëzës së urinës
krijon presione me
ose pa rrjedhje të urinës. Ndjesia e kësaj shfaqet shpesh si një
nevojë e madhe për të urinuar gjatë të cilës rrjedhja nuk mund të
parandalohet gjithmonë. Rrjedhja mund të jetë e madhe nëse nuk
arrin në kohë në tualet.
Shkaku i presionit mund të jenë ndryshimet brenda ose jashtë
fshikëzës, për shembull, infeksionet e rrugëve urinare, ndryshimet
hormonale apo pezmatimi i membranës prej mukoze të uretrës.
Shkaku i rrjedhjes shpesh është tkurrja e muskujve të fshikëzës
së urinës, gjë e cila mund të shkaktohet nga një çrregullim
në refleksin nervor që dërgon nga truri dhe palca kurrizore
sinjalet për zbrazjen e fshikëzës së urinës. Zgjerimi i prostatës
dhe kapsllëku janë shkaqet e zakonshme për përkeqësimin
e kontrollit të fshikëzës. Arsyeja mund të jetë psikologjike ose
të ketë lidhje me sjelljen. Presioni/rrjedhja e urinës mund të
shkaktohet gjithashtu edhe nga sëmundje të fshehta.
Mospërmbajtja e kombinuar
është kombinimi i rrjedhjes për
shkak të presionit dhe aktivitetit të lartë të fshikëzës së urinës.
Mospërmbajtja nga mbushja e tepërt
ndodh kur fshikëza
e urinës zgjerohet konsiderueshëm nga urina dhe ka vështirësi
në zbrazjen e saj. Rrjedhja ndodh kur muskuli shtrëngues rreth
anusit nuk e ka më aftësinë të tkurret.
Te meshkujt, me zgjerimin e prostatës apo bllokimin e uretrës,
mund të ketë edhe vështirësi në fillimin e urinimit, dalje të paktë
të urinës, vazhdimin e pikimit edhe pas zbrazjes së fshikëzës,
si dhe rrjedhje gjatë natës.
Njerëzit me diabet mund të vuajnë nga mospërmbajtja nga
mbushja e tepërt.
Rrjedhja e jashtëqitjes
mund të ndodhë pas dëmtimeve gjatë
lindjes, nga kapsllëku, shtrëngimi, diarreja dhe për shkak të
dëmtimeve dhe sëmundjeve neurologjike.
8
Ti vetë mund të bësh shumë për
të lehtësuar shqetësimet personale
Është e natyrshme që të kesh mundësinë të shkosh në tualet sa
herë të nevojitet. Ki parasysh që të jesh i qetë kur të shkosh në
tualet. Ulu qetësisht duke pasur mbështetje të mirë për kofshët.
Zbrazja ndodh automatikisht kur qëndron i qetë. Qëndro ulur
derisa ta ndiesh që fshikëza është bosh. Gjithashtu, zbrazja
rregullisht e zorrëve është e rëndësishme për shmangien e
kapsllëkut.
Mendoni për atë që pini dhe sasinë që pini. Çaji, kafja dhe birra
janë diuretikë. Frutat dhe zarzavatet përmbajnë shumë lëngje.
Shmang pirjen në sasi të madhe gjatë natës.
Nëse vuan nga çrregullime të aktivitetit të lartë të fshikëzës së urinës,
zbraz fshikëzën më shumë se tetë herë në ditë, ose nuk arrin në kohë
në tualet, mund të të ndihmojë stërvitja e fshikëzës. Për këtë duhet të
provohen të zgjaten intervalet mes vajtjeve në tualet.
Një listë për matjen e pijeve dhe urinës mund të të ndihmojë
për të parë se sa shpesh pi dhe sa shpesh shkon në tualet. Mos
u përpiq të zbrazësh fshikëzën e urinës thjesht “për çdo rast”.
9
Çfarë trajtimesh ekzistojnë?
Për rrjedhjet për shkak të presionit, stërvitja e legenit është trajtimi
më i rëndësishëm. Shumica e femrave me këtë lloj rrjedhjeje urine
shërohen ose shohin përmirësime të konsiderueshme nga kjo. Qëllimi
i stërvitjes është forcimi i muskujve të legenit rreth fshikëzës së urinës
dhe uretrës. Femrat që kanë hyrë në menopauzë mund të kenë
nevojë për estrogjene të dhëna në mënyrë lokale për të përmirësuar
membranën prej mukoze në uretër. Nëse stërvitja e legenit nuk është
e suksesshme, mund të arrihen rezultate të mira me anë të operacionit.
Me një aktivitet të lartë të fshikëzës së urinës, me ose pa rrjedhje,
mund të japë rezultat stërvitja e fshikëzës së urinës, terapia e sjelljes,
reduktimi i marrjes së lëngjeve dhe trajtimi mjekësor. Mund të
provohen edhe trajtime të tjera si elektro-stimulimi dhe akupunktura.
Te femrat, për rrjedhjet për shkak të presionit, mund të japë rezultate
të mira estrogjeni i dhënë në mënyrë lokale. Edhe stërvitja e legenit
duhet të jetë pjesë e trajtimit. Është e rëndësishme të përjashtohet
mundësia e infeksioneve apo sëmundjeve të tjera të fshehta.
Për mospërmbajtjen e kombinuar, duhet të trajtohet simptoma
më mbizotëruese apo që shkakton më shumë shqetësime.
Për prostatë të zgjeruar, mund të rekomandohet operacioni,
mjekimi apo trajtimi me mikrovalë. Stërvitja e legenit mund të jetë
e dobishme edhe për meshkujt duke qenë se rrjedhjet për shkak
të presionit ndonjëherë ndodhin pas operacionit të prostatës.
Për rrjedhjen e jashtëqitjes, stërvitja e legenit është trajtimi
më i rëndësishëm për të përmirësuar aftësitë tkurrëse. Substancat
stabilizuese intestinale (të zorrëve) dhe klizmat, si dhe ndryshimet në
dietë dhe ushtrimet, mund të ndihmojnë në reduktimin e shqetësimeve.
Disa medikamente mund ta përkeqësojnë gjendjen e rrjedhjeve të
urinës dhe jashtëqitjes si dhe problemet me zbrazjen e fshikëzës
dhe zorrëve – konsultohuni me mjekun tuaj.
10
Ku mund të kërkoj ndihmë?
Si kontakte të dobishme
mund të shërbejë mjeku
urolog, infermierja e zonës
dhe mamia në qendrën
e shëndetit, ose infermieret
e spitalit të rrethit.
Këta mund të bëjnë një
vlerësim nëse duhet kryer
kontroll mjekësor dhe
se ç’lloj trajtimi mund
të nevojitet.
Po këta persona mund të
të udhëzojnë te një doktor
apo fizioterapist.
Është e rëndësishme që të
zbulohet shkaku i rrjedhjes
së urinës, i presionit të urinës
si dhe shkaku i problemeve
me zbrazjen zorrëve dhe me
rrjedhjen e jashtëqitjeve.
11
Ekzistojnë shumë burime
të dobishme.
Ekzistojnë shumë burime të dobishme të cilat e bëjnë shumë më
të lehtë jetën e përditshme të personave që kanë probleme me
përmbajtjen e urinës dhe jashtëqitjes. Këto mund të përdoren
si burime shtesë përveç kontrollit mjekësor dhe trajtimit.
Burimet e mospërmbajtjes synohen të përdoren kryesisht për një
periudhë më të shkurtër kohore, por mund të jetë e nevojshme të
përdoren për një periudhë më të gjatë kohore nëse trajtimi nuk
jep rezultatin e pritur.
Gjendja e përgjithshme e pacientit mund të bëhet ndonjëherë
pengesë për fillimin e trajtimit. Nëse të janë porositur me recetë ose
të janë dhënë mjete kundër mospërmbajtjes, është e rëndësishme
që mjeku që ka dhënë recetën të ndjekë gjendjen për t’u siguruar
se a kanë efekt të kënaqshëm mjetet e përmendura.
Dostları ilə paylaş: |