Telman Huseynov
526
sulları – özünə nisbətən – digər ölkədə ucuz başa gələn məhsullarla
mübadilə edə bilsin. Lakin, onu da qeyd etmək lazımdır ki, bu, həmin
ölkənin iqtisadi imkanlarının tamamilə istifadə edildiyi şəraitdə müm-
kündür. Yəni əgər ölkədə işsizliyin səviyyəsi yüksəkdirsə, təsərrüfat
dövriyyəsinə cəlb olunmamış resurslar mövcuddursa, onda, bir sıra is-
tehsallar nisbətən səmərəsiz olsa da, bunların inkişaf etdirilməsi iqtisa-
di və sosial-siyasi baxımdan məqsədəuyğundur.
Xarici iqtisadi fəaliyyət iki və daha çox ölkə arasında aparılan
istənilən təsərrüfat əlaqələridir. Firmanın xarici iqtisadi əlaqələri isə,
onun (firmanın) xarici ölkələrlə ticarət-iqtisadi, istehsal və elmi-texniki
əməkdaşlığının, valyuta-maliyyə və kredit münasibətlərinin formalaş-
masına istiqamətlənmiş fəaliyyətini nəzərdə tutur. Firmalar özlərinin
xarici iqtisadi məqsədlərinə nail olmaq üçün bəzən ölkə daxilində
istifadə etdikləri təsərrüfatçılıq formalarından fərqlənən xarici iqtisadi
əməliyyatların aparılması formalarını seçməli olurlar. Bu formaların
seçilməsinə yalnız qarşıya qoyulmuş məqsədlər deyil, həm də firmanın
fəaliyyət göstərəcəyi xarici mühit də xeyli dərəcədə təsir göstərir.
Firmanın xarici iqtisadi fəaliyyətdə əsas kimi qəbul etdiyi
məqsədləri üç qrupa bölmək olar: satışın artırılması, resursların
ə
ldə olunması, təchizat və satış mənbələrinin diversifikasiyası.
Satış bazarı firmanın məhsul və xidmətlərinə maraqlı olan alıcıla-
rın sayı və onların alıcılıq qabiliyyəti ilə məhdudlaşır və ya müəyyən
olunur. Lakin bu məsələyə ayrıca bir ölkə çərçivəsində deyil, beynəl-
xalq miqyasda baxılmalıdır. Belə olan halda məhsulların satılmasın-
da maraqlı insanların sayı və onların alıcılıq qabiliyyətlərinin məc-
musu da artar. Nəticə etibarilə bu o deməkdir ki, firma məhsulun da-
ha böyük həcmli satışını və daha yüksək mənfəət səviyyəsini özü
üçün təmin edə bilər.
Müəssisə və firmalar, bəzən, öz ölkələrinin daxili bazarındakı
tələbdən yüksək istehsal gücünə malik olurlar. Bu, həm ölkənin öz
tələbatlarından artıq olan kəşf edilmiş təbii ehtiyatların həcmi ilə,
həm də müəyyən məhsul üzrə konkret istehsal güclərinin miqyası
ilə əlaqədar ola bilər. Xüsusən, kiçik dövlətlər böyük dövlətlərə
nisbətən xarici ticarətə daha çox meyilli olurlar. Bunun səbəblə-
rindən biri firmanın optimal ölçüsü ilə bağlıdır. Belə ki, bir sıra
məhsullar üzrə firma o zaman rentabelli olur ki, o, böyük həcmdə
Fəsil 21. Firmanın xarici iqtisadi fəaliyyəti
527
məhsul istehsal etsin, lakin kiçik ölkədə bu istehsalın həcminin da-
xili tələb məhdud olduğundan, onların inkişaf imkanları xarici ti-
carətlə bilavasitə əlaqədar olur.
Təcrübə göstərir ki, firmada istehsalın həcmini müəyyən həddə
qədər hər dəfə artırdıqca istehsal vərdişlərinin toplanması və məhsul
vahidinə düşən şərti sabit xərclərin azalması hesabına onun vahidinə
düşən xərclər 20-30 faiz azalır. Kiçik ölkələrdə bunu, əsasən, öz
məhsullarını xarici bazarlara çıxmaqla satışın həcmini artırmaq yolu
ilə təmin etmək mümkündür.
Firma və ya müəssisə xarici ölkəyə məhsul ixrac etməklə öz
mənfəətini artıra bilər. Lakin bu, həmin ölkədə rəqabət mühitinin
səviyyəsi ilə bilavasitə bağlı olur. Belə ki, istehsal olunan məhsul öz
ölkəsi üçün texniki və iqtisadi baxımdan məqbul məhsul olsa da,
digər ölkə üçün yeni ola bilər. stehsalçı müəssisə öz məhsulunun sa-
tış coğrafiyasını genişləndirmək və habelə məhsulun həyat tsiklinin
müxtəlif mərhələlərinə uyğun ölkələr üzrə reallaşdırmaq işini həyata
keçirilməklə öz mənfəətini artıra bilir.
Beləliklə, firmanın və ya müəssisənin xarici iqtisadi fəaliyyətinin
əsas motivi məhsul satışının miqyasını genişləndirməsidir.
stehsalçı müəssisələr və distribyutorlar (bölüşdürücülər) kifayət
qədər tez-tez zəruri məmulat və xidmətləri, yarımfabrikat və dəstləş-
dirici məmulatları və habelə son məhsulları xarici ölkələrdən əldə
edirlər. Bu addım firmaya, bəzi hallarda xərcləri aşağı salmağa, bəzi
hallarda isə öz ölkəsində istehsal olunmayan məhsulları xarici ölkə-
lərdən əldə etməyə imkan yaradır.
Adətən firma və müəssisələr özlərinin satış və mənfəətlərinin
səviyyəsində böyük kənarlaşmaların yaranmasına imkan verməməyə
çalışır və bu məqsədlə satış və tədarük üçün münasib xarici bazarlar
axtarırlar, onların müxtəlif ölkələrdəki iqtisadi inkişaf tsikllərinin uy-
ğun gəlməməsindən istifadə etməyə cəhd göstərirlər. Başqa sözlə, bir
ölkədə iqtisadi fəallığın aşağı düşməsi nəticəsində satışın həcmi aza-
lırsa, iqtisadi yüksəliş mərhələsində olan digər ölkədə isə satışın həc-
mi artır. Nəticədə müəssisə və ya firma, eyni məhsulun bir neçə öl-
kədə satış bazarına malik olmaqla, hansısa bir ölkədə qiymətin dəyiş-
məsindən və ya tələbin azalmasından yaranan itkiləri ixtisara sala
bilir.