Tema: Neft ónimleriniń Mámleket standartları. Joba: kirisiw I bap. Neft haqqında maģliwmatlar

Tema: Neft ónimleriniń Mámleket standartları.
JOBA:
KIRISIW
I - Bap. Neft haqqında maģliwmatlar.
I.1. Neft túrleri
I.2. Neft indeksiyasi.
II - Bap. Neft ónimleriniń Mámleket standartları.
II.1. Neftdi qayta islewdiń tiykarǵı usılları
II. 2. Neft quramındaǵı aromatik uglevodorodlar hám olardıń tábiy dárekleri
Juwmaq
Paydalanılǵan ádebiyatlar

Jaslarımızdıń ǵárezsiz pikir júritetuǵın, joqarı intellektuallıq hám mınawy potencialǵa iye bolib, dúnya kóleminde az qatarlaslarına hesh qaysı tarawda bas kelmeytuǵın insanlar bolip jetilisiwi, baxıtlı bolıwı ushın mámleketimiz hám jámiyetimizdiń bar kúsh hám múmkinshiliklerin saparbar etemiz”

Sh.M.Mirziyoyev.
Ózbekistan Respublikasi Prezidenti

Kirisiw
Jáhándegı aldıńǵı ekonomikalıq izertlew oraylarınıń xabar beriwine qaraǵanda, XXI-asirde dúnya boyınsha resurslar tutınıwı sezilerli túrde ósiwi, bul birinshi náwbette ekonomikası rawajlanıp atırǵan mámleketlerde gúzetiliwi múmkinligi haqqında boljaw etilip atır. Bul jaǵday jáhán energetika resusrlari bazasın qosımsha túrde rawajlandırıwdı talap etpekte.
Usınıń menen bir qatarda ǵárezsizlikke eriskenimizden keyin prezidentimiz ǵayratı menen neft ǵárezsizligine erisildi. Sonnan keyin bul tarawǵa bólek, tereń itibar berile baslandı. Respublikamizdiń neft-gaz sanaatı xalıq xojalıǵınıń tiykarǵı buwını bolıp, zárúrli energetika bazası esaplanadı.
Respublikamız ǵárezsiz bolǵannan neft-gaz sanaatın rawajlandırıwǵa úlken áhmiyet berilip atır. Ilgeri óz jaǵdayında jumıs jurgiziwshi neft, gaz, neft hám gazdı qayta islew tarmaqları birden-bir tarmaq - “Ózbekneftgaz” milliy holding korporatsiyasina birlestirildi.
Bul korporatsiyaniń quramında neft hám gazdı qayta islew boyınsha úsh iri kárxana islep turıptı. Bular: “Ózneftti qayta islew” mámleket sanaat birlespesi, Kebirtan hám Muborakdaģi gazdı qayta islew zavodları, “Ózneftdi qayta islew” birlespesi quramına Ferǵana, Oltiariq hám Buxaradaǵı neftti qayta islew zavodları kiredi. Bul kárxanalar ushın shiyki zat neft, gaz kondensati hám tábiy gaz esaplanadı. Gaz kondensatiniń ximiyalıq quramı nefttiń ximiyalıq quramına uqsas bolıp, tek qaynaw tempuraturasiniń aqırı menen parıqlanadi. Usınıń sebebinen gaz kondensati hám neftlar birdey apparatlarda qayta islenedi.
Neft hám gaz kondensatin qayta islew eki qıylı jóneliste ámelge asıriladı. Birinshisi janar may baǵdarı. Bunda neft hám gaz kondensatin atmosfera basımınıń 360° C ģa shekem qızdırıp, olardan benzin, kerosin hám dizel janar mayin fraksiyalarinn ajıratıp alınadı. Qalǵan salmaqli bólegi-mazutdi katalitik kreking, termik kreking yamasa gidrokreking apparatlarına berilip, qosımsha túrde benzin, kerosin hám dizel janar mayı alınadı.