Teqvim-2015. pdf

79
Ə d ə b i y y a t 
Atropaten və Alban 
dövlətləri. Azərbaycan 
tatixi: ali məktəblər üçün 
dərslik /İ.Babayev.- Bakı, 
1996. 
Qəbələ: tarixi-arxeoloji 
oçerk /İ.Babayev, 
Q.Əhmədov; red. İ.Əliyev; 
AzSSR EA Arxeologiya və 
Etnoqrafiya sektoru.-Bakı: 
Elm, 1981.-67 s.
Azərbaycan xalqının milli 
kimlik kitabı /İ.Babayev      
//Xalq qəzeti.- 2010.- 15 
may.- S.6.
“Beynəlxalq ekspedisiya-
nın bizim üçün üstünlüyü 
ondadır ki, onlar bizim 
həqiqətlərimizi xaricdə 
təbliğ edirlər” /İ.Babayev 
//Palitra.- 2010.- 28 may.- 
S.6.
Bədəlov, Ə. Vətənpərvər 
alim: İlyas Babayev-75  
/Ə.Bədəlov //Elm.- 2010.- 
12 noyabr.- S.8.
İ n t e r n e t d ə
www.science.gov.az
www.archaeology.org.az
www.anl.az
Alim
İlyas Babayev  
1935  
İlyas Atababa oğlu Babayev 1935-
ci il mart ayının 23-də Quba rayonu-
nun Xanagah kəndində anadan olmuş-
dur. 
1952-ci ildə orta məktəbi bitirmiş-
dir. 1953-cü ildə Azərbaycan Dövlət 
Universitetinin tarix fakültəsinə daxil 
olmuş, 1958-ci ildə ali təhsilini başa 
vuraraq Azərbaycan Elmlər Akademi-
yasının Tarix İnstitutunda arxeologiya 
ixtisası üzrə elmi işçi vəzifəsinə  işə 
götürülmüşdür.
1962-1964-cü illərdə SSRİ EA Ar-
xeologiya İnstitutunun Leninqrad (in-
diki Sankt-Peterburq) Bölməsində pro-
fessor M.İ.Maksimovanın rəhbərliyi 
altında aspiranturada oxumuşdur.
1965-ci ildə tarix elmləri namizədi, 
1983-cü ildə Moskva şəhərində SSRİ 
EA Arxeologiya İnstitutunda doktor-
luq dissertasiyasını müdafiə edərək 
arxeologiya ixtisası üzrə tarix elmləri 
doktoru elmi dərəcəsi almışdır. 
İ.A.Babayev 1958-ci ildən müxtəlif 
arxeoloji ekspedisiyaların qazıntı-
larında iştirak edir. Hazırda o, iki 
beynəlxalq ekspedisiyaya - Koreya 
arxeoloqları ilə birlikdə  Qəbələ,  Al-
maniya və Gürcüstan arxeoloqları ilə 
birlikdə  Şəmkir-Qaracəmirli ekspedi-
siyalarına başçılıq edir. 
30 ildən artıq arxeoloji qazıntı-
lar aparmış, çoxsaylı arxeoloji ta-
pıntılar və yazılı qaynaqlar əsasında 
Azərbaycanın qədim möhürlərini, 
sikkələrini, şəhər mədəniyyətini, sinifli 
cəmiyyət və dövlətin yaranması prob-
lemini, beynəlxalq  əlaqələrini, siyasi 
tarixini tədqiq etmişdir. O, çoxsaylı 
beynəlxalq simpoziumlarda məruzələr 
oxumuş, arxeologiya və  qədim tarix 
sahəsində elmi kadrlar hazırlamış-
dır.  İ.A.Babayev çoxlu elmi kitabla-
rın redaktoru, ali və orta məktəb tarix 
dərsliklərinin müəllifi  və rus dilinə 
tərcüməçisidir.
Onun rəhbərliyi altında namizədlik 
və doktorluq dissertasiyaları müdafiə 
edilmiş, çoxsaylı  tədqiqat işlərinin 
müdafiələrinə opponentlik etmişdir.
O, bir sıra elmi jurnal və topluların, 
Azərbaycan ensiklopediyasının redak-
siya heyətinin üzvüdür.
İ.Babayev elmi fəaliyyətlə yanaşı 
pedaqoji fəaliyyətlə də məşğul olmuş, 
universitetlərin tarix fakültələrində 
mühazirələr oxumuşdur. 
İ.Babayev hazırda AMEA Arxeolo-
giya və Etnoqrafiya İnstitutunda Antik 
dövr arxeologiyası  şöbəsinin müdiri, 
Azərbaycan Respublikası Prezidenti 
yanında Ali Attestasiya Komissiyasın-
da tarix və siyasi elmlər üzrə Ekspert 
Şurasının sədridir.
Azərbaycan Milli Elmlər Akademi-
yasının müxbir üzvü, professordur.
80 
illiyi
Tarix
23
MART

---

80
Ə d ə b i y y a t 
Siyasi tarix - XX 
əsr /İ.Məmmədov, 
Ç.Məmmədov; red. 
İ.Əliyev.- Bakı: Adiloğlu, 
2004.- 358 s.
Siyasi tarix - ХХ əsr: 
Ümumdünya ictimai-siyasi 
proseslər /İ.Məmmədov, 
Ç.Məmmədov; red. 
H.Aslanov.- Bakı: Çıraq, 
2003.- 330 s. 
 Siyasi tarix XX əsr: 
[dərslik] /İ.Məmmədov, 
Ç.Məmmədov; red. 
B.Abdullayev; rəyçi.: 
H.Aslanov, H.Hacıyev.- 
Bakı: Çıraq, 2006.- 346 s. 
Azərbaycan tarixi: XX 
əsr - XXI əsrin əvvəlləri: 
mühazirələr kursu: dərs 
vəsaiti /İ.Məmmədov, 
Ç.Məmmədov.- Bakı:   
UniPrint, 2010.- 336 s. 
İ n t e r n e t d ə
www.elibrary.azlib.net
www.az.wikipedia.org
www.anl.az
www.muallim.edu.az
Alim
İsaq Məmmədov 
1925-2011  
İsaq Mustafa oğlu Məmmədov  
1925-ci il mart ayının 24-də Qubadlı 
rayonunun Qaracalı  kəndində anadan  
olmuşdur. 
Onun atası,  bölgədə  adlı-sanlı şəx-
siyyət kimi tanınan Mustafa kişi  rep-
ressiyanın qurbanı olmuş, balaca İsaq 
atasız yaşamış, anasının və yaxın qo-
humlarının himayəsində böyümüşdü.
1942-ci ildə  kənd orta məktəbini  
və  Şuşa pedaqoji kurslarını bitirərək 
doğma kəndindəki natamam orta 
məktəbdə  müəllimlik etmiş, dərs hissə 
müdiri vəzifəsində çalışmış, kənd  so-
vetinin katibi işləmişdi. 1944-cü ildə 
Azərbaycan Dövlət Universitetinin 
(indiki BDU) tarix fakültəsinə daxil 
olaraq, fərqlənmə diplomu ilə  təhsilini  
başa vurmuş, 1949-cu ildə aspirantura-
ya qəbul olunmuşdu. 
1952-ci ildə ADU-ya müəllim 
vəzifəsinə təyin edilmiş və  beləliklə, 
istedadlı gəncin  həyatında  yeni dövr  
başlamışdı. Ömrünün 30 ilini bu 
təhsil müəssisəsinə həsr etmiş, burada 
assistentdən professora  qədər ucal-
mışdı.
İsaq Məmmədov 1955-ci ildə 
namizədlik, 1974-cü ildə doktorluq 
dissertasiyasını  müdafiə etmiş, 1976-
cı ildə professor adını almışdı.
1977-1978-ci illərdə Azərbaycan 
Dövlət Tibb Universitetində kafedra 
 
müdiri, 1978-1984-cü illərdə Naxçı-
van Dövlət Pedaqoji Universitetinin 
rektoru, daha sonra 10 il ADNA-da 
Tarix kafedrasının müdiri, 2005-ci 
ildən ömrünün sonuna qədər kafedra-
nın professoru vəzifəsində çalışmışdır.
O, 200-ə  qədər  elmi  məqalənin, 
“Qəhrəmanlıq tarixindən səhifələr”, 
“Unudulmaz rəşadət”, “İnqilabi 
ənənələr və gənclik”, “Ənənələr tərbiyə 
edir” kitablarının, “XX əsrdə ümum-
dünya tarixi proseslər”, “Azərbaycan  
tarixi”, “Yeni tarix”, “Ümumdünya 
ictimai prosesləri”, “Təlatümlü illər” 
və “Siyasi tarix” dərslikləri və  dərs  
vəsaitlərinin müəllifidir. 
Elm sahəsində  böyük  xidmətlərinə 
görə professor İsaq Məmmədov 1981-
ci ildə Azərbaycan Respublikası Ali 
Soveti Rəyasət Heyətinin fərmanı ilə  
“Əməkdar elm xadimi” fəxri adına,  
Azərbaycan Respublikası Prezidenti-
nin fərdi  təqaüdünə layiq görülmüş-
dür.  
O, çoxsaylı  İttifaq və respublika 
 
miqyaslı elmi konfransların iştirakçısı 
olmuş və məruzələrlə çıxış etmişdir.
Professor İsaq Məmmədov respub-
likamızın ictimai həyatında fəal iştirak 
etmiş, 1980-1985-ci illərdə Naxçıvan 
Muxtar Respublikası Ali Sovetinin de-
putatı seçilmiş, Naxçıvan şəhər rəhbər 
orqanlarının, müxtəlif müdafiə şurala-
rının üzvü kimi fəaliyyət göstərmişdir.
İsaq Mustafa oğlu Məmmədov 
2011-ci il sentyabr ayının 8-də  vəfat 
etmişdir.
90 
illiyi
Tarix
24
MART

---