220
Milli Qəhrəmanlar
60
illiyi
Tahir Bağırov
1957-1992
İYUL
Tahir Əminağa oğlu Bağırov 1957-
ci il iyul ayının 14-də Türkmənistan
Respublikasının Krasnovodsk (indiki
Türkmənbaşı) şəhərində anadan ol-
muşdur. Milliyyətcə azərbaycanlıdır.
Əli Bayramlı şəhərində 1974-cü ildə
8-ci sinfi bitirmiş, həmin ildə sürücülük
sənətinə yiyələnmişdi. 1977-ci ilin may
ayından 1979-cu ilin sentyabr ayınadək
keçmiş Sovet ordusu sıralarında həqiqi
hərbi xidmətdə olmuşdur. Ordudan
tərxis olunduqdan sonra Azneft-1 is-
tehsalat birliyində İES-də nəqliyyat
sexində işləmişdir.
Tahir Bagırov Milli Ordu hissələri
təşkil edilməyə başlananda onun sıra-
larına qoşulmuşdur. 1992-ci ilin 1 mart
tarixində 843-cu hərbi hissənin koman-
dirinin əmri ilə Tahir təlim komandiri-
nin müavini təyin olunmuş, sonra isə
Azərbaycan Respublikası Hərbi Hava
Qüvvələrinin Mİ-24 helikopterində bort
atıcısı vəzifəsinə keçirilmışdi. Qarabağ-
da Ermənistan ekspedisiya korpusuna
qarşı keçirilən hərbi əməliyyatlarda iş-
tirak etmişdir.
1992-ci il 11 oktyabrda gedən
döyüşlərdə baş çavuş T.Bağırov
qəhrəmancasına həlak olmuşdur.
Azərbaycan Respublikası Preziden-
tinin 9 fevral 1993-cü il tarixli Fərmanı
ilə Tahir Əminağa oğlu Bagırova
“Azərbaycanın Milli Qəhrəmanı” fəxri
adı verilmişdir.
Bakı şəhərində Şəhidlər Xiyabanın-
da dəfn edilmişdir.
Şirvan şəhərində yaşadığı küçəyə və
11 saylı orta məktəbə qəhrəmanın adı
verilmişdir.
Ə d ə b i y y a t
Azərbaycan Respublikasının Müdafiə Nazirliyinin hərbi qulluqçularına “Azərbaycanın Milli Qəhrəmanı” adı verilməsi haqqında: [Ba-
ğırov Tahir Əminağa oğlu – baş serjant – Azərbaycan Respublikasının suverenliyi və ərazi bütövlüyünün qorunmasında, dinc əhalinin
təhlükəsizliyinin təmin edilməsində şəxsi igidlik və şücaət göstərdiyinə görə]: Azərbaycan Respublikası Prezidentinin Fərmanı, 5 fevral
1993-cü il//Azərbaycan Respublikası Ali Sovetinin Məlumatı.-1993.- №3.- S.11.- (ölümündən sonra).
Bağırov Tahir Əminağa oğlu //Azərbaycanın Milli Qəhrəmanları: biblioqrafiya /Azərbaycan Milli Kitabxanası; tərt. A.Həmidova.- Bakı,
2008.- S.40-41.
Əsgərov, V. Bağırov Tahir Əminağa oğlu //Əsgərov V. Azərbaycanın Milli Qəhrəmanları.- Bakı, 2005.- S.34.
Əyyubova, B. Üç səma qartalından biri //Əyyubova B. Qızıl qan.- Bakı , 1997.- S.3-5.
Faxralı, R. Tahir Bağırov //Faxralı R. Ömrün üfüqləri.- Bakı , 1996.- S.119-120.
Seyidzadə, M. Bağırov Tahir Əminağa oğlu //Seyidzadə M. Milli qəhrəmanlar zirvəsi.- Bakı, 2010. - S. 37.
Zeynalov, R. Bağırov Tahir Əminağa oğlu: (1957-1992) //Zeynalov R. Azərbaycanın Milli Qəhrəmanları.- Bakı, 1996.- S. 14.
14
Milli Qəhrəman
221
Milli Qəhrəmanlar
50
illiyi
Sərxan Ocaqverdiyev
1967-1992
İYUL
Sərxan Surxay oğlu Ocaqverdiyev
1967-ci il iyul ayının 16-da Goranboy
rayonunun Səfikürd kəndində anadan
olmuşdur. 1985-ci ildə Tatarlı kənd
orta məktəbini bitirdikdən sonra Xaba-
rovsk şəhərində hərbi xidmətdə olmuş-
dur. 1988-ci ildə hərbi xidmət borcunu
yerinə yetirib Vətənə dönmüş və Gəncə
Maşınqayırma Texnikumuna daxil ol-
muşdur. 1991-ci ildə təhsilini uğurla
başa vurub, Gəncə Maşınqayırma Zavo-
dunda əmək fəaliyyətinə başlamışdır.
10 yanvar 1992-ci ildə Goranboy
özünümüdafiə batalyonuna üzv yazıl-
mış, Şəfəq, Zeyvə, Tap-Qaraqoyunlu
kəndlərinin müdafiəsi zamanı qan-
lı döyüşlərdə iştirak etmişdir. Sərxan
Ocaqverdiyev az müddətdə düşmənin
xeyli canlı qüvvəsini məhv edərək, əsl
Azərbaycan əsgəri kimi yüksək döyüş
nümunəsi göstərmişdir.
Goranboyun Talış kəndi ermənilərə
ərazicə ən yaxın kənd hesab olunur-
du. Onlar bu kəndə aramsız hucum-
lar edirdilər. Lakin Goranboyun mərd
oğulları sinələrini düşmənin qarşısında
sipərə çevirmişdilər.
5 may 1992-ci il... Erməni faşistləri
növbəti dəfə Talış kəndinə hucuma
keçdilər. Qeyri-bərabər döyüş gedirdi.
Vətənin qeyrətli oğlu Sərxan Ogaqver-
diyev bu qanlı döyüşdə qəhrəmancasına
həlak oldu.
Azərbaycan Respublikası Preziden-
tinin 7 iyun 1992-ci tarixli 833 say-
lı Fərmanı ilə Ocaqverdiyev Sərxan
Surxay oğluna ölümündən sonra
“Azərbaycanın Milli Qəhrəmanı” fəxri
adı verilmişdir.
Goranboy rayonunun Şəfikürd
kəndində dəfn edilmişdir.
Təhsil aldığı Tatarlı kənd orta
məktəbi qəhrəmanın adını daşıyır. Go-
ranboy rayonunda büstü qoyulmuşdur.
Ə d ə b i y y a t
Azərbaycan Respublikasının Mudafiə Nazirliyinin hərbi qulluqçularına “Azərbaycanın Milli Qəhrəmanı” adı verılməsi haqqında :
[Ocaqverdiyev Sərxan Surxay oğlu – sıravi –Azərbaycan Respublikasının suverenliyi və ərazi bütövlü- yünün qorunmasında, dinc
əhalinin təhlükəsizliyinin təmin edilməsində göstərdiyi şəxsi igidlik və şücaətə görə]: Azərbaycan Respublikası Prezidentinin Fərmanı, 7
iyun 1992-ci il//Azərbaycan Respublikası Ali Sovetinin Məlumatı.-1992.- № 13.-S.25.- (ölümündən sonra).
Quliyeva, N. Ocaqverdiyev Sərxan Surxay oğlu //Quliyeva N. Ölməzliyə gedən yol.- Bakı, 1996.- S.7.
Ocaqverdiyev Sərxan Surxay oğlu //Azərbaycanın Milli Qəhrəmanları: biblioqrafiya /Azərbaycan Milli Kitabxanası; tərt. ed.
H.Həmidova.- Bakı, 2008.- S.176.
Seyidzadə, M. Ocaqverdiyev Sərxan Surxay oğlu //Seyidzadə M. Milli qəhrəmanlar zirvəsi.- Bakı, 2010. - S.181.
16
Milli Qəhrəman