266
Milli ədəbiyyat
130
illiyi
Yusif Vəzir Çəmənzəminli
1887-1943
SENTY
ABR
Yusif Vəzir Məşədi Mirabdulla
Mirbaba oğlu Vəzirov (Yusif Vəzir
Çəmənzəminli) 1887-ci il sent-
yabr ayının 12-də Şuşa şəhərində,
bəy ailəsində doğulmuşdur. İbtidai
təhsilini mollaxanada almış, sonra
1896-cı ildə Şuşa realnı məktəbinin
hazırlıq şöbəsinə daxil olmuşdur.
Təhsilini rus dilində aldığı üçün
1904-cü ildə həyatından şikayət
tərzində yazılmış “Jaloba” adlı ilk
şeirini rusca yazmışdır.
Aşqabada getmiş, inqilabi
hərəkata qoşulmuşdur. 1906-cı ildə
Bakıya qayıtmışdır. Burada realnı
məktəbin altıncı sinfində təhsilini
davam etdirmişdir. Həmin il ilk
mətbu məqaləsi “Molla Nəsrəddin”
jurnalında dərc olunmuşdur. 1910-
cu ildə Kiyev İmperator Universite-
tinin hüquq şöbəsinə daxil olmuşdur.
1915-ci ildə oranı bitirib vəkil-
məsləhətçi işləmişdir. 1919-cu ildə
Odessadan İstanbula, oradan Bakı-
ya qayıtmışdır. Burada müvəqqəti
hökumət onu Türkiyəyə elçi-səfir
təyin etmiş, lakin çox keçmədən is-
tefa vermişdir. 1920-ci ildə Parisə
getmiş, Fransa Milli Kitabxanasın-
da çoxlu mütaliə etmişdir. Fransa
Kommunist Partiyasının orqanı olan
“Paris xəbərləri” qəzeti redaksiya-
sında işləmiş, “Şərq məktubları”nı
qəzetin səhifələrində dərc etdirmiş-
dir. Azərbaycan ədəbiyyatını türk
aləminə tanıtmaq üçün 1921-ci
ildə “Azərbaycan ədəbiyyatına bir
nəzər”, “Tarixi-coğrafi və iqtisadi
Azərbaycan” adlı kitablarını İstan-
bulda çap etdirmişdir. 1926-1927-ci
illərdə vətənə qayıdıb Bakıda “Bakı
işçisi” kooperativ nəşriyyatında
Bədii ədəbiyyat şöbəsinin müdiri
işləmişdir. “Rusca-Azərbaycanca
lüğət”in müəlliflərindən biri olmuş-
dur. “Qızlar bulağı”, “Studentlər”,
“1917-ci il” adlı romanlarını çap
etdirmişdir. 1927-1930-cu illərdə
Azərbaycan Dövlət Universitetinin
aspirantı olmuşdur. 1930-1935-ci
illərdə Azərbaycan Dövlət Sənaye
İnstitutunda dil və ədəbiyyat ka-
fedrasında assistent-müəllim,
1935-1938-ci illərdə Azərnəşrdə
tərcüməçi-redaktor, 1938-1939-
cu illərdə Özbəkistanın Ürkənc
şəhərində Xarəzm Vilayət Peda-
qoji İnstitutunda rus dili müəllimi
işləmişdir.
1936-1937-ci illərdə “Qan içində”
və 1961-ci ildə çap olunmuş “İki od
arasında” əsərlərini yazmışdır.
Yusif Mirbaba oğlu Vəzirov Sta-
lin repressiyasının qurbanı olmuş,
1940-cı ildə həbs olunaraq Qorki
vilayətinin Suxobezvodnoye həbs
düşərgəsinə göndərilmiş, 1943-cü
ildə orada vəfat etmişdir.
Ə d ə b i y y a t
İki od arasında: roman
/Y.V.Çəmənzəminli; red.
Ş.Sadiq; naşir M.Xan; mətn
tərtibatı R.Əhmədzadə.-
Bakı: Hədəf nəşrləri, 2013.-
290 s.
Çingizoğlu, Ə. Qarabağlı
hüquqşünaslar: 1822-1920:
Tarixi-ensiklopedik tədqiqat
/Çingizoğlu Ənvər.- Bakı:
Mütərcim, 2012.- 251 s.
Hümmətli, Ş.. Yusif Vəzir
Çəmənzəminlinin elmi-ədəbi
irsi yeni faktların işığında
/Hümmətli Şəlalə.- Bakı: Elm
və Təhsil, 2014.-78 s.
Vəzirov, O. Atam Yusif Vəzir
Çəmənzəminli haqqında
/O.Vəzirov; red. Q.İlkin.-
Bakı: Azərnəşr, 1997.- 120 s.
Axundlu, Y. Çəmənzəminli
Yusif Vəzir //Axundlu Y.
Ədəbi portretlər.- Bakı,
2009.- S.27.
12
Yazıçı, publisist
267
Milli ədəbiyyat
60
illiyi
Rüstəm Behrudi
1957
SENTY
ABR
Rüstəm Hidayət oğlu Alməmmədov
(Rüstəm Behrudi) 1957-ci il sentyabr
ayının 14-də Azərbaycanın Ordu-
bad rayonundakı Behrud kəndində,
müəllim ailəsində anadan olmuş-
dur. 1964-cü ildə səkkizillik məktəbi
bitirdikdən sonra orta təhsilini
C.Cabbarlı adına Biləv kənd orta
məktəbində almışdır. 1974-1975-ci
illərdə doğma kəndindəki kolxozda
işləmiş, elə həmin il oxumaq, təhsil
almaq həvəsi onu Naxçıvan Dövlət
Pedaqoji İnstitutunun tarix-ədəbiyyat
fakültəsinə qəbul olmağa sövq etmiş-
dir. 1979-cu ildə institutu fərqlənmə
diplomu ilə bitirmiş və 1979-1984-cü
illərdə Ordubad rayonundakı Unus
kənd orta məktəbində Azərbaycan
dili və ədəbiyyatı müəllimi kimi
fəaliyyətə başlamışdır. Kələki və
Unus kəndlərində işlədikdən son-
ra Ordubadda muzeydə çalışmışdır.
1984-cü ildə Bakıya gələn Rüstəm
Behrudi 1986-1990-cı illərdə “Ya-
zıçı” bədii ədəbiyyat nəşriyyatında
fəhlə, korrektor, kiçik redaktor,
poeziya redaksiyasının redaktoru
vəzifələrində çalışmışdır. Bir müddət
Sabir Rüstəmxanlının rəhbərliyi ilə
nəşr edilən “Azərbaycan” qəzetində
fəaliyyət göstərmişdir.
Ədəbi fəaliyyətə 70-ci illərdən baş-
lamış, ilk şeirini orta məktəbdə yaz-
mışdır. Şeirləri “Araz”, “Azərbaycan”
almanaxlarında mütəmadi olaraq çap
olunmuşdur. Dövri mətbuatda şeir və
publisistik yazıları ilə fəal çıxış edir.
Yaradıclığında türkçülüyə və dərviş
fəlsəfəsinə üstünlük verir. Şair “Yad-
daşlara yazın”, “Şaman duası” ki-
tablarının müəllifidir. “Şaman duası”
kitabı türkdilli dövlətlərdə böyük ma-
raqla qarşılanmış, kitabdan seçmələr
Türkiyədə, İranda, Avstriyada, Al-
maniyada, Belçikada və s. ölkələrdə
çap olunmuşdur.
Yaradıcılığından seçmələr polyak,
fransız, rus və çex dillərinə tərcümə
edilmişdir.
C.Məmmədquluzadəyə həsr olun-
muş “Daha gülə-gülə ağlamaq olmur”
poeması mavi ekranda bir aktyorun
teatrında ifa olunmuşdur.
Ə d ə b i y y a t
Bir dəli ayrılıq kimi: şeirlər /R.Behrudi.- Bakı: Qanun, 2014.- 230 s.
Salam dar ağacı /R.Behrudi; tərt. ed. və red. T.Kazımlı.- Bakı: Azərnəşr, 2007.- 528 s.
Şaman duası: şeirlər və poema /R.Behrudi; red. Z.Yaqub.- Bakı: Yazıçı, 1988.- 153 s.
Yaddaşlara yazın: şeirlər /R. Behrudi.- Bakı: Yazıçı, 1986.- 72 s.
Çətindir göyü sevib, qayıdıb yerin olmaq: və yaxud bu belə olmamalıydı /Rüstəm Behrudi //Azadlıq.- 2014.- 10 iyul.- S.13.
14
Şair, publisist