Teqvim-2017. pdf
Yüklə 5,26 Mb. Pdf görüntüsü
|
- Bu səhifədəki naviqasiya:
- Ə d ə b i y y a t
- İ n t e r n e t d ə https://az.wikipedia.org/ wiki/Hüseyn_Abbaszadə 22
- İ n t e r n e t d ə https://ru.wikipedia.org/ wiki/Якуб_Колас 3
313 95 illiyi Hüseyn Abbaszadə 1922-2007 NOY ABR Hüseyn Abbas oğlu Abbaszadə 1922-ci il noyabr ayının 22-də Bakı şəhərində, fəhlə ailəsində anadan ol- muşdur. İkinci Dünya müharibəsi baş- layanda orta məktəbi bitirmiş Hüseyn dərhal orduya çağırılmış, Zaqafqaziya cəbhəsində kursant, Şimali Qafqaz cəbhəsində radist-kəşfiyyatçı, Bakı Hərbi məktəbində kursant, Leninqrad, I, IV Ukrayna cəbhəsində topçu zabiti kimi döyüşlərdə iştirak etmişdir. Ağır yaralanmış, müalicədən sonra tərxis olunaraq Bakıya qayıtmışdır. 1945- 1950-ci illərdə M.A.Əliyev adına Azərbaycan Dövlət Teatr İnstitutunda teatrşünaslıq fakültəsində təhsil almış- dır.
1948-1950-ci illərdə “Pioner” jurnalı redaksiyasında şöbə mü- diri, məsul katib, 1958-1966-cü illərdə “Göyərçin” jurnalı redaksi- yasında məsul katib, baş redaktor, 1966-1971-ci illərdə “Ədəbiyyat və incəsənət” qəzeti redaksiyasında baş redaktor, yenidən 1972-1975-ci illərdə “Göyərçin” jurnalı redaksiyasında baş redaktor işləmişdir. 1948-ci ildən Azərbaycan Yazıçılar Birliyinin üzvü olmuş, 1975-1991-ci illərdə Azərbaycan Yazıçılar İttifaqı- nın katibi seçilmişdir. İlk mətbu şeiri “Şanlı bayram” 1940-cı il noyabrın 15-də “Ədəbiyyat” qəzetində dərc olunmuşdur. Fəal ədəbi fəaliyyətə müharibə illərində, cəbhə qəzetlərində çap etdirdiyi şeirləri ilə başlamışdır. “General” (1962), “Ləpədöyəndə” (1965), “Onu tanıma- dılar” (1967), “Qapı döyülür”, “Bu- rulğanlar” (1979), “Çəmbərəkənd bal- ladası” (1982), “Dünyadan gör necə insanlar gedib” (2000), “Qayıdanlar- dan biri” (2003) əsərləri oxucuların böyük rəğbətini qazanmışdır. Rus
ədəbiyyatından bədii tərcümələri də vardır. 35 kitabı çapdan çıxmışdır.Əsərləri keçmiş SSRİ və xa- rici ölkə xalqlarının dillərinə tərcümə olunmuşdur. 1973-cü ildə onun hekayəsi əsasında “Dənizə çıxmaq qorxuludur” filmi çəkilmişdir. 1975- ci ildə çəkilən “Dörd bazar günü” fil- minin ssenari müəlliflərindən biridir. H.Abbaszadə “Qırmızı ulduz”, “Qırmızı Əmək Bayrağı”, I dərəcəli “Böyük Vətən müharibəsi”, “Şöhrət” (1997) ordenləri, 10-dan çox medal- larla təltif edilmişdir. 1984-cü ildə Azərbaycan Dövlət mükafatı laureatı, 1988-ci ildə keçmiş SSRİ Yazıçılar İt- tifaqının və ÜİHİŞ-nin mükafatı laure- atı olmuşdur. 1979-cu ildə Azərbaycan SSR-in “Əməkdar incəsənət xadimi”, 1991-ci ildə Azərbaycan Respublika- sının “Xalq yazıçısı” fəxri adına layiq görülmüşdür. Hüseyn Abbaszadə 2007-ci il de- kabr ayının 12-də Bakı şəhərində vəfat etmiş, II Fəxri Xiyabanda dəfn edilmişdir. Ə d ə b i y y a t Seçilmiş əsərləri: 2 cilddə / Hüseyn Abbaszadə.- Bakı: Şərq-Qərb, 2006.- 320 s. Seçilmiş əsərləri: 3 cilddə /Hüseyn Abbaszadə.- Bakı: Azərnəşr, 1983-1984.- 380 s. Babayev, E. Onlar təkcə yazmağı yox, dostluq etməyi də bacarırdı /E.Babayev //Ədalət.- 2015.- 7 fevral.- S. 3. Yerfi, R. Sovet ədəbiyyatımızın sonun- cu “general”ı /R.Yerfi //Kaspi.- 2015.- 16-18 may.- S. 24. Генерал: роман /Г.Абасзаде.- Баку: Язычы, 1987.- 266 с. İ n t e r n e t d ə https://az.wikipedia.org/ wiki/Hüseyn_Abbaszadə 22 Yazıçı Milli ədəbiyyat 314 135 illiyi Kolas Yakub 1882-1956 NOY ABR Konstantin Mixayloviç Mitske- viç (Kolas Yakub) 1882-ci il noyabr ayının 3-də Belorusiyanın Akinçit- sı xutoru, indiki Minsk vilayətində meşəbəyi ailəsində doğulmuşdur. Nesvijsk müəllimlər seminariyasını bitirmiş, 1915-ci ildə orduya çağırıl- mışdır. 1906-cı ildən başlayaraq bədii yaradıcılıqla məşğul olmuş yeni be- lorus ədəbiyyatının banilərindən biri kimi tanınmışdır. O, “Taras Quşça”, “Tamaş Bulava”, “Yakub Kolas” imzaları ilə əsərlər yazmış və bir şair, nasir, dramaturq, publisist kimi məşhurlaşmışdır. Y.Kolasın “Şikayət nəğmələri” (1910) adlı şeirlər məcmuəsi, bədii nəsrini əhatə edən “Hekayələr” (1912), “Doğma surətlər” (1914) ki- tabları nəşr edilmişdir. 1908-ci ildə yazdığı “Çəkil geri” şeiri satirik və yumorist təsvir vasitələrinə görə onun əsərlərindən fərqlənir. Y.Kolasın bioqrafik xarakter daşıyan əsərləri 1907-ci ildə yazdığı “Bunt”, “Yeni torpaq” (1910-1923) poeması, “Polesyenin ucqarlarında” (1923), “Polesyenin dərinliklərində” (1927), “Yol ayrıcında” (1954) adlı trilogiyasında öz əksini tapmışdır. Y.Kolasın “Yeni torpaq” poe- masını haqlı olaraq XIX əsr kəndli həyatının ensiklopediyası adlandırır- lar. Y.Kolas geniş epik əsərlər müəllifi kimi, sovet hakimiyyəti illərində məşhur olan 1912-ci ildə yazmağa başladığı “Çalğıçı Simon” poeması- nı 1925-ci ildə tamamlamışdır. 30-cu illərdə “Bizim günlər” (1937) şeirlər məcmuəsini çap etdirən şairin Böyük Vətən müharibəsi dövründə “Seçil- miş şeirlər” (1942), “Torpağın səsi” (1943) şeir kitabları buraxılmışdır. Əsərləri SSRİ xalqları dillərinə, o cümlədən Azərbaycan dilinə və xari- ci dillərə tərcümə edilmişdir. Y.Kolas yeni Belorus ədəbiyya- tının yaranması, sosialist məzmunlu, milli formalı sovet belorus mədəniy- yətinin inkişafı, ədəbi dilin çiçəklən- məsi uğrunda böyük xidmət göstər- mişdir. Y.Kolasın belorus ədəbiyyatında xidmətləri yüksək qiymətləndiril- mişdir. 1926-cı ildə ona Belorusiya- nın “Xalq şairi” fəxri adı verilmişdir. O, beş dəfə “Lenin” ordeni ilə, “Qır- mızı Əmək Bayrağı” ordeni və me- dallarla təltif olunmuşdur. Yakub Kolas 1928-ci ildən ömrü- nün sonuna qədər BSSR EA-nın pre- zident müavini vəzifəsində çalışmış, Sovet Sülhü Müdafiə Komitəsinin üzvü olmuşdur. Konstantin Mixayloviç Mitskeviç 1956-cı il avqust ayının 13-də Minsk vilayətində vəfat etmişdir.
Yüklə 5,26 Mb. Dostları ilə paylaş:
|