319
Musiqi.Opera.Balet
Emin Sabitoğlu
1937-2000
NOY
ABR
Emin Sabit oğlu Mahmudov (Emin
Sabitoğlu) 1937-ci il noyabr ayının 2-də
Bakı şəhərində, görkəmli yazıçı Sabit
Rəhmanın ailəsində anadan olmuşdur. 7
yaşında Bülbül adına Orta İxtisas Musi-
qi Məktəbinin fortepiano sinfinə qəbul
edilmişdir.
1954-cü ildə Ü.Hacıbəyli adına
Azərbaycan Dövlət Konservatoriyası-
nın bəstəkarlıq fakültəsində, Qara Qara-
yevin sinfində təhsil almış, iki il sonra elə
Q.Qarayevin tövsiyəsi ilə R.Çaykovski
adına Moskva Dövlət Konservatoriya-
sına, professor Y.Şaporinin sinfinə daxil
olmuş, 1961-ci ildə oranı bitirmişdur.
1961-ci ildə “Azərbaycanfilm”
kinostudiyasında musiqi redaktoru
vəzifəsində çalışmış, sonrakı illərdə
Dövlət Filarmoniyasında bədii rəhbər,
Ü.Hacıbəyov adına Dövlət Konservato-
riyasında (indiki Bakı Musiqi Akademi-
yası) müəllim işləmişdir.
Bir simfoniya, üç simfonik poema,
üç kantata, simli kvartet, skripka və
fortepiano üçün poemanın və onlarca
əsərin müəllifidir.
600-dən artıq mahnı, 9 musiqi-
li komediya, 40-a yaxın filmə musiqi
bəstələmişdir. “Dərələr”, “Bakı, sabahın
xeyir”, “Uzaq yaşıl ada”, “Dağlar”, “İn-
saf da yaxşı şeydir”, “Gilavar”, “Çay”,
“Kəpənək” və s. mahnıları çox böyük
populyarlıq qazanmışdır.
Emin Sabitoğlu iki operetta yazmış-
dır. Onlardan “Hicran” operettasının
ssenarisi atası Sabit Rəhman tərəfindən
yazılmışdır. Digər operettası - “Nəğməli
Könül” də kifayət qədər populyarlıq qa-
zanmışdır. Bu operetta Azərbaycanla
yanaşı Özbəkistanda da səhnəyə qoyul-
muşdur. On iki pyes, o cümlədən Anarın
“Şəhərin yay günləri” əsərinə yazılan
musiqinin müəllifi də E.Sabitoğludur.
30 ildən çox Ü.Hacıbəyli adına Bakı
Musiqi Akademiyasında dərs demiş,
1978-ci ildə dosent, 1994-cü ildə pro-
fessor elmi rütbəsini almışdır. Emin
muəllim 1994-cü ildən beş il Türkiyədə,
İstanbul Texniki Universitetinin
nəzdindəki Konservatoriyada çalışmış-
dır.
E.Sabitoğlunun
fəaliyyəti dövlətimiz
tərəfindən yüksək qiymətləndirilmiş,
1978-ci ildə Azərbaycanın “Əməkdar
incəsənət xadimi”, 2000-ci ildə “Xalq
artisti” fəxri adlarına layiq görülmüşdür.
1987-ci ildə Respublika Dövlət Mükafa-
tı laureatı olmuş, 1997-ci ildə “Şöhrət”
ordeni ilə təltif edilmişdir.
Görkəmli bəstəkar Emin Sabitoğlu
2000-ci il noyabr ayının 18-də Bakıda
vəfat etmişdir.
19 dekabr 2007-ci ildə, 70 illiyi
münasibətilə vaxtilə yaşadığı evin diva-
rına xatirə lövhəsi vurulmuşdur.
20
2
Ə d ə b i y y a t
Əfəndiyeva, İ. Emin Sabitoğlu /İ.Əfəndiyeva.- Bakı: Şərq-Qərb, 2014.- 24 s.
Abbaslı, T. Qəlblər bəstəkarı /T.Abbaslı //Mədəniyyət.- 2015.- 18 noyabr.- S. 13.
Şəfa, Ş. “Ölsəm, bağışla” /Ş.Şəfa //Ədalət.- 2015.- 19 noyabr.- S. 8.
https://az.wikipedia.org/wiki/Emin_Sabitoğlu
haqqinda.az/.../4546-Emin+Sabitoğlu.html
80
illiyi
Bəstəkar
320
Musiqi.Opera.Balet
Tofiq Quliyev
1917-2000
NOY
ABR
Tofiq
Ələkbər oğlu Quliyev
1917-ci il noyabr ayının 7-də Bakı
şəhərində anadan olmuşdur. 12 yaşında
Azərbaycan Dövlət Konservatoriyası
nəzdində musiqi məktəbinin fortepi-
ano sinfinə daxil olmuşdur. 1934-cü
ildə təhsilini davam etdirmək üçün
Azərbaycan Dövlət Konservatoriyası-
na İ.S.Aysberqin fortepiano sinfinə da-
xil olmuş, fortepiano dərsləri ilə yanaşı,
S.Q.Ştrasserin sinfində dirijorluq dərsi
də almışdır. Oxumaqla bərabər 1935-
ci ildə M.Əzizbəyov adına Azərbaycan
Dövlət Dram Teatrında dirijorluğa baş-
lamışdır. 1931-ci ildə Asəf Zeynallının
məsləhəti ilə M.Ə.Sabirin sözlərinə
“Məktəbli” mahnısını bəstələmişdir.
Tofiq Quliyev xalq mahnılarını top-
lamağa hələ 1930-cu illərdə başlamış-
dır. 1936-cı ildə bəstəkar Z.Bağırovla
birgə “Rast”, “Segah”, “Zabul”,
“Dügəh” muğamlarını nota salmışdır.
Üzeyir Hacıbəylinin təşəbbüsü ilə
təhsilini davam etdirmək üçün 1936-cı
ildə P.Çaykovski adına Moskva Dövlət
Konservatoriyasına göndərilmiş, 1939-
cu ildə Bakıya qayıtmış və 1941-ci ildə
“Qırmızı Ordu” ansamblını yaratmışdır.
402-ci diviziyanın tərkibində çalışan
ansambl üçün müxtəlif vətənpərvərlik
ruhunda mahnılar bəstələmişdir.
XX əsrin 40-cı illərindən həm də
kino sahəsində işləməyə başlamış, 70-
dən çox filmə musiqi bəstələmişdir.
“Səbuhi”, “Ögey ana”, “Telefonçu
qız”, “Görüş”, “Qızmar günəş altında”,
“Bəxtiyar”, “Onu bağışlamaq olarmı?”,
“Qayınana”, “Dərviş Parisi partladır”
və s. filmlərə musiqi bəstələmişdir.
1948-ci ildə Moskva Dövlət Kon-
servatoriyasında təhsilini davam et-
dirmiş, aspiranturaya daxil olmuş və
A.Qaukun rəhbərliyi altında elmi iş
müdafiə etmişdir. 1951-ci ildə uzun
illər topladığı materiallar əsasında
“Azərbaycan xalq rəqsləri” və 1955-ci
ildə “15 Azərbaycan xalq rəqsləri” top-
lularını hazırlamışdır.30-dan çox tama-
şaya musiqi bəstələmişdir.
1954-cü ildə Azərbaycan Dövlət
Konservatoriyasında pedaqoji
fəaliyyətə başlamışdır. 1958-ci ildə Fi-
larmoniyanın bədii rəhbəri, daha son-
ra direktoru işləmişdir. 1960-1970-ci
illərdə bir çox beynəlxalq konfrans,
festival, incəsənət günlərində iştirak
etmişdir. 1969-cu ildən 1979-cu ilə
qədər Azərbaycan Bəstəkarlar İttifa-
qına rəhbərlik etmiş, 1990-cı ildən
ömrünün sonuna kimi Azərbaycan
Bəstəkarlar İttifaqının idarə heyətinin
sədri vəzifəsində çalışmışdır.
Azərbaycan SSR Ali Sovetinin (6-cı
çağırış) deputatı, Xəzər Universitetinin
fəxri doktoru, Dövlət mükafatı laurea-
tıdır.
Bəstəkar 1958-ci ildə Azərbaycan
SSR-in “Əməkdar incəsənət xadimi”,
1964-cü ildə “Xalq artisti” fəxri adla-
rına layiq görülmüşdür. İki “Qırmızı
Əmək Bayrağı”, “Şərəf nişanı”, “İstiq-
lal” (1997) ordenləri ilə təltif edilmiş-
dir.
Tofiq Quliyev 2000-ci il oktyabr
ayının 5-də Bakı şəhərində vəfat etmiş,
Fəxri Xiyabanda dəfn edilmişdir.
Hal-hazırda Bakı şəhərinin Səbail
rayonu 12 saylı musiqi məktəbi və
şəhərin küçələrindən biri bəstəkarın
adını daşıyır.
30
7
Ə d ə b i y y a t
Abdullayeva, Z.K. Ecazkar
sənətkar. Tofiq Quliyev
/Z.K.Abdullayeva.- Bakı:
Çinar-Çap, 2007.- 202 s.
Mehdiyeva, N. Tofiq Quli-
yev /N.Mehdiyeva.- Bakı:
Şur, 1992.- 26 s.
Abbaslı, T. Füsunkar,
ecazkar...: Tofiq Quliyev
ad-soyadlı, əbədi dün-
yalı təkrarsız nəğməkar!
/T.Abbaslı //Mədəniyyət.-
2014.- 7 may.- S. 13.
Paşayeva, M. Azərbaycan
kino musiqisi və Tofiq
Quliyev /M.Paşayeva
//Qobustan: sənət top-
lusu.- 2013.- № 1.- S.
32-34.
Бакиханова, З. Тофик
Кулиев /З.Бакиханова.-
Баку: Ишыг, 1979.- 96 с.
İ n t e r n e t d ə
https://az.wikipedia.org/
wiki/Tofiq_Quliyev
tofiqquliyev.musigi-dunya.
az/az/biography.html
100
illiyi
Bəstəkar