341
7
Tarixdə bu gün
Beynəlxalq İnformasiya Təhlükəsizliyi
Günü
1988
NOY
ABR
Qlobal informasiya cəmiyyətində informasi-
ya təhlükəsizliyi bütün bəşəriyyəti narahat edən
problemə çevrilmişdir. 1988-ci il noyabrın 30-da
Stenford Universitetinin tələbəsi Robert Morris
tərəfindən yaradılmış “Morris soxulcanı” adlanan
ilk kompyuter virusu Amerikanın elmi-tədqiqat
institutlarının, hərbi idarələrinin, hətta Penta-
qon da daxil olmaqla, ARPANET-in minlərlə
qovşağının fəaliyyətini iflic vəziyyətinə saldı.
Onun məqsədi isə sırf tədqiqat xarakteri daşı-
yırdı. Morris yaratdığı proqramın davamlığını
təcrübədən keçirmək istəyirdi. İlk kompyuter vi-
rusunun vurduğu ziyan isə təxminən 100 milyon
dollar dəyərində qiymətləndirilirdi. Bu hadisə
bəşəriyyətin kompyuter təhlükəsizliyi haqqında
təsəvvürlərini dəyişdi və mütəxəssislər informasi-
ya təhlükəsizliyinin təmini məsələlərinə kompleks
yanaşmanın zəruriliyi haqqında ciddi düşünməyə
başladılar.
Həmin ildə Kompyuter Avadanlığı üzrə Ame-
rika Assosiasiyası 30 noyabrı Beynəlxalq İnfor-
masiya Təhlükəsizliyi Günü (Computer Security
Day) elan etdi. Bu səbəbdən müvafiq beynəlxalq
qurumlar informasiya təhlükəsizliyinin təmin
olunması istiqamətində intellektual potensialını
səfərbər edərək qarşıda duran vəzifələri birgə həll
etməyə çalışırlar.
Beynəlxalq təcrübədə qlobal informasiya
təhlükəsizliyinin təmin olunması məqsədilə bir
sıra proqramlar, layihələr, mexanizmlər işlənib.
Onların sırasında 2002-ci ildə BMT tərəfindən
qəbul etmiş Qlobal İnformasiya Təhlükəsizliyi
Mədəniyyəti haqqında Qətnaməni, 2008-ci ildə
Beynəlxalq Telekommunikasiya İttifaqı tərəfindən
qəbul olunmuş Qlobal İnformasiya Təhlükəsizliyi
proqramını göstərmək olar. Bununla yanaşı, 2010-
cu ildə NATO-nun Lissabon sammitində qəbul
olunan Bəyannamənin 40-cı maddəsinə əsasən,
2012-ci ildə Tam Operativ Hazırlıq (Full Operati-
onal Capability, FOC) mərkəzləşdirilmiş qurumu
yaradılıb. Bu qurum NATO-nun bütün infrastruk-
turunun informasiya təhlükəsizliyini həyata ke-
çirir. O təhlükəsizliyin əsas tərkib hissələrindən
biridir və bu sahədə normativ-hüquqi bazanın for-
malaşması informasiya cəmiyyəti quruculuğunda
prioritet məsələlərdən hesab olunur.
Ölkəmizdə də informasiya təhlükəsizliyinin
təmin edilməsinin qanunvericilik bazasının for-
malaşdırılması və inkişaf etdirilməsi istiqamətində
bir sıra mühüm konseptual sənədlər, normativ-
hüquqi aktlar qəbul edilmişdir. Bunlara misal ola-
raq 2007-ci ildə qəbul olunan “Azərbaycan Res-
publikasının Milli Təhlükəsizlik Konsepsiyası”nı,
eləcə də, “İnformasiya, informasiyalaşdırma və
informasiyanın mühafizəsi haqqında”, “Dövlət
sirri haqqında”, “Elektron sənəd və elektron imza
haqqında”, “Elektron ticarət haqqında”, “İnforma-
siya əldə etmək haqqında”, “Telekommunikasiya
haqqında” qanunları və s. göstərmək olar.
Azərbaycan Respublikası Prezidentinin im-
zaladığı “İnformasiya təhlükəsizliyi sahəsində
fəaliyyətin təkmilləşdirilməsi tədbirləri haqqında”
26 sentyabr 2012-ci il tarixli Fərmanı informasi-
ya resurslarının mühafizəsi, vətəndaşların infor-
masiyalara sərbəst çıxışının təmini məsələləri ilə
bağlı əhəmiyyətli işlərin görüldüyü və müvafiq
sahədə ölkə başçısının apardığı siyasətin dünya
ictimaiyyəti tərəfindən yüksək qiymətləndirilir.
Ə d ə b i y y a t
Əliquliyev, R. İnformasiya təhlükəsizliyi insidentləri
/R.M.Əliquliyev.- Bakı, 2012.- 218 s.
Васильков, A.B. Безопасность и управление доступом в
информационных системах: учебное пособие для студентов
образовательных учреждений среднего профессионального
образования /Александр Васильевич Васильков.- Москва:
Форум, 2010.- 367 с.
www.ikt.az
30