385
Aktrisa
Teatr.Kino
130
illiyi
Gövhər Qazıyeva
1887-1960
2017
Gövhər Əhməd qızı Qazıyeva
(Göyərçin xanım) 1887-ci ildə Tif-
lis şəhərində, ziyalı ailəsində anadan
olmuşdur. İlk olaraq rus məktəbində
təhsil almış, orta təhsilini başa vurduq-
dan sonra Tiflisdə Nəcib Qızlar İnsti-
tutuna daxil olmuş, rus və Azərbaycan
dillərində mükəmməl təhsil almışdır.
Bu dövrdə Tiflisdə Azərbaycan
teatr truppası, Mirzə Əli Abba-
sovun rəhbərlik etdiyi “Dram
cəmiyyəti” yaradılmış, sonra Həbib
bəy Köçərlinskinin rəhbərlik etdiyi
“Səadət” teatr truppası fəaliyyətə baş-
lamışdır.
1906-cı ildən səhnə fəaliyyətinə
başlayan Gövhər Qazıyeva hər iki
truppanın tamaşalarında uğurla çıxış
etmişdir. Onun Tiflis zadəgan teatrın-
da iştirak etdiyi ilk tamaşa 1910-cu il
oktyabrın 9-da səhnələşdirilmiş Nəcəf
bəy Vəzirovun “Müsibəti-Fəxrəddin”
faciəsi olmuşdur. Həmin il oktyabrın
30-da “Səadət” dram truppasının ta-
maşaya hazırladığı Şəmsəddin Sami-
nin “Gaveyi-ahəngdar” pyesində isə
Gövhər xanım Xubçöhr rolunda çıxış
etmişdir.
1911-ci ildə Tiflisdə aktrisanın be-
nefisi keçirilmişdir. Bu gecədə ilk dəfə
Zülfüqar Hacıbəyovun “On bir yaşlı
arvad” pyesi göstərilmiş, Gövhər xa-
nım da əsas rolu canlandırmışdır.
Bir-birinin ardınca oynadığı uğurlu
rollar onu Tiflisin mədəni həyatında
çox tez tanıtmış və Bakı qəzetlərində
haqqında məqalələr dərc edilmişdir.
Bakıda da bir çox tamaşalarda çıxış
edən Gövhər xanım Azərbaycan teat-
rının ilk qadın Leylilərindəndir.
Aktrisanın repertuarı geniş və
əhatəli olmuşdur. O, H.Heynenin
“Əlmənsur”, N.Kamalın “Qara
bəla”, Azərbaycan dramaturqların-
dan N.Nərimanovun “Nadir şah”,
Ə.Haqverdiyevin “Pəri cadu”,
Z.Hacıbəyovun “Evliykən subay”
əsərlərində rol almış, Ü.Hacıbəylinin
“O olmasın, bu olsun” tamaşasında
Gülnaz obrazını özünəməxsus şəkildə
canlandırmışdır.
Gövhər Qazıyeva Azərbaycan teatr
səhnəsinin bir çox görkəmli aktyorları
- Hüseyn Ərəblinski, Mirzağa Əliyev,
Hüseynqulu Sarabski, Mir Seyfəddin
Kirmanşahlı və başqaları ilə birgə
tərəf müqabili olmuşdur.
1913-cü ildə Polşaya getmiş,
Varşavada “Müqəddəs Sofiya” tibb
məktəbinə daxil olmuş, 1915-ci ildə
təhsilini başa vuraraq Bakıya qayıt-
mış, tibb ixtisası üzrə çalışmışdır.
Bir müddət keçdikdən sonra İra-
na köçmüş və uzun illərdən sonra,
1937-ci ildə bir neçə günlüyə Bakıya
gəlmiş, keçmiş səhnə yoldaşları ilə
birgə Cəfər Cabbarlının “Almaz” pye-
sinin tamaşasına baxmışdır.
Azərbaycan teatrının ilk qaranqu-
şu kimi tanınan “Göyərçin” təxəllüslü
Gövhər Qazıyeva 1960-cı ildə Cənubi
Azərbaycanda vəfat etmişdir.
Ə d ə b i y y a t
Fərəcov, S. Sənət
tariximizdə iz qoyan-
lar: Gövhər Qazıyeva
/S.Fərəcov //Mədəniyyət.-
2015.- 30 oktyabr.- S.15.
Sarıyeva, İ. Bir
səmanın üç ulduzu -
Ulduz Əliyeva, Səkinə
Axundzadə və Göyərçin
xanım... /İ.Sarıyeva.-
2015.- 4 sentyabr.- S.15.
386
Aktrisa
Teatr.Kino
125
illiyi
Əzizə Məmmədova
1892-1961
2017
Əzizə xanım Əbdülbağı qızı
Məmmədova 1892-ci ildə Tiflisdə
anadan olmuşdur. Atası Əbdülbağı
Zülalov dövrünün tanınmış xanəndəsi
idi. Atasından ilk musiqi təhsili alan
Əzizə uşaq yaşlarından yaxşı qarmon
çalmağı öyrənmişdir. Erkən yaşların-
da ailə quran Əzizə xanım bir müddət
Tiflisdə, Aşqabadda yaşamış, 1919-cu
ildə Bakıya köçmüşdür.
Musiqiyə, incəsənətə maraq
göstərən Əzizə xanım əvvəl Əbilov
adına, bir müddət sonra isə qadın-
lardan ibarət Əli Bayramov adına
klubların fəal üzvlərindən olmuşdur.
1921-ci ilin payızında Bakı Türk Azad
Tənqid və Təbliğ Teatrı təşkil olu-
nanda onun yaradıcılarından Mirzağa
Əliyev və Hacıağa Abbasov müəyyən
səhnə təcrübəsi toplayan Əzizə
Məmmədovanı teatra dəvət etmişlər.
1923-cü ildə Akademik Milli Dram
Teatrına dəvət alan sənətkar üç ilə
qədər hər iki sənət ocağında çalışmış-
dır. 1925-ci ilin axırlarında isə yalnız
Akademik Teatrda və 1930-cu illərdə
qısa müddətdə yenə Bakı Türk İşçi
Teatrında (əvvəlki Bakı Türk Azad
Tənqid və Təbliğ Teatrı) çalışmış-
dır. Tükəzban (“Vaqif”, S.Vurğun),
Sonanın anası, Pəri xanım (“Hacı
Qara” və “Lənkəran xanının vəziri”,
M.F.Axundzadə), C.Cabbarlının
dramlarında Gülsüm (“1905-ci ildə”),
Fatmanisə və Xanımnaz (“Almaz”),
Şərəbanı (“Yaşar”), Gülgəz (“Oqtay
Eloğlu”), Güllü (“Qardaşlar”, Rəsul
Rza), Sədaqət xala (“Yadigar”, İslam
Səfərli), Lətifə (“İldırım”, Cabbar
Məcnunbəyov), Terentyevna (“Dub-
rovski”, Aleksandr Puşkin), Tokarçuk
(“İntervensiya”, Lev Slavin), Zalxa
(“Toy”, Sabit Rəhman) aktrisanın bu
teatrdakı rollarındandır.
Ə.Məmmədova eyni zamanda
“Azərbaycanfilm”də istehsal olu-
nan “Almaz”, “İsmət”, “Hacı Qara”,
“Görüş”, “Yeni horizont”, “Səhər”
filmlərində müxtəlif epizodik rolla-
ra çəkilmiş, 50-60-cı illərində “Ögey
ana”, “Qara daşlar”, “Kazbek qutu-
su”, “Bir məhəlləli iki oğlan”, “Səhər”
və başqa filmlərində aktyor sənətinin
klassik ənənələrindən bəhrələnərək
yeni tipli qadın rolları ifa etmişdir.
“İsmət” filmində İsmətin həyat yol-
daşı Səmədin anası rolu ilə aktrisa
çox maraqlı bir obraz yaratmış, o
dövr kinomuza yeni qadın qəhrəmanı
gətirmişdir.
Azərbaycan teatr və kino sənətinin
inkişafında öz yeri və rolu olan aktrisa
Əzizə xanım Məmmədova göstərdiyi
xidmətlərə görə 1 fevral 1936-cı
ildə Azərbaycan Respublikasının
“Əməkdar artist” fəxri adına layiq gö-
rülmüşdür. “Qırmızı Əmək Bayrağı”,
“Şərəf nişanı” ordenləri və müxtəlif
medallarla təltif olunmuşdur.
Əzizə Məmmədova 1961-ci il av-
qust ayının 14-də Bakıda vəfat etmiş-
dir.
Ə d ə b i y y a t
Xəlilzadə, F. Bir nəslin
hekayəti /F.Xəlilzadə
//Azərbaycan.- 2012.- 14
avqust.- S.7.
Kazımzadə, A. Onlar
birinci olmuşlar /Aydın
Kazımzadə //Mədəniyyət.-
2012.- 7 mart.- S. 10.
Rəhimli, İ. Əzizə
Məmmədova (1892-
14.8.1961) //Rəhimli İ.
Azərbaycan teatr tarixi:
dərslik /elmi red. Timuçin
Əfəndiyev.- Bakı, 2005.-
S.117.