47
Musiqi.Opera.Balet
65
illiyi
Eldar Mansurov
1952
FEVRAL
Eldar Bəhram oğlu Mansurov 1952-ci
il fevral ayının 28-də Bakıda, İçərişəhərdə
məşhur tarzən Bəhram Mansurovun
ailəsində anadan olmuşdur.
1968-1972-ci illərdə Asəf Zeynallı
adına orta ixtisas musiqi məktəbinin for-
tepiano sinfində, 1974-1979-cu illərdə
Üzeyir Hacıbəyov adına Azərbaycan
Dövlət Konservatoriyasının bəstəkarlıq
fakültəsində professor Cövdət Hacıye-
vin sinfində təhsil almışdır.
Kiçik fortepiano prelüdiyaları ilə
yaradıcılığa başlayan Eldar Mansurov
çoxjanrlı əsərlər: fortepiano pyesləri,
xor üçün müxtəlif janrlı musiqilər, ins-
trumental əsərlər, simfoniyalar, marş,
kantatalar yazmağa başlamışdır. Bu janr
müxtəlifliyi bəstəkarın inkişafına böyük
zəmin yaratmışdır.
Muğam mövzusu bəstəkarın yaradı-
cılığında önəmli yer tutur. Atasının əziz
xatirəsinə həsr etdiyi “Bəhramnamə” sim-
foniya yaradıcılığında növbəti mərhələ
oldu. Bir zamanlar Bəhram Mansurovun
ifa etdiyi muğamlardan istifadə edərək,
bəstəkar yeni janr-“sinforokmuğam”
yaratdı. Bu yenilik tək ölkəmizdə deyil,
həm də dünyanın bir çox ölkələrində
musiqisevərləri heyran etdi.
Eldar Mansurov klassik janra da
müraciət etmiş və bir çox əsərlər yarat-
mışdır. Belə ki, bəstəkar “Kleopatra”,
“Olimp” rok-baletlərinin, “Yeddi gözəl”
rok-operasının, 5 simfoniya, 2 simfonik
poema, violin və orkestr üçün konsert,
“Mahur-hindi” simfonik muğamının,
kamera instrumental və xor əsərlərinin,
həmçinin xeyli sayda filmlərə və te-
atr tamaşalarına yazılmış musiqilərin
müəllifidir.
Bəstəkarın daha bir uğuru “Bayatılar”
mahnısıdır. Onlarla ölkədə, onlarla ifaçı
tərəfindən, müxtəlif dillərdə səslənən
bu mahnı ona dünya şöhrəti gətirmişdir.
Yaradıcılığının əsas hissəsini təşkil edən
mahnılar : “Halımı sorma”, “İstəmirəm”,
“Oyna gözəl”, “Yarı məndə, yarı səndə”,
“Ay yalançı”, “Karvan”, “Xan qızı”,
“Uzaqlıq”, “Bu sevgi”, “Gecələr keçir”,
“Mən aydan gəlmişəm”, “Sən harda-
san”, “Namə yaz göndər”, “Qara göz-
lüm” və yüzlərcə bu kimi əsərlər xalqı-
mız tərəfindən yüksək qiymətləndirilmiş
və sevə-sevə dinlənilmişdir.
19
81-ci ildən SSRİ və Azərbaycanın
Bəstəkarlar, 1999-cu ildən Azərbaycan
Kinematoqra
fçılar İttifaqlarının üzvü-
dür.
2007-2012-ci illərdə Azərbaycan
Bəstəkarlar İttifaqının İdarə Heyətinin
katibi vəzifəsində işləyib.
Azərbaycan mədəniyyətinin inkişa-
fındakı xidmətlərinə görə 2005-ci ildə
“Əməkdar incəsənət xadimi”, 2012-ci
ildə “Xalq artisti” fəxri adlarına layiq
görülmüşdür. Azərbaycan Respublikası
Prezidentinin fərdi təqaüdçüsüdür.
Eldar Mansurov həm də elmi
fəaliyyətlə məşğul olmuşdur. Bir
tədqiqatşı kimi muğamların tarixi ilə
maraqlanmış, 1987-ci ildə Səmərqənd
şəhərində keçirilən Beynəlxalq Muğam
simpoziumunda “Muğam adlarının ya-
ranma tarixi” adlı elmi məqaləsi ilə çıxış
etmişdir. Sonralar bu yazıların bir çoxu
müəllifin “Muğam düşüncələrim” adlı
kitabında toplu şəklində çap olunmuş-
dur.
Ə d ə b i y y a t
Eldar Mansurov 60
[Səsyazma]: CD albom
/E.Mansurov.- Bakı: [s.
n.], 2012.- 12 elektron
opt. disk (CD) futlyarda:
19 sm. + Qoşma sənəd
(26 s., şəkilli; 17 x 12
sm.)
Freskalar [Notlar]:
kamera orkestri üçün
/E.Mansurov.- Bakı:
2004.-20 s.
Mansurov, M.S.
Xatirələr
/M.S.Mansurov; tərt.
ed. E.Mansurov; red.
İ.Dadaşov.- Bakı: EQ,
2005.- 139 s.
Sonatina [Notlar]:
fortepiano üçün
/E.Mansurov.- Bakı:
Səda, 2003.- 19 s.
Bədəlov, N. Əgər tale
gətirsə... /N.Bədəlov
//El.- 2006.- № 45. -
S.4-21.
İ n t e r n e t d ə
https://az.wikipedia.org/
wiki/Eldar_Mansurov
Bəstəkar
28
48
Teatr. Kino
105
illiyi
Məhərrəm Haşımov
1912-1969
FEVRAL
Məhərrəm Kazım oğlu Haşımov
1912-ci il fevral ayının 2-də Bakıda ana-
dan olmuşdur.
1936-cı ildə A.V.Lunaçarski adına
Moskva Dövlət Teatr Sənəti İnstitutunu
bitirmişdir. 1944-cü ilə qədər Azərbaycan
Dövlət Gənc Tamaşaçılar Teatrında re-
jissor və baş rejissor işləmişdir. 1937-
ci ilin repressiyaları dövründə yaradı-
cılıqla məşğul olmaq min bir əzabla
başa gəlirdi. O, bu teatrın səhnəsində
Şillerin “Qaçaqlar”, Cəfər Cabbarlı-
nın “Aydın” kimi tamaşalarına quruluş
vermişdir. Əlbəttə, dövrün küləkləri
onun da həyatından izsiz keçməmişdir.
Müxtəlif təzyiqlərə, iradlara, hətta
xəbərdarlıqlara tuş gəlsə də, öz həyat
həqiqətinə, sənət prinsiplərinə sadiq çıx-
mışdır. 1948-ci ildən 1951-ci ilə qədər
Azərbaycan Dövlət Rus Dram Teatrın-
da baş rejissor və direktor vəzifələrində
çalışmışdır. Məhərrəm Kazım oğlu Ha-
şımovun Azərbaycan Dövlət Rus Dram
Teatrında rejissorluq fəaliyyətinin əsas
məğzində müasir fəlsəfi-realist teatr
yaratmaq məqsədi dururdu. Əsas işləri
“Döngədə ev” (Tur qardaşları. 1949),
“Xəzər üzərində şəfəqlər” (İmran Qası-
mov. 1950), “Balıqçı oğlu” (Vilis Latsis.
1953), “Dəniz cəsurları sevir” (İmran
Qasımov və Həsən Seyidbəyli. 1954),
“Kino çəkilir...” (Edvard Radzinski.
1966), “Teleqramla hekayət” (V.Osipov.
1966), “Milyonçu qadın” (Bernard Şou.
1966), “İntervensiya” (Lev Slavin.
1967), “Ənənəvi toplanış” (Viktor Ro-
zov. 1968) tamaşalarına verdiyi quruluş-
lardır.
1951-1956-cı illərdə Azərbaycan
Dövlət Opera və Balet Teatrında
işləmişdir. 1956-cı ildən 1960-cı ilə kimi
yenidən Rus Dram Teatrına göndərilərək
kollektivin baş rejissorluğu ona tapşırıl-
mışdır. Bu vəzifədə coşğun həvəslə, cid-
di yaradıcılıq ehtirası ilə çalışmışdır.
1960-1965-ci illərdə “Azərbay-
canfilm” kinostudiyasında direktor
işləmişdir. Həmin illər Məhərrəm Ha-
şımovun rəhbərliyi ilə istehsal olunan
bədii filmlər: “Koroğlu”, “Səhər”, “Bi-
zim küçə”, “Telefonçu qız”, “Əhməd
haradadır?”, “Möcüzələr adası”, “Ro-
meo mənim qonşumdur”, “Sehrli xalat”,
“Ulduz”, “Su ərizəsi”, “Arşın mal alan”
(ikinci dəfə) və s. bu gün də tamaşaçıla-
rın sevə-sevə izlədikləri filmlərdir.
1966-cı ildə Rus Dram Teatrına
yenidən qayıdaraq kollektivə baş rejissor
kimi rəhbərlik etmişdir. O, fasilələrlə 20
ildən artıq işlədiyi bu mədəniyyət oca-
ğında direktor, baş rejissor kimi fəaliyyət
göstərərək, sənətkarlıq məharətinin
hərtərəfli diqqət çəkməsi, inkişaf etməsi
üçün bir zaman qazandı.
İmran Qasımovun “Xəzər üzərində
şəfəqlər” pyesinə verdiyi quruluşa görə
Məhərrəm Haşımov və tamaşanın bir
qrup yaradıcı heyəti 1951-ci ildə SSRİ
Dövlət mükafatına layiq görülmüşlər.
1969-cu ildə isə “Damokl
qılıncı” (Na-
zim Hikmət), “Maskarad”, (Mixail Ler-
montov) və “Kino çəkilir...” (Edvard
Radzinski) tamaşalarına verdiyi monu-
mental quruluşlara görə rejissor Mirzə
Fətəli Axundzadə adına Respublika mü-
kafatına təqdim olunub.
Uzun illər Azərbaycan Dövlət Teatr
İnstitutunda pedaqoji fəaliyyətlə məşğul
olmuş, tələbələrə rejissor və aktyor
sənətinin sirlərini öyrətmişdir.
Məhərrəm Haşımov 1969-cu ildə, 57
yaşında vəfat etmişdir.
Ə d ə b i y y a t
Ömrün səhifələri =
Страницы жизни = Pa-
ges of Life /Azərbaycan
Teatr Xadimləri
İttifaqı; rus dilinə
tərc. S.Məmmədzadə;
ing. dilinə tərc.
L.Məmmədova; tərt.:
Ç.Ələsgərli, K.Cəfərzadə,
A.Qafarova; mətnin
müəl. Ç.Ələsgərli; red.
K.Cəfərzadə.- Bakı:
Elm və Təhsil, 2013.-79
s. - Azərbaycan Respub-
likasının Xalq artisti
Məhərrəm Haşımovun
100 illiyinə həsr olunur.
Xəlilzadə, F. Xalqa və
sənətə xidmət missiya-
sı: Məhərrəm Haşı-
mov - 100 /F.Xəlilzadə
//Azərbaycan.- 2012.- 3
fevral.- S.7.
Rəhimli, İ. Məhərrəm
Haşımov //Rəhimli İ.
Azərbaycan teatr tarixi.-
Bakı, 2005.- S.354.
Zeynalov, P. Əbədi
sənət üçün /P.Zeynalov
//Mədəni həyat.- 2012.-
№ 2.- S.60-61.
İ n t e r n e t d ə
https://az.wikipedia.org/
wiki/Məhərrəm_Haşımov
Rejissor
2