82
Milli ədəbiyyat
95
illiyi
Fəthi Xoşginabi
1922-1989
MART
Fəthi Həmzə Əli oğlu (Fəthi Xoş-
ginabi) 1922-ci il mart ayının 22-
də Cənubi Azərbaycanın Xoşginab
kəndində, kəndli ailəsində dünyaya
gəlmişdir. İlk təhsilini mədrəsədə al-
mışdır. Məktəbdə cəmi bir il təhsil al-
dıqdan sonra yarımçıq qoyub işləmək
üçün İranın bəzi şəhər və kəndlərinə
getmiş, orada fəhləlik etmişdir. Elə bu
illərdə də qürbətin nə demək olduğu-
nu öyrənmişdir.
Ədəbi fəaliyyətə 15 yaşında ikən
miniatür şeirlər və nəsr əsərləri yaz-
maqla başlamışdır. Onun əsərləri
Cənubi Azərbaycan həyatından bəhs
edir. 1941-ci ildən etibarən şeir,
hekayə və məqalələri müntəzəm ola-
raq mətbuat orqanlarında işıq üzü gör-
müşdür.
XX əsrin 40-cı illərində siyasi
hərəkata qoşulmuşdur. 1945-1946-
cı illərdəki Milli demokratik hərəkat
Xoşginabinin də yaradıcılığında yeni
bir mərhələnin başlanğıcı olmuş-
dur. Kəskin siyasi, ictimai mövzu-
lu məqalələri, satirik şeir və yazıları
“Zeynəb”, “Züleyxa”, “Məsum və
Məsumə”, “Mehri”, “İbrahim” kimi
hekayələri, ilk irihəcmli əsəri olan
“Eşq və müharibə” povesti də bu
illərin yeni tərz, realist və demokratik
ruhlu bədii nəsrinin və ədəbi-populist
nəsrin təməlini təşkil etmişdir.
Siyasi mühacirətdə olduğu zaman
Xoşginabi yazıçı kimi fəaliyyətinə
Quzey Azərbaycanda davam etmiş-
dir. “Ata”, “İki qardaş” romanları
və çox sayda hekayələri bu dövrün
məhsuludur.
Mühacirət illərində Xoşgina-
bi dram əsərlərinin müəllifi kimi də
şöhrət tapmışdır. Onun farsca yazdı-
ğı “Siyavuş”, “Bijen və Menijə” adlı
pyesləri Tacikistanda Düşənbə teatr-
larının səhnələrində müvəffəqiyyətlə
səhnələşdirilmişdir.
1946-cı il dekabrın 12-də siyasi
mühacir kimi Sovet İttifaqına gəlmiş,
burada “Azərbaycan” qəzeti redaksi-
yasında ədəbi işçi, məsul redaktor, Ta-
cikistan Maarif Nazirliyində məmur,
SSRİ EA Şərqşünaslıq İnstitutunda
böyük elmi işçi vəzifələrində çalış-
mışdır. Sonralar 1958-ci ildə Mosk-
vada ali ədəbiyyat kursunu və 1967-ci
ildə İctimai Elmlər Akademiyasının
aspiranturasını bitirmişdir. 1979-cu
il İran inqilabından sonra Təbrizə
köçərək, orada Azərbaycann şairlər və
yazıçılar cəmiyyətini yaratmış, onun
sədri seçilmişdir.
Fəthi Xoşginabi 1989-cu ildə
Moskvada vəfat etmiş, nəşi Bakıya
gətirilərək dəfn edilmişdir.
Ə d ə b i y y a t
Ata. İki qardaş: romanlar
/H.F.Xoşginabi.- Bakı:
Yazıçı, 1989.- 388 s.
Hekayələr /F.H.Xoşginabi;
[red. İ. Şəms].- Bakı:
Azərnəşr, 1956.- 110,
[2] s.
Marağayi, Z. İbrahim
bəyin səyahətnaməsi və
ya təəssübkeşliyin bəlası
/Z.Marağayi; farscadan
tərc. ed. və ön sözün
müəl. H.Məmmədzadə;
farscadan tərc. red.
H.Xoşginabi.- Bakı: Avra-
siya Press, 2006.- 456 s.
Fəthi Xoşginabi
//Azərbaycan nəsri antolo-
giyası: beş cilddə.- Bakı,
2006.- Cild IV.- S.198.
Polad, Ə. Fəthi Xoş-
ginabi //Polad Ə.
Mədəniyyətlərin beşiyi:
Təbriz.- İstanbul, 2015.-
S.732.
İ n t e r n e t d ə
ekitap.kulturturizm.gov.r
/.../11166,fethixosginabip
df.pdf?0
https://az.wikipedia.org/i/
Cənubi_Azərbaycan_
ədəbiyyatı
22
Yazıçı
83
Milli ədəbiyyat
145
illiyi
Məmməd Səid Оrdubаdi
1872-1950
MART
Məmməd Səid Hacağa oğlu Orduba-
di 1872-ci il mart ayının 24-də Naxçı-
vanın Ordubad şəhərində, şair Fəqir Or-
dubadinin ailəsində dünyaya gəlmişdir.
Ordubadda mollaxanada və Məhəmməd
Tağı Sidqinin “Əxtər” məktəbində təhsil
almışdır.
Ordubad ipək fabriklərində (1886-
1904) fəhlə, Culfa gömrük xidmətində
çalışmışdır. Birinci rus inqilabının (1905-
1907) təsiri altında siyasi mübarizələrə
qoşulmuş, “Hümmət” sosial-demokrat
təşkilatının tərkibində İran Məşrutə
hərəkatına kömək edən qrupun fəal
üzvlərindən olmuşdur. 1915-ci ildə si-
yasi fəaliyyətinə görə Saritsına sürgün
edilmiş, Fevral inqilabından (1917) son-
ra Dağıstana gəlmiş, Rusiya Kommunist
(bolşeviklər) Partiyası sıralarına daxil
olaraq, siyasi fəaliyyətini davam etdir-
mişdir.
1918-ci ildə Nəriman Nərimanovun
dəvətilə Həştərxana gedərək, “Hümmət”
qəzetinin redaksiyasında çalışmış-
dır. 1920-ci ildə XI Qırmızı Ordunun
tərkibində Dağıstana gəlmiş, Temirxan-
Şura şəhərində “Qırmızı Dağıstan”
qəzetinin nəşrini təşkil etmişdir.
1920-ci il mayın 2-də Bakıya gələn Or-
dubadi “Əxbar” qəzetinin redaktor müa-
vini vəzifəsinə təyin edilmiş, “Əxbar” və
“Kommunist” qəzetləri birləşdirildikdən
sonra onun redaksiya heyətinin üzvü və
redaktor müavini, 1920-ci ilin sentyab-
rından isə “Füqəra füyuzatı” jurnalının
redaktoru olmuşdur. Ordubadi ədəbi
fəaliyyətə XIX əsrin 90-cı illərində baş-
lamışdır. İlk şeirləri 1903-cü ildə “Şərqi-
Rus” qəzetində dərc olunmuş, “Qəflət”
(1906), “Vətən və hürriyyət” (1907) adlı
şeir kitablarını nəşr etdirmişdir.
“Qanlı sənələr” (1911) kitabı, “İki co-
cuğun Avropa səyahəti” (1908), “Baği-
şah, yaxud Tehran faciəsi” (1910),
“Əndəlisin son günləri, yaxud Qrena-
danın təslimi” (1914) tarixi pyesləri,
“Bədbəxt milyonçu, yaxud Rzaqulu
xan Firəngi-məab” (1914) romanlarıı
nəşr olunmuşdur. Ordubadi Azərbaycan
ədəbiyyatında tarixi roman janrının ba-
nisidir. XX əsrin əvvəllərində Cənubi
Azərbaycanda milli azadlıq mübarizəsinə
həsr olunmuş dördcildlik “Duman-
lı Təbriz” (1933-1948) epopeyasının,
Nizami Gəncəvi dövründən bəhs edən
“Qılınc və qələm” (1946-1948), inqilabi
mövzuda “Döyüşən şəhər” (1936), “Giz-
li Bakı” (1940) romanlarının müəllifidir.
M.S.Ordubadinin əsərləri dünyanın
bir sıra dillərinə tərcümə olunmuşdur.
Şeirlərinə F.Əmirov və S.Rüstəmov
mahnı və romanslar yazmışlar. Əsərləri
müxtəlif dillərə tərcümə edilmişdir.
Xidmətləri yüksək qiymətləndiril-
mişdir. “Lenin” və “Şərəf nişanı” orde-
ni, fəxri fərmanlarla mükafatlandırılmış,
1938-ci ildə Azərbaycanın “Əməkdar
incəsənət xadimi” fəxri adına layiq gö-
rülmüşdür.
Məmməd Səid Ordubadi 1950-ci il
may ayının 1-də vəfat etmiş, Fəxri Xiya-
banda dəfn edilmişdir.
Ordubadda ev-muzeyi yaradılmış,
Ordubadda və Naxçıvanda büstləri qo-
yulmuşdur.
24
Yazıçı
Ə d ə b i y y a t
Dumanlı Təbriz: roman
/M.S.Ordubadi; Azərb.
Resp. Mədəniyyət və
Turizm Nazirliyi.- Bakı:
Təhsil, 2012.- K.I: I-II
Hissə.-375s.; Kitab II:
III-IV Hissə.-Bakı: Təhsil,
2012.-720 s.
Həyatım və mühitim
/M.S.Ordubadi; [Miniatür
Kitab Muzeyi].- Bakı:
[s.n.], 2015.- 262 s.
Qanlı illər: 1905-1906-
ci illərdə Qafqazda baş
verən erməni-müsəlman
davasının tarixi: sənədli
povest /M.S.Ordubadi;
ərəb əlifb. çev., sadələş.
çapa haz. Ə.Bağırov;
Qafqazın Strateji
Tədqiqatlar İn-tu.- Bakı:
Elm və təhsil, 2012.-118 s.
Qılınc və qələm: roman
/M.S.Ordubadi.-Bakı:
Qanun:Əli və Nino,
2013.- Hissə 1, 2.- 614 s.
Məmməd Səid Ordubadi
arxivinin izahlı təsviri
/AMEA, M.Füzuli ad.
Əlyazmalar İn-tu;
təsvir ed.: Ə.Cəfərzadə,
M.Paşayeva,
M.Məmmədova; elmi.
red. və ön söz müəl.
İ.Həbibbəyli; çapa haz.
M.Məmmədova.- Bakı:
Elm və təhsil, 2015.-370
s.