88
Musiqi.Opera.Balet
115
illiyi
Yavər Kələntərli
1902-1979
MART
Yavər Abbas (bəzi mənbələrdə
Əli) qızı Kələntərli (qızlıq familiya-
sı Zamanova) 1902-ci il mart ayının
26-da Şamaxıda anadan olmuşdur.
Yeniyetmə çağlarında dayısı Əlicabbar
Orucəliyevin ailəsilə birgə Bakıya köç-
müş, dayısı onu Rəhilə Hacınskayanın
Qızlar məktəbinə qoymuşdur.
Yavər xanım uşaqlıqdan musiqiyə,
ifaçılığa böyük maraq göstərmişdir.
Üzeyir bəylə Yavər xanımın qardaşı
Hacıbala Zamanov Qori seminariyasın-
da bir yerdə oxuduğu üçün, dost olmuş,
onlara tez-tez gələn Üzeyir bəy “Leyli
və Məcnun” operasının məşqinin apa-
rıldığı vaxtlarda Yavərin oxumasını
dinləmiş və çox bəyənmişdi.
İlk dəfə 1916-ci ildə “Cəmiyyəti
xeyriyyə” məktəbində qızlar tərəfindən
oynanılmış “Arşın mal alan” musiqili
komediyasında Əsgər rolunu ifa etmiş-
dir. 1922-ci ildə Üzeyir bəyin təşəbbüsü
ilə yaradılmış birillik musiqi kursunu bi-
tirmişdir. Kursu bitirməsi münasibətilə
Üzeyir bəy ona pianino hədiyyə etmiş-
di. Sonralar Cabbar Qaryağdıoğlundan,
Seyid Şuşinskidən dərs almışdır. Hətta
Yavər xanımın ifasını bəyənən Cabbar
Qaryağdıoğlu ona öz qavalını bağışla-
mışdı. Beləliklə, xanəndənin yaradıcılı-
ğı həm ictimaiyyət, həm də professional
xanəndələr tərəfindən rəğbətlə qarşılan-
mışdır.
Yavər xanım ilk konsertini 1923-
cü ildə, indiki Sabir bağının yanında
“Maarif evi”ndə vermişdir. Müğənnini
tarda Bədəl bəy Bədəlbəyli (bəstəkar
Əfrasiyab Bədəlbəylinin atası), skrip-
kada Cəmo Cəbrayılbəyli müşayiət
edirdi. Lənkəranlı Xudaverdi Kələntərli
adlı bir şəxslə ailə həyatı quran Yavər
xanımın bu nigahdan bir oğlu dünya-
ya gəlmişdir. Təəssüf ki, Şahbaz ca-
van yaşlarında dünyasını dəyişmişdir.
1937-ci ildə həyat yoldaşından ayrılan
Yavər xanım onun soyadından imtina
etməmişdir.
1937-1941, 1945-1951-ci illərdə
Opera və Balet Teatrının solisti ol-
muş, teatrın səhnəsində Leyli, Əsli,
Ərəbzəngi, Gülçöhrə və bu kimi yadda-
qalan obrazlar yaratmışdır.
Onun repertuarı, əsasən, muğam
və xalq mahnılarından, təsniflərdən
ibarət idi. Qadın xanəndəlik məktəbinin
görkəmli nümayəndələrindən biri olan
Yavər xanım yaddaşlarda “Bayatı-
Şiraz”, “Şur”, “Bayatı-Kürd”, “Segah”
və bu kimi muğam və təsniflərin mahir
ifaçısı olaraq qalmışdır.
1932-1937-ci illərdə Azərbaycan ra-
diosunun solisti olmuşdur. 1938-ci ildə
qrammafon valı buraxılmışdır. 1941-ci
ildə İranda səfərdə olmuş, Təbrizdə,
Mərənddə, Şapurda, Xoyda, Miyanədə
konsertlər vermişdir. Hətta Təbrizdəki
konserti anşlaqla keçmişdir.
Xanəndənin yaradıcılığı dövlət
tərəfindən yüksək qiymətləndirilmiş,
1939-cu ildə Azərbaycan SSR-nin
“Əməkdar artist” fəxri adına layiq gö-
rülmüşdür.
Yavər Kələntərli 1979-cu il fevral
ayının 5-də Bakı şəhərində vəfat etmiş-
dir.
Ə d ə b i y y a t
Çəmənli, M. Nəğməli
xatirələr //Musta-
fa Çəmənli. Sənət
hekayələri.- Bakı, 2014.-
S.274-290.
Çəmənli, M. Yavər
Kələntərli //Mustafa
Çəmənli. “Leyli və
Məcnun” 100 il səhnədə.-
Bakı, 2008.- S.163-167.
Gəncəvi, S. Yavər
Kələntərli //Sabir
Gəncəli. Qadın, gözəllik
və ülviyyət (Ensiklopedik
toplu).- Bakı, 2001.- 257
s.
Xəlilzadə, F. Ürəyin
hökmü, səsin rəngi Yavər
Kələntərli - 110 /Flora
Xəlilzadə //Azərbaycan.-
2012.- 18 mart.- S.6.
Kələntərli Yavər Əli
qızı //Azərbaycan Sovet
Ensiklopediyası.- Bakı,
1981.-C.V.- S.336.
İ n t e r n e t d ə
www.anl.az/down/me-
qale/azerbaycan/2012/
mart/240150.htm
26
Xanəndə
89
Musiqi.Opera.Balet
90
illiyi
MART
8
Mstislav Leapoldoviç Rostropoviç
1927-ci il mart ayının 27-də Bakıda,
tanınmış violonçel ifaçısı və vaxtilə
Pavlo Kasalasın tələbəsi olmuş Leo-
pold Rostropoviçin ailəsində anadan ol-
muşdur. Rostropoviç uşaqlıq və gənclik
illərini Bakıda keçirmiş, İkinci Dünya
müharibəsi illərində ailəsi Orenburqa,
daha sonra isə 1943-cü ildə Moskvaya
köçmüşdür. Rostropoviç artıq dörd ya-
şında ikən anasından pianino ifaçılığı-
nın sirlərini, on yaşında isə atasından ilk
dəfə violençin incəliklərini öyrənmişdir.
1943-1948-ci illərdə, 16 yaşında
Moskva Konservatoriyasına qəbul olu-
nan Rostropoviç piano və violenç ifa-
çılığı ilə yanaşı dirijorluq və bəstəkarlıq
ixtisaslarına da yiyələnmişdir.
Müəllimləri arasında isə Dmitri Şos-
takoviç və Sergey Prokofyev kimi
rus musiqisinin nəhənglərini misal
göstərmək olar. O, 1945-ci ildə Sovetlər
Birliyində ilk dəfə keçirilən gənc
musiqiçilərin birinciliyində qızıl medala
layiq görülməklə istedadlı violenç ifaçı-
sı kimi nəzər-diqqətləri cəlb etmişdir.
Rostropoviç ilk violenç konsertini 1942-
ci ildə vermiş, 1947, 1949 və 1950-ci
illərdə Praqa və Budapeştdə keçirilən
beynəlxalq musiqi müsabiqələrinin
qalibi olmuşdur. 1950-ci ildə, cəmi
23 yaşında olarkən, o zaman Sovetlər
Birliyində ən ali mükafat hesab olunan
Stalin Mükafatına layiq görülmüşdür.
Artıq bütün SSRİ-də şöhrət qazanmış
gənc və son dərəcə istedadlı Rostropo-
viç Leninqrad (indiki Sank-Peterburq)
və Moskva konservatoriyalarında pe-
daqoji fəaliyyətlə də məşğul olmuşdur.
1948-ci il 10 fevral tarixində “forma-
list” bəstəkarlar haqqında qəbul edilmiş
fərman nəticəsində müəllimi Şostakovi-
çin Leninqrad və Moskva konservato-
riyalarında professorluq dərəcələrindən
məhrum edilməsinə cavab olaraq 21
yaşlı Rostropoviç etiraz əlaməti olaraq
konservatoriyanı tərk etmişdir. Sovet
hakimiyyətinə qarşı müxalif fikirlərinə,
yazıçı Aleksandr Soljenitsına öz evində
sığınacaq verdiyinə görə hakimiyyətin
qəzəbinə tuş gəlmiş, 1974-cü ildə
Sovetlər İttifaqını tərk edərək ABŞ-a
yollanmışdır. Kəskin çıxışlarına görə So-
vet vətəndaşlığından məhrum edilmişdir.
1990-cı ildə isə artıq Amerika vətəndaşı
olmasına baxmayaraq ruslar onun Rusi-
ya vətəndaşlığını bərpa etmişlər.
1977-ci ildən Vaşinqton Milli Simfo-
nik Orkestrinin rəhbəri və baş dirijoru
olmuş və 17 il bu orkestrə rəhbərlik et-
mişdir. 2002-ci il mart ayının 4-də Ba-
kıda ev-muzeyi açılmışdır. 2007-ci ildə
“Heydər Əliyev” ordeni ilə təltif edilmiş-
dir. Həmyerlimiz 22 dəfə Qremmi mü-
kafatına layiq görülmüşdür. Həmçinin
Yaponiya, Böyük Britaniya, Fransa,
ABŞ da daxil olmaqla 44 dövlətin orde-
nini almışdır.
Dünya şöhrətli musiqiçi Mstislav
Rostropoviç 2007-ci il aprel ayının 27-
də Moskva şəhərində vəfat etmişdir.
Ə d ə b i y y a t
Azərbaycan
mədəniyyətinin
təbliğatçısı-Rostropoviç
//Olaylar.- 2013.- 16-18
mart.- S.15.
Hüseynov, F.
Rostropoviçlərin
ev-muzeyində gö-
rüş /F.Hüseynov
//Mədəniyyət.- 2015.- 3
iyun.- S.11.
Великий Бакинец.
Ростропович /Фонд
Гейдар Алиева; Фонд
Друзей Культуры
Азербайджана.- Баку:
Шярг-Гярб, 2008.-
244, [4] с.
Уилсон, Э. Мстислав
Ростропович:
[композитор, учитель,
легенда] /Элизабет
Уилсон; [пер. с англ.
К.Савельева]; худож.
оформ. Е.Савченко.-
Москва: Эксмо, 2011.-
509, [3] с.
İ n t e r n e t d ə
http://www.anl.
az/down/meqale/
medeniyyet/2015/
iyun/441539.htm
Dirijor
Mstislav Rostropoviç
1927-2007
27