121
APREL
3
120
illiyi
Şövkət Məmmədоvа
1897-1981
APREL
Şövkət Həsən qızı Məmmədova
1897-ci il aprel ayının 18-də Gürcüstan
Respublikasının Tbilisi şəhərində, ka-
sıb pinəçi ailəsində anadan olmuşdur.
6 yaşında ikən Tiflisdə özəl məktəbdə
təhsil almış, valideynləri Şövkətin
musiqiyə olan marağını görüb onu uşaq
musiqi məktəbinin fortepiano sinfinə
yazdırmışlar. Atası 1910-cu ildə onu
Bakıya göndərmiş, Şövkət Romanov-
lar Musiqi Cəmiyyətinin nəzdindəki
musiqi məktəbinin fortepiano sinfində
dərs almağa başlamışdır.
Ş.Məmmədova 1911-ci ildə Zeyna-
labdin Tağıyevin köməyi ilə İtaliyanın
Milan şəhərində musiqi məktəbinə da-
xil olmuş və burada məşhur müğənni
Dotti Ambroziodan dərs almağa baş-
lamışdır. Lakin 1912-ci ildə ona olan
kömək kəsilmiş və Ş.Məmmədova
vətənə qayıtmalı olmuşdur.
1912-ci ildə Bakının Tağıyev Teat-
rında ilk dəfə professional ifaçı kimi
çıxış etmişdir. Üzeyir Hacıbəylinin
“Ər və arvad” operettasından bir
neçə parçanı ifa edən Ş.Məmmədova
konsertdən əldə olunan pul ilə İtaliya-
da təhsilini davam etdirməli idi. Lakin
tamaşadan toplanan 1500 manat pul
müsadirə olunmuş və Şövkət Tiflisə
qayıdaraq orta məktəbi bitirmişdir.
Şövkət Məmmədova 1915-ci ildə
daxil olduğu Kiyev Konservatoriyasını
bitirib Bakıya qayıdaraq ilk dəfə Üzeyir
bəyin “Arşın mal alan”operettasında
Gülçöhrə rolunda çıxış etmiş, az son-
ra repertuarını genişləndirərək Avropa
və Azərbaycan operalarında yeni-yeni
obrazlar yaratmağa başlamışdır. 1923-
cü ildə Ş.Məmmədovanın təşəbbüsü
ilə Bakı Teatr Texnikumu açılmış və o,
1923-1925-ci illərdə texnikumun direk-
toru işləmişdir. Bu Yaxın Şərqdə ilk te-
atr təhsil ocağı idi. Azərbaycanda ilk not
nəşriyyatı da Şövkət Məmmədovanın
təşəbbüsü ilə yaradılmışdır. O, ilk
azərbaycanlı müğənnidir ki, 1925-ci
ildə Fransada qrammofon valı buraxıl-
mışdır.
1945-ci ildə Azərbaycan Teatr
Cəmiyyəti təsis edilmiş və onun ilk
sədri Şövkət xanım olmuşdur. O,
bu vəzifədə 1952-ci ilə qədər çalış-
mışdır. Eyni zamanda, 1945-ci ildə
Üzeyir Hacıbəylinin rektor olduğu
Azərbaycan Dövlət Konservatoriya-
sında pedaqoji fəaliyyətə başlamışdır.
1946-1947-ci illərdə konservatoriyada
Vokal kafedrasının müdiri, 1946-1950-
ci illərdə həmin kafedranın dekanı ol-
muşdur. 2 iyul 1949-cu ildə profossor
elmi rütbəsini almışdır.
Azərbaycan Opera və Balet Te-
atrında 1921-ci ildən 1948-ci ilədək
fasilələrlə solist işləmişdir.
Şövkət xanım Məmmədova 1938-ci
ildə SSRİ-nin “Xalq artisti” fəxri adına
layiq görülmüşdür.
Azərbaycan SSR Ali Sovetinin
dörd çağırış deputatı olmuş, iki dəfə
“Lenin” iki “Qırmızı Əmək Bayrağı”
və “Şərəf nişanı” ordenləri ilə təltif
edilmişdir. Müxtəlif Beynəlxalq fes-
tivallarda və müsabiqələrdə münsiflər
heyətinin üzvü seçilmişdir.
Şövkət xanım Məmmədova 1981-ci
il iyun ayının 8-də Bakıda vəfat etmiş,
Fəxri Xiyabanda dəfn olunmuşdur.
Ə d ə b i y y a t
Azərbaycanın ilk qadın
opera müğənnisi... //Şərq.-
2011.- 24 may.- S.11.
Məhərrəmova, T. Heç vaxt
məlahətini itirməyəcək səs
sahibi: Şövkət Məmmədova
hər tamaşasında bir ömür
yaşayırdı /T.Məhərrəmova
//Kaspi.- 2009.- 1 aprel.-
S.11.
Operamızın şanı, Şövkəti...:
Dünən Azərbaycanın ilk qa-
dın opera müğənnisi Şövkət
Məmmədovanın doğum
günüydü //Ekspress.- 2011.-
19 aprel.- S.23.
Sarıyeva, İ. Milli opera
sənətimizin iki zirvəsi-
Şövkət Məmmədova və Fat-
ma Muxtarova... /İ.Sarıyeva
//Bakı xəbər.-2015.-1
sentyabr.- S.15.
Tahirqızı, Ü.Klassik Avropa
üslubunda oxuyan qadın
müğənni /Ü.Tahirqızı //Xalq
Cəbhəsi.-2013.- 23 noyabr.-
S.13.
18
Opera müğənnisi
Musiqi.Opera.Balet
122
110
illiyi
Əfrаsiyаb Bədəlbəyli
1907-1976
APREL
Ə d ə b i y y a t
Cəfər Cabbarlı haqqında
xatirələr [Qeyri musiqili
səsyazma]: [ədəbi radio
veriliş] /Ə.Bədəlbəyli.- Bakı,
2011.- 1 CD
Qurban Pirimov
/Ə.Bədəlbəyli; [red.:
R.Təhmasib, C.Məmmədov];
Azərb. Teatr Cəmiyyəti.-
Bakı: Azərnəşr, 1955.- 49 s.
Söyüdlər ağlamaz: 3 pərdə
(5 şəkil və epiloqlu) opera
librettosu /Ə.Bədəlbəyli
Bakı: [Kommunist], 1970.-
53, [3] s.
Cəfər Cabbarlının musiqi
aləmi /Ə.Bədəlbəyli //Yeni
Azərbaycan.-2010.- 3 iyul.-
S.11.
Quliyev, İ. Maestro belə
yazırdı... /İ.Quliyev.- Bakı:
CBS, 2008.- 391, [1] s.
Rəhmanzadə,
F. Bədəlbəylilər
/F.Rəhmanzadə.- Bakı:
Nurlan,2006.- 244 s.
Abduləliyev, A. Əfrasiyab
Bədəlbəyli...: Musiqimizin
dünəni, bu günü və sabahı
/A.Abduləliyev //Ədalət.-
2011.- 20 aprel.- S.7.
Dadaşova, L. Əfrasiyab
Bədəlbəylinin Azərbaycan
musiqişünaslığında rolu
/L.Dadaşova //Mədəni
həyat.- 2013.- № 6.- S.90-
93.
Şıxəliyeva, Ş. Əfrasiyab
Bədəlbəyli “Şüştər”muğamı
haqqında /S.Şıxəliyeva
//Musiqi dünyası.- 2015.-
2/63.- S.93-95.
19
Bəstəkar
Musiqi.Opera.Balet
Əfrasyab Bədəl oğlu Bədəlbəyli
1907-ci il aprel ayının 19-da Bakı
şəhərində, xalq maarifçisi Bədəl bəy
Bədəlbəyovun və Şah Qacar nəslinin
təmsilçisi Rəhimə xanımın ailəsində
anadan olmuşdur. 1912-ci ildə 6-cı
rus-müsəlman məktəbinə daxil ol-
muş, 1917-1924-cü illərdə I realnı
məktəbində təhsilini davam etdirmiş-
dir. 1924-cü ildə Azərbaycan Dövlət
Türk Musiqi Texnikumuna və eyni
zamanda, ADU-nun Şərq fakültəsinin
dilçilik şöbəsinə daxil olmuşdur. Mu-
siqi texnikumunda S.L.Bretanitskinin
sinifində violino ixtisası üzrə təhsil
almışdır.
1928-ci il fevralın 16-da, musiqisi
Ə.Bədəlbəyliyə məxsus C.Cabbarlının
“Od gəlini” əsərinin premyera-
sı olmuşdur. 1931-cu ildə bəstəkar
C.Cabbarlının “Almaz”, daha sonra isə
“1905-ci ildə” və “Yaşar” pyeslərinə,
1933-cü ildə A.Afinogenovun “Qor-
xu”, 1934-cü ildə M.F.Axundovun
“Hacı Qara”, 1935-ci ildə isə
“Müsyo Jordan” əsərlərinə musiqi
bəstələmişdir.
Ə.Bədəlbəyli professional musiqi
təhsili almaq məqsədi ilə 1932-ci ildə
Moskva Konservatoriyasının dirijor-
luq fakültəsinə daxil olmuş, professor
K.Saracevin sinifində təhsil alaraq
bu sənətin incəliklərinə mükəmməl
yiyələnmişdir. Ali məktəbdə oxuduğu
zaman 8 variasiya, violonçel və forte-
piano üçün sonatina, fortepiano üçün
etüd, simfonik orkestr üçün üçhissəli
süita, 2 violino, alt və violonçel üçün
kvartet bəstələmişdir. Lakin bir ildən
sonra Bakıya qayıtmış və R.Qlierin
“Şahsənəm” operasının yeni quruluş-
da, C.Cabbarlının librettosu əsasında
tamaşaya hazırlanmasında iştirak
etmişdir. 1934-cü ilin payızında Le-
ninqrad Konservatoriyası nəzdindəki
musiqi məktəbinə daxil olmuş, 1938-
ci ildə oranı bitirmişdir. 1939-cu ildən
ömrünün sonunadək Azərbaycan
Opera və Balet Teatrının dirijoru ol-
muşdur.
Ə.Bədəlbəyli ilk milli Azərbaycan
baleti - “Qız qalası”nın müəllifidir.
1941-ci ildə S.Vurğunun “Fərhad və
Şirin” əsərinə musiqi bəstələmişdir.
1965-ci ildə Q.Almaszadə ilə
birlikdə S.S.Axundovun eyniadlı po-
vesti əsasında bəstəkar Əşrəf Abba-
sovun “Qaraca qız” baletinə, 1968-
ci ildə qardaşı Turqud ilə birlikdə
C.Cabbarlının eyniadlı pyesi əsasında
R.Mustafayevin bəstələdiyi “Aydın”
operasına libretto yazmışdır.
1969-cu ildə “Elm” nəşriyyatında
Ə.Bədəlbəylinin “İzahlı monoqrafik
musiqi lüğəti” kitabı çap edilmişdir.
1970-ci ildə “Söyüdlər ağlamaz” ope-
rası tamaşaya qoyulmuşdur.
1971-ci ilin oktyabrında Xor
Cəmiyyətinin sədri vəzifəsinə seçil-
mişdir.
1940-cı ildə Azərbaycan SSR-in
“Əməkdar incəsənət xadimi”, 1960-
cı ildə “Xalq artisti” fəxri adlarına
layiq görülmüşdür. “Qırmızı Əmək
Bayrağı” və “Şərəf nişanı” ordenləri,
həmçinin bir sıra medallarla təltif
edilmişdir.
Əfrasiyab Bədəlbəyli 1976-cı il
yanvar ayının 9-da vəfat etmişdir.
Azərbaycan Respublikasının Pre-
zidenti İlham Əliyev 2007-ci il yanvar
ayının 24-də Əfrasiyab Bədəlbəylinin
100 illik yubileyinin keçirilməsi haq-
qında Sərəncam imzalamışdır.