129
Teatr.Kino
70
illiyi
Gülbəniz Əzimzadə
1947-2006
APREL
Gülbəniz Yusif qızı Əzimzadə 1947-
ci il aprel ayının 26-da Bakıda, ziyalı
ailəsində dünyaya göz açmışdır. Atası
Yusif Əzimzadə yazıçı, anası Gülnaz
Salamova isə rəssam idi. Erkən çağ-
larından ədəbiyyata maraq göstərmiş,
“Ulduz” jurnalında, “Молодежь
Азербайджана” qəzetində maraqlı ya-
zıları dərc olunmuşdur. Rəngkarlığa
böyük həvəs göstərmiş, səkkizinci sin-
fi bitirdikdən sonra 1963-cü ildə Əzim
Əzimzadə adına Dövlət Rəssamlıq
Məktəbinə qəbul olunmuş, 1968-
ci ilə qədər təsviri sənətin sirlərinə
yiyələnmişdir.
Gülbəniz Əzimzadə rəssamlıq və
yazıçılıq istedadını kinoda birləşdirmək
qərarına gəlmiş və SSRİ Xalq artis-
ti Ədil İsgəndərovun rəhbərlik et-
diyi ikiillik aktyor kurslarına daxil
olmuşdur. 1968-ci ildə C.Cabbarlı
adına “Azərbaycanfilm” kinostudi-
yasında Həsən Seyidbəylinin “Bizim
Cəbiş müəllim” bədii filminin çəkiliş
prosesində iştirak etmiş və beləliklə bu
sənətə ürəkdən bağlanmışdır.
1969-cu ildə Gülbəniz xanım
Moskvada Ümumittifaq Kinematoq-
rafiya İnstitutunun kino rejissorluğu
fakültəsinə, professor İ.Talankinin
sinfinə daxil olmuşdur. Diplom işi isə
R.İbrahimbəyovun ssenarisi əsasında
çəkdiyi “Nəğmə dərsi” qısametrajlı
bədii filmi (“Ömrün səhifələri” kinoal-
manaxı) olmuşdur.
1974-1998-ci illərdə “Azərbaycan-
film” kinostudiyasında quruluşçu-
rejissor işləmişdir. Filmləri bir sıra
kinofestivallarda mükafatlara layiq gö-
rülmüşdür. Anarın “Dantenin yubileyi”
povestini müəlliflə birgə 1978-ci ildə
ekranlaşdırmışdır. O, uzun illər Kine-
matoqrafçılar İttifaqında uşaq kinosu
bölməsinin müdiri olmuş, 1994-cü ildə
“Sinema-lümyer” kino klubunu ya-
ratmış, bir çox maraqlı kinolayihələr
həyata keçirmişdir. Azərbaycan Kine-
matoqrafçılar Birliyinin idarə heyətinin,
Azərbaycan Kinorejissorlar Gildiyası-
nın təftiş komissiyasının üzvü seçilmiş-
dir.
G.Əzimzadəyə böyük uğur qa-
zandıran “Təkcə adanı özünlə apara
bilməzsən” bədii filmi bir sıra mükafat-
lara layiq görülmüş, 1982-ci ildə filmin
yaradıcı heyətinə, o cümlədən rejissor
Gülbəniz Əzimzadəyə Azərbaycanın
“Lenin komsomolu” mükafatı verilmiş-
dir.
Bunlardan başqa, G.Əzimzadə “Qa-
ladan tapılan mücrü”, “Ötən ilin son
gecəsi”, “İmtahan”, “Qətl günü” kimi
maraqlı filmlərin də quruluşçu rejissoru-
dur. Onun “Müqəddəs oda yanaram” və
Orxan Fikrətoğlunun ssenarisi əsasında
çəkdiyi “Ümid” filmlərində Qarabağ
müharibəsinin gətirdiyi faciələr və in-
sanın həyatda öz yerini axtarması kimi
mühüm mövzular öz əksini tapmışdır.
2000-ci ildə Azərbaycan Respublika-
sının “Əməkdar incəsənət xadimi” fəxri
adına layiq görülmüşdür.
Gülbəniz Əzimzadə 2006-cı il de-
kabr ayının 7-də vəfat etmişdir.
Ə d ə b i y y a t
Fərəcov, S. Yaratdığı
ekran əsərləri onu
yaşadır /S.Fərəcov
//Mədəniyyət.- 2014.- 6
avqust.- S.14.
Günel. Film fondun-
da mərhum rejissor
Gülbəniz Əzimzadənin
65 illiyi qeyd edilib
/Günel //525-ci qəzet.-
2012.- 14 aprel.- S.17.
Kazımzadə, A.
Həyatını yaradıcılı-
ğa həsr edən qadın:
Gülbəniz Əzimzadə
- 65 /A.Kazımzadə
//Mədəniyyət.- 2012.-11
aprel.-S.12.
Kazımzadə, A. “Qətl
günü”nün rejissoru haq-
qında bilmədiklərimiz
/A.Kazımzadə //Mədəni
həyat.- 2015.- № 1.-
S.78; 81.
26
Rejissor
130
Teatr.Kino
100
illiyi
Məhluqə Sаdıqоvа
1917-2003
APREL
Məhluqə Ələsgər qızı Sadıqo-
va 1917-ci il aprel ayının 28-də
Şuşa şəhərində, sənətkar ailəsində
anadan olmuşdur. Beş il 1 saylı qız
məktəbində oxumuşdur. 1930-cu ildə
ailəsi Bakı şəhərinə köçmüş və o, 6
saylı məktəbdə yeddinci sinfi, 1936-cı
ildə isə Bakı Tibb Texnikumunun diş
texnikliyi fakültəsini bitirmişdir.
Texnikumda təhsil almaqla yanaşı
rəqs və dram dərnəklərində də məşğul
olmuş və Müslüm Maqomayev adına
Azərbaycan Dövlət Filarmoniyasının
Rəqs ansamblının üzvü kimi səhnəyə
çıxmışdır. 1936-cı ildə Akademik Milli
Dram Teatrına işə götürülmüşdür. Bu
sənət məbədində ilk rolu “Şahnamə”
əsərində Firuzə obrazı olmuşdur.
Həvəskar aktrisa kimi səhnəyə gəlişi
sonralar ona böyük uğur gətirmişdir.
Görkəmli sənət ustaları ilə ünsiyyəti,
öyrənməyə can atması, aktyor sənətinin
sirlərini rahat mənimsəməsi, müxtəlif
rolları fərqləndirməyi bacarması, obra-
zı olduğu kimi canlandırması tezliklə
onu həm kollektivə, həm də tamaşaçı-
lara sevdirmişdir. Aktrisa 54 il bu teatr-
da çalışmışdır.
1992-ci ildə, Bakı Bələdiyyə Teatrı
təzə yarananda həmin teatrda fəaliyyət
göstərməyə başlamışdır.
Azərbaycan teatr məktəbinə xas
olan yüksək peşəkarlıq, böyük emosi-
onal təsir gücü, zamanın ruhunu gözəl
əks etdirmək bacarığı onun yaradıcı-
lığında öz parlaq ifadəsini tapmışdır.
Aktrisa Azərbaycanın böyük
sənətkarlar nəslinin yaradıcılıq
ənənələrinə həmişə sadiq qalmışdır.
Səhnəmizə Azərbaycan qadını-
nın sadə və təmkinli danışığını, şi-
rin ləhcəsini gətirən Məhluqə Sadı-
qova XX əsr milli mədəniyyətimiz
tarixində məharətli bədii qiraət ustası
kimi də yaxşı tanınmışdır. O, uzun illər
Azərbaycan radiosunda “Bulaq” veri-
lişinin əvəzsiz aparıcısı olmuş, özünün
dərin təsir gücünə malik, emosional
və bənzərsiz səsi sayəsində tükənməz
xəzinə olan xalq yaradıcılığını
Azərbaycan dinləyicisinə sevdirməsi
ilə yaddaşlarda silinməz iz qoymuş-
dur. 40 ildən çox bu verilişin əvəzsiz
ifaçılarından biri olmuşdur. Məhluqə
Sadıqovanın səsi ulu keçmişimizdən
gəlirdi. Tərəf-müqabili Səməndər
Rzayevlə birlikdə “Bulağ”ı həqiqətən
sevilən, həvəslə gözlənilən bir veriliş
kimi təqdim edirdilər.
Üslub və forma, məzmun və
mahiyyət, estetik dəyər və psixoloji
tutum baxımından bütün janrlarda ha-
zırlanmış tamaşalarda iştirak etmişdir.
Aktrisa Sona, Gülüş, Yaxşı (“1905-ci
ildə”, “Sevil”, “Almas”, C.Cabbarlı),
Tərlan (“Həyat”, M.İbrahimov), İntizar
(“Vəfa”, R.Rza), Zəhra (“Şeyx Sənan”,
H.Cavid), Sonya (“Vanya dayı”,
A.Çexov) və s. rollarda məharətlə çı-
xış etmişdir.
Məhluqə Sadıqova 1949-cu
ildə Azərbaycan Respublikasının
“Əməkdar artist”, 1978-ci ildə “Xalq
artisti” fəxri adlarına layiq görülmüş,
Azərbaycan Respublikası Prezidenti-
nin fərdi təqaüdçüsü olmuşdur.
Milli teatr sənətinin tanınmış
nümayəndəsi, lirik və xarakterik ob-
razların mahir ifaçısı Məhluqə Sadıqo-
va 2003-cü il avqust ayının 15-də Bakı
şəhərində vəfat etmişdir.
Ə d ə b i y y a t
Xəlilzadə, F. Sənətdə keçən
ömürlər: Şuşanın gözəlləri
/F.Xəlilzadə //Azərbaycan.-
2012.- 6 may.- S.10.
Rəhimli, İ. Məhluqə
Sadıqova //Rəhimli İ.
Azərbaycan teatr tarixi.-
Bakı, 2005.- S.342-343.
Sadıqova Məhluqə
//Azərbaycan Sovet En-
siklopediyası: 10 cilddə.-
Bakı, 1984.- C.VIII.-
S.256-257.
28
Aktrisa