Teqvim-2017. pdf
Yüklə 5,26 Mb. Pdf görüntüsü
|
- Bu səhifədəki naviqasiya:
- Ə d ə b i y y a t
133 Milli Qəhrəmanlar 50 illiyi Rizvan Teymurov 1967-1991 APREL Rizvan Rəhman oğlu Teymurov 1967- ci il aprel ayının 16-da Şuşa rayonunun Quşçular kəndində, ziyalı ailəsində anadan olmuşdur. 1984-cü ildə doğma kəndlərində orta məktəbi bitirmişdir. Bir il sovxozda işləmiş, 1985-ci ildə ordu sı- ralarına çağırılmışdır. Əsgəri xidmətini Omsk şəhərində başa vurduqdan sonra vətənə qayıtmışdır. 1987-ci ildə Ru- siyanın Arxangelsk vilayətinə getmiş, 1990-cı ildə yenidən vətənə qayıdaraq iaşə xidməti sahəsində çalışmışdır. Şuşa rayon DİŞ-in Xüsusi Təyinatlı Polis Dəstəsi yarananda, dəstənin üzvlərindən biri də R.Teymurov olmuşdur. Bu dəstə Qaradağlı, Sırxavənd, Umudlu, Meşəli, Cəmilli kəndlərində erməni yaraqlıları- na qarşı mübarizədə iştirak etmişdir. R.Teymurov Qarabağ torpağını qarış- qarış gəzmişdi. O, Xankəndi, Kərkicahan ətrafındakı döyüşlərdə rəşadətlə vuruş- muşdu. 9 dekabr 1991-ci il... Bu tarix cəsur əsgərin son döyüşü olmuş, o, Xankəndi və Kərkicahan ətrafında gedən qanlı döyüşdə qəhrəmancasına həlak olmuş- dur.
Rizvan Teymurov Şuşa şəhərinin Quşçular kəndində dəfn olunmuşdur. Azərbaycan Respublikası Prezidenti- nin 8 oktyabr 1992-ci il tarixli 264 saylı Fərmanı ilə Teymurov Rizvan Rəhman oğluna ölümündən sonra “Azərbaycanın Milli Qəhrəmanı” fəxri adı verilmişdir. Bakının Nizami rayonundakı küçələr- dən birinə qəhrəmanın adı verilmişdir.
134 Milli Qəhrəmanlar 55 illiyi Rasim İbrahimov 1962-1992 APREL Rasim Səxavət oğlu İbrahimov 1962-ci il aprel ayının 18-də Bakı şəhəri Əzizbəyov rayonunun Çilov adasında, neftçi ailəsində anadan olmuşdur. 1969- cu ildə buradakı 131 saylı məktəbin birinci sinfinə getmiş və səkkizinci sinifədək həmin məktəbdə təhsil almış- dır. 1977-ci ildə C.Naxçıvanski adına Hərbi məktəbə daxil olan R.İbrahimov 1979-cu ilədək burada oxumuşdur. 1983-cü ildə Almaniyaya hərbi xidmətə göndərilən Rasim İbrahimov 1988-ci ildə Bakıya qayıtmış, bir müddət Respubli- ka Hərbi Komissarlığında çalışmışdır. Sonra Ağsu rayon Hərbi Komissarının müavini vəzifasinə təyin edilmişdir. Bu- rada işlədiyi müddətdə Baş Qərargahın Saratov şəhərindəki 3 aylıq kursunda oxumuşdur. Vətənə qayıtdıqdan sonra Füzuli rayonunda hərbi komissarın mü- avini kimi çalışmışdır. Həmin vaxtlar erməni silah- lı birləşmələri tez-tez Azərbaycanın sərhəd bölgələrinə hücüm edir, kəndləri, şəhərləri atəşə tuturdular. R.İbrahimov bu çətin, qarışıq vaxtda Füzuli rayonu- nun cəsur oğulları ilə birlikdə könüllü özünümüdafiə taboru yaradır. Təcrübəli zabit olduğunu nəzərə alaraq onu tabora komandir təyin edirlər. Bu tabor Füzuli rayonunun kəndlərini mərdliklə qoru- yurdu. Döyüşlərdə göstərdiyi şücaətə görə Rasim İbrahimova mayor rütbəsi verilmişdir. Tabor 1992-ci il 26 iyun tarixində Tuğ kəndi uğrunda döyüşlərdə onlarla erməni quldurunu məhv edərək digər dəstənin gəlib çatmamasından mühasirəyə dü- şür. Cəsur komandir R.İbrahimov dö- yüşçü dostlarını mühasirədən xilas edərkən özü düşmənin mühasirədə qalmış, ermənilərə təslim olmayaraq “Azərbaycan zabiti heç vaxt düşmənə təslim olmayacaq!”- deyərək özünü qumbara ilə partlatmışdır. Bakı şəhərinin Şəhidlər Xiyabanında dəfn edilmişdir. Ailəli idi. Bir qızı, bir oğlu var. Oğlu bu gün atasının yolunu davam etdirir. Azərbaycan Respublikası Prezi- dentinin 16 sentyabr 1994-cü il tarixli 203 saylı Fərmanı ilə İbrahimov Ra- sim Səxavət oğluna ölümündən sonra “Azərbaycanın Milli Qəhrəmanı” fəxri adı verilmişdir. Vaxtilə təhsil aldığı 131 saylı orta məktəb indi onun adını daşı- yır. Çilov adasında abidəsi ucaldılmış, qəhrəmanın adına xatirə bağı salınmış- dır.
Yüklə 5,26 Mb. Dostları ilə paylaş:
|