141
Tarixdə bu gün
Kəlbəcər rayonunun işğalı günü
1993
Kəlbəcər rayonu 1993-cü il aprel ayının 2-də
Ermənistan təcavüzkar qüvvələri tərəfindən işğal
olunmuşdur. Kəlbəcər rayonunun ərazisi 3054
km², əhalisinin sayı isə 85228 nəfərdir. Rayon
sakinləri hazırda Azərbaycanın 59 bölgəsində
məskunlaşmışlar.
Kəlbəcərin işğalı nəticəsində 511 nəfər həlak ol-
muş, 321 nəfər itkin düşmüş və girov götürülmüş-
dür, rayona 761 milyon ABŞ dolları məbləğində
ziyan dəymişdir. Ermənistan hərbi birləşmələrinin
martın 27-də başlanan genişmiqyaslı hücumu
Kəlbəcər rayonunun işğalı ilə başa çatmışdır.
Kəlbəcər Azərbaycanın işğal olunmuş rayonları
arasında ərazicə ən böyüyüdür. İşğal nəticəsində
rayon mərkəzi, 150-ə yaxın kənd, həmçinin on-
larla tarixi-mədəniyyət abidəsi, bir muzey, “İsti-
su” sanatoriyası və s. Ermənistan silahlı qüvvələri
tərəfindən məhv edilmişdir. Kəlbəcər rayonunun
işğalı Qarabağ müharibəsində Azərbaycanın ən
böyük hərbi-strateji məğlubiyyəti idi. Kəlbəcərin
süqutu ermənilərin sonrakı işğalçılıq planlarının
həyata keçməsinə - Azərbaycanın ayrılmaz, əzəli
torpağı olan Dağlıq Qarabağ və onun ətrafındakı
digər rayonların - Ağdam, Cəbrayıl, Füzuli, Qubad-
lı və Zəngilanın, ümumən 17 min kvadratkilometr
ərazidə ən məhsuldar torpaqlarımızın Ermənistan
silahlı qüvvələri tərəfindən zəbt olunmasına
şərait yaratmışdır. Dağlıq Qarabağın Ermənistana
birləşdirilməsi faktiki olaraq başa çatmışdır.
Kəlbəcərin işğalından sonra 3205 saylı iclas-
da BMT Təhlükəsizlik Şurası 822 saylı Qətnamə
qəbul etmiş, qətnamədə bütün işğalçı qüvvələrin
Kəlbəcər və Azərbaycanın digər işğal
olunmuş ra-
yonlarından dərhal çıxarılması tələb olunmuşdur.
Lakin indiyədək həmin qətnamədən irəli gələn
heş bir öhdəlik yerinə yetirilməmişdir. Sonr
adan
BMT Təhlükəsizlik Şurasının Ağdam rayonunun
azad edilməsi ilə bağlı 854-cü, Füzuli rayonu-
nun azad edilməsi ilə bağlı 874-cü və digər işğal
edilmiş rayonların azad edilməsi ilə bağlı 884-cü
qətnamələri qəbul edilmiş, lakin həmin qətnamələr
kağız üzərində qalmaqdadır. BMT-nin və ATƏT-in
prinsiplərinə zidd olaraq 1999-cu ildən Kəlbəcər ra-
yonu ərazisində ermənilərin məskunlaşdırılmasına
başlanılmışdır. Ermənistan beynəlxalq sənədlərdə
təsbit olunmuş müddəaları kobudcasına pozaraq,
bütün dünyanın gözü qarşısında Azərbaycanın
bənzərsiz mədəni sərvətlərini talamaqda, kütləvi
şəkildə məhv etməkdə davam edir.
İki Cənubi Qafqaz ölkəsi arasında münaqişə
1988-ci ildə Ermənistanın Azərbaycana qarşı
ərazi iddiası irəli sürməsi zəminində yaranmışdır.
Azərbaycan torpaqlarının iyirmi faizi, yəni Dağ-
lıq Qarabağ ərazisi və bu əraziyə daxil olan yeddi
rayon Ermənistan Silahlı Qüvvələrinin işğalı altın-
dadır. 1994-cü ildə tərəflər atəşkəs rejiminə dair
razılaşma əldə etmiş və o vaxtdan bəri ATƏT-in
Minsk qrupunun himayəsi altında, Rusiya, Fransa
və ABŞ-ın həmsədrliyi ilə hələ də nəticəsiz sülh
danışıqları aparılır.
BMT Təhlükəsizlik Şurasının Dağlıq Qarabağ
və ətraf rayonların azad edilməsinə dair qəbul et-
diyi dörd qətnaməni Ermənistan bu günə qədər
yerinə yetirməmişdir.
Ermənistanın yürütdüyü bu işğalçılıq və
terrorçuluq siyasəti uzun illərdən bəri dünya
ictimaiyyətinin gözü qarşısında baş verir. Halbuki,
beynəlxalq hüququn normalarına və prinsiplərinə
əsasən dövlətlərin sərhədlərinin toxunulmazlığına
hörmət edilməli, ərazi bütövlüyünün, suverenliyin
pozulmasına yol verilməməlidir.
www. kelbecer-ih.gov.az
APREL
2
Ərazisi: 3054 km²
Əhalisi: 85 228
142
Tarixdə bu gün
Аzərbаycаn Kitаbхаnа İşçilərinin I Qurultаyı
1962
APREL
11
1962-ci il aprel ayının 11-də M.Maqomayev
adına Azərbaycan Dövlət Filarmoniyasında
Azərbaycan Kitabxana İşçilərinin I Qurultayı ke-
çirilmişdir. Qurultayda Azərbaycan KP MK-nın
təbliğat və təşviqat şöbəsinin müdiri M.Qazıyev,
Azərbaycanın görkəmli kitabxanaşünas-biblioqraf
alimlərindən A.A.Xələvof, Ə.Xələfov və res-
publikanın digər tanınmış kitabxanaçıları iştirak
etmişlər.
Qurultayın gündəliyində “Sov.İKP-nın XXII qu-
rultayının qərarları ilə əlaqədar olaraq Azərbaycan
kitabxana işçilərinin vəzifələri haqqında” mövzusu
dururdu. Qurultayda kitabxanaların işini daha da
yaxşılaşdırmaq, müasir insanın hərtərəfli tərbiyə
olunmasında kitabxanaların rolunu yüksəltmək
üçün yollar müzakirə olunmuşdur.
Qurultay Azərbaycan KP MK-nın Təbliğat
və təşviqat şöbəsinin müdiri M.Qazıyevin nitqi
ilə açılmışdı. M.Qazıyev öz çıxışında respublika
kitabxanalarının Sov. İKP MK-nın “Ölkədə ki-
tabxana işinin vəziyyəti və onu yaxşılaşdırmaq
tədbirləri haqqında” qərarını yerinə yetirdiyini və
zəhmətkeşlərin mənəvi tərbiyəsi sahəsində xeyli
iş görüldüyü barədə danışmış, eləcə də kitabxa-
naların iş səviyyəsi xeyli yüksəldiyini, oxucuların
sayının artdığını, kitabxanaların maddi-texniki ba-
zasının möhkəmlənmdiyini qeyd etmişdir.
Digər çıxışçı - Azərbaycan SSR Mədəniyyət
naziri A.Bayramov “Partiyanın XXII qurultayının
qərarları ilə əlaqədar olaraq Respublika kitabxana
işçilərinin vəzifələri haqqında” adlı məruzə etmiş-
dir. Məruzəçi Azərbaycanda kitabxanaçılığın xeyli
inkişaf etdiyinə dair parlaq misallar gətirmişdir. O,
qeyd etmişdir ki, Sovet hakimiyyəti illərində res-
publikada həyata keçirilmiş mədəni inqilabın gözəl
təzahürlərindən biri də, əhalinin hər yüz nəfəri he-
sabına kitabxanalarda olan kitabların sayına görə
respublikamız nəinki qonşuluqdakı Türkiyəni,
hətta bir sıra Qərb ölkələrini də ötüb keçmişdir.
Qurultay yeni insan tərbiyəsi uğrunda fəal
mübarizə aparan kitabxana işçilərinin tərkibini
yaxşılaşdırmaq məsələsinə də diqqəti cəlb etmiş-
dir. Naxçıvan MSSR Mədəniyyət naziri Z.Əliyev,
Respublika Elmlər Akademiyası Əsas Kitabxana-
sının direktoru N.Axundov, Azərbaycan Dövlət
Universitetinin Kitabxanaçılıq və biblioqrafiya
fakültəsinin müəllimi Ə.Xələfov qeyd etmışlər
ki, kitabxanaçı kadrların hazırlanması işini
genişləndirmək və yaxşılaşdırmaq qarşıda duran
labüd vəzifədir.
Qurultayda bir çox mühüm vəzifələrin yerinə
yetirilməsi haqqında danışılmışdır. Nümayəndələr
yekdilliklə bildirmişdirlər ki, kitabxana vasitəsilə
hər bir ailəyə kitab çatdırılmasını təmin etmək üçün
respublikamızda kifayət qədər kitabxana və kitab
fondu vardır. Bunun üçün işi yaxşı təşkil etmək:
mövcud kitabxanaların necə yerləşdiyini nəzərdən
keçirmək, onları daha səmərəli yerləşdirmək, ic-
timai əsaslarla işləyən filialların, səyyar kitabxa-
naların və kitab verən məntəqələrin sayını xeyli
artırmaq, hansı idarəyə mənsub olmasından ası-
lı olmayaraq oxucuların bütün kitabxanalardan
istədikləri kitabları ala bilmələri üçün şərait yara-
dılmasını təmin etmək lazımdır.
Qurultay göstərdi ki, bütün bunlarla yanaşı,
respublikada bir çox kitabxanaların işi müasir
cəmiyyətin qarşısında qoyulmuş vəzifələrə hələ
də tam cavab vermir, zəhmətkeşlərin artan mədəni
tələblərini lazımınca ödəmir. Bununla əlaqədar
olaraq qurultay respublikada kitabxana işini inki-
şaf etdirməyi, rəhbərliyi daha da gücləndirməyi,
oxuculara xidməti günün tələbləri səviyyəsinə
qaldırmağı, oxucu fəallarının sayını artırmağı və
onların köməyindən geniş istifadə etməyi, yüksək
səviyyəli kitabxana işçiləri hazırlamağı və onların
siyasi biliklərini artırmağı mühüm bir vəzifə kimi
qarşıya qoydu.
Ə d ə b i y y a t
Quliyev, T. Azərbaycanda kitabxanaçılıq işi: Respublika
Həmkarlar İttifaqı kitabxanalarının materialları əsasında
/T.Quliyev; elmi red. A.A.Xələfov.- Bakı, 2004.- H.II.- S.18-19.