16
Musiqi.Opera
Mirzə Mansur
1887-1967
Y
ANV
AR
Mirzə Mansur Məşədi Məlik oğlu
Mansurov 1887-ci il yanvar ayının 5-də
(köhnə tarixlə yanvarın 17-də) Bakı
şəhərində anadan olmuşdur. 11 yaşın-
da Sınıq-qala məscidindəki mədrəsədə
təhsil almış, burada fars dilini mükəmməl
öyrənmişdir. Daha sonra atası Məşədi
Məlik onu rus-tatar məktəbinə qoymuş,
Mansur orada 4 il təhsil almışdır. Kiçik
yaşlarından tar çalmağa başlayan Mirzə
Mansurun atası Məşədi Məlik musiqi
aləmi ilə sıx bağlı olmuşdur. Mansur
evlərində tez-tez keçirilən Bakı muğam
məclislərinin şahidi olmuş, birdəfəlik
taleyini musiqiyə bağlamışdır. İlk tar
dərslərini də o zamanın ən məşhur
tarzəni Mirzə Fərəc Rzayevdən almış-
dır. İfa etdiyi ilk muğamlar da “Rast” və
“Şur” muğamları olmuşdur.
Mirzə Mansur haqlı olaraq
Azərbaycan muğam sənətinin tanınmış
nəzəriyyəçisi kimi qəbul edilir. Peşəkar
tarzən kimi o, Sadıqcan məktəbinin la-
yiqli davamçısı idi.
Görkəmli tarzən 1920-ci ildən baş-
layaraq Üzeyir Hacıbəylinin təşkil et-
diyi Dövlət Türk Musiqi Məktəbində,
1926-1946-cı illərdə isə Azərbaycan
Dövlət Konservatoriyasında muğamdan
dərs vermişdir. O, Üzeyir Hacıbəylinin
təşəbbüsü ilə tar sinfi üçün ilk muğam-
ların tədris proqramının tərtibçilərindən
biri olmuşdur. Ü.Hacıbəyli Mirzə Man-
suru istedadlı tarzən, müəllim, mu-
ğam sənətinin sirlərini bilən ifaçı kimi
qiymətləndirmiş, hətta bəzi məsələlərlə
bağlı Mirzə Mansurla məsləhətləşmişdir.
Belə ki, muğamların nota salınmasın-
da Üzeyir bəyin məhz Mirzə Mansur
yaradıcılığına müraciət etməsi heç də
təsadüfi olmamışdır. Axı, məhz Man-
surovlar klassik muğamların ifaçılıq
ənənələrini qoruyub saxlamışdılar. Üze-
yir bəyin tapşırığı ilə gənc bəstəkarlar
Tofiq Quliyev və Zakir Bağırov Mirzə
Mansurun ifasından 1930-cu illərin or-
talarında “Rast”, “Dügah” və “Zabul”
muğamlarını ilk dəfə nota salmışlar.
Mirzə Mansur tarın bütün incəliklə-
rinə bələd idi. Ü.Hacıbəylinin təşəbbüsü
ilə o, tar alətini təkmilləşdirmiş, tarın
rekonstruksiyasına gətirdiyi yeniliklər
ifaçıların işini xeyli asanlaşdırmışdır.
Mirzə Mansurun yenilik verdiyi 4 tar-
dan biri Ermitaj, ikincisi Luvr, üçüncüsü
isə İstanbul muzeylərində qorunur. So-
nuncu tarı isə özünə saxlamışdı.
Mirzə Mansurun tarda ifa etdiyi iki
maqnitofon yazısı qalıb: “Xocəstə” və
“Mahur-hindi” muğamları.
1940-cı ildə Mirzə Mansur Man-
surova Azərbaycan SSR-in “Əməkdar
incəsənət xadimi” fəxri adı verilmişdir.
Görkəmli tarzən və müəllim Mirzə
Mansur 1967-ci il iyun ayının 30-da, 80
yaşında vəfat etmişdir. Bakı şəhərində,
Yasamaldakı köhnə qəbiristanlıqda dəfn
edilmişdir.
Ə d ə b i y y a t
Mansurov, E. Mansu-
rovlar: Azərbaycan Res-
publikasının Xalq artisti,
görkəmli tarzən Bəhram
Mansurovun anadan ol-
masının 100 illiyinə ithaf
edilir /E.Mansurov; elmi
red. İ.Rəhimli.- Bakı:
Çaşıoğlu, 2011.- 285 s.
Əzimli, T. Ustad
sənətkar Mirzə Mənsur
haqqında xatirələr
/T.Əzimli //Ədalət.-
2015.- 3 noyabr.- S.6.
Fərəcov, S. Mahir
tarzən, qayğıkeş
müəllim /S.Fərəcov
//Mədəniyyət.- 2013.- 23
oktyabr.- S.15.
İ n t e r n e t d ə
http://anl.az/down/
meqale/adalet/2015/
noyabr/461750.htm
5
130
illiyi
Tarzən
17
Musiqi.Opera
Elmira Abasova
1932-2009
Y
ANV
AR
Abasova Elmira Əbdülhəmid qızı
1932-ci il yanvar ayının 10-da Bakı
şəhərində anadan olmuşdur. 1946-1950-
ci illərdə Asəf Zeynallı adına Bakı Mu-
siqi Məktəbində oxumuş, eyni zamanda
1949-cu ildə 18 saylı məktəbi qızıl me-
dalla bitirmişdir.
1950-1955-ci illərdə Azərbaycan
Dövlət Konservatoriyasında musiqişü-
naslıq ixtisası üzrə təhsil almışdır.
1958-ci ildə Azərbaycan Bəstəkarlar
İttifaqına üzv qəbul edilmiş, ittifaqın
musiqi tənqidi bölməsinin sədri, kati-
bi işləmişdir. Elmira Abasova 1967-ci
ildən Azərbaycan Dövlət Konservato-
riyasında dosent, 1980-ci ildən isə pro-
fessor kimi pedaqoji fəaliyyətini davam
etdirmişdir.
1962-ci ildə Moskva Ü
mumittifaq
Sənətşünaslıq İnstitutunda “Üzeyir
Hacıbəyovun komediyalarında opera və
musiqi” mövzusunda namizədlik dis-
sertasiyası müdafiə etmişdir.
Elmira Abasova yeganə qadın rektor-
dur ki, uzun müddət Azərbaycan Dövlət
Konservatoriyasına rəhbərlik etmişdir.
Onun yaradıcılığının mərkəzində həmişə
Üzeyir Hacıbəyli irsinin tədqiqi daya-
nırdı. Müəllif tərəfindən dahi bəstəkar
haqqında beş kitab və 1961-ci ildə ilk
biblioqrafiya yazılmışdır.
Elmira Abasovanın digər tədqiqat işi
dünya şöhrətli bəstəkar Qara Qarayevin
yaradıcılığıdır. Onun tədqiqatları Qara
Qarayevə həm dünyada, həm də doğma
vətənində əbədiyaşarlıq gətirdi.
Eyni zamanda Soltan Hacıbəyov,
Niyazi, Bülbül, Səid Rüstəmov, Fikrət
Əmirov, Rauf Hacıyev, Rəşid Behbu-
dov, Qurban Pirimov, Bəhram Mansu-
rov, Cövdət Hacıyev, Arif Məlikov və
başqalarının yaradıcılığı ilə bağlı El-
mira Abasovanın tədqiqatları görkəmli
sənətşünaslar tərəfindən yüksək
dəyərləndirildi.
Elmira Abasovanın araşdırdığı elmi-
tədqiqat işlərindən biri də Azərbaycan
muğamları olub. Onun tədqiqatları
həmişə orijinallığı və dolğunluğu ilə
seçilir, hər bir janrın funksiyasını,
üslub xüsusiyyətini və Azərbaycan
bəstəkarlarının yaradıcılığındakı təsirini
elmi dəlillərlə sübut edirdi.
1971-ci ildə Moskvada, 1973-cü ildə
Alma-Atada, 1978, 1983, 1987-ci illərdə
Səmərqənddə keçirilən Beynəlxalq mu-
siqi simpoziumlarının iştirakçısı və
məruzəçisi olmuşdur. 22 kitabın, 300-
dən artıq məqalənin müəllifidir.
1967-ci ildə Azərbaycan Respubli-
kasının “Əməkdar incəsənət xadimi”
fəxri adına layiq görülmüşdür. 1981-ci
ildə “Qırmızı Əmək bayrağı” ordeni
ilə təltif edilmişdir. 1992-ci ildə Üzeyir
Hacıbəyov Cəmiyyətinin fəxri sədri se-
çilmişdir.
Görkəmli musiqişünas, professor
Elmira Abasova 2009-cu ildə vəfat et-
mişdir.
Ə d ə b i y y a t
Üzeyir Hacıbəyov
ensiklopediyası /müəl.
və red. hey.: E.Abasova
və b.; Azərbaycan
Mədəniyyətinin Dostları
Fondu.- Bakı, 2007.-
264+[16] s.
Abasova Elmira
//Azərbaycanın tanınmış
xanımları. Ensiklopedik
nəşr /tərt. ed. və baş
red. E.İsgəndərzadə;
ing. dilinə tərc. ed. və
ing. mətninin red-ru
A.Qədiməliyeva.- Bakı,
2002.- S.4.
Dadaşzadə, Z. Elmi-
ra Abasova müasir
Azərbaycan musiqisi-
nin araşdırıcısı kimi
/Z.Dadaşzadə //Musiqi
dünyası.- 2010.- № 1-2.-
S.27-29.
Əfəndiyeva, İ.
Elmira Abasovanın
tədqiqatlarında nəzəri
problemlərin araşdırıl-
ması /İmruz Əfəndiyeva
//Musiqi dünyası.- 2010.-
№ 1-2.- S.29-31.
Xəlilzadə, F. Yorulmaz
tədqiqatçı, unudulmaz
pedaqoq: Elmira Aba-
sova - 80 /F.Xəlilzadə
//Azərbaycan.- 2012.- 14
yanvar.- S.5.
10
85
illiyi
Musiqişünas